<

တစ်နှစ်သား ၀ိုင်ဘီအက်စ် ရီပို့ကတ်

YBS စီနင်းသူများနှင့် YBS ယာဉ်များကို ရန်ကုန်မြို့လယ်တွင် ဇန်န၀ါရီ ၁၃ ရက်က တွေ့ရစဉ် (ဓာတ်ပုံ-ကျော်ဇင်ဖြိုး)

၂၀၁၇ ခုနှစ် ဇန်န၀ါရီ ၁၆ ရက်တွင် ရန်ကုန်မြို့အတွင်း စတင်ပြေးဆွဲခဲ့သော YBS ယာဉ်လိုင်းများမှာ တစ်နှစ်သားအရွယ်သို့ ရောက်ရှိလာခဲ့ပြီ ဖြစ်သည်။

အမျိုးသားဒီမိုကရေစီအဖွဲ့ချုပ် အစိုးရအဖွဲ့တက်လာပြီး ရန်ကုန်မြို့တွင် ပြုပြင်ပြောင်းလဲမှုများ ဆောင်ရွက်ခဲ့သည်များအနက် လူထု လူတန်းစားများကို တိုက်ရိုက်သက်ရောက်မှုရှိခဲ့သည့် ပြောင်းလဲမှုလည်းဖြစ်ပြီး ရန်ကုန်မြို့တွင်း မော်တော်ယာဉ်လိုင်းများကို ယခင်မော်တော်ယာဉ်လိုင်းပေါင်းစုံ ကြီးကြပ်ရေးကော်မတီ (မထသ) အား  ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့  (YRTA) သို့ အမည်ပြောင်းလဲ၍ စီမံအုပ်ချုပ်မှုများအား ရန်ကုန်တိုင်းဒေသကြီးအစိုးရအဖွဲ့က တိုက်ရိုက်ကွပ်ကဲခဲ့သည်။

ယာဉ်လိုင်းများကိုလည်း လိုင်းပေါင်း ၃၀၀ ကျော်ရှိရာမှ ယာဉ်လိုင်း ၆၀ ကျော်ဖြင့် စတင်ပြေးဆွဲခဲ့သည်။ ရန်ကုန်တိုင်းဒေသကြီး အစိုးရအဖွဲ့က စီမံအုပ်ချုပ်မှုအား တိုက်ရိုက်ကွပ်ကဲမှုများကို ဆောင်ရွက်ရာတွင် အများပိုင်ကုမ္ပဏီများကို ဖွဲ့စည်းပေးခဲ့သည်။ ယင်းကုမ္ပဏီများက ရန်ကုန်မြို့တွင်း မော်တော်ယာဉ်လမ်းကြောင်းများ ပြေးဆွဲပေးခဲ့ပြီး ယခင်တစ်ဦးချင်းပိုင် မော်တော်ယာဉ်များကိုလည်း အများပိုင်ကုမ္ပဏီ လက်အောက်တွင်ထားရှိကာ ဆက်လက်လုပ်ကိုင်စေခဲ့သည်။

ရန်ကုန်မြို့သည် မြန်မာနိုင်ငံ၏ အဓိက စီးပွားရေးမြို့တော်ဖြစ်သည့်အလျောက် သယ်ယူပို့ဆောင်ရေး လမ်းကြောင်းများ ကောင်းမွန် စေရေးမှာများစွာ အရေးပါလျက်ရှိခြင်း၊ ယခင် မထသလက်အောက်တွင် စည်းကမ်းမဲ့ မော်တော်ယာဉ် မောင်းနှင်ခြင်း၊ ယာဉ်နောက်လိုက်များ၏ မချေမငံပြောဆိုဆက်ဆံခြင်းကြောင့် မထသ ယာဉ်လိုင်းများအဖြစ်မှ YBS သို့ တက်သုတ်ရိုက် ပြောင်းလဲခဲ့ခြင်း ဖြစ်သည်။

ထို့ပြင် ယာဉ်လိုင်းများတွင် ပြေးဆွဲနေသည့် မော်တော်ယာဉ်များမှာလည်း ကြံ့ခိုင်မှုအားနည်းလာခြင်းများကြောင့် ယာဉ်သစ်များနှင့် အစားထိုး ပြေးဆွဲနိုင်ရန် ရန်ကုန်တိုင်းဒေသကြီး အစိုးရအဖွဲ့က  စီစဉ်ခဲ့သည်။

