<

ပညာရေးအသုံးစရိတ်မြှင့်တင်ပေးရေး တောင်းဆိုမှုကြောင့် ကျောင်းထုတ်ခံရသည့် ကျောင်းသူကျောင်းသားအားလုံး မည်သည့်လက်မှတ်မျှ မထုိုးရဘဲ ကျောင်းပြန်တက်ခွင့်နှင့် တက္ကသိုလ်ဝင်ခွင့်လမ်းညွှန်များ အသစ်ရေးဆွဲရာတွင် ကျောင်းသားသမဂ္ဂများ ပါဝင်ဆွေးနွေးခွင့်အတွက် နားလည်မှုရရှိ

မကွေးတိုင်းဒေသကြီးအစိုးရအဖွဲ့၊ အမျိုးသားလွှတ်တော်ကိုယ်စားလှယ်များနှင့် အဆင့်မြင့်ပညာဦးစီးဌာန ညွှန်ကြားရေးမှူးချုပ်နှင့် ကျောင်းသားသမဂ္ဂအဖွဲ့ဝင်များ တွေ့ဆုံဆွေးနွေးကြစဉ်

မကွေးတိုင်းဒေသကြီး အစိုးရအဖွဲ့၊ အမျိုးသားလွှတ်တော်ကိုယ်စားလှယ် နှစ်ဦး၊ အဆင့်မြင့်ပညာဦးစီးဌာန ညွှန်ကြားရေးမှူး ချုပ်နှင့် အဖွဲ့နှင့် ကျောင်းသားသမဂ္ဂများ ဖေဖော်ဝါရီ ၈ ရက် မွန်းလွဲ ၁ နာရီက တွေ့ဆုံဆွေးနွေးရာမှ ပညာရေးအသုံးစရိတ်မြှင့်တင်ပေးရေးတောင်းဆိုမှုကြောင့် ကျောင်းထုတ်ခံရသည့် ကျောင်းသူကျောင်းသားအားလုံး မည်သည့်လက်မှတ်မျှမထိုးရဘဲ ကျောင်းပြန်တက်ခွင့်နှင့် တက္ကသိုလ်ဝင်ခွင့်လမ်းညွှန်အသစ် ရေးဆွဲရာတွင် ကျောင်းသားသမဂ္ဂများ ပါဝင်ဆွေးနွေးခွင့်အတွက် နားလည်မှုရရှိခဲ့ကြောင်း သိရသည်။

ယင်းတွေ့ဆုံပွဲကို မကွေးတိုင်းဒေသကြီး အစိုးရအဖွဲ့ရုံး အစည်းအဝေးခန်းမငယ်တွင် ပြုလုပ်ခဲ့ကြောင်းနှင့် တွေ့ဆုံမှုတွင် ပခုက္ကူမြို့တွင် ဖေဖော်ဝါရီ ၇ ရက်က နိုင်ငံအ၀န်းရှိ ကျောင်းသားသမဂ္ဂများ အရေးပေါ်မျက်နှာစုံညီ အစည်းအဝေးက ဖွဲ့စည်းခဲ့သည့် ညှိနှိုင်းရေးကော်မတီမှ ကျောင်းသားကိုးဦး၊ မကွေးတိုင်းအစိုးရအဖွဲ့ဝန်ကြီးချုပ်ဒေါက်တာအောင်မိုးညိုနှင့် ၀န်ကြီးများ၊ အမျိုးသားလွှတ်တော်ကိုယ်စားလှယ်ဦးပြူးလွင်နှင့် ဦးမြတ်မင်းဆွေ၊ အဆင့်မြင့်ပညာဦးစီးဌာန ညွှန်ကြားရေးမှူးချုပ် ဒေါက်တာသိန်းဝင်းနှင့် ဒုတိယညွှန်ကြားရေးမှူးချုပ်နှစ်ဦး မျက်နှာစုံညီတွေ့ဆုံဆွေးနွေးရာမှ ယခုလို နားလည်မှုရရှိခဲ့ခြင်းဖြစ်ကြောင်း သိရသည်။

အဆိုပါတွေ့ဆုံပွဲတွင် ကျောင်းသားသမဂ္ဂများကိုယ်စားပြု ညှိနှိုင်းရေးကော်မတီက တောင်းဆိုသည့်အချက်များတွင် ကျောင်းသူကျောင်းသားများအား ကျောင်းထုတ်စဉ် က ထုတ်ပြန်ထားသည့် အမိန့်စာများကို ပယ်ဖျက်ပေးရန်နှင့် အမိန့်စာတွင်ပါဝင်သည့် ပြစ်မှုများကို ကျောင်းသူကျောင်းသားများက

