<

နယူးဒေလီခရီးစဉ်နှင့် အစပြုသည့် ၂၀၁၈ သံခင်းတမန်ခင်း

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် အိန္ဒိယသမ္မတနိုင်ငံဝန်ကြီးချုပ် နာရင်ဒရာမိုဒီနှင့် နယူးဒေလီတွင် ဇန်န၀ါရီ ၂၄ ရက်က တွေ့ဆုံစဉ် (Photo: AFP)

၂၀၁၈ ခုနှစ် မြန်မာ့သံခင်းတမန်ခင်းကို နိုင်ငံတော်၏အတိုင်ပင်ခံပုဂ္ဂိုလ်၏ အိန္ဒိယ သမ္မတနိုင်ငံခရီးစဉ်နှင့် စာမျက်နှာသစ် ဖွင့်လှစ်ခဲ့သည်။ အာဆီယံနိုင်ငံအကြီးအကဲ အားလုံးတက်ရောက်မည့် အာဆီယံနှင့် နယူးဒေလီ အကြား ထိပ်သီးအစည်းအဝေးဖြစ်သည့်အလျောက် ဒေသတွင်း နိုင်ငံရေး၊ စီးပွားရေးတို့နှင့်ဆက်စပ်၍ ဗျူဟာမြောက်အရေးပါသော ခြေလှမ်းဟုဆိုနိုင်သည်။ ပေကျင်းသည် အာဆီယံနှင့် နယူးဒေလီ၊ နေပြည်တော်နှင့် နယူးဒေလီတို့၏ ခြေလှမ်းများကို စိတ်ဝင်တစား စောင့်ကြည့်နေမည်မှာ ဧကန်မုချဖြစ်သည်။ ၂၀၁၇ ခုနှစ် သံခင်းတမန်ခင်းကို အတိုင်ပင်ခံပုဂ္ဂိုလ်၏ အာဆီယံထိပ်သီး အစည်းအဝေး တက်ရောက်ခဲ့သည့် ဖိလစ်ပိုင်နိုင်ငံခရီးစဉ်နှင့် အစပြုခဲ့ပြီး ၂၀၁၈ ခုနှစ် သံခင်းတမန်ခင်းကို အာဆီယံ-အိန္ဒိယ ထိပ်သီးအစည်းအဝေးနှင့် အစပြုခဲ့သည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် အိန္ဒိယသမ္မတနိုင်ငံဝန်ကြီးချုပ် နာရင်ဒရာမိုဒီ၏ ဖိတ်ကြားချက်အရ အိန္ဒိယသမ္မတနိုင်ငံတွင် ကျင်းပမည့် အာဆီယံ-အိန္ဒိယ ဆွေးနွေးဖက်ဆက်ဆံရေး (၂၅) နှစ်မြောက် အထိမ်းအမှတ် ထိပ်သီးအစည်းအဝေးနှင့် အိန္ဒိယ သမ္မတနိုင်ငံ၏ (၆၉)နှစ်မြောက် သမ္မတနိုင်ငံတော်နေ့ အခမ်းအနားသို့ တက်ရောက်ရန်အတွက် ၂၀၁၈ ခုနှစ် ဇန်န၀ါရီ ၂၄ ရက်တွင် အိန္ဒိယသမ္မတ နိုင်ငံသို့ ထွက်ခွာခဲ့သည်။ ထိပ်သီးအစည်းအဝေးနှင့် သမ္မတနိုင်ငံတော်နေ့ အခမ်းအနားတို့ကို ၂၀၁၈ ခုနှစ် ဇန်န၀ါရီ ၂၅ ရက်နှင့် ၂၆ ရက်တို့တွင် နယူးဒေလီမြို့၌ ကျင်းပမည်ဖြစ်ပြီး အာဆီယံနိုင်ငံ ၁၀ နိုင်ငံမှ နိုင်ငံအကြီးအကဲများ စုံစုံညီညီ တက်ရောက်မည်ဖြစ်သည်။

