<

First Eleven Sports Journal မှရွေးချယ်သည့် အကောင်းဆုံး ဘောလုံးသမားများ မဲပေးရန်

Vote Now

ထရန့်က ဂျေရုစလင်အား အစ္စရေး၏ မြို့တော်အဖြစ် အသိအမှတ်ပြု ကြေညာ

ဒီဇင်ဘာ ၆ ရက်က ၀ါရှင်တန်ရှိ အိမ်ဖြူတော်တွင် ဂျေရုစလင်ဆိုင်ရာ ကြေညာချက် ထုတ်ပြန်ခဲ့ပြီးနောက် လက်မှတ်ထိုးနေသည့် သမ္မတ ထရန့် (Photo – AFP)

အမေရိကန်သမ္မတ ဒေါ်နယ်ထရန့်သည် ဂျေရုစလင်အား အစ္စရေး၏မြို့တော်အဖြစ် ဒီဇင်ဘာ ၆ ရက်နှောင်းပိုင်းတွင် အသိအမှတ်ပြု ကြေညာခဲ့ရာ ဆယ်စုနှစ်နှင့်ချီ ကြာမြင့်ခဲ့သော အမေရိကန် မူဝါဒအား ပယ်ဖျက်လိုက်သည့် သမိုင်းဝင် ဆုံးဖြတ်ချက်ဖြစ်ပြီး အရှေ့အလယ်ပိုင်းဒေသတွင် အကြမ်းဖက်မှုသစ်များ လျှပ်တပြက် ထပ်မံဖြစ်ပွားလာစေရန် အန္တရာယ်များကို ဖြစ်ပေါ်စေခဲ့သည်။

ဂျေရုစလင်အား အစ္စရေးမြို့တော်အဖြစ် တရားဝင် အသိအမှတ်ပြုရန် အချိန်ကျပြီဟု ၎င်းကဆုံးဖြတ်ခဲ့ကြောင်း၊ ယင်းသည် လုပ်ဆောင်ရမည့်အရာဖြစ်ကြောင်း ထရန့်က အိမ်ဖြူတော်မှနေ၍ ကြေညာခဲ့သည်။ ယင်းကြေညာချက်သည် အစ္စရေးနှင့် ပါလက်စတိုင်းတို့က ပိုင်ဆိုင်ထားသည်ဟု အခိုင်အမာ ထုတ်ပြန်ထားကြသော ဂျေရုစလင်မြို့၏ နောက်ဆုံးအနေအထားနှင့် ပတ်သက်၍ ဆယ်စုနှစ် ခုနစ်ခုခန့် နှိုင်းနှိုင်းချိန်ချိန် လုပ်ဆောင်ခဲ့သော အမေရိကန်၏ သံတမန်ရေးရာ မပြတ်သားမှုကို မေးခွန်းထုတ်စရာ ဖြစ်စေခဲ့သည်။

ထရန့်သည် အမေရိကန်သံရုံးအား တဲအဗစ်မှ ဂျေရုစလင်သို့ ရွှေ့ပြောင်းရန် လုပ်ငန်းစဉ်ကိုလည်း စတင်ခဲ့ပြီး ၎င်း၏ဆုံးဖြတ်ချက်သည် အရေးပါသော နိုင်ငံရေးအလှူရှင်များအပြင် ဧ၀ံဂေလိအသင်းတော်မှ ခရစ်ယာန်များနှင့် လက်ယာယိမ်း ဂျူးမဲဆန္ဒရှင်များကို ကျေနပ်စေမည်ဖြစ်သည်။ ၎င်း၏ ဆုံးဖြတ်ချက်သည် အစ္စရေးနှင့် ပါလက်စတိုင်းတို့အကြား ခက်ခဲသော ပဋိပက္ခအား ဖြေရှင်းရန် ချဉ်းကပ်မှုအသစ်ကို နိဒါန်းပျိုးခြင်းဖြစ်ကြောင်း ထရန့်က ပြောကြားခဲ့သည်။

