၂၀၁၆ ခုနှစ် မေ ၁၀ ရက်က တရုတ်အရှေ့ပိုင်းရှိ ဈေးတစ်ခုတွင် ခရမ်းချဉ်သီးရွေးနေကြသူများ (Photo- AFP)
၂၀၁၆ ခုနှစ်နှင့် နှိုင်းယှဉ်ပါက ၂၀၁၇ ခုနှစ်အတွင်းက ကမ္ဘာလုံးဆိုင်ရာ စားနပ်ရိက္ခာဈေးနှုန်းသည် ၈ ဒသမ ၂ ရာခိုင်နှုန်း မြင့်တက်ခဲ့သည်ဟု ကုလသမဂ္ဂ စားနပ်ရိက္ခာ အေဂျင်စီ (FAO) က ဇန်နဝါရီ ၁၂ ရက်တွင် ထုတ်ပြန်ခဲ့သည်။
စားနပ်ရိက္ခာနှင့်စိုက်ပျိုးရေး အဖွဲ့ FAO ၏ စားနပ်ရိက္ခာအညွှန်းကိန်းတွင် ၂၀၁၇ ခုနှစ်အတွက် ပျမ်းမျှ ၁၇၄ ဒသမ ၆ မှတ်ဖြစ် နေရာ ၂၀၁၄ ခုနှစ်နောက်ပိုင်း အမြင့်ဆုံးနှစ်စဉ်ပျမ်းမျှအမှတ် ဖြစ်လာခဲ့သည်။
၂၀၁၇ ခုနှစ် ဒီဇင်ဘာတစ်လတည်းမှာ ပင်အညွှန်းကိန်း၏အမှတ်သည် ၁၆၉ ဒသမ ၈ မှတ်ရှိခဲ့ပြီး နိုဝင်ဘာလကထက် ၃ ဒသမ ၃ ရာခိုင်နှုန်း လျော့ကျသွားခြင်းဖြစ်ကြောင်း FAO ၏ ထုတ်ပြန်ချက်က ဖော်ပြခဲ့သည်။ FAO ၏ အညွှန်းကိန်းဆိုသည်မှာ နိုင်ငံတကာ၌ စားနပ်ရိက္ခာဈေးနှုန်းများ လစဉ်ပြောင်းလဲမှုကို တိုင်းတာခြင်းတစ်ခု ဖြစ်သည်။ မည်သို့ ပင်ဖြစ်စေ ၂၀၁၇ ခုနှစ်အတွင်း တစ်ကမ္ဘာလုံးတွင် သကြားနှင့်နှမ်းဆီမှလွဲ၍ အစားအစာ အမျိုးအစားအားလုံး၏ဈေးနှုန်းမှာ မြင့်တက်လာခဲ့ကြသည်ဟု သိရသည်။
၂၀၁၆ ခုနှစ်နှင့် နှိုင်းယှဉ်ပါက ၂၀၁၇ ခုနှစ်တွင် သကြားဈေးနှုန်းမှာမူ ၁၁ ဒသမ ၂ ရာခိုင်နှုန်းကျဆင်းခဲ့ပြီး ကမ္ဘာပေါ်တွင် သကြားအများဆုံးထုတ်သည့် ဘရာဇီးတွင် အမြောက်အမြား စိုက်ပျိုးထုတ်လုပ်မှုကြောင့် ဖြစ်သည်ဟု သိရသည်။
Ref ; AFP