အိန္ဒိယသမ္မတနိုင်ငံ၏ ဖွဲ့စည်းပုံအခြေခံ ဥပဒေအာဏာတည်သည့် ဇန်န၀ါရီ ၂၆ ရက်ကို သမ္မတနိုင်ငံတော်နေ့အဖြစ် ၁၉၅၀ ပြည့်နှစ်ကတည်းက ကျင်းပခဲ့ပြီး နိုင်ငံတကာ ခေါင်းဆောင်များကို အစိုးရ၏ ဧည့်သည်တော်အဖြစ် ဖိတ်ကြားသည့် အစဉ်အလာ ရှိသည်။ ၂၀၁၈ ခုနှစ်တွင် မြန်မာနိုင်ငံ အပါအ၀င် အာဆီယံ ၁၀ နိုင်ငံ၏ အကြီးအကဲများကို တစုတစည်းတည်း အစိုးရ၏ ဧည့်သည်တော်များအဖြစ် ဖိတ်ကြားခဲ့ခြင်းသည် ထူးခြားသည်။ ၂၀၁၈ ခုနှစ်အလွန်ကာလတွင် အိန္ဒိယသမ္မတနိုင်ငံသည် အာဆီယံနိုင်ငံများနှင့် ဆက်ဆံရေးကို ဘက်ပေါင်းစုံ ချဲ့ထွင်လာနိုင်ဖွယ်ရှိသည်ဟု အဓိပ္ပာယ် ကောက်ယူနိုင်သည်။ အိန္ဒိယနိုင်ငံသည် အာဆီယံနိုင်ငံများနှင့် ပူးပေါင်းဆောင်ရွက်မှု တိုးမြှင့်လေလေ၊ မြန်မာနိုင်ငံသည် အိန္ဒိယနိုင်ငံ၏ သံခင်းတမန်ခင်းတွင် မဟာဗျူဟာမြောက် အရေးပါလေလေဖြစ်သည်။

အကြောင်းမှာ နယူးဒေလီ၏ မူဝါဒကြောင့်ဖြစ်သည်။ ၁၉၉၁ ခုနှစ်တွင် နယူးဒေလီသည် အရှေ့တောင်အာရှဒေသနိုင်ငံများနှင့် မဟာဗျူဟာဆက်ဆံရေး တည်ဆောက်ရန်၊ စီးပွားရေးပူးပေါင်း ဆောင်ရွက်မှုချဲ့ထွင်ရန်နှင့် ပေကျင်း၏ သြဇာချဲ့ထွင်လာနိုင်မှုကို ထိန်းချုပ်ရန် ရည်ရွယ်လျက် အရှေ့မျှော်မူဝါဒကို ချမှတ်၊ ဖော်ဆောင်ခဲ့သည်။ မြန်မာနိုင်ငံ၊ နေပြည်တော်၌ ကျင်းပခဲ့သည့် ၂၀၁၄ ခုနှစ် (၁၂) ကြိမ်မြောက် အာဆီယံ-အိန္ဒိယထိပ်သီး အစည်းအဝေးတွင် အရှေ့မျှော်မူဝါဒ (Look-East Policy) ကို အရှေ့ဖော်မူဝါဒ (Act-East Policy) နှင့် အစားထိုးခဲ့ပြီး၊ အာဆီယံနိုင်ငံများနှင့် ပိုမိုပူးပေါင်းဆောင်ရွက်နိုင်မည့် ဗျူဟာမြောက်ခြေလှမ်းကို အစပြုခဲ့သည်။ အရှေ့ဖော်မူဝါဒသည် ပေကျင်း၏ အနောက်ချီမဟာဗျူဟာ၊ အနောက်ဘက်ဒေသ ဖွံ့ဖြိုးတိုးတက်ရေးမူဝါဒတို့နှင့် ပခုံးချင်းယှဉ်လျက်ရှိနေပြီး အိန္ဒိယနှင့်တရုတ်တို့၏ မူဝါဒ လမ်းဆုံလမ်းခွသည် မြန်မာနိုင်ငံ ဖြစ်လာနေသည်။

