w ရန်ကုန်မြို့မှာ အိမ်ဝယ်ခွင့်ရရေး လွှတ်တော်ကိုယ်စားလှယ်တွေရဲ့ ထောက်ခံချက်နဲ့ ဆုပ်လည်းစူး၊ စားလည်းရူး ပြဿနာ - Eleven Media Group <

ရန်ကုန်မြို့မှာ အိမ်ဝယ်ခွင့်ရရေး လွှတ်တော်ကိုယ်စားလှယ်တွေရဲ့ ထောက်ခံချက်နဲ့ ဆုပ်လည်းစူး၊ စားလည်းရူး ပြဿနာ

တန်ဖိုးနည်းအိမ်ရာ လျှောက်ထားသူများကို ဒဂုံမြို့နယ်လွှတ်တော်ကိုယ်စားလှယ် ဦးကျော်ဇေယျ ထောက်ခံစာရေးသားပေးနေစဉ် (Photo: Kyaw Zay Ya Facebook)

ဖေဖော်ဝါရီ ၂၆ ရက်တွင် ရန်ကုန်တိုင်းဒေသကြီးလွှတ်တော် ဥက္ကဋ္ဌ ဦးတင်မောင်ထွန်းက လွှတ်တော်ကိုယ်စားလှယ်များ စိစစ်ထောက်ခံရမည့် အကြောင်းကြား စာတစ်စောင်ကို ထုတ်ပြန်ခဲ့သည်။

ယင်းအကြောင်းကြားစာမှာ ရန်ကုန်တိုင်းဒေသကြီးအတွင်းရှိ တန်ဖိုးနည်းတိုက်ခန်းများ ၀ယ်ယူမည့်သူများမှာ မြေ၊ အိမ်ပိုင်ဆိုင်မှု မရှိကြောင်း သက်ဆိုင်ရာမြို့နယ် လွှတ်တော်ကိုယ်စားလှယ်များက ထောက်ခံပေးရမည့် ညွှန်ကြားချက် ဖြစ်သည်။

ရန်ကုန်တိုင်းဒေသကြီး လွှတ်တော်ဥက္ကဋ္ဌက ထုတ်ပြန်ခဲ့သည့် ညွှန်ကြားချက် အပြည့်အစုံမှာ ရန်ကုန်တိုင်းဒေသကြီး အိမ်ရာရောင်းချရေး ကြီးကြပ်မှုကော်မတီ အစည်းအဝေးမှ ‘ရန်ကုန်တိုင်းဒေသကြီး အတွင်းရှိ အိမ်ရာစီမံကိန်းများမှ အိမ်ခန်းတစ်ခန်းကိုသာ လျှောက်ထားခွင့်ရှိပြီး အိမ် (သို့မဟုတ်) မြေပိုင်ဆိုင်မှုမရှိကြောင်းကို လက်ရှိနေထိုင်သည့် ရပ်ကွက်အုပ်ချုပ်ရေးမှူး၊ မြို့နယ်အုပ်ချုပ်ရေးမှူးများမှ ထောက်ခံချက်ရယူပြီးလျှင် သက်ဆိုင်ရာမြို့နယ်/တိုင်းဒေသကြီး လွှတ်တော်ကိုယ်စားလှယ်၏ ထပ်ဆင့်ထောက်ခံချက်ဖြင့် လျှောက်ထားရမည်။ သက်ဆိုင်ရာမြို့နယ် တိုင်းဒေသကြီးလွှတ်တော်ကိုယ်စားလှယ်၏ ထောက်ခံချက်မပါရှိသော လျှောက်လွှာကို လက်ခံခြင်း မပြုပါ” ဟု ဆုံးဖြတ်ခဲ့သဖြင့် တိုင်းဒေသကြီး လွှတ်တော်ကိုယ်စားလှယ်များ၏ ထောက်ခံချက် ရရှိနိုင်ရေးအတွက် လမ်းညွှန်မှုပြုပေးနိုင်ပါရန် ရည်ညွှန်းစာဖြင့် တင်ပြလာကြောင်း၊ ထို့ကြောင့် တိုင်းဒေသကြီး လွှတ်တော်ကိုယ်စားလှယ်များအနေဖြင့် လိုအပ်သလို စိစစ်၍ ထပ်ဆင့် ထောက်ခံပေးနိုင်ပါကြောင်း အကြောင်းကြားသည်ဟု ဖော်ပြထားသည်။

ရန်ကုန်တိုင်းထဲမှာ တန်ဖိုးနည်းအိမ်ရာတွေ ဘယ်လောက်ဆောက်ပေးမှာလဲ

ရန်ကုန်တိုင်းဒေသကြီးအတွင်းရှိ မြို့နယ်များဖြစ်သော မြောက်ဥက္ကလာပ၊ လှိုင်သာယာ၊ ရွှေပြည်သာ၊ ဒဂုံတောင်၊ ဒဂုံဆိပ်ကမ်းမြို့နယ်များရှိ တန်ဖိုးနည်းနှင့် တန်ဖိုးသင့်တိုက်ခန်းများကို ရန်ကုန်တိုင်းဒေသကြီး အစိုးရအဖွဲ့အစီအစဉ်ဖြင့် ရောင်းချပေးမည်ဟု ရန်ကုန်တိုင်းဒေသကြီး အစိုးရအဖွဲ့က ကြေညာခဲ့သည်။

အဆိုပါ တိုက်ခန်းများဝယ်ယူခွင့် လျှောက်ထားလိုသူများ အနေဖြင့် အသက် ၂၃ နှစ်ပြည့်ပြီးသူဖြစ်ရမည်ဖြစ်ပြီး မိသားစု (အိမ်ထောင်စုပုံစံ ၆၆/၆)တစ်စုတွင် တစ်ဦးသာ လျှောက်ထားခွင့်ရှိမည်ဖြစ်ကြောင်းနှင့် ရန်ကုန်တိုင်းဒေသကြီးအတွင်း အိမ်ပိုင်/မြေပိုင် မရှိသူဖြစ်ရမည် ဖြစ်ကြောင်း သိရသည်။

တန်ဖိုးနည်းတိုက်ခန်း ၀ယ်ယူခွင့် လျှောက်ထားသူ၏ မိသားစုဝင်ငွေသည် တစ်လကျပ်သုံးသိန်းနှင့် ကျပ်ငါးသိန်းကြား ရှိရမည်ဖြစ်ပြီး တန်ဖိုးသင့်တိုက်ခန်း ၀ယ်ယူခွင့် လျှောက်ထားသူ၏ မိသားစုဝင်ငွေသည် ကျပ်ငါးသိန်းနှင့် ကျပ် ၁၂ သိန်းအကြား ရှိရမည်ဖြစ်သည်။

