ဖိလစ်ပိုင်ဥပဒေပြု အမတ်များက လူ့အခွင့်အရေးကော်မရှင်၏ နှစ်စဉ်ရန်ပုံငွေအား ဒေါ်လာ ၂၀ သို့ ဖြတ်တောက်လျှော့ချ

 

သြဂုတ် ၂၂ ရက်က မနီလာရှိ အထက်လွှတ်တော်၌ ကြားနာမှုမစမီ ကျမ်းကျိန်ဆိုနေကြသော ဖိလစ်ပိုင်ရဲချုပ် ဒီလာရိုဆာ(၀ဲ)၊ လူ့အခွင့်အရေးကော်မရှင် မဟာမင်းကြီး ချီတိုဂက်စ်ကွန် (ယာ) (Photo – AFP)

ဖိလစ်ပိုင်သမ္မတ ရိုဒရီဂိုဒူတာတေး၏ ရက်စက်သော မူးယစ်ဆေးဝါးနှိမ်နင်းရေး စစ်ပွဲအား စုံစမ်းစစ်ဆေးမှုကို တုံ့ပြန်သည့် အနေဖြင့် ဖိလစ်ပိုင်ဥပဒေပြုအမတ်များက လူ့အခွင့်အရေးကော်မရှင်အတွက် နှစ်စဉ် ရန်ပုံငွေအား ဒေါ်လာ ၂၀ သာ လျှော့ချသတ်မှတ်ရန် မဲခွဲခဲ့ကြောင်း သိရသည်။ အောက်လွှတ်တော်၌ ယင်းမဲခွဲမှုသည် ဒူတာတေးနှင့် ၎င်း၏ မဟာမိတ်များက အတိုက်အခံများအား နှုတ်ဆိတ်စေရန် ကြိုးပမ်းမှု၏ နောက်ဆုံးလုပ်ရပ်ဖြစ်လာကြောင်း ဝေဖန်သူများက ထောက်ပြခဲ့ကြသည်။

ပီဆို ၃ ဒသမ ၈ ထရီလျံရှိသည့် နိုင်ငံတော် ဘတ်ဂျက်ဥပဒေကြမ်းအား စက်တင်ဘာ ၁၂ ရက်တွင် ဒုတိယအဆင့် မဲခွဲမှုအပြီး ဥပဒေပြုအမတ်များက ဖိလစ်ပိုင်လူ့အခွင့်အရေး ကော်မရှင်အတွက် အသုံးစရိတ်ကို ပီဆို ၁၀၀၀ (ဒေါ်လာ ၂၀) ခန့်သာ သတ်မှတ်ခဲ့ခြင်းဖြစ်ကြောင်း သိရသည်။ ယင်းလုပ်ရပ်သည် ၎င်းတို့အား အာဏာရှင်စနစ်ဆီသို့ တိုက်ရိုက်ဦးတည်စေခဲ့ကြောင်း အဓိက အတိုက်အခံအဖွဲ့ဖြစ်သော လစ်ဘရယ်ပါတီမှ ခေါင်းဆောင် အထက်လွှတ်တော်အမတ် ဖရန်ဆွာပန်ဂီလီနန်က စက်တင်ဘာ ၁၃ ရက်တွင် ကြေညာချက်ထုတ်ပြန်ခဲ့သည်။

ဖိလစ်ပိုင် လူ့အခွင့်အရေးကော်မရှင်သည် နိုင်ငံ၏ရဲတပ်ဖွဲ့နှင့်စစ်တပ်အား ထိန်းချုပ်ထားသော အစိုးရဌာန၏ လုပ်ပိုင်ခွင့်များကို စောင့်ကြည့်ရန် ဖွဲ့စည်းပုံအခြေခံဥပဒေအရ ထူထောင်ထားသော သီးခြားလွတ်လပ်သည့် အစိုးရဆိုင်ရာအဖွဲ့များအနက် တစ်ဖွဲ့ဖြစ်သည်။ ယင်းအဖွဲ့သည် ဒူတာတေးအစိုးရ၏ မူးယစ်ဆေးဝါးနှိမ်နင်းရေး စစ်ပွဲအတွင်း ရဲများနှင့် အခြားမူးယစ်ဆေးတိုက်ဖျက်ရေး အေဂျင်စီများ၏လက်ချက်ဖြင့် လူ ၃၈၀၀ ကျော် သေဆုံးခဲ့ရမှုများအနက် ဖြစ်စဉ်အချို့အား စုံစမ်းစစ်ဆေးနေခြင်း ဖြစ်သည်။

ယင်းဘတ်ဂျက်ဥပဒေကြမ်းအား အထက်လွှတ်တော်တွင် သီးခြားပြဋ္ဌာန်းမည်ဖြစ်ပြီး ပန်ဂီလီနန်က အောက်လွှတ်တော် ပြဋ္ဌာန်းချက်အား ပိတ်ဆို့သွားမည်ဟု ကတိပြုခဲ့သည်။ ၂၀၁၈ ခုနှစ် ဘတ်ဂျက်အား မပြဋ္ဌာန်းနိုင်လျှင်ပင် ယင်းဥပဒေကြမ်းအား အထက်လွှတ်တော်တွင် ပြဋ္ဌာန်းခွင့်ပြုသွားမည် မဟုတ်ကြောင်း ၎င်းက ပြောကြားခဲ့သည်။ ဖိလစ်ပိုင် ရဲချုပ်ဟောင်းဖြစ်သော တစ်သီးပုဂ္ဂလ အထက်လွှတ်တော်အမတ် ပန်ဖီလိုလက်စ်ဆန်က အထက်လွှတ်တော်၏ ဘတ်ဂျက်ဥပဒေ ကြမ်းတွင်မူ လူ့အခွင့်အရေးကော်မရှင်အတွက် ပီဆို ၆၇၈ သန်းပေးရန် ထောက်ခံထားကြောင်း DZMM အသံလွှင့်ဌာနနှင့် အင်တာဗျူးတွင် ပြောကြားခဲ့သည်။

အကယ်၍ ယင်းဘတ်ဂျက်ဥပဒေကြမ်းအား လွှတ်တော်နှစ်ရပ်က သဘောထားကွဲလွဲပါက ယင်းလွှတ်တော်နှစ်ရပ်စလုံးက နောက်ဆုံးဥပဒေကြမ်းအား ပြန်လည်ရေးဆွဲရမည်ဖြစ်ပြီး အတည်ပြုပေးရမည်ဖြစ်ကြောင်း၊ ယင်းနောက် သမ္မတက အတည်ပြုလက်မှတ်ထိုးခြင်း သို့မဟုတ် ဗီတိုသုံး၍ ပယ်ချခြင်းပြုလုပ်မည်ဖြစ်ကြောင်း သိရသည်။ နိုင်ငံတွင်းရှိ တရားမ၀င်မူးယစ်ဆေးဝါးများအား နှိမ်နင်းရန် သောင်းနှင့်ချီသော ရာဇ၀တ်သားများအား သတ်ပစ်မည်ဟု ဒူတာတေးက ကတိပြုခဲ့ပြီး ယင်းမူးယစ်ဆေး နှိမ်နင်းရေးစစ်ပွဲတွင် ပါဝင်မှုအတွက် မည်သည့်ရဲ သို့မဟုတ် စစ်သားကိုမျှ ထောင်ကျစေမည်မဟုတ်ကြောင်း လည်း ၎င်းက ပြောကြားခဲ့သည်။

Refး AFP