နယူးဒေလီနှင့် ဆက်ဆံရေးဟုဆိုလျှင် အာဆီယံသည်လည်းကောင်း၊ မြန်မာသည်လည်းကောင်း ပေကျင်းကို ထည့်တွက်ရမည်ဖြစ်သည်။ ၂၀၁၈ ခုနှစ်တွင် ပေကျင်း-နယူးဒေလီ-နေပြည်တော်သုံးပွင့်ဆိုင် သံခင်းတမန်ခင်းသည် စိတ်လှုပ်ရှားဖွယ်ရာ ဖြစ်လာနိုင်သည်။ အာဆီယံနှင့် နေပြည်တော်သည် ပေကျင်းနှင့် နယူးဒေလီအကြား သံခင်းတမန်ခင်း အားပြိုင်ပွဲတွင် မြေစာပင်မဖြစ်ဖို့ အရေးကြီးသည်။ သူမနာ၊ ကိုယ်မနာထုံး၊ သူလည်းနိုင်၊ ကိုယ်လည်းနိုင်ထုံးတို့နှင့် သံခင်းတမန်ခင်းကို မောင်းနှင်နိုင်ဖို့ ပြင်ဆင်ထားသင့်သည်။ အိန္ဒိယနိုင်ငံသည် မြန်မာနိုင်ငံမှတစ်ဆင့် ဘင်္ဂလားပင်လယ်အော်နှင့် ချိတ်ဆက်ပြီး အရှေ့တောင်ပိုင်းဒေသများ ဖွံ့ဖြိုးတိုးတက်ရေးကို စိုင်းပြင်းနေသည်။ တရုတ်နိုင်ငံကလည်း ဘင်္ဂလားပင်လယ်အော် ထွက်ပေါက်မှ တစ်ဆင့် အနောက်ဘက်ဒေသများ ဖွံ့ဖြိုးတိုးတက်ရေးကို ဆတိုးအရှိန်အဟုန် မြှင့်တင်ဖို့ ခြေလှမ်းပြင်နေသည်။ ပေကျင်းနှင့် နယူးဒေလီတို့၏ ဘင်္ဂလားပင်လယ်အော် ထွက်ပေါက်မျှော်ခြေလှမ်းများ အကြားတွင် မြန်မာနိုင်ငံ အနေဖြင့် နိုင်ငံတော်နှင့် နိုင်ငံသားတို့၏ အကျိုးစီးပွားကို ရှေ့တန်းတွန်းပို့၊ ဖော်ဆောင်နိုင်ရေး အားမွေးသင့်သည်။

အိန္ဒိယ၀န်ကြီးချုပ်မိုဒီသည် ၂၀၁၈ ခုနှစ် ဇန်န၀ါရီ ၂၄ ရက် ညနေပိုင်းတွင် နယူးဒေလီမြို့၌ မြန်မာနိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် သီးခြားတွေ့ဆုံ ဆွေးနွေးခဲ့ပြီး၊ ဒေသတွင်းအရေးပါသော ကိစ္စရပ်များနှင့် နှစ်နိုင်ငံအကြား မဟာဗျူဟာ ဆက်ဆံရေးတို့နှင့် စပ်လျဉ်း၍ ကျယ်ကျယ်ပြန့်ပြန့် အမြင်ဖလှယ်၊ ဆွေးနွေးခဲ့ကြသည်။ အိန္ဒိယသမ္မတနိုင်ငံသည် ရခိုင်ပြည်နယ် အရေးကိစ္စတွင် တရုတ်ပြည်သူ့သမ္မတနိုင်ငံ၊ ဂျပန်နိုင်ငံတို့နှင့်အတူ ပူးပေါင်းဆောင်ရွက်လျက်ရှိပြီး၊ ဖွံ့ဖြိုးတိုးတက်ရေးနှင့် ပြန်လည်ထူထောင်ရေး လုပ်ငန်းများအတွက် အကူအညီ၊ အထောက်အပံ့များ ပေးအပ်လျက်ရှိသည်။ နေပြည်တော်သည် ပေကျင်း၊ တိုကျို၊ နယူးဒေလီတို့နှင့် သံခင်းတမန်ခင်းကို ရှဥ့်လည်းလျှောက်သာ၊ ပျားလည်းစွဲသာထုံး နှလုံးမူလျက်၊ ထိန်းညှိဆောင်ရွက်နေရသည့် အနေအထားတွင် ရှိနေသည်။

နယူးဒေလီသည် ပေကျင်းနှင့် အာဆီယံနိုင်ငံများအကြား မဟာဗျူဟာဆက်ဆံရေး အနေအထားကို ချိန်ဆလျက် နေပြည်တော်နှင့် ဆက်ဆံရေးကို ထိန်းညှိနေပုံရသည်။ အာဆီယံ-အိန္ဒိယ ဆွေးနွေးဖက်ဆက်ဆံရေးနှင့်အပြိုင်၊ အာဆီယံ-တရုတ် ဆွေးနွေးဖက် ဆက်ဆံရေးကလည်း အားကောင်းမောင်းသန်လျက်ရှိသည်။ စီးပွားရေးကဏ္ဍတွင် အာဆီယံနိုင်ငံ အများစုသည် ပေကျင်းနှင့်ဗျူဟာမြောက်ဆက်ဆံရေး တည်ဆောက်ထားပြီးဖြစ်သည့်အလျောက် နယူးဒေလီဘက်က မက်လုံး၊ အာမခံချက် ကောင်းကောင်းပေးနိုင်မှသာလျှင် အာဆီယံ-ပေကျင်းနှင့် အာဆီယံ-နယူး ဒေလီတို့အကြား ကုန်သွယ်မှုသည် သူတစ်ပြန်၊ ကိုယ်တစ်ပြန်၊ အကြိတ်အနယ် ဖြစ်လာမည်ဖြစ်သည်။ နယူးဒေလီသည် အာဆီယံနှင့် ချိတ်ဆက်ဖို့ ပြင်ဆင်မည်ဆိုလျှင် မြန်မာနိုင်ငံကို မဖြစ်မနေ ဖြတ်ကျော်ရမည့် အနေအထား ရှိနေသည်။