နိုင်ငံဝန်ထမ်းအငြိမ်းစားများ၊ ကုမ္ပဏီဝန်ထမ်းများ၊ ၀င်ငွေနည်းပြည်သူများကို ဦးစားပေးရောင်းချမည်ဟု ဆိုထားပြီး သက်ဆိုင်ရာ အကြီးအကဲများ၏ ထောက်ခံချက် ပါရှိရမည်ဖြစ်သည်။

တစ်နိုင်ငံလုံး အတိုင်းအတာဖြင့် လက်ရှိအစိုးရစတင်တာဝန်ယူချိန်မှစ၍ သက်တမ်းကုန်သည့် ၂၀၂၀ ခုနှစ်အထိ အိမ်ရာတိုက်ခန်း တစ်သန်းအပြီးတည်ဆောက်မည်ဖြစ်ပြီး တစ်နှစ်လျှင် အိမ်ရာတိုက်ခန်းပေါင်း နှစ်သိန်းဆောက်လုပ်မည်ဖြစ်သည်။

“တစ်နှစ် အိမ်ရာနှစ်သိန်းမှာ ကျွန်တော်တို့ ဆောက်လုပ်ရေးဝန်ကြီးဌာနက ၂၀ ရာခိုင်နှုန်း (တိုက်ခန်းပေါင်း ၃၆၀၀၀) ဆောက်လုပ်ပေးမယ်။ ပြီးခဲ့တဲ့နှစ်မှာ ၄၀၀၀၀ ကျော်လောက် ဆောက်ပြီးသွားပြီ။ လျာထားချက်ထက် ကျော်တာပေါ့။ တန်ဖိုးနည်း၊ တန်ဖိုးသင့်၊ တန်ဖိုးမြင့် အိမ်ရာတွေပေါ့။ အခုနှစ်မှာလည်း ဆောက်လုပ်နေဆဲ အိမ်ရာတွေ ရှိပါတယ်” ဟု မြို့ပြနှင့် အိုးအိမ်ဖွံ့ဖြိုးရေး ဦးစီးဌာန ညြွှန်ကြားရေးမှူး ဦးယုခိုင်က ပြောကြားသည်။

တစ်နိုင်ငံလုံးတွင် နှစ်အလိုက် အိမ်ရာထုတ်လုပ်မည့် အစီအစဉ် အနေဖြင့် တန်ဖိုးနည်းအိမ်ရာနှင့် တန်ဖိုးသင့်အိမ်ရာများကို ရန်ကုန်တိုင်း၊ ဧရာဝတီတိုင်း၊ မကွေးတိုင်း၊ စစ်ကိုင်းတိုင်း စသည့် တိုင်းဒေသကြီး၊ ပြည်နယ်လေးခုတွင် ၂၀၁၇-၂၀၁၈ ဘဏ္ဍာနှစ်အတွက် တိုက်လုံးရေ ၁၅၈ လုံး၊ အခန်းပေါင်း ၄၅၅၀၊ ၂၀၁၈-၂၀၁၉ ဘဏ္ဍာနှစ်အတွက် တိုက်လုံးရေ ၂၀၇ လုံး၊ အခန်းပေါင်း ၅၉၀၈ ခန်းနှင့် ၂၀၁၉-၂၀၂၀ ဘဏ္ဍာနှစ်အတွက် တိုက်လုံးရေ ၄၀၊ အခန်းပေါင်း ၁၄၅၆ ခန်း စုစုပေါင်းတိုက်လုံးရေ ၄၀၅ လုံး၊ အခန်းပေါင်း ၁၁၉၁၄ ခန်း ဆောက်လုပ်မည် ဖြစ်သည်။

လက်ရှိတွင် မြောက်ဥက္ကလာ၊ လှိုင်သာယာ၊ ရွှေပြည်သာ၊ ဒဂုံတောင်၊ ဒဂုံဆိပ်ကမ်းမြို့နယ်များရှိ တန်ဖိုးနည်းနှင့် တန်ဖိုးသင့်တိုက်ခန်း ၈၆၂ ခန်းကိုဝယ်ယူရန် ဖေဖော်ဝါရီ ၁၆ ရက်မှ မတ် ၁၆ ရက်အတွင်း မြို့ပြနှင့် အိုးအိမ်ဖွံ့ဖြိုးရေးဦးစီးဌာနတွင် လျှောက်လွှာတင်ကာ တိုက်ခန်းများ လျှောက်ထားနိုင်ပြီဖြစ်သည်။

တိုက်ခန်းများကို ၀ယ်ယူရာတွင် ဘဏ်များမှ ချေးငွေရယူရမည်ဖြစ်ပြီး ကနဦးပေးသွင်းငွေအဖြစ် ၂၀ ရာခိုင်နှုန်း ပေးချေရမည်ဖြစ်သည်။