အမှန်တကယ် မကျူးလွန်ခဲ့ကြောင်း ၀န်ကြီးဌာနက ပြန်လည်ဖြေရှင်းပေးရန်၊ မန္တလေးတိုင်းဒေသကြီး အစိုးရအဖွဲ့က ကျောင်းသားများကို အုပ်စုခွဲစဉ်က ပြုမူခဲ့သည့် အပြုအမူများနှင့် ပတ်သက်၍ ပြန်လည်ဖြေရှင်းပေးရန်၊ ကျောင်းသားသမဂ္ဂများ ရပ်တည်ခွင့်နှင့် ပတ်သက်၍ အစိုးရအဖွဲ့မှ တာဝန်ယူပေးရန်၊ အခါအားလျော်စွာချမှတ်သည့် ကျောင်းစည်းကမ်းများတွင်ကျောင်းသားသမဂ္ဂများ၏ သဘောထားဆန္ဒကို ကောက်ယူထည့်သွင်းရန်၊ လက်ရှိကျောင်းသူကျောင်းသားများအား ကျောင်း ထုတ်ထားသည့်စာများကို ၀န်ကြီးဌာန သို့မဟုတ် ကျောင်းအုပ်ချုပ်ရေးစီမံခန့်ခွဲရေးအဖွဲ့မှ ထုတ်ပြန်သည်ကို တာဝန်ယူမှု၊ တာဝန်ခံမှုရှိစွာ ထုတ်ပြန်ပေးရန်၊ တက္ကသိုလ်ဝင်ခွင့် လမ်းညွှန်တွင် မလိုအပ်သည့်အချက်များ ပယ်ဖျက်ပေးရန် တောင်းဆိုခဲ့ကြောင်း သိရသည်။

အဆိုပါတွေ့ဆုံပွဲတွင် ကျောင်းသားသမဂ္ဂများက လက်ရှိကျောင်းထုတ်ခံထားရသည့် ကျောင်းသူကျောင်းသားများ ကျောင်းပြန်တက်ခွင့်အတွက် ၎င်းတို့ကျူးလွန်မထားသည့် အချက်များကို ဖိအားပေး လက်မှတ်ထိုးခိုင်းမှုများကြောင့် ကျောင်းသူအချို့က မိမိကိုယ်ကိုယ် အဆုံးစီရင်မည့်အခြေအနေအထိပင် ဖြစ်ပေါ်နေကြောင်း တင်ပြခဲ့ကြသည်။

ထိုအခြေအနေကို ဒေါက်တာအောင်မိုးညိုက ပြန်လည်ဆွေးနွေးရာတွင် အစိုးရအနေဖြင့် ကျောင်းပြင်ပရောက်နေသည့် ကလေးငယ်များကိုပင် ၎င်းတို့၏ မိသားစုများ၏ စားသောက်ရေးကိုပါ ထောက်ပံ့၍ ပညာသင်ကြားနိုင်ရန် ဆောင်ရွက်နေပြီး တက္ကသိုလ်အဆင့် ကျောင်းသူကျောင်းသားများကို ပညာသင်ကြားခွင့်ရပ်ရမည်ကို မဖြစ်စေလိုကြောင်း၊ ကျောင်းသူကျောင်းသားများ၏ အနာဂတ်သည် တိုင်းပြည်၏ အနာဂတ်ပင်ဖြစ်ကြောင်း ပြောကြားသည်။

၎င်းက“ကျောင်းထုတ်ခံရတဲ့ ကျောင်းသားတွေ လက်မှတ်ထိုးရမယ့် အခြေအနေမှာ တိုင်းဒေသကြီးအစိုးရက ကျောင်းသူကျောင်းသားတွေကိုပညာကို ကောင်းကောင်းသင်ပါ။ နောက်နောင် ဒါမျိုးမဖြစ်စေရပါဘူးလို့ ပြောဆိုဆုံးမပြီးပြီ။ ဒါကြောင့်မို့လို့ ပြည်ထောင်စု ပညာရေးဝန်ကြီးဌာနအနေနဲ့ ကျောင်းထုတ်ထားတဲ့ ကျောင်းသားကျောင်းသူများအားလုံးကို ပြန်လည်လက်ခံပေးဖို့ မကွေးတိုင်း ဒေသကြီး အစိုးရအဖွဲ့က ကြားဝင်ပြီး မေတ္တာရပ်ပါတယ်လို့ စာရေးပေးလိုက်မယ်။ မင်းတို့ ဘာမှ လက်မှတ်ထိုးစရာလည်းမလိုဘူး။ မိဘလည်း လက်မှတ်ထိုးစရာမလိုဘူး။ စာတင်ဖို့ကိစ္စ၊ ကျောင်းပြန်တက်ဖို့ကိစ္စကို ကျွန်တော်တို့တာဝန်ယူမယ်။ လက်မှတ်ထိုးပေးလိုက်မယ်”ဟု ဒေါက်တာအောင်မိုးညိုက ပြောကြားသည်။