၂၁ ရာစု ပိုးလမ်းမသစ်စီမံကိန်းနှင့်အတူ ပေကျင်းသည် စီးပွားရေးမဟာအင်အား တည်ဆောက်နေပြီး၊ စစ်ရေးသြဇာလည်း မြင့်မားနေသည့် အခါသမယတွင် အိန္ဒိယ၀န်ကြီးချုပ်နှင့် အာဆီယံနိုင်ငံ အကြီးအကဲများ၏ နယူးဒေလီ ထိပ်သီးအစည်းအဝေး၊ နယူးဒေလီ ကြေညာစာတမ်းတို့သည် ပေကျင်းအဖို့ မျက်စိဆံပင်မွှေးစူးစရာ ဖြစ်နေနိုင်သည်။ ပေကျင်းအနေဖြင့် အာဆီယံနိုင်ငံများနှင့် ဆက်ဆံရေးတွင် အားနည်းချက်များ၊ လိုအပ်ချက်များကို ပြန်လည်သုံးသပ်၍ မူဝါဒပိုင်း၊ လုပ်ငန်းစဉ်ပိုင်း ထိန်းညှိဆောင်ရွက်ရန် ဆော်သြလိုက်သည့်အသွင်လည်း ဆောင်နေသည်။

အာဆီယံသည် အိန္ဒိယနိုင်ငံအတွက် စိတ်လှုပ်ရှားဖွယ်ရာ စီးပွားရေးနှင့် ကုန်သွယ်ရေးနေရာကောင်းတစ်ခုဖြစ်ပြီး၊ အလားအလာများ၊ အခွင့်အလမ်းများနှင့် ပြည့်နှက်နေသည်။ လွန်ခဲ့သော နှစ် ၂၀ ကာလတွင် အိန္ဒိယနှင့် အာဆီယံအကြား ရင်းနှီးမြှုပ်နှံမှုသည် ဒေါ်လာ ဘီလျံ ၇၀ ရှိခဲ့ပြီး၊ အာဆီယံသည် အိန္ဒိယနိုင်ငံ၏ နံပါတ် ၄ အဓိက ကုန်သွယ်ဖက်ဖြစ်ပြီး၊ အိန္ဒိယနိုင်ငံသည် အာဆီယံ၏ နံပါတ် ၇ အဓိကကုန်သွယ်ဖက်ဖြစ်သည်။ ၂၀၁၈ ခုနှစ်အလွန်ကာလတွင် နယူးဒေလီသည် အာဆီယံနှင့် ပိုမိုရင်းနှီးမြုပ်နှံ၊ ပိုမိုကုန်သွယ် ရောင်းဝယ်လာနိုင်ရေး ဗျူဟာမြောက် ချဉ်းကပ်ဖော်ဆောင်လာနိုင်မည်မှာ မြေကြီးလက်ခတ်မလွဲပင် ဖြစ်သည်။

