<

အာဆီယံနိုင်ငံများ ထုတ်လုပ်မှု PMI ညွှန်းကိန်း၏ အဆင့်အနိမ့်ဆုံး နေရာတွင် မြန်မာနိုင်ငံ သုံးလဆက်တိုက် ရောက်ရှိနေပြီး ငွေကြေးဖောင်းပွမှု အပြင်းထန်ဆုံး အခြေအနေ ဆက်ကြုံနေရကာ ကျပ်ငွေအပေါ် ဖိစီးမှုတိုးလာ

ရန်ကုန်တိုင်းဒေသကြီးရှိ စက်မှုကုန်ထုတ်လုပ်ငန်းခွင် တစ်ခုကို တွေ့ရစဉ် (ဓာတ်ပုံ-ပြည့်ဖြိုးအောင်)

၂၀၁၈ ခုနှစ် စက်တင်ဘာလ အာဆီယံနိုင်ငံများ ထုတ်လုပ်မှု PMI ညွှန်းကိန်း PMI (Manufacturing Purchasing Manager’s Index – ၀ယ်ယူရေး မန်နေဂျာများ၏ အညွှန်းကိန်း) တွင် အဆင့်အနိမ့်ဆုံး နေရာတွင် မြန်မာနိုင်ငံ သုံးလဆက်တိုက် ရောက်ရှိနေပြီး ငွေကြေးဖောင်းပွမှု အပြင်းထန်ဆုံး အခြေအနေ ဆက်လက်တွေ့ကြုံနေရကာ ကျပ်ငွေအပေါ် ဖိစီးမှုများ တိုးလာကြောင်း Nikkei ၏ ပံ့ပိုးမှုဖြင့် ပြုလုပ်သော HIS Markit စစ်တမ်းတွင် ဖော်ပြချက်အရ သိရသည်။

၂၀၁၈ ခုနှစ် သြဂုတ်လ အာဆီယံထုတ်လုပ်မှု PMI ညွှန်းကိန်းတွင် ဖိလစ်ပိုင်နိုင်ငံက ၅၂၊ မလေးရှားနိုင်ငံက ၅၁ ဒသမ ၅၊ ဗီယက်နမ်နိုင်ငံက ၅၁ ဒသမ ၅၊ အင်ဒိုနီးရှားနိုင်ငံ က ၅၀ ဒသမ ၇၊ ထိုင်းနိုင်ငံက ၅၀၊ စင်ကာပူနိုင်ငံက ၄၈၊  မြန်မာနိုင်ငံက  ၄၇ ဒသမ ၅ ရရှိခဲ့ပြီး စစ်တမ်းကောက်ယူသည့် အာဆီယံနိုင်ငံ ခုနစ်နိုင်ငံတွင် မြန်မာနိုင်ငံက အောက်ဆုံးသို့ သုံးလဆက်တိုက် ရောက်ရှိခဲ့ခြင်းဖြစ်သည်။

၂၀၁၈ ခုနှစ် မတ်၊ ဧပြီ အာဆီယံနိုင်ငံများ ထုတ်လုပ်မှု PMI ညွှန်းကိန်းတွင် နှစ်လဆက်တိုက် ထိပ်ဆုံး၌ ရပ်တည်ခဲ့သော မြန်မာနိုင်ငံသည် စီးပွားရေး အရှိန်ပျော့လာခြင်းကြောင့် မေတွင် အဆင့်လေး၊ ဇွန်တွင် အဆင့်ခြောက်၊ ဇူလိုင်လမှစတင်ကာ စက်တင်ဘာလအထိ အဆင့်ခုနစ်နေရာသို့ ရောက်ရှိနေခြင်းဖြစ်သည်။

ယခုစစ်တမ်းတွင် ပါဝင်သော နိုင်ငံပေါင်း ခုနစ်နိုင်ငံအနက် နှစ်နိုင်ငံမှာ စက်တင်ဘာလအတွင်း ကုန်ထုတ်လုပ်ရေး အခြေအနေများ တိုးတက်လာသော်လည်း မြန်မာအပါအ၀င် ငါးနိုင်ငံမှာ ကုန်ထုတ်လုပ်ရေးကဏ္ဍ အခြေအနေများ ကျဆင်းလာကြောင်း အချက်ပြနေသည်။ မြန်မာနိုင်ငံအနေဖြင့် ပြည်တွင်း ငွေကြေးတန်ဖိုး သိသိသာသာ လျော့ကျနေသည့်အပြင် အပြင်းထန်ဆုံး ငွေကြေးဖောင်းပွမှုကို မြင်တွေ့နေရသည်။