YRTA သို့ ပြောင်းလဲရာတွင် ယခင်မထသအဖြစ် မော်တော်ယာဉ် ပြေးဆွဲခြင်းလုပ်ငန်း လုပ်ကိုင်စဉ်က ရရှိခဲ့သည့် ရန်ပုံငွေ ကျပ်သိန်းပေါင်း ခြောက်သောင်းကျော်အား ရန်ကုန်တိုင်းဒေသကြီး အစိုးရအဖွဲ့မှ  လွှဲပြောင်းရယူခဲ့သည်။ ထို့ပြင် မထသ (ဗဟို) ရုံးအဆောက်အအုံ၊ ခရိုင်မထသရုံး နေရာများအားYRTA ရုံးနေရာများအဖြစ် ပြောင်းလဲအသုံးပြုခဲ့သည်။ ထို့ပြင် မထသ ၀န်ထမ်းများကိုလည်း YRTA ၀န်ထမ်းများအဖြစ် ပြောင်းလဲကာ မလိုအပ်သည့် ၀န်ထမ်းများကို လျှော့ချခြင်းများ ပြုလုပ်ခဲ့သည်။

ရန်ကုန်မြို့တွင်းရှိ မော်တော်ယာဉ်လမ်းကြောင်းပြ မြေပုံများကို လည်းစိုက်ထူခြင်းများ၊ မှတ်တိုင်တွင် မော်တော်ယာဉ် စောင့်ဆိုင်းသူများအတွက် ဘတ်စ်ကားမှတ်တိုင်အသစ် ပြုလုပ်ခြင်းများကို ဆောင်ရွက်ခဲ့သည်။

မော်တော်ယာဉ်များနှင့် ပတ်သက်ပြီး ယာဉ်ပေါ်တွင် ယာဉ်အကူလိုက်ပါစေခြင်းမရှိဘဲ စီးနင်းသူများကိုယ်တိုင် ယာဉ်စီးခထည့်သွင်းစေသည့်စနစ် ကျင့်သုံးခဲ့ပြီး မော်တော်ယာဉ် အတက်အဆင်းပြုလုပ်ရာတွင်လည်း စနစ်တကျဖြစ်စေရန် စီစဉ်ခဲ့သည်။ သက်တမ်းလွန် မော်တော်ယာဉ်များနှင့် ကြံ့ခိုင်မှုမရှိသည့် ယာဉ်များအားယာဉ်လိုင်းများတွင် ပြေးဆွဲစေခြင်းမပြုဘဲ ယာဉ်အသစ်များနှင့် အစားထိုးပြေးဆွဲစေခဲ့သည်။

ထို့ပြင် YBS ယာဉ်လိုင်းစီးနင်း သူများအနေဖြင့် လုံခြုံစိတ်ချမှုရှိစေရန်အတွက် ပြေးဆွဲနေသည့် မော်တော်ယာဉ်များအားလုံးတွင် CCTV များတပ်ဆင်ရမည်ဟု ညွှန်ကြားချက်များ ထုတ်ပြန်ခဲ့သည်။

ယာဉ်လမ်းကြောင်းများ ရေးဆွဲထားရာတွင်လည်း မြို့တွင်းမြို့နယ်များအတွက် ယာဉ်လမ်းကြောင်းများကို သတ်မှတ်ပြေးဆွဲစေခဲ့ပြီး မြို့ပြင်ယာဉ်လိုင်းများအနေဖြင့် မြို့တွင်းသို့ ၀င်ရောက်စေခြင်းမရှိဘဲ သခင်မြပန်းခြံတွင် စုရပ်အဖြစ်ထားရှိကာ မြို့တွင်းသို့ သွားလာသူများ အနေဖြင့် ယာဉ်လိုင်းများထပ်မံ စီးနင်းစေခဲ့သည်။ ရန်ကုန်မြို့တွင်း ပြေးဆွဲပေးရမည့် ယာဉ်လိုင်းများမှာ ခရုပတ်ပုံသဏ္ဌာန် ပြေးဆွဲစေနိုင်ရန် စီစဉ်ခဲ့သည်။

