IS အဖွဲ့နှင့်ဆက်နွှယ်သော အင်ဒိုနီးရှား အစွန်းရောက် အဖွဲ့တစ်ဖွဲ့အား အမေရိကန်က အကြမ်းဖက် အဖွဲ့အစည်းစာရင်းသို့ ထည့်သွင်း

၂၀၁၄ ခုနှစ် အောက်တိုဘာ ၁၃ ရက်က အရှေ့ဂျာဗားကျွန်းစုရှိ ဆူရာဘာယာလေဆိပ်တွင် အကြမ်းဖက်မှု တိုက်ဖျက်ရေး လေ့ကျင့်မှု၌ တွေ့ရသော အင်ဒိုနီးရှား ရေတပ်အထူးတပ်ဖွဲ့ ကွန်မန်ဒိုများ (Photo:AFP)

ပြီးခဲ့သောနှစ်တွင် အင်ဒိုနီးရှားနိုင်ငံ မြို့တော်ဂျကာတာ၌ အကြမ်းဖက်တိုက်ခိုက်မှု ပြုလုပ်ခဲ့သော IS အဖွဲ့နှင့်ဆက်နွှယ်သော အင်ဒိုနီးရှား အစွန်းရောက် ကွန်ရက်တစ်ခုအား အမေရိကန်က အကြမ်းဖက် အဖွဲ့အစည်း စာရင်းသို့ ထည့်သွင်းခဲ့ကြောင်း သိရသည်။ အင်ဒိုနီးရှားအခြေစိုက် အကြမ်းဖက်အဖွဲ့ဖြစ်သော Jamaah Ansharut Daulah (JAD) အား ၂၀၁၅ ခုနှစ်တွင် ဖွဲ့စည်းခဲ့ပြီး IS နောက်လိုက်များ ပါဝင်သော အင်ဒိုနီးရှား အစွန်းရောက်အဖွဲ့ နှစ်ဒါဇင်နီးပါးဖြင့် ပေါင်းစပ်ထားခြင်းဖြစ်ကြောင်း အမေရိကန် နိုင်ငံခြားရေးဝန်ကြီးဌာနက ဇန်န၀ါရီ ၁၀ ရက်တွင် ထုတ်ပြန်ခဲ့သည်။

နိုင်ငံတကာ ဘဏ္ဍာရေး ထောက်ပံ့မှုများအား IS အဖွဲ့က ရရှိနေမှုကို ဖြတ်တောက်ရန် ကြိုးပမ်းမှု တစ်စိတ်တစ်ပိုင်းအဖြစ် အမေရိကန်သည် စစ်သွေးကြွလေးဦးအား ပိတ်ဆို့အရေးယူမှုများ ချမှတ်ခဲ့ကြောင်း သိရသည်။ ပြီးခဲ့သောနှစ် ဇန်န၀ါရီတွင် JAD အဖွဲ့မှ စစ်သွေးကြွများသည် ဂျကာတာတွင် ပစ်ခတ်မှုများနှင့် အသေခံဗုံးခွဲ တိုက်ခိုက်မှုများ ပြုလုပ်ခဲ့ရာ အရပ်သားလေးဦး သေဆုံးခဲ့ပြီး တိုက်ခိုက်သူလေးဦးလည်း သေဆုံးခဲ့ကာ အရှေ့တောင်အာရှတွင် IS အဖွဲ့က ပြုလုပ်ခဲ့သော ပထမဆုံးတိုက်ခိုက်မှုဖြစ်ခဲ့သည်။ ယင်းတိုက်ခိုက်မှုအား ပြုလုပ်ရန်အတွက် ဆီးရီးယားရှိ IS စစ်သွေးကြွတစ်ဦးက ငွေကြေးထောက်ပံ့ပေးခဲ့သည်ဟု အမေရိကန် တာဝန်ရှိသူများက ပြောကြားခဲ့သည်။