“အိမ်ရာချေးငွေဖြင့် တန်ဖိုးနည်းအိမ်ရာ ၀ယ်ယူလိုသူတွေဟာ လစဉ်မိသားစုတစ်စုလုံးဝင်ငွေ အနည်းဆုံး သုံးသိန်းရှိရမှာ ဖြစ်ပြီးတော့ တန်ဖိုးသင့်အိမ်ရာ ၀ယ်ယူလိုသူတွေဟာ လစဉ်မိသားစုတစ်စုလုံး ၀င်ငွေအနည်းဆုံး ငါးသိန်းရှိရမှာ ဖြစ်ပါတယ်။ အိမ်ရာချေးငွေ ရယူသူများမှ ပေးဆပ်ရမည့် အစီအစဉ်မှာ အိမ်ရာချေးငွေဖြင့် အိမ်ရာဝယ်ယူသူတွေဟာ တိုက်ခန်းတန်ဖိုး၏ ရာခိုင်နှုန်း ၂၀ ကို ကနဦးပေးသွင်းငွေအဖြစ် ပေးသွင်းရမှာဖြစ်ပြီး ကျန်ရာခိုင်နှုန်း ၈၀ ကို တစ်နှစ်လျှင် အတိုးနှုန်း ၈ ဒသမ ၅ ရာခိုင်နှုန်းဖြင့် အနည်းဆုံး ၁၀ နှစ်မှ ၁၅ နှစ် ထုတ်ချေးပေးသွားမှာ ဖြစ်ပါတယ်။ ချေးငွေအရင်းအတိုး ပြန်လည်ပေးသွင်းရန်နှင့် ပတ်သက်၍ မြန်မာ့စီးပွားရေးဘဏ်မှ သတ်မှတ်ထားသည့် လုပ်ထုံးလုပ်နည်းများ၊ JICA မှ ချမှတ်ထားသည့် သတ်မှတ်ချက်များ အတိုင်း ဆောင်ရွက်သွားမှာ ဖြစ်ပါတယ်။ ချေးငွေပြန်လည်ပေးဆပ်မည့် အစီအစဉ်မှာကတော့ အဆိုပါ ချေးငွေသည် JICA (Two Step Loan) ဖြစ်၍ စီမံကိန်းနှင့် ဘဏ္ဍာရေးဝန်ကြီးဌာနမှ ဂျပန်နိုင်ငံအစိုးရသို့ ဆိုင်းငံ့ကာလ ၁၀ နှစ်အတွင်း အတိုးငွေကိုသာ ပေးဆပ်ရမည်ဖြစ်ပြီး ၁၁ နှစ်မြောက်မှစ၍ အရင်းစတင်ပေးဆပ်ကာ နှစ် ၃၀ အတွင်း အကျေပေးဆပ်ရမည် ဖြစ်ပါတယ်။ ဆောက်လုပ်ရေးနှင့် အိမ်ရာဖွံ့ဖြိုးရေးဘဏ်အနေဖြင့် အိမ်ရာချေးငွေ ရယူသူများက လစဉ်အတိုးအရင်း ပေးဆပ်မှုရရှိငွေကို သုံးလတစ်ကြိမ် မြန်မာ့စီးပွားရေးဘဏ်သို့ ပြန်လည် ပေးဆပ်သွားရမှာ ဖြစ်ပါတယ်” ဟု ဆောက်လုပ်ရေးဝန်ကြီးဌာနမှ ဒုဝန်ကြီး ဦးကျော်လင်းက ဖေဖော်ဝါရီ ၂၂ ရက်တွင် ပြည်ထောင်စုလွှတ်တော်တွင် ပြောကြားသည်။

သမ္မတဟောင်း ဦးသိန်းစိန် လက်ထက်တွင် ရန်ကုန်မြို့၌ တန်ဖိုးနည်းအိမ်ရာ စီမံကိန်းများအဖြစ် လှိုင်သာယာမြို့နယ် ရွှေလင်ဗန်း တန်ဖိုးနည်းအိမ်ရာ၊ မြောက်ဥက္ကလာပမြို့နယ် ရွှေပေါက္ကံ ၁၄ ရပ်ကွက် တန်ဖိုးနည်းအိမ်ရာနှင့် အခြားအိမ်ရာများကို ဆောက်လုပ်ပေးခဲ့သည်။

လှိုင်သာယာမြို့နယ် ရွှေလင်ဗန်းတန်ဖိုးနည်းအိမ်ရာတွင် အခန်းပေါင်း ၁၇၆၈ ခန်း၊ မြောက်ဥက္ကလာပမြို့နယ် ရွှေပေါက္ကံ ၁၄ ရပ်ကွက် တန်ဖိုးနည်းအိမ်ရာတွင် အခန်းပေါင်း ၆၂၀ ခန်းနှင့် အခြားအိမ်ရာများတွင် အခန်းပေါင်း ၁၆၉၈၆ ခန်း ဆောက်လုပ်ပေးခဲ့သည်။

ယင်းကြောင့် အမျိုးသားဒီမိုကရေစီ အစိုးရလက်ထက်တွင် ယခင်အစိုးရလက်ထက်ကထက် တန်ဖိုးနည်းအိမ်ရာများကို ပိုမိုဆောက်လုပ်နိုင်ရန် ရည်မှန်းထားသည်ကို တွေ့ရသည်။

ညွှန်ကြားစာက ဘယ်လိုထွက်လာတာလဲ

တန်ဖိုးနည်း တိုက်ခန်းများ ၀ယ်ခွင့်နှင့်ပတ်သက်ပြီး လွှတ်တော်ကိုယ်စားလှယ်များ ထောက်ခံပေးရမည့်ဆိုသည့် ညွှန်ကြားစာမှာ မထွက်မီကပင် လွှတ်တော်ကိုယ်စားလှယ်များအကြား ဝေဖန်မှုများရှိခဲ့သည့် ညွှန်ကြားချက်ဖြစ်သည်။

ရန်ကုန်တိုင်းဒေသကြီးအစိုးရ အဖွဲ့က ပြုလုပ်သည့် အိမ်ရာရောင်းချရေး ကြီးကြပ်မှုကော်မတီ အစည်းအဝေးတွင် လွှတ်တော်ကော်မတီ တစ်ခုမှ ဥက္ကဋ္ဌနှင့် အတွင်းရေးမှူးတို့ တက်ရောက်ခဲ့ပြီး သဘောတူခြင်းဖြစ်ပြီး လွှတ်တော်ကိုယ်စားလှယ်များ၏ သဘောထားရယူခြင်း မရှိကြောင်း ကျောက်တံတားမဲဆန္ဒနယ်မှ လွှတ်တော်ကိုယ်စားလှယ် ဒေါ်ကြည်ပြာက ပြောကြားသည်။

“စာရွက်ယူပြီး သွားပြတော့မှ လွှတ်တော်ဥက္ကဋ္ဌက တခြားသူတွေကလည်း မေးနေတယ်။ ၀န်ကြီးကို လှမ်းမေးမှ ဖြစ်တော့မယ်ဆိုပြီး ၀န်ကြီးကိုမေးရတာ။ အစ်မတို့ လွှတ်တော်က ကော်မတီတစ်ခုက ဥက္ကဌနဲ့ အတွင်းရေးမှူးကို ခေါ်ပြီး ထည့်သွင်းဆုံးဖြတ်တယ်။ သူတို့လည်း ပါတယ်ပေါ့နော်။ ဒါပေမဲ့ ဥက္ကဋ္ဌနဲ့ အတွင်းရေးမှူးက လွှတ်တော်ကိုလည်း ပြန်မပြောဘူး။ မပြောမိတာ။ တကယ်တော့လည်း ဒါက လွှတ်တော်ကိုယ်စားလှယ် အားလုံးနဲ့ သက်ဆိုင်တဲ့ကိစ္စက ကော်မတီတစ်ခုရဲ့ ဥက္ကဋ္ဌနဲ့ အတွင်းရေးမှူးက ဆုံးဖြတ်တယ်ဆိုတာက မရဘူးလေ။ အချင်းချင်းလည်း မပြောမိလိုက်တဲ့ အခါကျတော့ စာကြီးထွက်လာတော့ လွှတ်တော်ဥက္ကဋ္ဌလည်း မသိလိုက်ဘူးဆိုတဲ့ ပုံစံဖြစ်သွားတာ။ သိတဲ့အခါကျတော့ အစ်မတို့က ထိုးရမလို၊ မထိုးရမလိုဆိုတော့ လွှတ်တော်ဥက္ကဋ္ဌကလည်း စာကြီးကလည်း ထွက်သွားပြီ။ မထိုးဘူးဆို ပြန်ရင်လည်း ကိုယ်စားလှယ်တွေဖြစ်ပြီး ပြည်သူ့အတွက် ဒီလောက်တောင် မလုပ်ချင်ဘူးလားဆိုတာက ဖြစ်ဦးမယ်။ ထိုးပေးပြန်ရင်လည်း ကိုယ်စားလှယ် လက်မှတ်ထိုးပေးရမှာ ကိုယ်စားလှယ်အလုပ်လား။ ဒါ မှန်မမှန် ကိုယ်စားလှယ်က ဘယ်လိုတာဝန်ယူနိုင်မလဲ စတာတွေပေါ့။ ဒါပေမဲ့ စာကတော့ ထွက်သွားပြီ။ အဲဒီတော့ မူလေးနည်းနည်းပြင်ဆိုပြီး လုပ်ရတော့တာပေါ့” ဟု ကျောက်တံတားမဲဆန္ဒနယ်မှ လွှတ်တော်ကိုယ်စားလှယ် ဒေါ်ကြည်ပြာက ပြောကြားသည်။