ယာဉ်အိုယာဉ်ဟောင်းများ အစားထိုးလဲလှယ်ရာတွင်လည်း အစိုးရကိုယ်တိုင် G to G စနစ်ဖြင့် မော်တော်ယာဉ်သစ်များ ၀ယ်ယူစေခြင်း၊ မော်တော်ယာဉ်လိုင်း တည်ထောင်ထားသည့် အများပိုင်ကုမ္ပဏီများကို မော်တော်ယာဉ်တင်သွင်းခွင့် ပြုခြင်းများကို လုပ်ဆောင်စေခဲ့သည်။ ယာဉ်အသစ်လဲလှယ်ရာတွင် ငွေကြေးမတတ်နိုင်သည့် ယာဉ်ပိုင်ရှင်များကို ချေးငွေများရရှိနိုင်ရန် စီစဉ်ခြင်းများကို ဆောင်ရွက်ခဲ့သည်။

ယခင်အစိုးရလက်ထက်တွင် နာမည်ဆိုးဖြင့် ကျော်ကြားခဲ့သော ရန်ကုန်မြို့သယ်ယူပို့ဆောင်ရေး စနစ်အား တက်သုတ်ရိုက်ပြုပြင် ပြောင်းလဲခဲ့ပြီးနောက်ပိုင်းတွင် အဆိုပါ စနစ်မှာ ၂၀၁၈ ခုနှစ် ဇန်န၀ါရီ ၁၆ ရက်တွင် တစ်နှစ်တင်းတင်းပြည့်ခဲ့ပြီ ဖြစ်သည်။

 

ရန်ကုန်မြို့ သယ်ယူပို့ဆောင်ရေးစနစ်ဆိုတာ ဘယ်သူ့စနစ်လဲ

ရန်ကုန်မြို့တွင်း အများပြည်သူ သယ်ယူပို့ဆောင်ရေးစနစ်အတွက် ရေးဆွဲထားသည့် စီမံချက်မှာ ဂျပန်နိုင်ငံ JICA က ရေးဆွဲထားသည့် စနစ်တစ်ခုဖြစ်သည်။ ယင်းစနစ်အား ယခင်အစိုးရများ လက်ထက်တွင် အသုံးချခြင်း မရှိခဲ့ပေ။

ဂျပန်အစိုးရ လက်အောက်ခံအဖွဲ့များ ရေးဆွဲပေးထားသည့် မဟာရန်ကုန်မြို့ပြစီမံကိန်းတွင် ရန်ကုန်မြို့တွင်း တိုးပွားလာမည့် လူဦးရေအတွက် နေစရာမြို့သစ်များ၊ ရေပေးဝေရေးစနစ်များ၊ အဆောက်အအုံများ တည်ဆောက်ပေးခြင်းများ အပါအ၀င် ရန်ကုန်မြို့တွင်းပြေးဆွဲမည့် ယာဉ်လမ်းကြောင်းများ၊ ကုန်စည်ပို့ဆောင်ရေး စနစ်များအတွက် အထူးပြုရေးဆွဲထားသည့် စီမံချက်တစ်ခု ဖြစ်သည်။ ယင်းစီမံချက်များကို အမျိုးသားဒီမိုကရေစီအစိုးရ လက်ထက်တွင် ပြန်လည်လေ့လာကာ ယင်းအချက်များအနက်မှ သယ်ယူပို့ဆောင်ရေးစနစ်ကို အကောင်အထည်ဖော်ခြင်း ဖြစ်သည်။

 

YBS စနစ် အစပိုင်းမှာ ဘာတွေခက်ခဲခဲ့လဲ

YBS တစ်နှစ်ပြည့်ကာလ မတိုင်မီတွင် ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက မီဒီယာများနှင့် တွေ့ဆုံစဉ်  YBS စနစ်အား သုံးရက်အတွင်း ပြောင်းလဲနိုင်ခဲ့သည်ဟု ကြွေးကြော်ခဲ့သည်။ သို့သော် ယခင်ကတည်းက တက်သုတ်ရိုက်စီစဉ်မှုကြောင့် ရန်ကုန်တိုင်းဒေသကြီး လွှတ်တော်ကိုယ်စားလှယ် အချို့ကလည်း ဝေဖန်မှုများ ပြုလုပ်ခဲ့ကြသည်။ လွှတ်တော်အား အသိပေးမှု နောက်ကျခြင်း၊ အသိပေးချိန် နောက်ကျသဖြင့်  YBS ပြောင်းလဲရေးအတွက် လွှတ်တော်ကိုယ်စားလှယ်များမှ လုံလောက်သော အကြံပြုချက်များကို မပြောဆိုနိုင်ခြင်း စသည့်အချက်များကို ဝေဖန်ထောက်ပြခဲ့ကြသည်။ ထို့ပြင် YBS စနစ်အတွက် ပွင့်လင်းမြင်သာမှု မရှိသော အခြေအနေများမှာလည်း အများဝေဖန်စရာ ဖြစ်ခဲ့သည်။