စက်တင်ဘာလတွင် မြန်မာနိုင်ငံ၏ ထုတ်လုပ်ရေးကဏ္ဍ အခြေအနေများ ဆက်လက် ကျဆင်းနေခြင်းကို အချက်ပြခဲ့သည်။ မြန်မာနိုင်ငံတွင် ငွေကြေးဖောင်းပွမှု အပြင်းထန်ဆုံး အခြေအနေကို ဆက်လက်ကြုံတွေ့ နေရစဉ် ကျပ်ငွေအပေါ် ဖိစီးမှုများ တိုးလာနေခြင်းကြောင့် စစ်တမ်းအတွင်း အမြင့်ဆုံး ဖြစ်လာဖွယ် ရှိနေသည်။

မြန်မာနိုင်ငံအတွင်း ကုန်ထုတ်လုပ်ရေးလုပ်ငန်း အခြေအနေများမှာ စက်တင်ဘာလအတွင်း ဆက်လက် ဆုတ်ယုတ်လာခဲ့ပြီး ထုတ်လုပ်မှု အော်ဒါသစ် မှာယူများနှင့် အလုပ်နေရာ အားလုံးတို့ထဲတွင် လစဉ်ကျဆင်း လာခဲ့သည်။ ဈေးနှုန်းများ တစ်ဟုန်ထိုးမြင့် တက်လာခြင်းသည် နောက်ဆုံး ကုန်ထုတ်လုပ်ရေးကဏ္ဍ စွမ်းဆောင်မှု အရှိန်ကျလာခြင်း၏ အဓိကအချက်ဖြစ်ပြီး စက်တင်ဘာ စစ်တမ်းက သွင်းကုန်များ၏ ဈေးနှုန်းများ သိသိသာသာ စံချိန်တင် တက်လာကြောင်း တွေ့ရသည်။ ဒေါ်လာနှင့် ကျပ်ငွေလဲလှယ်မှုနှုန်း နိမ့်ကျလာမှုများကြောင့် ငွေကြေးဖောင်းပွမှုကို ဖြစ်စေခဲ့ကြောင်း မှတ်တမ်းများက ညွှန်ပြခဲ့သည်။

စက်တင်ဘာလအတွက် နစ်ကေးမြန်မာ့စက်မှု ကုန်ထုတ်လုပ်ငန်း PMI အညွှန်း ကိန်း ၄၇ ဒသမ ၅ ရှိခဲ့ပြီး သြဂုတ်လ အနိမ့်ဆုံးအမှတ် ၄၆ ဒသမ ၄ ထက် တိုးတက်လာခဲ့သော်လည်း ကဏ္ဍတစ်ရပ်လုံး၏ စီးပွားရေး အခြေအနေမှာ သိသိသာသာ ဆိုးဝါးနေကြောင်း ဆက်လက် အချက်ပြနေဆဲဖြစ်သည်။

စက်တင်ဘာစစ်တမ်း၏ ထူးခြားချက်မှာ ထုတ်လုပ်ရေး သွင်းကုန်ဈေးနှုန်းများ တသီတတန်း စံချိန်သစ် မြင့်တက်လာခြင်းဖြစ်သည်။ စစ်တမ်းတွင် ပါဝင်ဖြေကြားသူ ၇၁ ရာခိုင်နှုန်းကျော်က သွင်းကုန်ဝယ်ဈေးများ  မြင့်တက်လာခြင်းကို အချက်ပြခဲ့ပြီး အစီရင်ခံစာ အများစုတွင် အထူးသဖြင့် ဒေါ်လာနှင့် ကျပ်ငွေလဲလှယ်မှုနှုန်း နိမ့်ကျလာနေခြင်းမှာ သွင်းကုန်များ၏ ဈေးနှုန်းကို မြင့်တက်စေခဲ့သည်ဟု ဖော်ပြကြသည်။ တန်ပြန်အနေဖြင့် ထုတ်ကုန်ရောင်းဈေးများကို စစ်တမ်းသမိုင်းတစ်လျှောက် အမြန်ဆုံးနှုန်းဖြင့် တိုးမြှင့်ခဲ့ကြသည်။

October 6, 2018














Copy Protected by Chetan's WP-Copyprotect.