ညွန်ကြားစာက လွှတ်တော်ကိုယ်စားလှယ်တွေကို ဘာတွေအခက်တွေ့စေသလဲ

ယင်းကဲ့သို့ အကြောင်းကြားစာ ထွက်ပေါ်လာခြင်း မရှိမီကပင် ရန်ကုန်တိုင်း လွှတ်တော်ကိုယ်စားလှယ်အချို့က ဝေဖန်မှုများ ပြုလုပ်ခဲ့ကြသည်။

“အဲဒါမသိခင်ကတည်းက အဲဒီအမိန့် ညွှန်ကြားချက်မသိခင်ကတည်းက ထောက်ခံဖို့အတွက် အန်ကယ့် ဒဂုံမြို့နယ်ကတော့ လျှောက်လွှာတွေ ပလူပျံအောင်ရောက်နေပြီ။ အန်ကယ်တို့က နောက်မှသိရတာပါ။ ယုံယုံကြည်ကြည်နဲ့ ထောက်ခံဖို့ဆိုတာက အန်ကယ်တို့က မဲဆန္ဒရှင်တွေရဲ့ ထောက်ခံချက်တွေနဲ့ ကိုယ်စားလှယ်ဖြစ်လာတာပါ။ ကိုယ့်ဆီအဲဒီမဲဆန္ဒက ထောက်ခံချက်လာတောင်းတော့ ကိုယ်စားလှယ်ဘက်ကနေ စဉ်းစားကြည့် ဘယ်လိုလုပ်ရမလဲ။ ထောက်ခံချက်မပေးဘူးဆိုတော့ ဘယ်လိုဖြစ်သွားမလဲ။ မေးခွန်းပေါင်း သို့လောသို့လောတွေက အများကြီးပေါ့။ အဲဒီတော့ အန်ကယ်တို့က ဒီကိစ္စထောက်ခံစာလာလို့ရှိရင် ဆုပ်လဲဆူး စားလဲရူး။ မထောက်ခံလို့ ရှိရင်လည်း ပြည်သူကနေ ကိုယ်စားလှယ်ကို ရွံသွားဦးမယ်လေ။ အဲဒါကြောင့် အန်ကယ် အနေကတော့ အစိုးရနဲ့ လွှတ်တော်၊ လွှတ်တော်နဲ့အစိုးရ မလုပ်သင့်တဲ့ အလုပ်ကို လုပ်ချလိုက်တာပဲလို့ အန်ကယ် ရဲရဲဝံ့ဝံ့ ပြောချင်ပါတယ်” ဟု ဒဂုံမြို့နယ် မဲဆန္ဒနယ်အမှတ် (၂) မှ တိုင်းဒေသကြီး လွှတ်တော် ကိုယ်စားလှယ် ဦးကျော်ဇေယျက ပြောကြားသည်။

တန်ဖိုးနည်း၊ တန်ဖိုးသင့်တိုက်ခန်းများ ၀ယ်ယူရန် လွှတ်တော်ကိုယ်စားလှယ်များကို ထောက်ခံခိုင်းခြင်းသည် ကိုယ်စားလှယ်များအနေဖြင့် လုပ်ဆောင်ရမည့် ကိစ္စမဟုတ်ကြောင်း၊ ပြည်သူများကို လက်မှတ်မထိုးပေးပါကလည်း ပြည်သူများ ငြိုငြင်နိုင်ကြောင်း၊ အဆိုးနှင့် အကောင်း ဒွန်တွဲနေကြောင်း လှိုင်မြို့နယ် မဲဆန္ဒနယ်အမှတ် (၁) မှ တိုင်းဒေသကြီး လွှတ်တော်ကိုယ်စားလှယ် ဦးကျော်ကျော်ထွန်းက ပြောကြားသည်။

“အခုဟာက လွှတ်တော်ကိုယ်စားလှယ်အနေနဲ့ လုပ်ရမယ့်ကိစ္စတော့ မဟုတ်ဘူး။ ဒါပေမဲ့ ထိုးခိုင်းတဲ့အတွက် ပြဿနာက ဘာရှိလာနိုင်လဲဆိုရင် သူတို့မမှန်လို့ မထိုးပေးဘူးဆိုရင် ငြိုငြင်လာဖို့ရှိတယ်။ ဟုတ်လို့ ထိုးပေးရတာ ပြဿနာမရှိဘူး။ လူတွေတော်တော်များများက မှန်မှန်ကန်ကန်မှ လာလုပ်ရဲတာပါ။ မမှန်ကန်တာကတော့ အနည်းငယ် ပါလာနိုင်တယ်။ တစ်ခုပဲ လက်မှတ် ထိုးခိုင်းတာကို အသိမပေးလိုက်ဘူးပေါ့။ အသိပေးရင် အကျေအလည် ဆွေးနွေးနိုင်တယ်။ ထိုးတာ ဘာတစ်ခုတော့ ကောင်းလဲဆိုတော့ ပြည်သူတွေက ဒီလက်မှတ်တစ်ခု ထိုးပေးဖို့ အဆင့်ဆင့်လုပ်ရတယ်။ ငွေပေးငွေယူတွေခံရတယ်။ အခုဆို သူတို့ကို ပြန်စစ်ဆေးပေးတယ်။ ဦးတို့ဘက်ခြမ်းက လူတွေကတော့ တော်တော်ဝမ်းသာနေတယ်။ ဘယ်အရာမဆို အဆိုးနဲ့အကောင်း ဒွန်တွဲနေတာပေါ့။ လွှတ်တော်ကိုယ်စားလှယ်တွေ ဘယ်လိုပဲ ထောက်ခံ ထောက်ခံ ပြန်ကြည့်မှာ။ ပြန်ကြည့်ပြီးတော့မှ မှားယွင်းနေတယ်ဆိုရင် မပေးဘူးလို့ ပြောတယ်။ အစ်ကိုတို့ဘက်က လုပ်ငန်းချောမွေ့အောင် လုပ်ပေးရတဲ့ သဘောပဲရှိတယ်။ လိုလိုလားလားပဲ လုပ်ပေးလိုက်ပါတယ်။ ဘယ်အရာမဆို အဆိုးနဲ့အကောင်းက ဒွန်တွဲနေတယ်” ဟု ဦးကျော်ကျော်ထွန်းက ပြောကြားသည်။