JAD အဖွဲ့အား အကြမ်းဖက်အဖွဲ့အဖြစ် စာရင်းသွင်းခဲ့ခြင်းကြောင့် အမေရိကန် နိုင်ငံသားများအား ယင်းအဖွဲ့နှင့် စီးပွားရေး တွဲဖက်လုပ်ကိုင်မှုများအား ပိတ်ပင်ခြင်း၊ အမေရိကန်ရှိ ယင်းအဖွဲ့နှင့် ဆက်နွှယ်သော ပိုင်ဆိုင်မှုအားလုံး ထိန်းချုပ်ခြင်းတို့ လုပ်ဆောင်မည်ဖြစ်ကြောင်း အမေရိကန်နိုင်ငံခြားရေးဌာနက ထုတ်ပြန်ခဲ့သည်။

ခရစ်ယာန်ဘုရားကျောင်းတွင် နို့စို့အရွယ် ကလေးတစ်ဦး သေဆုံးခဲ့ရသည့် မီးလောင်ဗုံးဖြင့် တိုက်ခိုက်မှု၊ ခရစ္စမတ်ကာလအတွင်း အသေခံဗုံးခွဲ တိုက်ခိုက်ရန် ကြံစည်မှုတို့အပါအ၀င် JAD အဖွဲ့သည် အင်ဒိုနီးရှားတွင် ပြုလုပ်မည့် အခြားတိုက်ခိုက်မည့် အစီအစဉ်များနှင့် ဆက်နွှယ်နေကြောင်း သိရသည်။ အရေးယူပိတ်ဆို့မှုစာရင်း ထည့်သွင်းခံထားရသည့် စစ်သွေးကြွလေးဦးတွင် အင်ဒိုနီးရှားနိုင်ငံသား နှစ်ဦးပါဝင်ခဲ့သည်။ ဆီးရီးယားတွင် IS နှင့်အတူ တိုက်ခိုက်နေသည့် အင်ဒိုနီးရှားစစ်သွေးကြွ Bahrumsyah သည် အရှေ့တောင်အာရှ အစွန်းရောက် အဖွဲ့ခွဲတစ်ခုအား ဦးဆောင်နေသည်ဟု ယူဆရပြီး ပြည်တွင်း၌ တိုက်ခိုက်မှုများ ပြုလုပ်ရန်နှင့် စစ်သွေးကြွများအား ရန်ပုံငွေများလွှဲပေးရန်အတွက် ညွှန်ကြားနေသည်ဟု ယူဆရကြောင်း သိရသည်။ နောက်ထပ် အင်ဒိုနီးရှားစစ်သွေးကြွ တစ်ဦးဖြစ်သည့် Aman Abdurrahman သည် ဂျကာတာ တိုက်ခိုက်မှုပြုလုပ်ရန် ခွင့်ပြုခဲ့သည့် အစွန်းရောက်တစ်ဦးဖြစ်သည်။ ၂၀၁၀ ပြည့်နှစ် နောက်ပိုင်းကတည်းက ထောင်ဒဏ်ကျခံနေရသော်လည်း ၎င်းသည် အင်ဒိုနီးရှားရှိ IS ထောက်ခံသူများ အားလုံး၏ တရားဝင်မဟုတ်သော ခေါင်းဆောင်ဖြစ်သည်ဟု ယူဆခံထားရကြောင်း အမေရိကန် တာဝန်ရှိသူများက ပြောကြားခဲ့သည်။

အင်ဒိုနီးရှားတွင် ၂၀၀၂ ခုနှစ် ဘာလီဗုံးခွဲတိုက်ခိုက်မှုများ အပါအ၀င် ပြီးခဲ့သော ၁၅ နှစ်အတွင်း တိုက်ခိုက်မှု အများအပြား ကြုံတွေ့ခဲ့ရသည်။ အစိုးရက ဖြိုခွင်းမှုများကြောင့် အန္တရာယ်အကြီးဆုံး ကွန်ရက်များ အားနည်းသွားသော်လည်း ရာနှင့်ချီသော အင်ဒိုနီးရှားနိုင်ငံသားများသည် IS နှင့် ပူးပေါင်းရန်အတွက် မကြာသေးမီနှစ်များအတွင်း အရှေ့အလယ်ပိုင်းသို့ သွားရောက်ခဲ့ပြီးနောက် စစ်သွေးကြွများ ပြန်လည်ထကြွလာမည်ကို စိုးရိမ်မှု မြင့်တက်လာခဲ့သည်။  

Writer: 
Ref:AFP