<

First Eleven Sports Journal မှရွေးချယ်သည့် အကောင်းဆုံး ဘောလုံးသမားများ မဲပေးရန်

Vote Now

အာဖရိကတွင် နေ့စဉ် လူ ၁၅၀၀၀ နေရပ်စွန့်ခွာနေကြကြောင်း အပြည်ပြည်ဆိုင်ရာ စောင့်ကြည့်လေ့လာသူများ ပြောကြား

တောင်ဆူဒန်ရှိ ကုလသမဂ္ဂက အကာအကွယ်ပေးထားသော ၀ါအူဒုက္ခသည်စခန်းအား မေ ၁၄ ရက်က တွေ့ရစဉ် (Photo: AP)

ပဋိပက္ခများ၊ အကြမ်းဖက်မှုများနှင့် သဘာဝဘေးများကြောင့် အာဖရိက တစ်ဝန်းတွင် လူ ၁၅၀၀၀ ခန့်သည် နေ့စဉ် အိုးအိမ် စွန့်ခွာ ထွက်ပြေးနေကြကြောင်း အပြည်ပြည်ဆိုင်ရာ စောင့်ကြည့်လေ့လာသူများက ဒီဇင်ဘာ ၆ ရက်တွင် ပြောကြားခဲ့သည်။

ယခုနှစ် ပထမနှစ်ဝက်တွင် အာဖရိက ၂ ဒသမ ၇ သန်းသည် ပြည်တွင်း၌ပင် နေရပ် စွန့်ခွာခဲ့ကြကြောင်း Internal Displacement Monitoring Centre (IDMC) နှင့် Norwegian Refugee Council (NRC) တို့က ထုတ်ပြန်သော အစီရင်ခံစာတွင် ဖော်ပြခဲ့သည်။ ၂၀၁၆ ခုနှစ်ကုန်က အာဖရိကနိုင်ငံများတွင် ပြည်တွင်း၌ နေရပ်ပျောက်ဆုံးသူ ၁၂ ဒသမ ၆ သန်း ရှိခဲ့သည်။

ထိုစာရင်းများတွင် နယ်စပ်ဖြတ်ကျော်၍ ထွက်ပြေးသူများ မပါဝင်ခဲ့ဘဲ ယမန်နှစ်ကုန်က အာဖရိကတွင် ဒုက္ခသည်ဖြစ်နေသူ ၅ ဒသမ ၆ သန်းကျော်ရှိနေဟု ကုလသမဂ္ဂစာရင်းများက ဆိုသည်။ ဒီအာကွန်ဂို၊ နိုင်ဂျီးရီးယားနှင့် တောင်ဆူဒန်အပါအ၀င် အာဖရိကနိုင်ငံ အများအပြားတွင် ပြည်တွင်းနေရပ် ပျောက်ဆုံးသူ မြင့်တက်နေခဲ့ကြောင်း IDMC နှင့် NRC တို့၏ အစီရင်ခံစာက ဆိုသည်။

ယခုနှစ် ပထမနှစ်ဝက်တွင် ဒီအာကွန်ဂိုပြည်တွင်း၌ နေရပ်ပျောက်ဆုံးသူ တစ်သန်းနီးပါးရှိခဲ့ပြီး ၂၀၁၆ ခုနှစ် တစ်နှစ်လုံးထက် ပိုများနေသည်။
မိခင်နိုင်ငံအတွင်း ထွက်ပြေးနေရသူများသည် အစိုးရများ၏ ကာကွယ်ပေးမှုနှင့် ကူညီပေးမှုကို အနည်းငယ်သာ ရရှိလေ့ရှိကြကြောင်း အဆိုပါ အဖွဲ့နှစ်ဖွဲ့က ပြောကြားခဲ့သည်။ အုပ်ချုပ်မှုအားနည်းသည့် နေရာများ နှင့် ဆင်းရဲသော နိုင်ငံများတွင် ပြည်တွင်းနေ ရပ်စွန့်ခွာရသူ အများစုသည် အလွန်အမင်း ထိရှလွယ်သော အခြေအနေ၌ နေထိုင်နေရပြီး ရေရှည် ဆင်းရဲမွဲတေမှုတို့ကို ကြုံရနိုင်ခြေ ရှိကြောင်း အစီရင်ခံစာက ပြောကြားခဲ့သည်။

ပဋိပက္ခနှင့် အကြမ်းဖက်မှုများကြောင့် အာဖရိကတစ်ဝန်း နေရပ်စွန့်ခွာရမှုသည် အိုးမဲ့အိမ်မဲ့ဖြစ်ရသူအားလုံး၏ ၇၅ ရာခိုင်နှုန်းရှိခဲ့သည်။ အလွန်ဆိုးရွားသည့် အခြေအနေကြောင့် ပြဿနာအကြောင်းရင်းများကို ဖြေရှင်းရန် ချဉ်းကပ်မှုပုံစံသစ် လိုအပ်နေကြောင်း၊ ပြည်တွင်းနေရပ်ပျောက်ဆုံးမှု၏ ရေရှည်သက်ရောက်မှုများကို ဦးတည်ဖြေရှင်းရမည် ဖြစ်ကြောင်း IDMC ၏ ဥက္ကဋ္ဌ အလက်ဇန္ဒရာ ဘီလက်က ပြောကြားခဲ့သည်။ ပဋိပက္ခများ ကာကွယ်ရေးနှင့် ငြိမ်းချမ်းရေးတည်ဆောက်မှုတို့တွင် ဆောလျင်စွာ အရေးယူဆောင်ရွက်ရန် လိုအပ်မည်ဖြစ်ကြောင်း၊ ထို့ပြင် စီးပွားရေး နှင့် နိုင်ငံရေးတိုးတက်မှုတို့ကို ရှေးရှုရန် လိုအပ်ကြောင်း ၎င်းက ပြောကြားခဲ့သည်။ ထို့ပြင် ထိရောက်သော အန္တရာယ်တားဆီးရေး လုပ်ငန်းများက သဘာဝဘေးအန္တရာယ်များကြောင့် နေရပ်ပျောက်ဆုံးရသူ အရေအတွက် လျှော့ချရေးကို အထောက်အကူ ဖြစ်စေမည်ဟု ဘီလက်က ပြောကြားခဲ့သည်။