ယခုကဲ့သို့ ထောက်ခံခိုင်းခြင်းကြောင့် မဲဆန္ဒရှင်ပြည်သူများနှင့် လွှတ်တော်ကိုယ်စားလှယ်များအကြားတွင် ၀ိဒါဒကွဲပြားစရာများ ရှိလာနိုင်ကြောင်း၊ အစိုးရအာဏာပိုင် အဖွဲ့များဖြစ်သည့် မြေစာရင်းနှင့် စည်ပင်သာယာထံတွင် မြေပိုင်ဆိုင်သူစာရင်း အတိအကျ မရှိသည့်ခေတ်တွင် လွှတ်တော်ကိုယ်စားလှယ်များမှာ အတိအကျ မသိနိုင်ကြောင်း၊ မြေမရှိဟုဆိုကာ ထောက်ခံပေးရမည်မှာ ပြည်သူများနှင့် လွှတ်တော်ကိုယ်စားလှယ်များအကြား နားလည်မှုလွဲမှားနိုင်သည့် အခြေအနေပင်ဖြစ်ကြောင်း၊ ယင်းကြောင့် ရန်ကုန်တိုင်းဒေသကြီး အစိုးရအဖွဲ့က ထုတ်ပြန်ထားသည့် စည်းကမ်းချက်များအနက် ပုဒ်မ ၃ အား ပြန်လည်ပြင်ဆင်ပေးစေလိုကြောင်း ပြည်သူ့လွှတ်တော်ကိုယ်စားလှယ် ဦးဇေယျာသော်က ၎င်း၏လူမှုကွန်ရက်စာမျက်နှာ Facebook တွင် ရေးသားထားသည်ကို တွေ့ရသည်။

‘ရန်ကုန်တိုင်းဒေသကြီး အစိုးရအဖွဲ့က အိမ်ခန်းတွေ ရောင်းချတဲ့ နေရာမှာ ‘လိုက်နာရမည့် စည်းကမ်းချက်များ’ ဆိုပြီး ထုတ်ပြန်ထားပါတယ်။ အဲဒီထဲကမှ ပုဒ်မ ၃ မှာ လျှောက်ထားသူဟာ အိမ် (သို့မဟုတ်) မြေပိုင်ဆိုင်မှုမရှိကြောင်းကို လက်ရှိနေထိုင်တဲ့ မြို့နယ်ရဲ့ တိုင်းဒေသကြီး လွှတ်တော်ကိုယ်စားလှယ်က ထောက်ခံချက်ပေးပြီး အဲဒါနဲ့ ပူးတွဲလျှောက်ထားရမယ်လို့ ဆိုထားပါတယ်။ ဒီတော့လာလျှောက်တဲ့ ပုဂ္ဂိုလ်ဟာ မြန်မာတစ်နိုင်ငံလုံးမှာ အိမ် ဒါမှမဟုတ် မြေပိုင်ဆိုင်မှုရှိတယ်။ မရှိဘူးဆိုတာကို လက်ရှိ မြေစာရင်းနဲ့ စည်ပင်တွေကတောင် မသိနိုင်သေးတာ။ ကျွန်တော်တို့ ကိုယ်စားလှယ်တွေအနေနဲ့ ဘယ်လိုလုပ်သိနိုင်ပါ့မလဲ။ အကြားအမြင်ရရင်တော့ တစ်မျိုးပေါ့။ ကိုယ်စားလှယ်တွေအနေနဲ့ ထောက်ခံချက် ရေးပေးလိုက်တယ်ဆိုပါစို့။ လျှောက်ထားသူမှာ မူလပိုင်ဆိုင်တဲ့ အိမ် ဒါမှမဟုတ် မြေ ရှိနေတယ်ဆိုရင် ဘယ်လိုလုပ်မလဲ။ ထောက်ခံချက် ရေးမပေးပြန်ဘူးဆိုရင်လည်း အမှန်တကယ်အိမ်။ မြေပိုင်ဆိုင်မှု မရှိတဲ့သူတွေအတွက် နစ်နာဆုံးရှုံးမှု ဖြစ်စေနိုင်ပါတယ်။ ဒီတော့ အသင့်တော်ဆုံးက စည်းကမ်းချက်ပုဒ်မ ၃ ကို ပယ်ဖျက်ပြီး လျှောက်ထားသူ ကိုယ်တိုင်အမှန်တကယ် အိမ်ရာမြေပိုင်ဆိုင်ခြင်းမရှိကြောင်း ၀န်ခံကတိပြုခိုင်း၊ လျှောက်လွှာတင်ထားသူတွေကို ပြန်လည်စိစစ်၊ အမှန်တကယ် အိမ်ရာမြေပိုင်ဆိုင်ခြင်း မရှိတဲ့သူတွေကို ဦးစားပေး၊ ပိုင်ဆိုင်မှုရှိပါလျက်နဲ့ ထပ်မံလျှောက်ထားလာတယ်ဆိုရင် တည်ဆဲဥပဒေနဲ့ အရေးယူ (ရာဇသတ်ကြီးပုဒ်မ ၄၂၀ ရယ်၊ ၄၆၈ ရယ်နဲ့တော့ ငြိမယ်ထင်တယ်)။ အဲဒီလိုဆို ပိုသင့်တော်မယ် ထင်ပါတယ်။ ကျွန်တော် အခုလို ဆွေးနွေးရခြင်းဟာ ရန်ကုန်တိုင်းဒေသကြီး အစိုးရအဖွဲ့က ထုတ်ပြန်လိုက်တဲ့ အိမ်ခန်းများဝယ်ယူခွင့်ဆိုင်ရာ စည်းကမ်းများဟာ အမှန်တကယ် အိမ်/မြေ မပိုင်ဆိုင်သူများကို စိစစ်ပြီး၊ အိမ်ခန်းဝယ်ယူခွင့်ပေးလိုတဲ့ ဆန္ဒသဘောထားဖြစ်သော်လည်း လက်တွေ့မှာတော့ ကိုယ်စားလှယ်နဲ့ မဲဆန္ဒရှင်ပြည်သူတွေရဲ့ကြားမှာ သဘောထား ကွဲပြားစရာတွေ ဖြစ်လာနိုင်ပါတယ်။ ဒီတော့ကာ အခုထုတ်ပြန်ထားတဲ့ စည်းကမ်းချက် အပိုဒ် ၃ ကို ပြန်လည်သုံးသပ်ပြီး အမြန်ဆုံး ပြုပြင်၊ ပြင်ဆင်၊ ပြောင်းလဲသင့်ပါတယ်လို့ အကြံပြု ဆွေးနွေးလိုပါတယ်’ ဟု Facebook တွင် ရေးသားထားသည်ကို တွေ့ရသည်။