ဘီကလင်တန်မှသည် ဂျော့ဒဗလျူဘုရ်ှအထိ ထရန့်၏ရှေ့မှ သမ္မတဟောင်းများသည် မဲဆွယ်မှုများတွင် ယင်းကဲ့သို့ အလားတူ ကတိများ ပေးခဲ့ကြသော်လည်း ရာထူးယူချိန်တွင် စစ်ပွဲနှင့် ငြိမ်းချမ်းရေး ၀န်ထုပ်ဝန်ပိုးမှ ရှောင်လွှဲရန် အလျင်အမြန်ပင် ကတိပျက်ခဲ့ကြသည်။ ပြည်ပမူဝါဒရေးရာ အတွေ့အကြုံမရှိဘဲ ကျွမ်းကျင်ပညာရှင်များအား ရှုတ်ချသည့် ထရန့်သည် သမ္မတဖြစ်လာချိန်တွင် အရာရာသည် ပုံမှန်ဖြစ်မှုသည် နိဂုံးချုပ်ပြီဖြစ်ကြောင်း ပြသရန် ဆုံးဖြတ်ထားဖွယ်ရှိသည်။

ထရန့်၏ ဆုံးဖြတ်ချက်ကြောင့် အမေရိကန်၏ မဟာမိတ်များနှင့် အရှေ့အလယ်ပိုင်းတစ်ဝန်းမှ ခေါင်းဆောင်အများအပြားကို ဒေါသထွက်စေခဲ့ပြီး တုံ့ပြန်နိုင်ရန်အတွက် ကြံဆနေကြသည်။ သမိုင်းဆိုင်ရာ ခြေလှမ်းမှားကြောင့် အကြမ်းဖက်မှု တစ်ရှိန်ထိုး မြင့်တက်လာနိုင်မှုကို ပုပ်ရဟန်းမင်းကြီး ဖရန်စစ်ကလည်း သတိပေးခဲ့သည်။

အမေရိကန် သံရုံးအား ရွှေ့ပြောင်းမှုသည် ပြီးစီးရန် နှစ်နှင့်ချီကြာမြင့်နိုင်ခြေ ရှိသော်လည်း ထရန့်၏ ဆုံးဖြတ်ချက်ကြောင့် ဂယက်ရိုက်မှုသည် မြန်ဆန်ဖွယ်ရှိသည်။ ထရန့်၏ ဆုံးဖြတ်ချက် ထွက်ပေါ်ခဲ့ပြီးနောက် ဂါဇာကမ်းမြောင်တွင် ရာပေါင်းများစွာသော ပါလက်စတိုင်းများက အမေရိကန်နှင့် အစ္စရေးအလံများအပြင် ထရန့်၏ ဓာတ်ပုံများအား မီးရှို့ခဲ့ကြသည်။ ၀က်စ်ဘန့်ရှိ ဟီဘရွန်မြို့အနီးတွင် ပဋိပက္ခ အသေးစားများ ဖြစ်ပွားခဲ့သည်။ ပါလက်စတိုင်း လက်နက်ကိုင်အစ္စ လာမ္မစ်လှုပ်ရှားမှုအဖွဲ့ ဟားမားစ်ကလည်း အုံကြွမှုအသစ် ဆောင်ရွက်သွားမည်ဟု ခြိမ်းခြောက်ခဲ့ပြီး ပါလက်စတိုင်းတွင် ဒီဇင်ဘာ ၆ ရက်မှစတင်၍ သုံးရက်ကြာ ဆန္ဒပြမှု လုပ်ဆောင်ကြရန် ဆော်သြခဲ့ကြသည်။

နိုင်ငံတကာ အသိုင်းအ၀ိုင်းမှ နိုင်ငံအများစုက ဂျေရုစလင်အား အစ္စရေး၏ မြို့တော်အဖြစ် တရားဝင် အသိအမှတ်မပြုထားကြဘဲ ယင်းပြဿနာသည် ညှိနှိုင်းဆွေးနွေးမှုများမှတစ်ဆင့်သာ ဖြေရှင်းနိုင်မည်ဟု အခိုင်အမာ ပြောကြားခဲ့ကြသည်။

Ref : AFP