ဒေါက်တာအောင်မိုးညို၏ ကြားဝင်ညှိ နှိုင်းမှုကိုအဆင့်မြင့်ပညာဦးစီးဌာန ညွှန်ကြားရေးမှူးချုပ်နှင့် အဖွဲ့မှလည်းလက်ခံပြီး ကျောင်းသူကျောင်းသားများ ကျောင်းပြန်တက်နိုင်ရန် သက်ဆိုင်ရာ ကျောင်းများသို့ တွေ့ဆုံမှုပြီးသည်နှင့် ဖုန်းဆက်ပေးမည်ဖြစ်ပြီး စာများလည်း ပေးပို့မည်ဖြစ်ကြောင်း ပြောကြားသည်။

ကျောင်းထုတ်ခဲ့သည့် ကျောင်းသူကျောင်းသားများအား အကျင့်စာရိတ္တပျက်ပြားမှုဆိုင်ရာ စည်းကမ်းဖောက်ဖျက်သည်ဟု စွပ်စွဲချက် နှင့် ပတ်သက်၍ ဆွေးနွေးရာတွင် နောက်တစ်နှစ်အတွက် တက္ကသိုလ်ဝင်ခွင့် လမ်းညွှန်ချက်များ ရေးဆွဲရာတွင်ဆွေးနွေးနိုင်ရန်နှင့် ကျောင်းသားသမဂ္ဂများကိုလည်း ပါဝင်ဆွေးနွေးစေမည်ဖြစ်ကြောင်း အဆင့်မြင့်ပညာရေးဦးစီးဌာန ညွှန်ကြားရေးမှူးချုပ်နှင့်အဖွဲ့က ပြောကြားသည်။

“လက်ရှိအခြေအနေအရဆိုရင်တော့ ကျွန်တော်တို့ ကျောင်းသားတွေအနေနဲ့ ကျောင်းပြန်တက်ခွင့်ရပြီ။ ဒါပေမဲ့ ကျောင်းပြန်တက်ခွင့်ရတာက လိပ်ပြာသန့်သန့်နဲ့ ကျောင်းပြန်တက်ခွင့်ရတာ မဟုတ်သေးဘူးလို့ ကျွန်တော်တို့အနေနဲ့ ထင်မြင်တယ်။ ဒါကြောင့် မနေ့ (ဖေဖော်ဝါရီ ၇ ရက်) က ဆွေးနွေးပွဲက ဆုံးဖြတ်ချက်ကျတဲ့ အချက်အလက်တွေအတိုင်းပဲ တာဝန်ရှိသူတွေနဲ့ ဆက်လက်ပြီးတော့ တွေ့ဆုံမယ်။ ခုနက အချက်ငါးချက်ထဲက မတရားဥပဒေတွေ ပယ်ဖျက်ပေးဖို့၊ ပြီးတော့ အမိန့်စာတွေ ပြန်ပယ်ဖျက်ပေးဖို့ရယ်၊ ပြီးတော့ ကျောင်းသားတွေ တကယ်မကျူးလွန်ဘဲနဲ့ ကျောင်းထုတ်တာ ဖြစ်တဲ့အတွက် မကျူးလွန်ပါကြောင်းဆိုတဲ့ အမိန့်စာထုတ်ပေးဖို့ရယ် ဒါတွေကို ဆက်ပြီးတော့ တောင်းဆိုသွားပါမယ်”ဟုဆွေးနွေးပွဲတွင် တက်ရောက်ခဲ့သည့် ပခုက္ကူတက္ကသိုလ်ကျောင်းသားသမဂ္ဂမှ ဒုတိယဥက္ကဋ္ဌ ကိုအောင်ခိုင်မင်းက ပြောကြားသည်။