ထို့ပြင်လွှတ်တော်ကိုယ်စားလှယ်များ ကြုံတွေ့ရနိုင်သည့် ပြဿနာမှာ မိမိ၏ မဲဆန္ဒနယ်မြေ အကျယ်အ၀န်းပေါ်မူတည်ပြီး အခက်တွေ့မည်ဖြစ်သည်။ မဲဆန္ဒနယ်မြေကျယ်ဝန်းပါက အိမ်ရာဝယ်ယူခွင့် ထောက်ခံစာအား လာယူရာတွင် မည်သူက အိမ်ပိုင်ရှင်ဖြစ်သလဲ၊ မည်သူက လိမ်လည်နေသလဲဆိုသည့် ပြဿနာအား အဖြေရှာရာတွင် အခက်တွေ့စေနိုင်သည့် အခြေအနေ ဖြစ်သည်။

“ကျွန်တော်တို့ ကိုယ်စားလှယ်က ထောက်ခံတယ်ဆိုတဲ့ အပိုင်းမှာ ကိုယ်မသိရင် ထောက်ခံပေးလို့မရဘူး။ ဥပမာ-အိမ်ပိုင်ဆိုင်မှု မရှိဘူး။ မြေပိုင်ဆိုင်မှုမရှိဘူး။ ကိုယ်သိရင်တော့ သိတဲ့အတိုင်း ထောက်ခံလို့ရတာပေါ့နော်။ အဲဒါကလည်း နယ်မြေဒေသ အကျယ်အ၀န်းပေါ်မူ တည်တယ်။ သိပ်ကျယ်ပြန့်တဲ့ ဒေသမှာကျတော့ ကိုယ်စားလှယ်တွေက ဘယ်လိုမှ အသေးစိတ်မသိနိုင်ဘူး။ နယ်မြေကျဉ်းတဲ့ဒေသမှာကျတော့ မသိသေးသော်လည်း ကိုယ့်ဆီလာပြီး တောင်းဆိုရင် စုံစမ်းလိုက်ရင် သူ့ရဲ့ ရာဇ၀င်ကို စုံစမ်းလိုက်နိုင်တာပေါ့၊ သိလို့ရှိရင် သိတဲ့အတိုင်း ထောက်ခံချက်ပေးလို့ရတယ်။ ကျွန်တော်အနေနဲ့ကတော့ရှင်းတယ်။ ကျွန်တော့် ဧရိယာကမြို့ထဲဧရိယာ။ ကျွန်တော့်ဆီမှာ လာတောင်းရင် မဲဆန္ဒနယ်မြေမှာ တကယ်ပိုင်ဆိုင်တယ်၊ မပိုင်ဆိုင်ဘူးဆိုတာ အချိန်တိုတိုနဲ့ရအောင် လေ့လာလို့ရတယ်။ လေ့လာချက်ပေါ်မှာ ထောက်ခံလိုက်မယ်” ဟု မင်္ဂလာတောင်ညွန့်မြို့နယ် မဲဆန္ဒနယ်အမှတ် (၁) မှ တိုင်းဒေသကြီး လွှတ်တော်ကိုယ်စားလှယ် ဦးလှဌေးက ပြောကြားသည်။

ထို့ပြင် ရပ်ကွက်အုပ်ချုပ်ရေးမှူးနှင့် မြို့နယ်အုပ်ချုပ်ရေးမှူး ထောက်ခံစာရယူပြီးပါက ကိုယ်စားလှယ်၏ ထောက်ခံစာအား ထပ်မံရယူရခြင်းကြောင့် ပြည်သူများကို ပိုမိုပင်ပန်းစေကြောင်း ဦးလှဌေးက ပြောကြားသည်။

“အခုနောက်ပိုင်းမှာ မူတစ်ခု ပြောင်းတယ်။ ပုံစံ တစ်စောင်ထုတ်လာတယ်။ အဲဒီပုံစံပေါ်မှာ အုပ်ချုပ်ရေးမှူးက ထောက်ခံရမယ်။ ပြီးရင် မြို့နယ်အုပ်ချုပ်ရေးမှူး ထောက်ခံပြီးတော့မှ တိုင်းကိုယ်စားလှယ်က ထောက်ခံဆိုတဲ့ ပုံစံတစ်ခုထွက်လာတယ်။ ကျွန်တော့်အယူအဆ ပြောရရင် အဲဒီကိစ္စမကြိုက်ဘူး။ အဆင့်ဆင့် ဖြစ်လာတဲ့အတွက်ကြောင့် ပြည်သူက တစ်ဆင့်ပြီးတစ်ဆင့် သွားရတယ်” ဟု ဦးလှဌေးက ပြောကြားသည်။

လွှတ်တော်ကိုယ်စားလှယ်တွေကို ဘာတွေ ဒုက္ခပေးနေသလဲ

လွှတ်တော်ကိုယ်စားလှယ်များ အဓိက အခက်တွေ့ခြင်းမှာ လိမ်လည်လျှောက်ထားသူများ ပါဝင်မလာစေရန် စိစစ်ရခြင်းဖြစ်သည်။

“အစ်မဆီကို ရာထူးကြီးကြီးနဲ့ အိမ်ပိုင်ယာပိုင်လည်းရှိတဲ့သူတစ်ယောက်က ဖုန်းဆက်တယ်။ သူ့ကို ထောက်ခံပေးလို့ ရမလားဆိုတာကို ဖုန်းဆက်မေးတာ။ လူကိုယ်တိုင်တော့ မလာပါဘူး။ အဲဒီလိုတွေ ရှိတယ်” ဟု ကျောက်တံတားမဲဆန္ဒနယ်မှ လွှတ်တော်ကိုယ်စားလှယ် ဒေါ်ကြည်ပြာက ပြောကြားသည်။

