<

သတင်းအတုများနှင့် အယ်လ်ဂိုရစ်သမ်များ

သတင်းအတုများ ပျံ့နှံ့နေခြင်း၏ အချက်အချာမှာ အချက်အလက်ရှာဖွေရေးအင်ဂျင်များ၊ ၀က်ဘ်ဆိုက်များနှင့် လူမှုမီဒီယာများက  အသုံးပြုသည့် အယ်လ်ဂိုရစ်သမ်များဖြစ် သည်ဟုဆိုသည်။ အယ်လ်ဂိုရစ်သမ်များ သည် အကျိုးဆက်များနှင့်မဆိုင်ဘဲ မှားယွင်း သော သို့မဟုတ် လုပ်ကြံထားသော သတင်းအချက်အလက်များ ဖြစ်ပေါ်လာရန် တွန်းပို့နေသည်ဟု စွပ်စွဲခြင်းခံရသည်။

 

■ အယ်လ်ဂိုရစ်သမ်ဟူသည် အဘယ်နည်း

အယ်လ်ဂိုရစ်သမ်ဟူသည် မြင်ရခြင်း မရှိသော်လည်း ခေတ်သစ်ဘ၀၌ တိုး၍တိုး၍ အရေးပါလာသည့် မရှိမဖြစ် ကွန်ပျူတာ ပရိုဂရမ်များ သို့မဟုတ် ဖော်မြူလာများဖြစ်ကြသည်။ ထပ်ကာထပ်ကာ ဖြစ်ပွားသော ပြဿနာများကို ထပ်ကာထပ်ကာ ဖြေရှင်းရန် သို့မဟုတ် ၎င်းင်းတို့ဘာသာ ဆုံးဖြတ်ချက်များချရန် ဒီဇိုင်းရေးဆွဲထားခြင်းဖြစ်သည်။

ကြီးမားလှသော အရန်သင့် အချက်အလက်များကို စိစစ်ရန်နှင့် ရှာဖွေရန် အယ်လ်ဂိုရစ်သမ်များ၏ အရည်အသွေးက ၎င်းတို့မပါဘဲ ကမ္ဘာ့ဈေးကွက်များကို ကိုင်တွယ်ရန် မဖြစ်နိုင်ဟု အဓိပ္ပာယ်ထွက်သည်။ ၎င်းအပြင် အပေါင်စာချုပ်မှသည် လေယာဉ်ပျံလက်မှတ်များအထိ အရာရာနှင့်ပတ်သက်၍ ပုဂ္ဂိုလ်အလိုက် ကိုးကားချက်များကို ထုတ်လုပ်ရန် ၎င်းတို့အား သန့်စင်စစ်ထုတ်နိုင်သည်။

၎င်း အယ်လ်ဂိုရစ်သမ်များသည် ကျွန်ုပ်တို့၏ Google Search များ၊ ကျွန်ုပ်တို့၏ Facebook Newsfeed များ၊ အကြံပြုပို့စ် သို့မဟုတ် ဗီဒီယိုများကို ကိုင်တွယ်သည်။ ယင်း အယ်လ်ဂိုရစ်သမ်များကပင်လျှင် အကြမ်းဖက်မှုများ၊ ညစ်ညမ်းပုံများနှင့် လူမျိုးရေးခွဲ ခြားသော စကားများပါရှိသောကြောင့် အငြင်းပွားဖွယ်ရှိသည့် အကြောင်းအရာများကို စိစစ်သည်။

အရှုပ်ထွေးဆုံးနှင့် အာရုံခံစားမှုအမြင့်ဆုံး လုပ်ငန်းတာဝန်များ ထမ်းဆောင်သည့် အခြားအယ်လ်ဂိုရစ်သမ်များသည် အချက်အလက်များအပေါ် အခြေခံလျက် ကိုယ်ပိုင် အသိဥာဏ်တု ဖွံ့ဖြိုးနိုင်သည့် ဘလက်ဘောက်စ်များကို နားလည်ရခက်ခဲအောင် လျှို့ဝှက်မှု ပြုလုပ်ပေးသည်။

