<

ပြည်ပသို့ ကျွဲ၊ နွားအရှင် တင်ပို့ခွင့်ပြုထားသဖြင့် ယခုနှစ် ခြောက်လအတွင်း ကျွဲ၊ နွား ပြည်ပတင်ပို့မှုမှ ဒေါ်လာ ၁၆၅ သန်းကျော်ရရှိထားပြီး နွားအရှင်တင်ပို့မှု အများဆုံးဖြစ်

ပြည်ပသို့ ကျွဲ၊ နွားအရှင်များ တင်ပို့ခွင့်ပြုထားသဖြင့် ယခုနှစ်ခြောက်လအတွင်း ကျွဲ၊ နွားများ ပြည်ပတင်ပို့မှုမှ ဒေါ်လာ ၁၆၅ သန်းကျော် ရရှိထားပြီး နွားအရှင်တင်ပို့မှု အများဆုံးဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ သိရသည်။

စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ ၂၀၁၇ ခုနှစ် အောက်တိုဘာ ၉ ရက်စွဲပါ အမိန့်ကြော်ငြာစာအမှတ် (၄၉/၂၀၁၇) ဖြင့် ကျွဲ၊ နွားအရှင်များ တင်ပို့ခွင့်ပြုခဲ့ပြီးဖြစ်သဖြင့် တိရစ္ဆာန်ထွက်ပစ္စည်းအုပ်စုတွင် ယခင်နှစ်ထက် ပိုမိုတင်ပို့နိုင်ခဲ့သည်။

တိရစ္ဆာန်အရှင် တင်ပို့မှုကို လေ့လာကြည့်ပါက နွားအရှင် ၁၁၅၀၃၄ ကောင် တင်ပို့မှုမှ တန်ဖိုး ဒေါ်လာ ၁၃၈ သန်း၊ ကျွဲအရှင် ၁၉၅၆၃ ကောင်တင်ပို့မှုမှ တန်ဖိုးဒေါ်လာ ၂၅သန်း၊ ဆိတ်အရှင် ၆၄၀၈၀ ကောင် တင်ပို့မှုမှ တန်ဖိုးဒေါ်လာ နှစ်သန်း တင်ပို့နိုင်ခဲ့သည့်အပြင် ဘဲအရှင် ၉၇၁၀၀ ကောင် တင်ပို့မှုမှ တန်ဖိုး ဒေါ်လာ သုည ဒသမ ၁၉၄ သန်း တင်ပို့နိုင်ခဲ့ကြောင်း သိရသည်။

တရားမ၀င် တင်ပို့နေသည့် ကျွဲ၊ နွားများ တရားဝင်လမ်းကြောင်းမှ တင်ပို့နိုင်ရန်နှင့် လွတ်လပ်သည့် ဈေးကွက်ဖော်ဆောင်နိုင်ရန် ကျွဲ၊ နွားအရှင်များ ပြည်ပသို့ တရားဝင် တင်ပို့ခွင့် စတင်ခွင့်ပြုလိုက်ပြီဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန အမိန့်ကြေညာစာအမှတ် ၄၉/ ၂၀၁၇ အရ သိရသည်။

ဈေးကွက်စီးပွားရေးစနစ်နှင့်အညီ ရောင်းလိုအားနှင့် ၀ယ်လိုအားအရ ဖြစ်ပေါ်နေသော ဈေးကွက်ကို ဖော်ဆောင်နိုင်ရန်၊ တရားမ၀င် တင်ပို့မှုများ တရားဝင်လမ်းကြောင်းပေါ်သို့ ရောက်ရှိစေရန်နှင့် မွေးမြူရေး တောင်သူများ ၀င်ငွေနှင့် အလုပ်အကိုင် အခွင့်အလမ်းများ ပိုမိုရရှိစေရန်အပြင် တောင်သူလယ်သမားများ၏ အကျိုးစီးပွား ကာကွယ်ရန် ရည်ရွယ်၍ ကျွဲ၊ နွားအရှင်များ ပြည်ပသို့ တရားဝင် တင်ပို့ခွင့်ပြုခြင်းသည် အောက်တိုဘာ ၉ ရက်မှ စတင်ကြောင်း ထုတ်ပြန်ချက်အရ သိရသည်။

ပြည်ပသို့ ကျွဲ၊ နွား တင်ပို့သူများအနေဖြင့် ၀ယ်ယူစုဆောင်းခြင်း၊ တိရစ္ဆာန်ကျန်းမာရေး စစ်ဆေးခြင်း၊ ပြည်တွင်းနယ်ကျော် သယ်ဆောင်ခြင်းများအား စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနနှင့် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ မွေးမြူရေးနှင့် ကုသရေးဦးစီးဌာနတို့၏ လုပ်ထုံးလုပ်နည်းများနှင့် စည်းမျဉ်းများအတိုင်း လုပ်ဆောင်ရမည်ဖြစ်သည်။

တရားမ၀င် တင်ပို့နေသည့် ကျွဲ၊ နွားများ တရားဝင်လမ်းကြောင်းမှ တင်ပို့နိုင်ရန်အတွက် ဆောင်ရွက်ခြင်းဖြစ်သော်လည်း လယ်ယာလုပ်ငန်းခွင်အတွင်း ကျွဲ၊ နွားများကို အဓိက အသုံးပြုနေရသဖြင့် ယင်းသို့ တင်ပို့ခွင့်ပြုထားခြင်းအပေါ် ပြန်လည်သုံးသပ်ပေးရန် သြဂုတ် ၁၈ ရက်က ကျင်းပသည့် မြန်မာ့ပဲမျိုးစုံ၊ ပြောင်း၊ နှမ်းစိုက်ပျိုးထုတ်လုပ် တင်ပို့ရောင်းချမှု ဖွံ့ဖြိုးတိုးတက်ရေးဆွေးနွေးပွဲတွင် တောင်သူများက တင်ပြခဲ့သည်။

ထို့ပြင် မြန်မာနိုင်ငံ၏ လယ်ယာလုပ်ငန်းခွင်တွင် လက်ရှိအချိန်၌ လယ်ယာလုပ်သား ရှားပါးမှု ပြဿနာနှင့် ရင်ဆိုင်နေရပြီး လုပ်သားအများစုမှာ ပြည်ပနိုင်ငံများတွင် သွားရောက် အလုပ်လုပ်ကိုင်မှုများကြောင့် ဖြစ်သည်။ ထို့ပြင် သီးနှံပေါ်ချိန်များ၌ လုပ်သားရှားပါးမှုကြောင့် အချိန်မီမရိတ်သိမ်းနိုင်သည့် ပြဿနာများ ရှိနေသည်။

October 11, 2018














Copy Protected by Chetan's WP-Copyprotect.