လက်ရှိ ကျောင်းထုတ်ခံထားရပြီး ဆွေးနွေးပွဲသို့ တက်ရောက်လာသည့် မန္တလေး ရတနာပုံတက္ကသိုလ်မှ ကိုရဲမျိုးဆွေက “ဒီကိစ္စ မှာ မန္တလေးတိုင်းအစိုးရအဖွဲ့က ကြားဝင်ပြီး ညှိနှိုင်းပေးခဲ့ရင် ကျွန်တော်တို့ကျောင်းသားတွေ ကျောင်းထုတ်ခံရစရာလည်း အကြောင်း မရှိပါဘူး။ မန္တလေးတိုင်းအစိုးရက မလုပ်ခဲ့ဘူး။ ကျွန်တော်တို့နယ်တွေရွှေ့ရင်း မကွေးတိုင်းရောက်မှ အဆင်ပြေသွားပါတယ်။ အဲဒီအတွက် မကွေးတိုင်းအစိုးရကို ကျေးဇူးတင်ပါတယ်” ဟု ပြောကြားသည်။

ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် ပညာရေးအသုံးစရိတ်တိုးမြှင့်ရေး တိုက်ပွဲကော်မတီမှ ဦးဆောင်၍ တက္ကသိုလ်ပေါင်းစုံမှကျောင်းသူကျောင်းသားများ ပါဝင်သည့် ဆန္ဒပြတောင်းဆိုမှုကို ၂၀၁၈ ခုနှစ် ဇန်န၀ါရီ ၂၂ ရက် နံနက် ၉ နာရီမှစ၍ မန္တလေးတိုင်းဒေသကြီး ရတနာပုံတက္ကသိုလ်တွင် စတင်ပြုလုပ်ခဲ့ရာ ဇန်န၀ါရီ၂၂ ရက် ညနေပိုင်း၊ ၂၃ ရက် နံနက်ပိုင်းနှင့် ၂၄ ရက် ညနေပိုင်းတို့တွင် ပညာရေးဝန်ကြီးဌာနမှ တာဝန်ရှိသူများနှင့် ကျောင်းသားများ တွေ့ဆုံညှိ နှိုင်းခဲ့သော်လည်း တစ်စုံတစ်ရာ ပြေလည်မှု မရရှိခဲ့ကြောင်း သိရသည်။

အဆိုပါ ကျောင်းသားများဆန္ဒပြ တောင်းဆိုမှုတွင် ပညာရေးအသုံးစရိတ်တိုးမြှင့်ရေး၊ ကျောင်းတွင်းအဆောင်များ တည်ဆောက်ရေး၊ သင်ထောက်ကူပစ္စည်းလုံလောက်ရေးတို့အတွက် တောင်းဆိုခဲ့ကြောင်း သိရပြီး ဆွေးနွေးညှိနှိုင်းမှုများအပြီး ၂၀၁၈ ခုနှစ် ဇန် န၀ါရီ ၂၅ ရက် နံနက် ၄ နာရီခန့်တွင် ဆန္ဒပြ ကျောင်းသားများအား ရဲတပ်ဖွဲ့ဝင်များနှင့် တာဝန်ရှိသူများက ခေါ်ဆောင်ကာ ဒေသ အသီးသီးရှိ ကျောင်းသူကျောင်းသားများ၏နေရပ်သို့ ပြန်လည်ပို့ဆောင်ခဲ့ပြီးနောက်  တက္ကသိုလ်အသီးသီးမှ အဆိုပါဆန္ဒပြမှုတွင် ပါဝင်သော ကျောင်းသူကျောင်းသားများအား ကျောင်းထုတ်ခဲ့ခြင်းဖြစ်ကြောင်း သိရသည်။

မြန်မာနိုင်ငံပညာရေးအသုံးစရိတ်ကို ယခင်နှစ် ၂၀၁၆ -၂၀၁၇ ပညာသင်နှစ်အတွက် ဘီလျံ ၁၆၉၀ ရရှိခဲ့ပြီး ဘီလျံ ၁၀၀၀ ခန့်ကို ပညာရေးဝန်ထမ်းများအတွက် အသုံးပြုခဲ့ကြောင်း၊ နိုင်ငံတစ်ဝန်းရှိအခြေခံကျောင်းများမှစ၍ တက္ကသိုလ်အဆင့်အထိ ကျောင်းသားဦးရေ ကိုးသန်းခန့်ရှိပြီး ၎င်းတို့အတွက် ဘီလျံ ၆၉၀ သာရရှိပြီး  ယခုနှစ် ၂၀၁၈ ခုနှစ် အတွက် ခြောက်လစာ ပညာရေးအသုံးစရိတ် ဘီလျံ ၈၀၀ ကျော်သာ အသုံးပြုခွင့်ရရှိခဲ့ကြောင်း သိရသည်။

 

February 8, 2018














Copy Protected by Chetan's WP-Copyprotect.