 

■ ကမ္ဘာကြီးနှင့်ပတ်သက်၍ တိမ်းစောင်းနေသော အမြင်တစ်ရပ်

“အယ်လ်ဂိုရစ်သမ်တွေက ကျွန်မတို့ကို   အင်တာနက်ပေါ်က ကြီးမားလှတဲ့ အချက်အလက် ပမာဏတွေအကြား ကျွန်မတို့ရဲ့လမ်းကို ရှာဖွေဖို့ အထောက်အကူပြုနိုင်ပါတယ်”  ဟု ပြိုင်ဆိုင်မှုဆိုင်ရာ ဥရောပကော်မတီဝင် မာဂရက်ဗက်စ်တက်ဂျာက ပြောကြားခဲ့သည်။

“ဒါပေမဲ့ ပြဿနာကတော့ ကျွန်မတို့ဟာ ကျွန်မတို့ကို ပြဖို့ ရွေးချယ်ထားတဲ့ ဒီ အယ်လ်ဂိုရစ်သမ်တွေက ဘာလဲဆိုတာနဲ့ အဲဒါတွေကို အသုံးပြုတဲ့ ကုမ္ပဏီတွေကိုပဲ ကြည့်နေကြတာပါ”  ဟုလည်း ၎င်းက ဆက်လက် ပြောကြားခဲ့သည်။

မိမိတို့၏ အွန်လိုင်းအကြောင်းအရာများကို စုစည်းရာတွင် အယ်လ်ဂိုရစ်သမ်များသည် “စစ်ယူရေး ပူစည်ဖောင်းများ” ကို ဖန်တီးရန်လည်း ဦးတည်သွားစေနိုင်သည်။ ယင်း ပူစည်ဖောင်းများသည် ဆန့်ကျင်ဘက်အမြင်ဆိုင်ရာ အချက်အလက်များမှနေ၍ ကျွန်ုပ်တို့အား ကြားခံအဖြစ် ကာပေးထားသည်။

၂၀၁၆ ခုနှစ် အမေရိကန်သမ္မတရွေးကောက်ပွဲ ကာလအတွင်း Facebook သည်  လူများအား သတင်းပူစည်ဖောင်းတစ်ရပ်ဆီသို့  ပိတ်ထားလျက် ပြိုင်ဘက် ဟီလာရီကလင်တန်နှင့်ပတ်သက်သော သတင်းအချက်အလက်အမှားများကို  အွန်လိုင်း၌ ဖြန့်ချိရန် ခွင့်ပြုခဲ့ခြင်းအားဖြင့်  ဒေါ်နယ်ထရန့်ကို အကူအညီပေးခဲ့သည်ဟု စွပ်စွဲခြင်းခံရသည်။

အယ်လ်ဂိုရစ်သမ်စောင့်ကြည့်ရေးအဖွဲ့ကို ထူထောင်သူ ဘာလင်မြို့အခြေစိုက် လိုရန်နာဂျူမီပလာစီက အယ်လ်ဂိုရစ်သမ်များသည် အလွန်အကျွံထင်မြင်ချက်များနှင့် အ စွန်းရောက်အမြင်များကို ယခင်ကထက် များစွာပို၍မြင်နိုင်အောင် ပြုလုပ်မှုဆီသို့ ဦးတည် သွားစေခဲ့သည်ဟု ပြောကြားခဲ့သည်။

သို့သော် ၎င်းတို့၏ သက်ရောက်မှုများကို တိုင်းတာရန် ခက်ခဲကြောင်း အဆိုပါ အမျိုးသမီးက ပြောကြားခဲ့သည်။ သူက ဥရောပ၌ အမျိုးသားရေးဝါဒ မြင့်တက်လာခြင်းအတွက် အယ်လ်ဂိုရစ်သမ်များသက်သက်ကိုသာ အပြစ်တင်ခြင်းကား မပြုနိုင်ဟုလည်း ၎င်းက ဆိုသည်။

