<

ICC အနေဖြင့် မြန်မာနိုင်ငံ၏ ပူးပေါင်းဆောင်ရွက်မှုမရှိဘဲ စုံစမ်းစစ်ဆေးခြင်းနှင့် တရားစီရင်ခြင်းလုပ်ငန်းစဉ် အဆင့်ဆင့်ကို အောင်မြင်အောင် အကောင်အထည်ဖော်ဆောင်နိုင်မည်မဟုတ်ဟု သေနင်္ဂမဟာဗျူဟာလေ့လာရေးအဖွဲ့ ပြောကြား

တော်ဝင်ဂါးဒင်းဟိုတယ်၌ သေနင်္ဂမဟာဗျူဟာလေ့လာရေးအဖွဲ့က နိုင်ငံတကာရာဇ၀တ်မှုတရားရုံး (ICC) သို့ တင်သွင်းသည့် AMICUS CURIAE စာတမ်းနှင့်ပတ်သက်၍ ရှင်းလင်းပွဲပြုလုပ်စဉ်

နိုင်ငံတကာရာဇ၀တ်မှုတရားရုံး (ICC)အနေဖြင့် မြန်မာနိုင်ငံ၏ ပူးပေါင်းဆောင်ရွက်မှုမရှိဘဲ စုံစမ်းစစ်ဆေးခြင်းနှင့် တရားစီရင်ခြင်းလုပ်ငန်းစဉ်အဆင့်ဆင့်ကို အောင်မြင်အောင် အကောင်အထည်ဖော်နိုင်မည် မဟုတ်ဟု သေနင်္ဂမဟာဗျူဟာလေ့လာရေး အဖွဲ့တည်ထောင်သူ အမှုဆောင်ဒါရိုက်တာ ဒေါက်တာနိုင်ဆွေဦးက ပြောကြားသည်။

ရန်ကုန်မြို့ ဒဂုံမြို့နယ် ပြည်လမ်းရှိ တော်ဝင်ဂါးဒင်းဟိုတယ်တွင် သြဂုတ် ၄ ရက် မွန်းလွဲပိုင်း၌ သေနင်္ဂမဟာဗျူဟာလေ့လာရေးအဖွဲ့က နိုင်ငံတကာရာဇ၀တ်မှုတရားရုံး (ICC) သို့ တင်သွင်းသည့် AMICUS CURIAE  စာတမ်းနှင့်ပတ်သက်၍ သတင်းစာရှင်းလင်းပွဲ ပြုလုပ်ခဲ့ပြီး အဆိုပါသတင်းစာရှင်းလင်းပွဲတွင် ဒေါက်တာနိုင်ဆွေဦးက ထိုသို့ပြောကြားခဲ့ခြင်းဖြစ်သည်။

၂၀၁၈ ခုနှစ် ဧပြီ ၉ ရက်တွင် နိုင်ငံတကာ ရာဇ၀တ်မှုတရားရုံး၏ ရှေ့နေချုပ်က အဆိုပါတရားရုံးအနေဖြင့် ဘင်္ဂါလီလူမျိုးများအား မြန်မာနိုင်ငံမှ ဘင်္ဂလားဒေ့ရ်ှနိုင်ငံသို့ မောင်းထုတ်မှုအပေါ် ဥပဒေကြောင်းအရ တရားစွဲဆိုပိုင်ခွင့်ရှိ၊ မရှိ ဆုံးဖြတ်ပေးရန် တင်ပြခဲ့ပြီး လိင်ပိုင်းဆိုင်ရာပြစ်မှုများ၊ လူမျိုးသုဉ်းသတ်ဖြတ်မှုစသည့်စွပ်စွဲမှုများသည် မြန်မာနိုင်ငံအတွင်း ဖြစ်ပွားခဲ့ပြီးနောက် ICC အဖွဲ့ ၀င်ဖြစ်သည့် ဘင်္ဂလားဒေ့ရ်ှသို့ ၀င်ရောက်လာသည့်အတွက် ရှေ့နေချုပ်၏ လျှောက်လွှာအား တရားရုံးကခွင့်ပြုပေးခဲ့ကြောင်း သိရသည်။

