<

First Eleven Sports Journal မှရွေးချယ်သည့် အကောင်းဆုံး ဘောလုံးသမားများ မဲပေးရန်

Vote Now

အိန္ဒိယ မောင်းသူမဲ့လေယာဉ်က တရုတ်ဝေဟင်ကို ကျူးကျော်ဝင်ရောက်ပြီး ပျက်ကျခဲ့ကြောင်း တရုတ် ပြောကြား

၂၀၀၈ ခုနှစ် ဇူလိုင် ၁၀ ရက်က အိန္ဒိယနှင့် တရုတ်အကြား နာတူလာနယ်စပ် ဖြတ်သန်းသည့်နေရာ၌ အိန္ဒိယ စစ်သားတစ်ဦးနှင့် တရုတ်စစ်သား တစ်ဦးတို့ကို တွေ့ရစဉ် (Photo : AFP)

နှစ်နိုင်ငံအကြား တင်းမာသော နယ်စပ်ထိပ်တိုက်တွေ့မှု ပြဿနာအား အဆုံးသတ်ခဲ့အပြီး လနှင့်ချီအကြာတွင် အိန္ဒိယမောင်းသူမဲ့ လေယာဉ်တစ်စင်းသည် ၎င်းတို့၏ ဝေဟင်ကို ကျူးကျော်ဝင်ရောက်ခဲ့ပြီးနောက် ပျက်ကျခဲ့ကြောင်း တရုတ်က စွပ်စွဲထုတ်ပြန်ခဲ့ပြီး အိန္ဒိယအား ဒီဇင်ဘာ ၇ ရက်တွင် တရားဝင် ကန့်ကွက်မှု ပြုလုပ်ခဲ့သည်။

ယင်းဖြစ်ရပ်သည် အိန္ဒိယအရှေ့မြောက်ပိုင်း ဆစ်ကင်ပြည်နယ်နှင့်  တရုတ်၏တိဘက် ဒေသတို့ကို ပိုင်းခြားထားသော နယ်စပ်၌ မကြာသေးမီက ဖြစ်ပွားခဲ့ခြင်းဖြစ်ကြောင်း ပေကျင်းက ထုတ်ပြန်ခဲ့သော်လည်း ဖြစ်ပွားခဲ့သည့်အချိန်နှင့် နေရာကိုမူ အတိအကျ မထုတ်ပြန်ခဲ့ပေ။ အိန္ဒိယစစ်ဘက်က ယင်းမောင်းသူမဲ့ လေယာဉ်သည် ပုံမှန်လေ့ကျင့်ပျံသန်းမှု ပြုလုပ်နေစဉ် နည်းပညာဆိုင်ရာ ချွတ်ယွင်းချက်အချို့ကြောင့် မြေပြင်နှင့် ဆက်သွယ်မှု ပြတ်တောက်ခဲ့ပြီး နယ်နိမိတ်ပိုင်းခြားမျဉ်းကို ကျော်ဖြတ်ခဲ့ကြောင်း ရှင်းလင်းခဲ့သည်။

ယင်းမောင်းသူမဲ့ လေယာဉ်သည် ၎င်းတို့၏ဝေဟင်ကို ဖြတ်ကျော်ခဲ့အပြီး နယ်စပ်အနီး မောင်းသူမဲ့ လေယာဉ်များ၏ ပျံသန်းမှုများကို ရပ်တန့်ရန် တရုတ်နိုင်ငံခြားရေး ၀န်ကြီးဌာနက အိန္ဒိယကို တိုက်တွန်းခဲ့သည်။ အိန္ဒိယ၏ လုပ်ရပ်သည် တရုတ်ပိုင်နက်အား ကျူးကျော်မှုဖြစ်ပြီး နယ်စပ်တွင် ငြိမ်းချမ်းရေးနှင့် တည်ငြိမ်ရေးကို အထောက်အကူ မဖြစ်ကြောင်း တရုတ်နိုင်ငံခြားရေး ၀န်ကြီးဌာန ပြောခွင့်ရပုဂ္ဂိုလ်ကျန်ရှုအန်က ပုံမှန်ပြုလုပ်နေကျ သတင်းစာ ရှင်းလင်းပွဲတွင် ပြောကြားခဲ့သည်။ တရုတ်သည် ယင်းလုပ်ရပ်အတွက် ကျေနပ်ခြင်း မရှိဘဲ အိန္ဒိယကို အလေးအနက် ကန့်ကွက်ကြောင်း ၎င်းကဆိုခဲ့သည်။

တရုတ်နယ်စပ်တပ်ဖွဲ့ဝင်များသည် ပရော်ဖက်ရှင်နယ်ကျကျနှင့် တာဝန်ယူမှုရှိရှိ ဆောင်ရွက်ခဲ့ပြီး ယင်းမောင်းသူမဲ့ လေယာဉ်အား အတည်ပြုရေးကို ဆောင်ရွက်ခဲ့ကြောင်း တရုတ်စစ်ဘက် တာဝန်ရှိသူ ကျန်းရှုလီက အစောပိုင်းတွင် ပြောကြားခဲ့သည်။ အိန္ဒိယစစ်ဘက်က အိန္ဒိယနယ်စပ်လုံခြုံရေး တပ်ဖွဲ့ဝင်များသည် ယင်းမောင်းသူမဲ့လေယာဉ် ရှိသည့်နေရာကို ရှာဖွေပေးရန် တရုတ်တပ်ဖွဲ့ဝင်များထံ ချက်ချင်းတပ်လှန့်ခဲ့ကြောင်း ထုတ်ပြန်ခဲ့သည်။ ယင်းဖြစ်ရပ်၏ အသေးစိတ် အကြောင်းအရင်းအား သိရှိနိုင်ရန် စုံစမ်းစစ်ဆေးနေကြောင်း အိန္ဒိယစစ်ဘက် ပြောခွင့်ရပုဂ္ဂိုလ် ဗိုလ်မှူးကြီး အမန်အန်နက် ပြောကြားခဲ့သည်။

တိဘက်၊ ဆစ်ကင်နှင့် ဘူတန်တို့ ဆုံနေသော ဟိမ၀န္တာရှိဒေသတွင် ပြီးခဲ့သောနွေ၌ နှစ်နိုင်ငံအကြား ထိပ်တိုက်တွေ့မှု ဖြစ်ပွားခဲ့အပြီး ယင်းမောင်းသူမဲ့ လေယာဉ်ဖြစ်စဉ် ဖြစ်ပွားခဲ့ခြင်းဖြစ်သည်။ အိန္ဒိယ၏ မဟာမိတ်ဖြစ်သော ဘူတန်နှင့် တရုတ်တို့က ပိုင်ဆိုင်သည်ဟု အခိုင်အမာ ထုတ်ပြန်ထားကြသည့် Doklam ကုန်းပြင်မြင့်ဒေသတွင် တင်းမာသော လိပ်ခဲတည်းလည်း အခြေအနေကို ဖြေရှင်းနိုင်ရန်အတွက် နှစ်နိုင်ငံစလုံးမှ တပ်ဖွဲ့ဝင်များအား ဆုတ်ခွာရန် အိန္ဒိယနှင့် တရုတ်တို့က သြဂုတ်တွင် သဘောတူခဲ့ပြီးနောက် ယင်းအကျပ်အတည်း ပြေလည်ခဲ့ခြင်းဖြစ်သည်။

Ref : AFP