 

ဇွန် ၁၂ ရက်တွင် ပါလီမန်ကော်မတီက သတင်းတုများနှင့်ပတ်သက်၍ စစ်ဆေးကြားနာမှုမပြုမီ လန်ဒန်မြို့ Portcullis House အပြင်ဘက်၌ စာတန်းများနှင့် အလံများဝှေ့ယမ်းကာ ဆန္ဒပြနေသည့် ဥရောပသမဂ္ဂလိုလားသော ဆန္ဒပြသူများ (Photo : AFP)

■ သတင်းတုများ ဖြန့်ချိခြင်း

လူမှုမီဒီယာများမှ အယ်လ်ဂိုရစ်သမ်များသည် အကြောင်းအရာတစ်ရပ်ကို မှန်ကန်ခြင်း ရှိ၊ မရှိ စစ်ဆေးခြင်းမပြုဘဲ ကြည့်ရှုမှု အများဆုံးအကြောင်းအရာများကို ပို၍ဦးစားပေးသော သဘောဆီသို့ ဦးတည်သွားစေသည်။ ထို့ကြောင့် သတင်းတုများ၏ ရိုက်ခတ်ချက် ပမာဏကို ၎င်းတို့က ပိုမိုကြီးမားအောင် ပြုလုပ်ပေးသကဲ့သို့ရှိသည်။

အထူးသဖြင့် Youtube တွင် လျှို့ဝှက် ပူးပေါင်းကြံစည်မှုသဘောရှိသည့် ဗီဒီယိုများသည် တိကျ၍ မှန်ကန်သော ရင်းမြစ်များကို  ဖော်ပြသည့် ဗီဒီယိုများထက် များစွာပို၍ ပျံ့ နှံ့မှုအားကောင်းကြောင်း တွေ့ရှိရသည်ဟု Google ကုမ္ပဏီက ပိုင်ဆိုင်သည့် အဆိုပါ ပလက်ဖောင်း၏ အင်ဂျင်နီယာဟောင်းတစ်ဦးဖြစ်သော ဂီလုမီချာစလော့က ပြောကြားခဲ့သည်။

လပေါ်သို့ ဆင်းသက်ခဲ့ခြင်း သို့မဟုတ် ရာသီဥတုပြောင်းလဲခြင်းတို့သည် အလိမ်အညာများဖြစ်သည်ဟု အခိုင်အမာဆိုကြသည့် ယင်းဗီဒီယိုမျိုးတို့သည် ကြည့်ရှုသူနှင့် ကွန်မန့်ပေးသူ များစွာပိုရကြပြီး အသုံးပြုသူများအား ကာလပို၍ကြာရှည်စွာ ပလက်ဖောင်းပေါ်၌ ထိန်းထားလိုက်ကြကာ ယုံကြည်ရသည့် အစဉ်အလာမီဒီယာများကို အားလျော့သွားစေသည်ဟု ချာစလော့က ပြောကြားခဲ့သည်။

 

■ ကျင့်ဝတ်နှင့်ပို၍ညီသော အယ်လ်ဂိုရစ်သမ်များ

အစိုးရ မဟုတ်သော အဖွဲ့အစည်းပေါင်းများစွာက များစွာပို၍ ပွင့်လင်းမြင်သာမှုရှိရန် တောင်းဆိုခြင်းနှင့်အတူ အချို့သောလေ့လာသူများက အယ်လ်ဂိုရစ်သမ်များအား လူသားတို့၏ လွတ်လပ်ခွင့်ကို ထမ်းဆောင်ရန်  ပရိုဂရမ်ရေးဆွဲနိုင်သည်ဟု ယုံကြည်ကြသည်။

