<

မွတ်စလင်ဆန့်ကျင်ရေး ဗီဒီယိုများအား ဝေဖန်ခဲ့သည့် ဗြိတိန်ဝန်ကြီးချုပ်မေကို ထရန့်က ဝေဖန်တိုက်ခိုက်

နိုဝင်ဘာ ၂၉ ရက်က မစ်ဇူရီပြည်နယ်တွင် စုဝေးမှုတစ်ခု၌ စကားပြောနေသော သမ္မတ ဒေါ်နယ်ထရန့် (Photo -AFP)

အမေရိကန်သမ္မတ ဒေါ်နယ်ထရန့် သည်  Twitter တွင် ၎င်းတင်ခဲ့သော မွတ်စလင် ဆန့်ကျင်ရေး ဗီဒီယိုသုံးခုအား ဝေဖန်ခဲ့သည့် ဗြိတိန်ဝန်ကြီးချုပ် ထရီဆာမေကို နိုဝင်ဘာ ၂၉ ရက်နှောင်းပိုင်းတွင် လူသိရှင်ကြား ပြန်လည်ဝေဖန်တိုက်ခိုက်ခဲ့ရာ ခေါင်းဆောင်နှစ်ဦးအကြား သံတမန်ရေးရာအချင်းများမှု ဖြစ်ပေါ်ခဲ့သည်။ အမေရိကန်၏ အနီးကပ်ဆုံးမဟာ မိတ်တစ်နိုင်ငံဖြစ်သော ဗြိတိန်နှင့် ကတောက်ကဆဖြစ်မှုတွင် ထရန့်က မေအနေဖြင့် ၎င်းအား ဝေဖန်ခြင်းထက် ဗြိတိန်အတွက်သာ ပိုမိုအာရုံစိုက်သင့်ကြောင်း တုံ့ပြန်ခဲ့သည်။

ဗြိတိန်နိုင်ငံတွင်း၌ ဖြစ်ပွားနေသော အစွန်းရောက် အစ္စလာမ္မစ်အကြမ်းဖက်မှုကို သာအာရုံစိုက်သင့်ကြောင်း ထရန့်က မေကို Twitter တွင် ဝေဖန်ခဲ့သည်။

ဗြိတိန်တွင် အမုန်းတရားအခြေပြု ရာဇ၀တ်မှုအတွက် စီရင်ချက်ချမှတ်ခံခဲ့ရသည့် ဗြိတိန်လက်ယာ အစွန်းရောက်အဖွဲ့ဖြစ်သော  Britain First ၏ဒုတိယခေါင်းဆောင် ဂျေဒါဖရန်ဆန် တင်ခဲ့သည့် မွတ်စလင်ဆန့်ကျင်ရေး ၀ါဒဖြန့်ဗီဒီယိုသုံးခုအား ထရန့်က နိုဝင်ဘာ ၂၉ ရက်အစောပိုင်းတွင် Twitter ၌ ပြန်တင်ခဲ့သဖြင့် ပြည်တွင်း၊ ပြည်ပမှ ပြင်းထန်သော ဝေဖန်မှုများ ကြုံတွေ့ခဲ့ရသည်။

Britain First အဖွဲ့၏ အမုန်းတရားလှုံ့ ဆော်မှုများအား ထရန့်က ကြော်ငြာပေးမှုသည် မှားယွင်းကြောင်း မေက ၎င်း၏ ပြောခွင့်ရ ပုဂ္ဂိုလ်မှတစ်ဆင့် ဝေဖန်ခဲ့ခြင်း ဖြစ်သည်။

ဗြိတိန်နိုင်ငံရေးတွင် ထရန့်၏၀င်စွက်မှုများသည် အထူးဆက်ဆံရေးဟုခေါ်သော အခြေအနေကိုလည်း တင်းမာစေခဲ့သည်။ ဗြိတိန်မြို့တော် လန်ဒန်၏မြို့တော်ဝန်ဖြစ်သော မွတ်စလင်ဆာဒစ်ခန်းအား ပြင်းထန်စွာ ဝေဖန်မှုအပါအ၀င် ထရန့်သည် ဗြိတိန်တွင် ဖြစ်ပွားခဲ့သောအကြမ်းဖက်မှုများနှင့် ပတ်သက်၍ ရေးသားခဲ့ခြင်းကြောင့် ဗြိတိန်အာဏာပိုင်များကို ဒေါသထွက်စေခဲ့သည်။ ခန်းက Britain First   အဖွဲ့သည် ဆိုးယုတ်ပြီး အမုန်းတရားကို မီးလောင်ရာ လေပင့်လုပ်တတ် သောအဖွဲ့ဖြစ်ပြီး ၎င်းတို့၏ အယူအဆများကို အားမကောင်းစေသင့်ဘဲ ရှုတ်ချသင့်ကြောင်း နိုဝင်ဘာ ၂၉ ရက်တွင် ဆိုခဲ့သည်။

ထရန့်၏ နောက်ဆုံးစကားလုံးစစ်ပွဲ မတိုင်မီ အခြေအနေများအား ပိုမိုမဆိုးရွားစေရန် အိမ်ဖြူတော်က အလောတကြီး လုပ်ဆောင်ခဲ့ရပြီး ထရန့်၏ မွတ်စလင်ဆန့်ကျင်ရေး ၀ါဒဖြန့် ဗီဒီယိုများသည် အထင်အမြင် မှားစေနိုင်သည်ဆိုလျှင်ပင် သမ္မတသည် အမှန်တကယ် ဖြစ်ပွားနေသောပြဿနာကို ထောက်ပြခဲ့ခြင်းဖြစ်ကြောင်း အိမ်ဖြူတော်ပြောခွင့်ရ ပုဂ္ဂိုလ်ဆာရာဆန်ဒါးစ်က ပြောကြားခဲ့သည်။

ဂျေဒါဖရန်ဆန်သည် ပြီးခဲ့သောနှစ်တွင် မွတ်စလင်အမျိုးသမီးဝတ် ခေါင်းစည်းပ၀ါ ၀တ်ဆင်ခဲ့သည့် မွတ်စလင်အမျိုးသမီးတစ်ဦးအား စော်ကားပြောဆိုမှုများကြောင့် အမုန်းတရားအခြေခံ ရာဇ၀တ်မှုတွင် အပြစ်ရှိသည်ဟု ဆုံးဖြတ်ခံခဲ့ရသည်။ ဗလီများ၏အပြင်ဘက်တွင် ဆန္ဒပြမှုများအတွက် ထင်ရှားသော Britain First အဖွဲ့အား ၂၀၁၁ ခုနှစ်တွင် ဖွဲ့စည်းခဲ့ခြင်းဖြစ်ပြီး ဗြိတိန်နှင့်ဥရောပ ပါလီမန် ရွေးကောက်ပွဲအများအပြားကို ယှဉ်ပြိုင်ခဲ့သော်လည်း အနိုင်ရခဲ့ခြင်း မရှိခဲ့ပေ။

Ref ; AFP

November 30, 2017














Copy Protected by Chetan's WP-Copyprotect.