<

ရခိုင်ပဋိပက္ခအတွက် မြန်မာနိုင်ငံမှ ပုဂ္ဂိုလ်တစ်ဦးထက်မနည်းကို အမေရိကန်က ပိတ်ဆို့အရေးယူမည်

ဒီဇင်ဘာ ၁၅ ရက်က နယူးယောက်တွင် ကုလသမဂ္ဂလုံခြုံရေးကောင်စီ၌ စကားပြောနေသော အမေရိကန်နိုင်ငံခြားရေးဝန်ကြီး တေလာဆင် (Photo: AFP)

မြန်မာနိုင်ငံတွင် ဘင်္ဂါလီမွတ်စလင်တို့ကို နှိမ်နင်းမှုအတွက် တာဝန်ရှိသော ပုဂ္ဂိုလ် တစ်ဦးထက်မနည်းကို ပိတ်ဆို့အရေးယူမှုများချမှတ်ရန် အမေရိကန်က စီစဉ်နေကြောင်း နိုင်ငံခြားရေးဝန်ကြီး ရက်တေလာဆင်က ဒီဇင်ဘာ ၁၅ ရက်တွင် ပြောကြားခဲ့သည်။

အမေရိကန်သည် မြန်မာနိုင်ငံကို စီးပွားရေး ကန့်သတ်ပိတ်ဆို့ အရေးယူမှုများ ပြန်လည်ရုပ်သိမ်းခဲ့ပြီးနောက် နှစ်အတန်ကြာတွင် မူဝါဒ သိသိသာသာကြီး ပြောင်းလဲခဲ့ခြင်း ဖြစ်သည်။

မည်သည့်အချိန်တွင် မည်သူ့ကို ပိတ်ဆို့အရေးယူမည်ဆိုသည်နှင့်ပတ်သက်၍ တေလာဆင်က မပြောကြားခဲ့သော်လည်း ထရန့်အစိုးရအဖွဲ့သည် လာမည့်သီတင်းပတ်အတွင်း ပိတ်ဆို့အရေးယူမှုများကို ကြေညာဖွယ်ရှိသည်။ အမေရိကန်ဥပဒေတစ်ခုအရ လူ့အခွင့်အရေးချိုးဖောက်မှုများနှင့် ခြစားမှုများအတွက် ပြည်ပမှ လူပုဂ္ဂိုလ်တစ်ဦးချင်းစီကို ပိတ်ဆို့အရေးယူမှုများ ချမှတ်နိုင်သည်။

ယင်းကဲ့သို့ ပိတ်ဆို့အရေးယူမှုများသည်  အရေးယူခံရသူ၏ အမေရိကန်ရှိ ပိုင်ဆိုင်မှုများကို သိမ်းဆည်းခြင်းနှင့် အမေရိကန်ဘဏ္ဍာရေးစနစ်မှ ဖယ်ကြဉ်ခြင်းတို့ကို ဆောင်ရွက်နိုင်သည်။

ဒီမိုကရေစီသို့ ပြောင်းလဲဖော်ဆောင်မှုကို အားပေးသည့်အနေဖြင့် အမေရိကန်သည် ၂၀၁၂ ခုနှစ်မှစပြီး မြန်မာနိုင်ငံကို စီးပွားရေး နှင့် နိုင်ငံရေး ပိတ်ဆို့အရေးယူမှုများ ဖြေလျှော့ပေးခဲ့သည်။ ကုန်သွယ်ရေးနှင့် ရင်းနှီးမြှုပ်နှံမှုများကို ပိတ်ဆို့အရေးယူမှုများ ပြဋ္ဌာန်းရန်မရှိသော်လည်း ရခိုင်ပဋိပက္ခတွင် နှိမ်နင်းမှုအတွက် တာဝန်ရှိသူများကို အရေးယူသွားမည်ဟု အမေရိကန်က ပြီးခဲ့သည့်လတွင် ခြိမ်းခြောက်ထားခဲ့သည်။

ဘင်္ဂလားဒေ့ရ်ှသို့ ဘင်္ဂါလီမွတ်စလင် ၆၃၀၀၀၀ ကျော် ထွက်ပြေးစေခဲ့သော နှိမ်နင်းမှုသည် ‘လူမျိုးစုလိုက် သန့်စင်မှု’ဟု အမေရိကန်က ခေါ်ဆိုခဲ့သော်လည်း ‘လုံခြုံရေး ရှင်းလင်းမှု စစ်ဆင်ရေးများ’သည် အရပ်သားများကို ပစ်မှတ်မထားခဲ့ကြောင်း မြန်မာက ငြင်းဆိုထားသည်။

သြဂုတ်လက လုံခြုံရေးတပ်ဖွဲ့ဝင်များကို အကြမ်းဖက်တိုက်ခိုက်ခဲ့သည့် ဘင်္ဂါလီ မွတ်စလင် အကြမ်းဖက်သမားများအား ရှင်းလင်းခဲ့ခြင်းဖြစ်ကြောင်း မြန်မာက ပြောကြားထားသည်။

ဖြစ်ပျက်ခဲ့သည်များကို သိရှိသုံးသပ်နိုင်ရန်အတွက် အမေရိကန်က ဆက်လက် ဆောင်ရွက်နေကြောင်း နယူးယောက်တွင် သတင်းထောက်များကို တေလာဆင်က ပြောကြားခဲ့သည်။

“ကျွန်တော်တို့ မြန်မာနိုင်ငံရဲ့ ဒီမိုကရေစီပြောင်းလဲမှု အောင်မြင်တာကို လိုလားပါတယ်။ ဒီမိုကရေစီကို အောင်အောင်မြင်မြင် ဆောင်ရွက်နိုင်မှုကို ဘယ်သူတွေက သက်ရောက်နိုင်သလဲဆိုတာ သိရဖို့ ဒီအကျပ်အတည်းက တကယ့်စမ်းသပ်မှုပါပဲ” ဟု တေလာဆင်က ကုလသမဂ္ဂတွင် သတင်းထောက်များကို ပြောကြားခဲ့သည်။

နှိမ်နင်းမှုအတွက် တာဝန်ရှိသောပုဂ္ဂိုလ်တစ်ဦးကို အမေရိကန်က သတ်မှတ်ရွေးချယ်ထားပြီးဖြစ်ကြောင်း ပစ်မှတ်ထား ပိတ်ဆို့အရေးယူမှုအတွက် အခြား ဖြစ်နိုင်ခြေရှိသူများကို သုံးသပ်နေကြောင်း တေလာဆင်က ပြောကြားခဲ့သည်။

ထို့ပြင် တေလာဆင်သည် မြန်မာနိုင်ငံ၌ မီဒီယာလွတ်လပ်ခွင့် အရေးကြီးမှုကိုလည်း အလေးထား ပြောကြားခဲ့သည်။ ယခု သီတင်းပတ်အတွင်းက ဖမ်းဆီးခံခဲ့ရသော ရိုက်တာ သတင်းအေဂျင်စီ၏ ဂျာနယ်လစ်နှစ်ဦးကို ချက်ချင်းပြန်လည်လွှတ်ပေးရန်လည်း တေလာဆင်က တောင်းဆိုခဲ့သည်။

December 16, 2017














Copy Protected by Chetan's WP-Copyprotect.