<

ဗင်နီဇွဲလား အကျပ်အတည်း ထိပ်တိုက်တွေ့မှုဆီသို့ ဦးတည်နေ


ဇူလိုင် ၂၇ ရက်က မြို့တော်ကာရာကက်တွင် အစိုးရဆန့်ကျင် ဆန္ဒပြသူများအား လိုက်လံဖမ်းဆီးနေသော အမျိုးသားအစောင့် တပ်ဖွဲ့ဝင်များ (Photo: AFP)

ဗင်နီဇွဲလားတွင် အစိုးရဆန့်ကျင်ရေး ဆန္ဒပြသူများနှင့် လုံခြုံရေး တပ်ဖွဲ့ဝင်များ အကြား ထိပ်တိုက်တွေ့မှုဆီသို့ ဦးတည်နေပြီး မတည်ငြိမ်မှုများ ပိုဆိုးလာသည်ကို အပြည်ပြည်ဆိုင်ရာ အသိုင်းအ၀ိုင်းက တပ်လှန့် သတိပေးခဲ့ကြသည်။ ထို့ပြင် အမေရိကန်ကလည်း သံရုံးမိသားစုများ ဗင်နီဇွဲလားမှ ထွက်ခွာကြရန် သတိပေးချက် ထုတ်ပြန်ခဲ့သည်။

ဇူလိုင် ၃၀ ရက်တွင် ဖွဲ့စည်းပုံ အခြေခံဥပဒေ ပြင်ဆင်ရေးအတွက် အငြင်းပွားဖွယ် ရွေးကောက်ပွဲ မတိုင်မီ လူစုလူဝေးများအား အစိုးရက တားမြစ်ချက် ထုတ်ပြန်ခဲ့ပြီးနောက် အတိုက်အခံတို့က နိုင်ငံတစ်ဝန်းတွင် ကန့်ကွက် ဆန္ဒပြမှုများ ဆောင်ရွက်ရန် တောင်းဆိုခဲ့ကြသည်။ ဗင်နီဇွဲလားတွင် လက်ဝဲသမ္မတ နီကိုလပ်မာဒူရိုအား လေးလကြာ ကန့်ကွက် ဆန္ဒပြမှုများကြောင့် လူ ၁၁၂ ဦး သေဆုံးထားပြီးဖြစ်ကြောင်း အစိုးရရှေ့နေများက ပြောကြားထားပြီးဖြစ်သည်။

မာဒူရိုက ဇူလိုင် ၃၀ ရက်တွင် ကျင်းပမည့် တိုင်းပြုပြည်ပြုလွှတ်တော် ရွေးကောက်ပွဲအား ဆန့်ကျင်သည့် မည်သူမဆို ထောင် ၁၀ နှစ် ကျခံရမည်ဟု သတိပေးခဲ့ပြီး ကန့်ကွက် ဆန္ဒပြမှုများကို တားမြစ်ကြောင်း အမိန့်တစ်ရပ် ထုတ်ပြန်ထားသည်။ အတိုက်အခံ ညွှန့်ပေါင်းအဖွဲ့ကလည်း ဇူလိုင် ၂၈၊ ၂၉၊ ၃၀ ရက်တွင် နိုင်ငံလုံးအနှံ့ ဆန္ဒပြမှုများ ဆောင်ရွက်ရန် တောင်းဆိုထားသည်။

သမ္မတ မာဒူရိုက အတိုက်အခံတို့အား ပုန်ကန်မှု လမ်းကြောင်းကို စွန့်လွှတ်ရန် တိုက်တွန်းခဲ့ပြီး ချက်ချင်းတွေ့ဆုံဆွေးနွေးရန် တိုက်တွန်းခဲ့သည်။ သို့သော်လည်း ၎င်းဘက်မှ အလျှော့ပေးမည် မဟုတ်ကြောင်း မာဒူရိုက အချက်ပြခဲ့သည်။ မည်သည့် ဆွေးနွေးမှုမဆို ရွေးကောက်ပွဲမတိုင်မီ ဆောင်ရွက်ရမည်ဟု မာဒူရိုက ပြောကြားခဲ့သည်။

