ဥရောပတွင် အပူချိန်ကျဆင်းမှုကြောင့် သေဆုံးသူဦးရေ မြင့်တက်လာ

ဇန်န၀ါရီ ၁၀ ရက်က ဆီးနှင်းထူထပ်စွာ ကျဆင်းခဲ့ပြီးနောက် အေသင်မြို့ရှိ ရှေးဟောင်းသမိုင်းဝင်နေရာ Olympion Zeus တွင်သွားလာနေသော အမျိုးသမီးတစ်ဦး (Photo:AFP)

ဥရောပတစ်လွှားတွင် ရေခဲမှတ်အောက် လျော့နည်းသည့် အပူချိန်တို့ကြောင့် ပြီးခဲ့သည့် ရက်အတွင်းမှာပင် သေဆုံးသူဦးရေမှာ ၆၀ ကျော်သွားပြီဖြစ်ကြောင်း အစိုးရအရာရှိများက ဇန်န၀ါရီ ၁၀ ရက်တွင် ထုတ်ပြန်ခဲ့သည်။ အထူးသဖြင့် ပိုလန်၊ ရိုမေးနီးယားနှင့် ဘော်လ်ကန်တို့မှ ရွှေ့ပြောင်းအခြေချသူများနှင့် အိမ်ခြေယာမဲ့တို့မှာ အန္တရာယ်ကြုံတွေ့ရနိုင်ဆုံးလူများ ဖြစ်နေကြကြောင်း သိရသည်။

ပြီးခဲ့သည့် ၂၄ နာရီ ကာလအတွင်းက ဥရောပတစ်လွှားတွင် အပူချိန်များထိုးကျခဲ့ရာ ပိုလန်တွင် လူခြောက်ဦးနှင့် ဘော်လ်ကန်ဒေသ နိုင်ငံများတွင် ခုနစ်ဦး သေဆုံးခဲ့သည်။ ရိုမေးနီးယားတွင်မူ ပြီးခဲ့သည့်ရက်များ အတွင်းက လူခြောက်ဦး သေဆုံးခဲ့သည်ဟု သိရသည်။ ပိုလန် အာဏာပိုင်များ၏ ထုတ်ပြန်ချက်အရ ၎င်းတို့နိုင်ငံတွင် နိုဝင်ဘာ ၁ ရက်နောက်ပိုင်း ကိုယ်အပူချိန် အလွန်အမင်း ကျဆင်းမှုကြောင့် သေဆုံးရသူဦးရေမှာ ၇၁ ဦးအထိ မြင့်တက်လာပြီဟု သိရသည်။

ထို့ကြောင့် အပူချိန်အနုတ် ၂၀ ဒီဂရီအောက် ကျဆင်းနေစဉ် အိမ်ခြေယာမဲ့အစရှိသော ခုခံကာကွယ်နိုင်မှု အားအနည်းဆုံးသူများကို ကာကွယ်ပေးကြရန် ပိုလန်ရဲများအား ပြည်သူများကို တိုက်တွန်းထားသည်။ ပိုလန်နိုင်ငံ၏ ယခင်နှစ် ဆောင်းရာသီသည် ပုံမှန်မဟုတ်ဘဲ အအေးပေါ့ခဲ့သော်လည်း သေဆုံးသူ ၇၇ ဦးရှိခဲ့သည်။ ဘော်လ်ကန်ဒေသတွင်း နိုင်ငံများဖြစ်သော ဆားဘီးယား၊ မက်ဆီဒိုးနီးယားတို့တွင် သေဆုံးသူ သုံးဦးစီရှိပြီး အယ်ဘ်ဘေးနီးယားတွင် ပြီးခဲ့သည့် ၂၄ နာရီအတွင်း တစ်ဦးသေဆုံးခဲ့သည်။ ဆလိုဗက်ကီးယားနှင့် ရိုမေးနီးယားတို့တွင်မူ ပြီးခဲ့သည့် ရက်များအတွင်းက သေဆုံးသူခြောက်ဦးစီ ရှိခဲ့သည်။

ဥရောပတစ်လွှားတွင် အပူချိန်ကျဆင်းမှုကြောင့် ရက်အနည်းငယ် အတွင်းမှာပင် သေဆုံးသူ ၆၀ ကျော်လာခဲ့ပြီး အများစုမှာ ရွှေ့ပြောင်း အခြေချသူများ၊ အိမ်ခြေယာမဲ့များ ဖြစ်ကြသည်။

Writer: 
Ref:AFP