ရန်ကုန်တိုင်းဒေသကြီးလွှတ်တော်တွင် မေးခွန်းမေးမြန်းမှုအများဆုံး လွှတ်တော်ကိုယ်စားလှယ်တွင် တစ်ဦးအပါအ၀င်ဖြစ်သည့် ဒေါ်ကြည်ပြာထံ လာရောက်ဆက်သွယ်သူနှင့် ပတ်သက်ပြီး အသေးစိတ် မေးမြန်းခဲ့သော်လည်း ဖုန်းဖြင့် ဆက်သွယ် စုံစမ်းခြင်းသာဖြစ်ကြောင်း၊ လက်ရှိအချိန်အထိ (မတ် ၃ ရက်) ပြန်လည်ဆက်သွယ်ခြင်း မရှိသေးကြောင်း၊ ယင်းကြောင့် အမည်နှင့် ရာထူးအား ထုတ်ဖော် ပြောကြားခြင်း မပြုနိုင်ကြောင်း ၎င်းက ဆက်လက် ပြောကြားသည်။

ရန်ကုန်တိုင်းဒေသကြီးအတွင်း မြို့နယ် ၃၇ မြို့နယ်တွင်ရှိသည့် လွှတ်တော်ကိုယ်စားလှယ်များမှာ တန်ဖိုးနည်းတိုက်ခန်း၊ တန်ဖိုးသင့်အိမ်ရာများ ၀ယ်ယူနိုင်ရေးနှင့် ပတ်သက်ပြီး သွားရောက် လျှောက်ထားသူများအတွက် ထောက်ခံပေးရခြင်းနှင့် ပတ်သက်ပြီး အခက်မတွေ့စေရန် ကိုယ့်နည်းကိုယ့်ဟန်ဖြင့်သာ ဖြေရှင်းနေကြကြောင်း လွှတ်တော်ကိုယ်စားလှယ်များထံမှ သိရသည်။

မြို့တွင်းမြို့နယ်များဖြစ်သည့် ကျောက်တံတား၊ ပန်းဘဲတန်းစသည့် မြို့နယ်များတွင် ထောက်ခံစာ လာယူသူများမှာ လက်ရှိအချိန်အထိ နည်းပါးလျက်ရှိနေပြီး စည်ပင်သာယာရေးနယ်နိမိတ် ပြင်ပမြို့နယ်များတွင်လည်း အလားတူ နည်းပါးသေးကြောင်း အဆိုပါမြို့နယ်များရှိ လွှတ်တော်ကိုယ်စားလှယ်များထံမှ သိရသည်။

“ဒီဘက်မှာတော့ သိပ်မလာသေးဘူး။ ဘာလို့ဆိုတော့ အလုပ်လုပ်နေရတာက သန်လျင်မှာ။ သန်လျင်နဲ့အနီးဆုံး တန်ဖိုးနည်းအိမ်ရာက ဒဂုံဆိပ်ကမ်းလောက်ပဲ ရှိတာဆိုတော့ အခုထိတော့ လာလျှောက်တဲ့ သူနည်းသေးတယ်။ မေးကြည့်တော့ သူတို့အတွက် အလုပ်သွားအလုပ် ပြန်အဆင်မပြေနိုင်တာနဲ့ မလျှောက်တဲ့သူတွေလည်းရှိတယ်” ဟု ရန်ကုန်တိုင်းဒေသကြီး သန်လျင်မြို့နယ် လွှတ်တော်ကိုယ်စားလှယ် ဦးအောင်နိုင်ထွန်းက ပြောကြားသည်။

လက်ရှိတွင် ကြုံတွေ့နိုင်သည့် အခက်အခဲများနှင့် ပတ်သက်ပြီး မိမိဘာသာ စီမံထားကြောင်း၊ မိမိထောက်ခံပေးလိုက်သူမှ လိမ်လည်ခြင်း မရှိနိုင်စေရန် ထောက်ခံချက်တွင် အိမ်ပိုင်ရာပိုင် မရှိသည့် အကြောင်းအား ခံဝန်ဂတိအဖြစ် ပူးတွဲ ရေးသားစေကာ လက်မှတ်ထိုးစေကြောင်း၊ လိမ်လည်သူ တစ်ယောက်ကြောင့် အမှန်တကယ် အိမ်ပိုင်ရာပိုင်မရှိသူတစ်ဦး ရရှိနိုင်ရန် ရည်ရွယ်ကြောင်း ဦးအောင်နိုင်ထွန်းက ဆက်လက် ပြောကြားသည်။

“အခက်အခဲကတော့ မရှိသေးဘူး။ ရုံးအဖွဲ့က လာလျှောက်တဲ့သူတွေကို လက်ခံပေးတယ်။ လိုအပ်တာလေးကို ကျေးရွာရပ်ကွက် ထောက်ခံချက်ကို ယူလာခိုင်းတယ်။ မပြည့်စုံရင် ပြန်ယူခိုင်းရတယ်။ အဲဒါတွေကို ရုံးအဖွဲ့က လက်ခံထားပြီးတော့မှ ညဘက်ကို လက်မှတ်ထိုးပေးတယ်။ အခုရက်ပိုင်းမှာတော့ သိပ်မများသေးဘူး။ သေချာတော့ မေးတယ်။ အဓိကကသားသမီးနဲ့ပဲနေနေ မိဘနဲ့ပဲနေနေ ပြဿနာ မရှိဘူး။ တကယ်အိုးပိုင်အိမ်ပိုင် မရှိရဘူး။ နောက်တစ်ခုက သွားနေနိုင်ရမယ်။ မနေနိုင်ဘဲနဲ့တော့ မလျှောက်နဲ့။ လျှောက်လို့ကျလာရင် တကယ်သွားနေရမှာ ဆိုပြီးပြောတော့ သိပ်မလျှောက်ကြသေးဘူး။ ထောက်ခံပေးရတာတော့ သန်လျင်ဘက်ကတော့ လက်တလောတော့ သုံးဦးပဲရှိသေးတယ်။ ရုံးအဖွဲ့ဘက်မှာတော့ တင်ထားတာတွေရှိတယ်။ စိစစ်နေတုန်းပဲ။ ရပ်ကွက်အုပ်ချုပ်ရေးမှူးတွေကိုလည်း မှာတယ်။ ဒါက တကယ်မရှိတဲ့ သူတွေကို ပေးချင်တာဖြစ်တဲ့ အတွက်ကြောင့် သေချာစိစစ်ပေးပါ။ ကျွန်တော်တို့ဘက်ကလည်း တာဝန်ယူမှု တာဝန်ခံမှု အပြည့်နဲ့ ပူးပေါင်း ဆောင်ရွက်မယ်ဆိုပြီးမှာထားတယ်။ ပြန်ပြီးတာဝန်ယူပေးဖို့ လိုမယ်ဆိုပြီးတော့ ပြောထားတယ်။ အခုဟာကတော့ ရပ်ကွက်ရော၊ မြို့နယ်ရော ခံထားတယ်။ နောက်တစ်ခုက လိုအပ်လို့ ဒီဟာက ကျွန်တော်တို့ မြို့နယ်ထဲမှာ ဘယ်သူကတော့ ဘယ်လိုဆိုတာကို စုံစမ်းနိုင်အောင်လို့ လုပ်ထားတာလည်းရှိတယ်။ အကုန်ပြည့်စုံတယ်တော့ မဖြစ်ဘူးပေါ့။ နောက်တစ်ခုကလည်း ပြောထားရတယ်။ ၀ယ်ယူခွင့်ပေါက်ရင် စိစစ်ဦးမှာ။ အဲဒီမှာ စိစစ်လို့ဖြစ်လာတဲ့ ပြဿနာကိုတော့ မိမိဘာသာ တာဝန်ယူရမယ်ဆိုပြီး ရှင်းပြထားတယ်” ဟု ဦးအောင်နိုင်ထွန်းက ပြောကြားသည်။