အာဆီယံ-အိန္ဒိယဆွေးနွေးဖက် ဆက်ဆံရေး နှစ် ၂၀ မြောက် အထိမ်းအမှတ် ထိပ်သီးအစည်းအဝေးကို ၂၀၁၂ ခုနှစ် ဒီဇင်ဘာ ၂၀ ရက် နှင့် ၂၁ ရက်တို့တွင် အိန္ဒိယသမ္မတနိုင်ငံ နယူးဒေလီမြို့၌ ကျင်းပခဲ့ပြီး အဆိုပါ ထိပ်သီးအစည်းအဝေးတွင် အာဆီယံ-အိန္ဒိယ ဆက်ဆံရေးသည် မဟာဗျူဟာ ပူးပေါင်းဆောင်ရွက်ရေး အဆင့်သို့ ရောက်ရှိခဲ့သည်။ အိန္ဒိယ၀န်ကြီးချုပ် မာမိုဟန်ဆင်းနှင့် အာဆီယံနိုင်ငံ ခေါင်းဆောင်များ တက်ရောက်ခဲ့ပြီး ဆက်ဆံရေး စာမျက်နှာသစ်ကို ဖွင့်လှစ်နိုင်ခဲ့သည်။ ယခုနှစ် ငွေရတု အထိမ်းအမှတ် ထိပ်သီးအစည်းအဝေးတွင်လည်း အာဆီယံ-အိန္ဒိယအကြား စာမျက်နှာသစ်တစ်ရပ် ထပ်မံဖွင့်လှစ်လိမ့်ဦးမည်ဟု သုံးသပ်ကြသည်။

နယူးဒေလီနှင့် နေပြည်တော်အကြား မြန်မာအစိုးရသစ်လက်ထက် အပြန်အလှန် ဆက်ဆံရေး စာမျက်နှာကို လှန်လှောသုံးသပ်မည်ဆိုလျှင် ပြည်ထောင်စုသမ္မတ မြန်မာနိုင်ငံတော်သမ္မတ ဦးထင်ကျော်သည် ၂၀၁၆ ခုနှစ် သြဂုတ်လတွင်လည်းကောင်း၊ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ၂၀၁၆ ခုနှစ် အောက်တိုဘာလတွင် လည်းကောင်း၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ၂၀၁၇ ခုနှစ် ဇူလိုင်လတွင်လည်းကောင်း၊ အိန္ဒိယသမ္မတနိုင်ငံသို့ တရားဝင် ချစ်ကြည်ရေး အလည်အပတ် ခရီးသွားရောက်ခဲ့သည်။ အိန္ဒိယ၀န်ကြီးချုပ်မိုဒီသည် ၂၀၁၇ ခုနှစ် စက်တင်ဘာလတွင် မြန်မာနိုင်ငံသို့ တရားဝင် ချစ်ကြည်ရေးခရီး လာရောက်ခဲ့သည်။

အချုပ်အားဖြင့်ဆိုသော် နယူးဒေလီခရီးစဉ်နှင့် အစပြုခဲ့သည့် မြန်မာနိုင်ငံ၏ ၂၀၁၈ ခုနှစ် သံခင်းတမန်ခင်းသည် တရုတ်ပြည်သူ့သမ္မတနိုင်ငံ၊ အိန္ဒိယသမ္မတနိုင်ငံ၊ ဂျပန်နိုင်ငံတို့ အပါအ၀င် အာရှနိုင်ငံများ၊ အမေရိကန်ပြည်ထောင်စု၊ ရုရှားဖက်ဒရေးရှင်း၊ ဥရောပသမဂ္ဂ အပါအ၀င် အနောက်အုပ်စုနိုင်ငံများအကြား ဗျူဟာမြောက် ဖြန့်ကြက်တည်ဆောက်ရဦးမည် ဖြစ်သည်။ စိန်ခေါ်မှုများ၊ အကျပ်အတည်းများ မြင့်မားနေလင့်ကစား၊ အခွင့်အလမ်းများ၊ အလားအလာကောင်းများနှင့် အားသာချက်များကလည်း ခရီးဦးကြိုပြုနေသည်ဟု သုံးသပ်နိုင်သည်။ မြန်မာအစိုးရနှင့် လွှတ်တော်များအနေဖြင့် ၂၀၁၈ ခုနှစ်ကို နိုင်ငံတကာ သံခင်းတမန်ခင်း မြှင့်တင်ရေးနှစ်အဖြစ် ရည်မှန်းချက်ထား သတ်မှတ်လျက် နိုင်ငံတကာ ဆက်ဆံရေးနှင့် သံခင်းတမန်ခင်းကို အမြော်အမြင်ရှိရှိ၊ ပညာရှိထုံးနှလုံးမူလျက် ဗျူဟာမြောက်ဖော်ဆောင်နိုင်ရေး အကြိတ်အနယ် ဆွေးနွေး၊ အမြင်ဖလှယ်၊ ပြင်ဆင်ကြဖို့ လိုအပ်ပါကြောင်း သုံးသပ်တင်ပြလိုက်ရပါသည်။

January 26, 2018














Copy Protected by Chetan's WP-Copyprotect.