“တရားရုံးက တရားစွဲအရာရှိရဲ့လျှောက်ထားချက်အရ စီရင်ပိုင်ခွင့်ရှိတယ်လို့ ဆုံးဖြတ်ခဲ့ရင်လည်း မြန်မာနိုင်ငံရဲ့ ပူးပေါင်းဆောင်ရွက်မှုမရှိဘဲ စုံစမ်းစစ်ဆေးခြင်းနဲ့ တရားစီရင်ခြင်းလုပ်ငန်းစဉ်အဆင့်ဆင့်ကို အောင်မြင်အောင် အကောင်အထည်ဖော်နိုင်မှာ မဟုတ်ပါဘူး” ဟု ဒေါက်တာနိုင်ဆွေဦးက ပြောကြားသည်။

ICC အနေဖြင့် သက်ရောက်မှုရှိသည့် ပိုင်နက်နယ်မြေဆိုင်ရာ တရားစီရင်ပိုင်ခွင့်မှာ ICC တွင် ရှိ၊ မရှိဆိုသည့်မေးခွန်းကို ပထမဦးဆုံးအကြိမ်အဖြစ် အဆုံးအဖြတ်ပေးရမည့် အခြေအနေတွင်ရှိနေပြီး ပိုင်နက်နယ်မြေအရ စီရင်ပိုင်ခွင့်သဘောတရားနှင့်စပ်လျဉ်း၍ Rome စာချုပ်၏ Article ၁၂ (၂) (က) တွင် “စွပ်စွဲခံရသည့် ပြုလုပ်မှုဖြစ်ပွားရာ ပိုင်နက်နယ်မြေ”  ဟု ဖော်ပြပါရှိကာ ICC အဖွဲ့ဝင် နိုင်ငံ၏ ပိုင်နက်နယ်မြေပေါ်တွင် ပြစ်မှုကျူးလွန်သည့် မည်သူ့ကိုမဆို ICC က တရားစီရင်ပိုင်ခွင့်ရှိခြင်းဖြစ်ကြောင်း ဒေါက်တာနိုင်ဆွေ ဦးက  ရှင်းလင်းပြောကြားသည်။

မြန်မာနိုင်ငံသည် ICC အဖွဲ့ဝင်နိုင်ငံ မဟုတ်သည့်အတွက် ICC အဖွဲ့ဝင်နိုင်ငံဖြစ်သည့် ဘင်္ဂလားဒေ့ရ်ှနိုင်ငံအတွင်း တရားစွဲအရာရှိ စွပ်စွဲဖော်ပြသည့် ပြည်နှင်ဒဏ်ပေးမှုကို တစ်စိတ်တစ်ပိုင်းအားဖြင့် ကျူးလွန်ကြောင်း တရားစွဲအရာရှိက အနက်ကောက်ယူဖော်ပြကာ သက်ရောက်မှုရှိသည့် ပိုင်နက်နယ်မြေဆိုင်ရာ တရားစီရင်ပိုင်ခွင့်ကို ဆွဲယူလျှောက်ထားခဲ့ခြင်းဖြစ်ကြောင်းလည်း ၎င်းက ရှင်းလင်းပြောကြားခဲ့သည်။

