အောက်တိုဘာ ၁၉ ရက်က ဘင်္ဂလားဒေ့ရှ်ရှိ ပါလောင်ခါလီဒေသတွင် တွေ့ရသော ဘင်္ဂါလီမွတ်စလင် ဒုက္ခသည်များ (Photo : AFP)

လူများ အလုံးအရင်းဖြင့် ထွက်ပြေးရမှုကို ဖြစ်စေသည့် ဘင်္ဂါလီမွတ်စလင်များအပေါ် အကြမ်းဖက်မှုတွင် ပါဝင်သည့် မြန်မာတပ်ဖွဲ့များနှင့် အရာရှိများကို စစ်ဘက်ဆိုင်ရာ အထောက်အပံ့များပေးခြင်းမှ ရုပ်သိမ်းမည်ဟု အမေရိကန်က အောက်တိုဘာ ၂၃ ရက်တွင် ကြေညာခဲ့သည်။

“ရခိုင်ပြည်နယ်မှာ မကြာသေးခင်က ဖြစ်ပွားခဲ့တဲ့ ဖြစ်ရပ်တွေနဲ့ ရိုဟင်ဂျာတွေ၊ တခြားလူအုပ်စုတွေ ခံခဲ့ရတဲ့ ထိခိုက်မှုဖြစ်စေတဲ့ အလွဲသုံးစားမှုတွေနဲ့ ပတ်သက်ပြီး အကြီးမားဆုံး စိုးရိမ်မိကြောင်း ကျွန်မတို့ ဖော်ပြလိုက်ပါတယ်” ဟု အရေးယူမှုကို ကြေညာရာတွင် အမေရိကန် နိုင်ငံခြားရေးဌာနမှ ပြောရေးဆိုခွင့်ရ အမျိုးသမီး ဟီသာနျူအက်က ပြောကြားခဲ့သည်။

“နိုင်ငံနဲ့ မဆိုင်တဲ့ ပြုလုပ်သူတွေနဲ့ ပြည်သူ့စစ်တွေ အပါအဝင် ရက်စက်ကြမ်းကြုတ်မှုတွေအတွက် တာဝန်ရှိတဲ့ ဘယ်ပုဂ္ဂိုလ်တစ်ဦးချင်း ဒါမှမဟုတ် ဘယ်အဖွဲ့မဆို တာဝန်ခံရမယ်ဆိုတာ အလွန်ကို အရေးကြီးပါတယ်” ဟုလည်း ၎င်းက ပြောကြားခဲ့သည်။

ဒေါ်အောင်ဆန်းစုကြည် ဦးဆောင်သော အရပ်သားအစိုးရအဖွဲ့ကို ခွဲထုတ်လျက် မွတ်စလင်ဒုက္ခသည် အကျပ်အတည်း အတွက် မြန်မာတပ်မတော်၏ ဦးဆောင်မှုကိုသာ တာဝန်ရှိသူအဖြစ် အမေရိကန်က သတ်မှတ်ခဲ့ကြောင်း လွန်ခဲ့သည့် သီတင်းပတ်အတွင်း အမေရိကန် နိုင်ငံခြားရေးဝန်ကြီး ရက်စ်တေ လာဆင်က ပြောကြားခဲ့သည်။

အစီရင်ခံခဲ့သော ရက်စက်ကြမ်းကြုတ်မှုများကို ကမ္ဘာကြီးက သက်သေခံပြီး သည်းခံလိမ့်မည် မဟုတ်ကြောင်း တေလာဆင်က သတိပေးလျက် တပ်မတော်အနေဖြင့် စည်းကမ်းရှိကာ ချုပ်ထိန်းမှု ရှိရမည်ဖြစ်ကြောင်းလည်း ပြောကြားခဲ့သည်။

သြဂုတ်လအနှောင်းပိုင်းက စတင်သော ပဋိပက္ခများ အရှိန်မြင့်လာခြင်းနှင့်အတူ လူနည်းစုမွတ်စလင် ၆၀၀ç၀၀၀ ကျော်သည် နယ်စပ်ကိုဖြတ်ကျော်ကာ ဘင်္ဂလားဒေ့ရှ်နိုင်ငံသို့ ထွက်ပြေးခဲ့ကြသည်။

ရခိုင်ပြည်နယ်တွင် အကြမ်းဖက်သမားများက မြန်မာလုံခြုံရေး တပ်များကို တိုက်ခိုက်ခဲ့မှုက မြန်မာတပ်မတော်၏ အဓိကနှိမ်နင်းမှုများကို ဖြစ်စေခဲ့ပြီး ယင်းကို ကုလသမဂ္ဂက လူမျိုးစုလိုက်သုတ်သင်မှု ဖြစ်နိုင်သည်ဟု ပြောကြားခဲ့သည်။

အမေရိကန်သည် မြန်မာလက်နက် ကိုင်တပ်မတော်နှင့် နဂိုကတည်းက ဆက် ဆံရေးကန့်သတ်မှုများ ရှိထားနှင့်ပြီးဖြစ် သည့်အပြင် စစ်ဘက်ဆိုင်ရာ ရောင်းဝယ်မှု အားလုံးကို ကာလရှည်ပိတ်ပင်ထားသည်။ ထို့ကြောင့် စစ်ဘက်ဆိုင်ရာအကူအညီများ ရုပ်သိမ်းခြင်းက ယင်းအနေအထားကို ပိုမိုတင်းကျပ်စေမည် ဖြစ်သည်။

၎င်းင်းအပြင် အမေရိကန်နိုင်ငံခြားရေး ဌာနက ၎င်းတို့သည် မြန်မာတပ်မတော် အ ကြီးတန်းခေါင်းဆောင်များ ခရီးသွားလာခွင့် ကို လျှော့ပေါ့ပေးရန် စဉ်းစားနေမှုအား ရပ် ဆိုင်းလိုက်ပြီဖြစ်ကြောင်းနှင့် ပစ်မှတ်ထား ပိတ်ဆို့မှုများနှင့်အတူ ရက်စက်ကြမ်းကြုတ် မှုများနှင့် ဆက်နွှယ်နေသည့် လူပုဂ္ဂိုလ်တစ် ဦးချင်းကို ပစ်မှတ်ထားလျက် စီးပွားရေးပိတ်ဆို့မှုများ ပြုလုပ်ရန် ချိန်ဆနေကြောင်းလည်း ပြောကြားခဲ့သည်။

အမေရိကန်က စပွန်ဆာပေးထားသော ကိစ္စများအတွက် မြန်မာလုံခြုံရေးတပ်ဖွဲ့အ ကြီးတန်းအရာရှိများကို ဖိတ်ကြားခြင်းကို ပယ်ဖျက်ခဲ့ပြီး ကုလသမဂ္ဂအချက်အလက် ရှာဖွေရေးမစ်ရှင်၊ နိုင်ငံတကာအဖွဲ့အစည်း များနှင့် မီဒီယာတို့အား အခင်းဖြစ်ပွားခဲ့ရာ နေရာများသို့ အတားအဆီးမရှိ ဝင်ရောက် ခွင့်ပြုရေးအတွက်လည်း ဖိအားပေးသွားမည် ဟု ဆိုသည်။

Ref : AFP