ထို့ပြင် လွှတ်တော်ကိုယ်စားလှယ်များ အခက်ကြုံရသည့် ကိစ္စမှာ သန်းခေါင်စာရင်းကိစ္စဖြစ်သည်။ လာရောက်လျှောက်ထားသူများမှာ မိဘနှင့် နေစဉ်ကတည်းက ထည့်သွင်းထားသည့် သန်းခေါင်စာရင်းသာရှိပြီး နေထိုင်သည့်နေရာများ မတူကြောင်း၊ ထိုသို့ လာရောက် လျှောက်ထားပြီဆိုပါက အခက်တွေ့ကြောင်း လွှတ်တော်ကိုယ်စားလှယ်များထံမှ သိရသည်။

“တချို့ကျတော့ သန်းခေါင်စာရင်း ကိစ္စ။ ဒီမှာက ငှားနေတယ်။ ဒါပေမဲ့ သန်းခေါင်စာရင်းမှာက တခြားမြို့နယ်ဖြစ်နေတယ်။ မိဘနဲ့ မခွဲရသေးဘဲနဲ့ ဖြစ်နေတာတွေလည်း ရှိတယ်။ အဲဒီအတွက်ကလည်း ကျွန်တော်တို့ လုပ်ထားတဲ့ Form လေးမှာဆိုရင် ဒါက အိမ်ထောင်စုစာရင်း၊ ဧည့်စာရင်းနဲ့နေတာ၊ ဒါက ယာယီသန်းခေါင်စာရင်းနဲ့ နေတာလား။ နောက်တစ်ခုက မိဘနဲ့နေတာလား။ သားသမီးနဲ့နေတာလား။ အဲဒါလေးတွေကို မေးပြီး ဖောင်ထဲမှာ ဖြည့်ခိုင်းတယ်။ အဲဒီဖောင်က ကျွန်တော်တို့ဘာသာလုပ်တာ ဘယ်သူမှလုပ်တာ မဟုတ်ဘူး။ နို့မို့ဆိုရင် တော်တော်စစ်ရမှာ။ အဲဒါလေးလုပ်ထားတော့ လွယ်တယ်။ သူတို့ကို မေးပြီး ဖြည့်လိုက်ရုံပဲ” ဟု ဦးအောင်နိုင်ထွန်းက ပြောကြားသည်။

လွှတ်တော်ကိုယ်စားလှယ်အချို့က ကန့်ကွက်ခဲ့သည့် လွှတ်တော်ကိုယ်စားလှယ် ထောက်ခံချက် ပေးရမည့်ကိစ္စမှာ လတ်တလောတွင် လာရောက်လျှောက်ထားသူ နည်းပါးနေသေးသည့်အတွက် အခက်အခဲ နည်းနေသေးသော်လည်း များပြားလာပါက အခက်တွေ့နိုင်မည် ဖြစ်သည်။

ထို့ပြင် လျှောက်ထားခဲ့သော်လည်း အိမ်ရာမရရှိပါက လွှတ်တော်ကိုယ်စားလှယ်များနှင့် ပြည်သူများအကြား စိတ်ဝမ်းကွဲစရာ အခြေအနေများ ပေါ်ပေါက်လာနိုင်မည်ဖြစ်သည်။

ဦးသိန်းစိန်အစိုးရလက်ထက်တွင် အိမ်ပိုင်ရာပိုင်ရှိသူများလည်း တန်ဖိုးနည်းအိမ်ရာများကို လျှောက်ထားဝယ်ယူခဲ့သဖြင့် အမှန်တကယ် အိမ်ရာမရှိသူများ မရခဲ့သည့်ဖြစ်စဉ်များလည်း ရှိခဲ့သည်။

လက်ရှိအခြေအနေတွင် အိမ်ရာဝယ်ယူလိုသူများအတွက် နှစ်ရှည် အရစ်ကျစနစ်ဖြင့် ငွေပေးချေနိုင်သည့် အားသာချက်ကြောင့် စိတ်ဝင်စားသူလည်း များပြားလျက်ရှိသည်ကို တွေ့ရသည်။

ရန်ကုန်မြို့တွင် လာရောက် အခြေချနေထိုင်လိုသူများအတွက် အဓိက အရေးကြီးဆုံးပြဿနာမှာ ကျောတစ်ခင်းစာနေရာရရှိရေးပင် ဖြစ်သည်။

ငှားရမ်းခကြီးမြင့်သည့် ရန်ကုန်မြို့တွင် အခြေခံလူတန်းစားများ အိမ်ပိုင်ရရှိရေးအတွက် တိုင်းအစိုးရအဖွဲ့၏ လုပ်ဆောင်ချက်မှာ လွှတ်တော်ကိုယ်စားလှယ်များနှင့် ပြည်သူများအကြား အခက်တွေ့နိုင်မလားဆိုသည်မှာ စောင့်ကြည်ရမည်ဖြစ်ပေသည်။

March 4, 2018














Copy Protected by Chetan's WP-Copyprotect.