“ကိုကာကိုလာဟာ သူ့ရဲ့ ဖော်မြူလာကို  ထုတ်မပြပါဘူး။ ဒါပေမဲ့ အဲဒီထွက်ကုန်တွေဟာ သူတို့ရဲ့ သက်ရောက်မှုက ကျွန်မတို့ရဲ့ ကျန်းမာရေးအပေါ် ဘယ်လိုရှိလဲဆိုတာကိုတော့ စမ်းသပ်စစ်ဆေးခံရပါတယ်” ဟု ဂျူမီပလာစီက ပြောကြားလျက် ရှင်းလင်းသည့် ထိန်းချုပ်ကြီးကြပ်မှု လိုအပ်ကြောင်း အခိုင်အမာ ပြောကြားခဲ့သည်။

ပြင်သစ်နိုင်ငံ၏ ပုဂ္ဂိုလ်ရေးဆိုင်ရာ လုံခြုံမှု ကာကွယ်စောင့်ရှောက်ရေးအဖွဲ့ဖြစ်သော CNIL က နိုင်ငံတော်အနေဖြင့် အယ်လ်ဂိုရစ်သမ်များကို ထိန်းချုပ်ကြီးကြပ်ရန်နှင့် အချက်အလက်ဆိုင်ရာနည်းပညာ၏ ယန္တရားများကို နားလည်စေရန်အလို့ငှာ လူအများအား ပညာပေးရေးကို အမှန်တကယ် တွန်းအားပေးရန် လွန်ခဲ့သည့်နှစ်က အကြံပြုခဲ့သည်။

အချက်အလက်ကာကွယ်စောင့်ရှောက်ရေးဆိုင်ရာ စည်းမျဉ်းစည်းကမ်းအသစ်များက အယ်လ်ဂိုရစ်သမ်တစ်ရပ်နှင့် ပတ်သက်၍ ဆုံးဖြတ်ချက်ချရာ၌ ခုခံပြောဆိုရန်နှင့်  ပဋိပက္ခဖြစ်ပွားပါက လူသား၏ စွက်ဖက်မှု တစ်ရပ်ကို တောင်းဆိုနိုင်ရန် လူအများကို ခွင့်ပြုခဲ့သည်။

အင်တာနက်ကုမ္ပဏီကြီးအချို့သည် ၎င်းတို့ဘာသာ အတိုင်းအတာတစ်ရပ်အထိ စတင်လုပ်ဆောင်လာကြသည်။ Facebook သည် မသင်္ကာသောပို့စ်များအား အလိုအလျောက် စာတန်းထိုးနိုင်ရန် အားထုတ်မှုတစ်ရပ်ကို စတင်လုပ်ဆောင်ခဲ့ပြီး Youtube vက ကလေးများအတွက် ရည်ရွယ်သည့် ဗီဒီယိုများနှင့်ပတ်သက်၍ ၎င်းတို့၏ လူဝင်ရောက် ထိန်းချုပ်မှုကို တွန်းအားပေးလုပ်ဆောင်လာသည်။

သို့သော် နည်းပညာ၏ အလွန်အကျွံ ဖြစ်မှုကို တိုက်ဖျက်ရန် ထူထောင်ထားသော  Center for Humane Technology ကို ဖွဲ့ စည်းခဲ့သည့် Sillicon Valley ၏ အတွင်းလူများက Youtube ၊ Faebook ၊ Snapchat နှင့် Twitter တို့ကဲ့သို့သော ကုမ္ပဏီများအား  ပြောင်းလဲလာရန် မျှော်လင့်၍ မရနိုင်ကြောင်း သတိပေးခဲ့ကြသည်။ အဘယ့်ကြောင့်ဆိုသော် ယင်းသည် ၎င်းတို့၏ လုပ်ငန်းပုံစံနှင့် ဆန့်ကျင်နေသောကြောင့် ဖြစ်သည်ဟုဆိုသည်။

July 15, 2018














Copy Protected by Chetan's WP-Copyprotect.