<

စော်ကားသော မှတ်ချက်များကြောင့် ကမ္ဘာတစ်ဝန်းဒေါသထွက်မှု ပျံ့နှံ့ခဲ့ပြီးနောက် ထရန့်က အပြင်းအထန်ဖြေရှင်းခဲ့ရ

ဟေတီငလျင် ရှစ်နှစ်ပြည့် အထိမ်းအမှတ်ပြုလုပ်ရန်နှင့် ထရန့်၏မှတ်ချက်အား ရှုတ်ချရန် ဇန်န၀ါရီ ၁၂ ရက်က ဖလော်ရီဒါတွင် စုဝေးနေကြသူများ (Photo – AFP)

စုတ်ပြတ်သတ်သော နိုင်ငံများမှ ရွှေ့ပြောင်းအခြေချများဟု စော်ကားရှုတ်ချခဲ့သည့် အသုံးအနှုန်းကို အသုံးပြုခဲ့ကြောင်း သတင်းထွက်ပေါ်ခဲ့ပြီးနောက် ကမ္ဘာတစ်ဝန်း ဒေါသထွက်မှုအား ပြေလျော့စေရန် အမေရိကန် သမ္မတဒေါ်နယ်ထရန့်က ဇန်န၀ါရီ ၁၂ ရက်တွင် အပြင်းအထန်ကြိုးပမ်းခဲ့ရသည်။ အမနာပ ပြောခဲ့သည့် ယင်းမှတ်ချက်များအတွက်ထရန့်သည် ပြည်တွင်း၌ ပြင်းပြင်းထန်ထန်ဝေဖန်ခံခဲ့ရပြီး ပြည်ပ၌လည်း လူမျိုးရေးခွဲခြားသည်ဟု ရှုတ်ချခံခဲ့ရသည်။

ကုလသမဂ္ဂတွင် အာဖရိကနိုင်ငံများ၏ တစ်ညီတစ်ညွတ်တည်း ကန့်ကွက်ရှုတ်ချမှုခံခဲ့ရပြီး အမေရိကန်သံတမန်နှစ်ဦးထက် မနည်းဆင့်ခေါ်ခံရကာ ဖြေရှင်းခဲ့ရသည့်ယင်း မှတ်ချက်များသည် သမ္မတထရန့်က လူမျိုးရေးအရ စွပ်စွဲပြောဆိုမှု တသီတတန်း၏ နောက်ဆုံးစကားများ ဖြစ်သည်။

ရွှေ့ပြောင်းအခြေချများဆိုင်ရာ ပြုပြင်ပြောင်းလဲမှုများဆောင်ရွက်ရန် အိမ်ဖြူတော်တွင် ဇန်န၀ါရီ ၁၁ ရက်က ဥပဒေပြုအမတ်များနှင့် တွေ့ဆုံဆွေးနွေးစဉ် ယင်းကဲ့သို့မှတ်ချက်များပေးခဲ့ကြောင်း စွပ်စွဲမှုများကို ထရန့်က ဇန်န၀ါရီ ၁၃ ရက်အစောပိုင်း၌ Twitter တွင် ငြင်းဆန်ခဲ့သည်။ ယင်းဆွေးနွေးမှု၌ ၎င်းအသုံးပြုခဲ့သည့် စကားများသည် ကြမ်းတမ်းခဲ့သည်မှန်သော်လည်း ယင်းအသုံးအနှုန်းများ မဟုတ်ကြောင်း ၀ါရှင်တန်ပို့စ်နှင့် နယူးယောက် တိုင်းမ်တို့က ကိုးကားဖော်ပြခဲ့သည့် မှတ်ချက်များကို ရည်ညွှန်းလျက် ထရန့်က ငြင်းဆိုခဲ့သည်။

သို့သော် ယင်းဆွေးနွေးပွဲတက်ရောက်ခဲ့သည့် ဒီမိုကရက်အထက်လွှတ်တော်အမတ် ဒစ်ဒါဘန်းက ထရန့်သည် ဆိုးရွားပြီး လူမျိုးရေးခွဲခြားသည့်အသုံးအနှုန်းကို အကြိမ်ကြိမ် သုံးခဲ့ကြောင်း ဝေဖန်ပြောကြားခဲ့သည်။ Dreamers ဟု လူသိများသော လူငယ်ရွှေ့ပြောင်းအခြေချ ၈၀၀၀၀၀ အား နေရပ်ပြန်ပို့မှုမှ ကာကွယ်ပေးပြီး အပြန်အလှန်အားဖြင့် ရွှေ့ပြောင်းအခြေချများက ၎င်းတို့၏ မိသားစုဝင်များကို အမေရိကန် နိုင်ငံထဲသို့ ခေါ်ယူမှုကို ကန့်သတ်ရန်၊ Green Card ဗီဇာကံစမ်း အစီအစဉ်အား ကန့်သတ်ရန်နှင့် နယ်စပ်လုံခြုံရေးကို အရှိန်မြှင့်ရန် သဘောတူညီချက်ကို ပါတီနှစ်ရပ်စလုံးက အိမ်ဖြူတော်၌ ဆွေးနွေးခဲ့ခြင်း ဖြစ်သည်။

အာဖရိကနိုင်ငံများ၊ ဟေတီ၊ အယ်ဆယ်ဗေးဒိုးတို့မှ ရွှေ့ပြောင်းအခြေချများအား ကာကွယ်ပေးရန်အကြောင်းကို အမတ်များက ဆွေးနွေးချိန်တွင် ထရန့်က ဥပမာချမ်းသာပြီး လူဖြူအများစုဖြစ်သော နော်ဝေမှထက် ဆင်းရဲစုတ်ပြတ်သည့် နိုင်ငံများမှ ရွှေ့ပြောင်း အခြေချများကို အမေရိကန်က လက်သင့်ခံသင့်သလားဟု ပြောကြားခဲ့ကြောင်း သတင်းများက ဖော်ပြခဲ့ခြင်းဖြစ်သည်။ ဟေတီပြည်သူများအား နှိမ့်ချသော အသုံးအနှုန်းသုံးခဲ့ခြင်းမရှိဟု ထရန့်က ငြင်းဆိုခဲ့ပြီး ဒီမိုကရက်များက လုပ်ကြံခဲ့ခြင်းဖြစ်ကြောင်း ၎င်းက ပြောကြားခဲ့သည်။

ကုလသမဂ္ဂ၏ အာဖရိကသံအမတ်များဆိုင်ရာအဖွဲ့က ထရန့်၏မှတ်ချက်များအား ရှုတ်ချခဲ့ပြီး ယင်းစကားကို ပြန်လည်ရုပ်သိမ်း၍ တောင်းပန်ရန် တောင်းဆိုခဲ့သည်။ ထရန့်၏ ယင်းမှတ်ချက်များကို ရီပက်ဘလီကင် ပါတီရော ဒီမိုကရက်ပါတီကပါ ပြင်းပြင်းထန်ထန် ဝေဖန်ခဲ့ကြသည်။

Ref ; AFP

January 13, 2018














Copy Protected by Chetan's WP-Copyprotect.