တရားဥပဒေ စိုးမိုးမှုရိရေး၊ အုပ်ချုပ်ရေးစနစ် ခိုင်မာမှုရှိရေးနှင့် အကြမ်းဖက်သမားများအား ချေမှုန်းရေး အပါအဝင် UNHCR၊ WFP အပါဝင် နိုင်ငံတကာ အဖွဲ့အစည်းများအားလုံး ရခိုင်ပြည်မှ အမြန်ဆုံး ထွက်ခွာပေးရေး မောင်တောခရိုင် အတွင်းရှိ လူနည်းစု ဒေသခံတိုင်းရင်းသားများက သြဂုတ်လ ၁၃ ရက်နေံမွန်းလွဲ ၁ နာရီမှ ညနေ ၃ နာရီအထိ လူဦးရေ တစ်ထောင်ခန့် ဆန္ဒထုတ်ဖော် ခဲ့ကြကြောင်း သိရသည်။
မောင်တောမြို့ ဆန္ဒထုတ်ဖော်မှုတွင် ကျေးရွာသားရှစ်ဦး သတ်ဖြတ်ခံခဲ့ရသည့် ကိုင်းကြီးမြို ကျေးရွာသားများ အပါအဝင် မြို့နယ်တောင်ပိုင်း၊ မြောက်ပိုင်း ကျေးရွာများမှ တိုင်းရင်းသားများ မြို့ပေါ်တက် ဆန္ဒထုတ်ဖော် ခဲ့ကြကြောင်း သိရသည်။
မောင်တောမြို့ မြို့မကျောင်းရှေ့တွင် စုရပ်ပြုလုပ်ကာ မြို့တစ်ပတ်ကြွေးကြော် ဆန္ဒထုတ်ဖော်ခဲ့ကြသည်။
"ကျနော်တို့ မောင်တောဒေသခံတွေ ရဲ့အဓိက တောင်းဆိုချက်က အချက် ၆ ချက်ဖြစ်ပါတယ်။ အဲဒါတွေက တရားဥပဒေစိုးမိုးရေ ၊ အုပ်ချုပ်ရေးစနစ် ခိုင်မာရေး ၊ဘင်္ဂါလီ အကြမ်းဖက်သမားများအား ခိုလှုံခွင်ပေးသူ ဒို့ရန်သူ၊ အကြမ်းဖက်အဖွဲ့ ချေမှုန်းရေး ၊အကြမ်းဖက်အဖွဲ့၏ အမည်ကို ဖော်ထုတ်ပေးရေး၊ ယူအင်အိုင်အင်ဂျီအို အဖွဲ့များ ထွက်ခွာပေးရေးတို့ကို တောင်းဆိုခဲ့ပါတယ်။ ဒီကနေ့ ဆန္ဒထုတ်ဖော်ပွဲမှာ မောင်တော တစ်နယ်လုံး ကျေးရွာများ ပါမကျန် မြို့ပေါ်တက်ပြီး ဆန္ဒပြကြပါတယ်။ လူဦးရေ တစ်ထောင်လောက် ရှိပါတယ်။ တစ်ခြားတောင်းဆို ချက်တွေကတော့ ရခိုင်ပြည်နယ်တစ်ဝန်းက တောင်းဆိုချက်တွေအတိုင်း ဖြစ်ပါတယ်။" ဟု ဆန္ဒပြပွဲအား ဦးဆောင်ရာတွင် ပါဝင်သူ မောင်တောလူမှုကွန်ရက်မှ ကိုစိန်လှဖြူက ပြောသည်။
ဘူးသီးတောင်မြို့ ဆန္ဒထုတ်ဖော်ပွဲတွင် မြို့ပေါ်နှင့် နယ်ကျေးရွာများမှ ဒေသခံ စုစုပေါင်း ငါးထောင်ခန့်က အကြမ်းဖက်သမားများအား အမြစ်ပြတ်ချေမှုန်းရေးနှင့် ယူအင်အိုင်အင်ဂျီအိုများ ထွက်ခွာပေးရေးတို့အား တောင်းဆိုခဲ့ကြကြောင်း သိရသည်။
ဘူးသီးတောင် ဆန္ဒထုတ်ဖော်ပွဲတွင် အေးစေတီ ဘုန်းတော်ကြီးကျောင်းရှေ့ စုရပ်မှ မြို့တစ်ပတ် လှည့်လည်ကာ အကြမ်းဖက်အဖွဲ့ ဖော်ထုတ်ရေး ဒို့အရေး၊ အကြမ်းဖက်အဖွဲ့ ချေမှုန်းရေး ဒို့အရေး၊ မိမိကိုယ်ကိုယ် ကာကွယ်ခွင့်ရရှိရေး၊ တရားဥပဒေစိုးမိုးရေး ယူအင်အင်ဂျီအို ထွက်သွားရေး ဒို့အရေး တို့ကို ကြွေးကြော် ဆန္ဒထုတ်ဖော်ခဲ့ကြသည်။
ရခိုင်ပြည်နယ် မောင်တော၊ ဘူးသီးတောင်နှင့် ရသေ့တောင်နယ်မြေများ ပါဝင်သော မေယုဒေသအတွင်း ဖြစ်ပွားနေသော အကြမ်းဘက်မှုများနှင့် ပတ်သက်၍ ရခိုင်တစ်ပြည်နယ်လုံး အတိုင်းအတာဖြင့် ဆန္ဒပြခဲ့ခြင်းဖြစ်ပြီး ဆန္ဒပြရာတွင် ဌာနေတိုင်းရင်းသားများ လုံခြုံရေးအတွက် လက်နက်ကိုင် ပြည်သူ့စစ် ဖွဲ့စည်းပေးရေး၊ ၁၉၈၂ နိုင်ငံသားဥပဒေကို တိတိကျကျ အကောင်အထည်ဖေါ် ဆောင်ရွက်ပေးရး၊ UNHCR ၊ WFP အပါဝင် နိုင်ငံတကာ အဖွဲ့အစည်းများအားလုံး ရခိုင်ပြည်မှ အမြန်ဆုံးထွက်ခွာပေးရေးတို့ တောင်းဆိုမှုအပြင် ဘင်္ဂါလီ အကြမ်းဘက်သမားများအား အမြစ်ပြစ် ချေမှုန်းပေးရေးနှင့် ရခိုင်ပြည်နယ် လုံခြုံမှုအတွက် အစိုးရမှ အလုံးစုံ တာဝန်ယူ ဆောင်ရွက်ပေးရေး တို့ကိုလည်း ကြွေးကြော်ဆန္ဒပြ တောင်းဆိုခဲ့ကြောင်း သိရသည်။