“အဲဒါကြောင့်  ICC အနေနဲ့လည်း Rome စာချုပ်ရဲ့ ပြဋ္ဌာန်းချက်ကို အနက်အဓိပ္ပာယ်ဖွင့်ပေးရမယ့်သဘော ဖြစ်နေတဲ့အပြင် အကိုးအကားသဖွယ် ဖြစ်သွားနိုင်တဲ့အတွက် သတိကြီးစွာထားပြီး ဆုံးဖြတ်လိမ့် မယ်လို့သုံးသပ်ယူဆရပါတယ်။ အဲဒီလိုအခြေအနေမှာ မြန်မာနိုင်ငံအစိုးရအနေနဲ့  ICC နဲ့ ပူးပေါင်းဆောင်ရွက်မှု လုံးဝမပြုလုပ်ဖို့ လိုအပ်ပါတယ်”  ဟု ဒေါက်တာနိုင်ဆွေဦးက ပြောကြားသည်။

ရခိုင်ပြည်နယ်မြောက်ပိုင်း ဘူးသီးတောင်၊ မောင်တောဒေသတွင် အာဆာအကြမ်းဖက်အဖွဲ့အစည်း၏ အကြမ်းဖက်တိုက်ခိုက်မှုများကြောင့် အစိုးရလုံခြုံရေးတပ်ဖွဲ့က နယ်မြေရှင်းလင်းဆောင်ရွက်ခဲ့ရပြီး ထိုသို့ဆောင်ရွက်စဉ်အတွင်း လုံခြုံရေးတပ်ဖွဲ့ဝင်များသည် လူ့အခွင့်အရေးဆိုင်ရာပြစ်မှုများ ချိုးဖောက်ခဲ့ သည်ဟု စွပ်စွဲခံနေရသည်။

သေနင်္ဂမဟာဗျူဟာလေ့လာရေးအဖွဲ့က နိုင်ငံတကာရာဇ၀တ်မှုတရားရုံး (ICC) သို့ တင်သွင်းသည့်အစီရင်ခံစာ တွင် အဆိုပါ စွပ်စွဲမှုများသည် မှန်ကန်ခြင်းမရှိကြောင်း အထောက်အထားများဖြင့် မြေပြင်ကွင်းဆင်း လေ့လာတွေ့ရှိချက်များကို ကိုးကားရေးသား ထားခြင်းဖြစ်ပြီး အဆိုပါစာတမ်းကို ဇူလိုင် ၂၆ ရက်တွင် ICC သို့ ပေးပို့ခဲ့ခြင်းဖြစ်ကာ ယင်းစာတမ်းကြောင့် မြန်မာနိုင်ငံအပေါ် ကျရောက်နေသော နိုင်ငံတကာဖိအားများ အထိုက်အလျောက် လျော့ကျသွားမည်ဟု မျှော်လင့်ကြောင်း ဒေါက်တာနိုင်ဆွေဦးက ပြောကြားသည်။

ထို့ပြင် သေနင်္ဂမဟာဗျူဟာ လေ့လာရေးအဖွဲ့၏ စာတမ်းသည် လွတ်လပ်သောအ ဖွဲ့တစ်ဖွဲ့၏ စာတမ်းဖြစ်ပြီး ယင်းစာတမ်းတွင် မြန်မာနိုင်ငံသည် ICC အဖွဲ့ဝင်မဟုတ်ကြောင်း၊ ဘင်္ဂလားဒေ့ရ်ှနိုင်ငံသို့ ထွက်ပြေးသွားသော ဒုက္ခသည်များသည် အာဆာအကြမ်းဖက်အဖွဲ့အစည်း၏ အကြမ်းဖက်မှုကြောင့် ထွက်ပြေးသွားခြင်းဖြစ်ကြောင်းနှင့် နိုင်ငံတကာ၏ စွပ်စွဲမှုများသည် အကျုံးမ၀င်ကြောင်းစသည့် အကြောင်းအရာများ ထည့်သွင်းဖော်ပြထားကြောင်းလည်း သေနင်္ဂမဟာဗျူဟာလေ့လာရေးအဖွဲ့၏ အမှုဆောင်ဒါရိုက်တာ ဦးသိန်းထွန်းဦးက ပြောကြားသည်။

August 4, 2018














Copy Protected by Chetan's WP-Copyprotect.