အစိုးရနှင့် အတိုက်အခံတို့ ထိပ်တိုက် တွေ့မည်ကို စိုးရိမ်မှုများကြောင့် ဗင်နီဇွဲလား ထောင်ပေါင်းများစွာသည် အိမ်နီးချင်း ကိုလံဘီယာသို့ အစုအပြုံလိုက် ထွက်ခွာခဲ့ကြသည်။ အမေရိကန်၊ ဥရောပသမဂ္ဂ၊ ကုလသမဂ္ဂနှင့် လက်တင်အမေရိကနိုင်ငံများက ဖွဲ့စည်းပုံ အခြေခံဥပဒေ ပြင်ဆင်ရေး အစီအစဉ်ကို ရပ်ဆိုင်းရန် မာဒူရိုကို တိုက်တွန်းခဲ့သည်။

အမေရိကန်က ဖွဲ့စည်းပုံအခြေခံဥပဒေ ပြောင်းလဲရေး ဖိအားသုံး ကြိုးပမ်းသည့် ဗင်နီဇွဲလား ထိပ်တန်းတာဝန်ရှိသူ ၁၃ ဦးကို ပိတ်ဆို့ အရေးယူမှုများ ပြဋ္ဌာန်းခဲ့ပြီး မာဒူရို၏ လုပ်ရပ်များသည် တရားမ၀င်ကြောင်း ပြောကြားခဲ့သည်။ ဇူလိုင် ၂၇ ရက်တွင် ကာရာကက်ရှိ သံရုံးမိသားစုများ ဗင်နီဇွဲလားနိုင်ငံတွင်းမှ ထွက်ခွာကြရန် အမေရိကန်က အမိန့်ထုတ်ခဲ့ပြီး အမေရိကန်အစိုးရ ၀န်ထမ်းများလည်း ဆန္ဒအလျောက် ဗင်နီဇွဲလားကို စွန့်ခွာကြရန် ပြောကြားခဲ့သည်။

ကနေဒါက ၎င်းနိုင်ငံသားများ ဗင်နီဇွဲလားသို့ မလိုအပ်ဘဲ ခရီးမသွားရန် သတိပေးခဲ့ပြီး ရှိနေသော ကနေဒါနိုင်ငံသားများ ဗင်နီဇွဲလားမှ ထွက်ခွာကြရန် တိုက်တွန်းခဲ့သည်။ အမျိုးသားလွှတ်တော်ကို ထိန်းချုပ်ထားသော ဗင်နီဇွဲလား အတိုက်အခံတို့က မာဒူရို၏ လုပ်ရပ်သည် အာဏာရှင်လုပ်ရပ်ဖြစ်ကြောင်း ပြောကြားခဲ့ပြီး အရပ်ဘက် ပုန်ကန်မှု ဆောင်ရွက်ရန် တိုက်တွန်းခဲ့သည်။

ထို့ပြင် အမျိုးသားလွှတ်တော်က ရွေးကောက်ပွဲများ စောခေါ်ပြီး မာဒူရိုကို အာဏာစွန့်လွှတ်ရန် ကြိုးပမ်းနေသည်။ တိုင်းပြုပြည်ပြုလွှတ်တော် ခေါ်ယူမည့် အစီအစဉ်ကို ဗင်နီဇွဲလားပြည်သူ ရာခိုင်နှုန်း ၇၀ က ဆန့်ကျင်ကြောင်း စစ်တမ်းလုပ်ငန်း Datanalisis က ဆိုသည်။ ရေနံကို မှီခိုနေရသော ဗင်နီဇွဲလား စီးပွားရေးသည် ယခုနှစ်တွင် ၁၂ ရာခိုင်နှုန်း ကျဆင်းသွားခဲ့ပြီး ငွေကြေးဖောင်းပွမှုသည် ၇၂၀ ရာခိုင်နှုန်းအထိ ရောက်ရှိနေသည်ဟု ခန့်မှန်းထားကြသည်။

Ref: AFP

July 28, 2017














Copy Protected by Chetan's WP-Copyprotect.