<

သူပုန်တိုက်ခိုက်မှုများအပြီး ELN သူပုန်အဖွဲ့နှင့် အပစ်အခတ်ရပ်စဲရေး ဆွေးနွေးပွဲ ဆိုင်းငံ့ဟု ကိုလံဘီယာကြေညာ

ဇန်န၀ါရီ ၁၀ ရက်က အီကွေဒေါတွင် ကြေညာချက် ဖတ်ကြားပြီးနောက် ပြန်ထွက်လာသော ELN သူပုန်အဖွဲ့ခေါင်းဆောင် ပါဘလိုဘယ်ထရန် (Photo: AFP)

ဇန်န၀ါရီ ၁၀ ရက်အစောပိုင်းတွင် ပြောက်ကျားတိုက်ခိုက်မှုများဟုဆိုသည့် တိုက်ခိုက်မှုများအား တုံ့ပြန်သည့်အနေဖြင့် ကိုလံဘီယာသမ္မတ ဟွမ်မန်နျူရယ်ဆန်းတို့စ်က အမျိုးသားလွတ်မြောက်ရေးတပ်မတော် (ELN) သူပုန်အဖွဲ့နှင့် အပစ်အခတ်ရပ်စဲရေးဆွေး နွေးမှုအား ဆိုင်းငံ့ကြောင်း ကြေညာခဲ့သည်။

ကိုလံဘီယာတွင် နောက်ဆုံးကျန်ရှိသော သူပုန်အဖွဲ့ ELN နှင့် ငြိမ်းချမ်းရေးဆွေးနွေးပွဲများအား အိမ်နီးချင်းအီကွေဒေါ၏ မြို့တော် ကေတိုတွင် ဇန်န၀ါရီ ၁၀ ရက်၌ ပြန်လည်ပြုလုပ်ရန် စီစဉ်ထားသည်။ သို့သော် ကိုလံဘီယာအစိုးရနှင့် ထိုသူပုန်အဖွဲ့အကြား ၁၀၁ ရက်ကြာမြင့်ခဲ့သော အပစ်အခတ်ရပ်စဲရေး သဘောတူညီချက်သည် မည်သည့်သဘောတူညီချက်မျှ ထပ်မတိုးနိုင်ဘဲ ယင်းနေ့ညသန်းခေါင်တွင် ကျော်လွန်သွားခဲ့ခြင်းဖြစ်သည်။

ELN အဖွဲ့သည် အရပ်သားများ၊ အစိုးရ တပ်များနှင့် အခြေခံအဆောက်အအုံများအား အကြမ်းဖက်တိုက်ခိုက်မှုများကို ဆက်လက်လုပ်ဆောင်ခဲ့ကြောင်း ဆန်းတို့စ်က ပြောကြားခဲ့သည်။ ELN တပ်မှူး ပါဘလိုဘယ်ထရန်က အစိုးရအနေဖြင့် ပြန်လည်စဉ်းစားရန် တောင်းဆိုခဲ့ပြီး သူပုန်အဖွဲ့သည် အပစ်အခတ်ရပ်စဲရေး သက်တမ်းတိုးရန်အတွက် ဆွေးနွေးပွဲပြုလုပ်လိုကြောင်း ပြောကြားခဲ့သည်။ ကိုလံဘီယာ၏ငြိမ်းချမ်းရေးကြိုးပမ်းမှုများအား အားပေးရန် ယခုသီတင်းပတ်ကုန်တွင် ကုလသမဂ္ဂအတွင်းရေးမှူးချုပ် အန်တို နီယိုဂူတာရက်က ကိုလံဘီယာသို့ လာရောက်ရန် စီစဉ်ထားစဉ် ယင်းလိပ်ခဲတည်းလည်း အခြေအနေ ဖြစ်ပွားခဲ့ခြင်းဖြစ်သည်။

ကိုလံဘီယာအစိုးရနှင့် ELN သူပုန်အဖွဲ့တို့သည် အပစ်အခတ်ရပ်စဲရေးဆွေးနွေးပွဲအား အလျင်အမြန်ပြန်လည်စတင်ရန် ကုလသမဂ္ဂလုံခြုံရေးကောင်စီတွင် ဗြိတိန်နှင့် ဆွီဒင်တို့က တိုက်တွန်းခဲ့ကြသည်။ ကိုလံဘီယာ သမ္မတဆန်းတို့စ်က ၎င်း၏ ရုပ်သံမိန့်ခွန်းတွင် အသေးစိတ် မပြောကြားခဲ့သော်လည်း ဗင်နီဇွဲလားနှင့် နယ်စပ်ထိစပ်နေသော ELN အဖွဲ့၏ ခြေကုပ်ဖြစ်သည့် အရူကာတွင် ရေတပ် အစောင့်စခန်းတစ်ခုသည် လက်ပစ်ဗုံးဖြင့် ပစ်ခတ်တိုက်ခိုက်ခံခဲ့ရကြောင်း တာဝန်ရှိသူများက ပြောကြားခဲ့သည်။ ယင်းတိုက်ခိုက်မှု အတွင်း တပ်ဖွဲ့ဝင်နှစ်ဦး ဒဏ်ရာရခဲ့ကြောင်း မီဒီယာများက ဖော်ပြခဲ့ကြသည်။

အစိုးရနှင့် ELN သူပုန်အဖွဲ့တို့သည် အပစ်အခတ်ရပ်စဲမှုအား သက်တမ်းတိုးလိုကြောင်း သီးခြားစီ ထုတ်ပြန်ခဲ့ကြသော်လည်း အပြန်အလှန်စွပ်စွဲနေမှုများကြောင့် သဘောတူညီချက် မရရှိနိုင်ဘဲ ဖြစ်နေသည်။ အောက်တိုဘာ ၁ ရက်တွင် အပစ်အခတ်ရပ်စဲမှု စတင် ခဲ့ပြီးနောက်ပိုင်း သဘောတူညီချက်အား ချိုးဖောက်မှုရှိသည်ဟု တစ်ဖက်နှင့်တစ်ဖက် စွပ်စွဲခဲ့ကြသည်။

၂၀၁၆ ခုနှစ် နိုဝင်ဘာတွင် ကိုလံဘီယာ အင်အားအကြီးဆုံးသူပုန်အဖွဲ့ FARC နှင့် အစိုးရတို့အကြား ငြိမ်းချမ်းရေးသဘောတူ ညီချက်ရရှိခဲ့ပြီးနောက်ပိုင်း ELN သူပုန်အဖွဲ့ နှင့်သာ ငြိမ်းချမ်းရေးသဘောတူညီချက် ရရှိခဲ့ပါက တောင်အမေရိကရှိ ကိုလံဘီယာတွင် ရာစုနှစ်ထက်ဝက်ခန့် ကြာမြင့်ခဲ့သော လက်နက်ကိုင်ပဋိပက္ခကို အဆုံးသတ်နိုင်မည်ဖြစ်သည်။

 

 














Copy Protected by Chetan's WP-Copyprotect.