<

First Eleven Sports Journal မှရွေးချယ်သည့် အကောင်းဆုံး ဘောလုံးသမားများ မဲပေးရန်

Vote Now

စထရိတ်တိုင်းမ်၏ ၂၀၁၇ ခုနှစ်အတွက် Asian of the Year အဖြစ် တရုတ်သမ္မတ ရှီကျင်ပင်း ရွေးချယ်ခံရ

ဒီဇင်ဘာ ၁ ရက်က တရုတ်ကွန်မြူနစ် ပါတီက ကျင်းပသည့် ထိပ်တန်းအဆင့် ဆွေးနွေးပွဲသို့ တက်ရောက်လာသည့် တရုတ်သမ္မတ ရှီကျင်ပင်း (လယ်)

တရုတ်သမ္မတ ရှီကျင်ပင်းသည် စင်ကာပူသတင်းစာ စထရိတ်တိုင်းမ်၏ ၂၀၁၇ ခုနှစ်အတွက် Asian of the Year အဖြစ် ရွေးချယ်ခံခဲ့ရပြီး ရှီသည် ယင်းဆုအား နှစ်ကြိမ်မြောက် ရွေးချယ်ခံရသည့် ပထမဆုံးပုဂ္ဂိုလ် ဖြစ်လာခဲ့သည်။

အသက် ၆၄ နှစ်ရှိ ရှီသည် ဒေသတွင်းနှင့် တစ်ကမ္ဘာလုံး၌ မရေရာမှုများ ကြီးထွားနေချိန်၌ အရေးပါသော တည်ငြိမ်ရေး ရင်းမြစ်တစ်ခုဖြစ်ကြောင်း သတင်းစာ အယ်ဒီတာအဖွဲ့က သတ်မှတ်ခဲ့ခြင်းဖြစ်သည်။ ပြီးခဲ့သော ၁၂ လ အတွင်း ၎င်းတို့၏ လူမှုဝန်းကျင်များ သို့မဟုတ် ပို၍ကျယ်ပြန့်သော နယ်မြေများအထိ ကြီးမားသော သက်ရောက်မှုများ ရှိခဲ့သည့် အာရှသားတစ်ဦး သို့မဟုတ် အာရှသားများအား အသိအမှတ်ပြုသည့် အနေဖြင့် စထရိတ်တိုင်းမ်က ဒီဇင်ဘာလတိုင်း ယင်းဆုပေးအပ်ခဲ့ခြင်းဖြစ်သည်။ စထရိတ်တိုင်းမ်သည် ပြီးခဲ့သောလတွင် အသက် ၈၀ ပြည့်ခဲ့သည့်  စင်ကာပူဝါရင့်သံတမန် တွန်မီခိုကိုလည်း ယခုနှစ်တွင် အထူးဂုဏ်ပြုခဲ့သည်။

ရှီသည် ၂၀၁၃ ခုနှစ်တွင် ယင်းဆုအား ဂျပန်ဝန်ကြီးချုပ် ရှင်ဇိုအာဘေးနှင့်အတူ ပထမဆုံးအကြိမ် ရရှိခဲ့သည်။ ၂၀၁၂ ခုနှစ်တွင် စတင်ပေးအပ်ခဲ့သော ယင်းဆုအား မြန်မာသမ္မတ ဦးသိန်းစိန်က ရရှိခဲ့ပြီး ၂၀၁၄ ခုနှစ်တွင် အိန္ဒိယ၀န်ကြီးချုပ် နရင်ဒရာမိုဒီက ရရှိခဲ့သည်။ စင်ကာပူ ထူထောင်သူ ၀န်ကြီးချုပ် လီကွမ်ယူသည် ကွယ်လွန်ပြီးနောက် ၂၀၁၅ ခုနှစ်တွင် ယင်းဆုချီးမြှင့်ခံခဲ့ရသည်။

၂၀၁၆ ခုနှစ်တွင် အာရှနှင့် ကမ္ဘာတစ်ဝန်းရှိ လူ့အသိုင်းအ၀ိုင်းများတွင် အပြောင်းအလဲများအား ဖြစ်ပေါ်စေခဲ့သည့် ရှေးဦးတီထွင် အစီအစဉ်များအတွက် နည်းပညာနှင့် စီးပွားရေးဆိုင်ရာ ခေါင်းဆောင်များအဖွဲ့ တစ်ဖွဲ့က ယင်းဆုကို ရရှိခဲ့သည်။

အမေရိကန်တွင် အိမ်ခြံမြေလုပ်ငန်းရှင် ဒေါ်နယ်ထရန့်က သမ္မတရွေးကောက်ပွဲတွင် အံ့အားသင့်ဖွယ် အနိုင်ရခဲ့အပြီး အဟန့်အတားများနှင့် အပြောင်းအလဲများ ပြည့်နှက်နေသော ၂၀၁၇ ခုနှစ်၌ တရုတ်သမ္မတ ရှီသည် တည်ကြည်လေးနက်မှု ပုံရိပ်တစ်ခုဟု စထရိတ်တိုင်းမ်က ဆိုသည်။ ရှီသည် ၁ ဒသမ ၃၈ ဘီလျံရှိသော တရုတ်လူဦးရေကို ကျော်လွန်၍ အာရှနှင့် ကမ္ဘာတစ်ဝန်းကို လွှမ်းခြုံစေရန် အမြင်တစ်ရပ်ကိုလည်း ချပြခဲ့သည်။

ရှီသည် လွတ်လပ်စွာ ကုန်သွယ်ရေးအား အခိုင်အမာ ကာကွယ်မှု၊ ရာသီဥတု ပြောင်းလဲမှု တိုက်ဖျက်ရေး အတွက် ကြိုးပမ်းမှုများအား ထောက်ခံမှုမှသည် ပိုးလမ်းမသစ် စီမံကိန်းဖြင့် ကမ္ဘာတစ်ဝန်းနှင့် ချိတ်ဆက်ပြခဲ့သည့် အမြင်တစ်ရပ်အား ချပြနိုင်ခြင်းအထိ ၂၀၁၇ ခုနှစ် တစ်နှစ်လုံးတွင် ခေါင်းဆောင်မှု အရည်အသွေးကို ပြသခဲ့သည်။ ထို့ပြင် ရှီသည် ၁၉ ကြိမ်မြောက် ကွန်မြူနစ်ပါတီ ကွန်ဂရက်တွင် အာဏာကို ထပ်မံတိုးချဲ့နိုင်ခဲ့သည်။

Ref : The Straits Times