“YBS ကအစကတည်းက ယဉ်သလိုဆိုသလိုပဲ။ လာပြောတာလည်း နောက်ကျတယ်။ ပြီးတော့ ဘယ်လိုလုပ်မယ်ဆိုတာတွေလည်း သေချာမသိခဲ့ရဘူး”  ဟုရန်ကုန်တိုင်းဒေသကြီး ဒဂုံမဲဆန္ဒနယ်အမှတ် (၂) မှ လွှတ်တော်ကိုယ်စားလှယ် ဦးကျော်ဇေယျက ပြောကြားသည်။

လွှတ်တော်ကိုယ်စားလှယ်များနှင့် ပညာရှင်အများစုက ထောက်ပြဝေဖန်ခဲ့သည်မှာ ယာဉ်လိုင်းများ အားလုံးရုတ်ခြည်းပြောင်းလဲခြင်းထက် တစ်လိုင်းနှစ်လိုင်းအား စမ်းသပ်ပြောင်းလဲခြင်းကို လုပ်ဆောင်သင့်ကြောင်း ယင်းအချိန်က တညီတညွတ်တည်း ပြောကြားခဲ့ကြသည်။ သို့သော် ရန်ကုန်တိုင်းအစိုးရအဖွဲ့ အနေဖြင့် မည်သည့်မှတ်ချက်ကိုမျှ နားထောင်ခြင်းမရှိဘဲ စီစဉ်ခဲ့လေသည်။ ထို့ကြောင့် ယခင်မထသယာဉ် လိုင်းများအား  YRTA အမည်အဖြစ် ပြောင်းလဲကာ YBS ယာဉ်လိုင်းများ စတင်ပြေးဆွဲပေးသည့် နေ့မှာပင် လူမှုအဖွဲ့အစည်းများမှ ကူညီပေးခြင်းများ ဆောင်ရွက်ခဲ့ရသည်။

ရန်ကုန်တိုင်းဒေသကြီး ၀န်ကြီးချုပ်က YBS စနစ်ပြေးဆွဲခြင်းမပြုမီ တစ်ပတ်ခန့်အလိုတွင် ရန်ကုန်တိုင်း ဒေသကြီးရှိ လူမှုအဖွဲ့အစည်းများအား ရန်ကုန်တိုင်းဒေသကြီးအစိုးရ အဖွဲ့ရုံးတွင် တွေ့ဆုံကာ အကူအညီပေးကြရန် ပြောကြားခဲ့သည်။

ထို့ကြောင့် ရန်ကုန်မြို့လယ်ရှိ မဟာဗန္ဓုလပန်းခြံတွင် အခြေစိုက်ကာ လူမှုအဖွဲ့အစည်းများက ကူညီခဲ့ကြရသည်။ အလားတူ ရန်ကုန်မြို့ရှိ မော်တော်ယာဉ်ပိုင်ဆိုင်သူများကလည်း ကိုယ်ပိုင်မော်တော်ယာဉ်များ ကို အခမဲ့ပြေးဆွဲပေးခြင်းများ၊ နာ မည်ကြီး သရုပ်ဆောင်များကလည်း ဗော်လန်တီယာများ အဖြစ်ဆောင်ရွက်ခဲ့ရသည်။

အဆိုပါ YBS စနစ်သို့ ပြုပြင်ပြောင်းလဲရေးကာလတွင် အများဆုံး တွေ့ကြုံခဲ့သည့်အခက်အခဲမှာ မည်သည့်ယာဉ်လိုင်းမှာ မည်သည့်နေရာသို့ ရောက်ရှိသည်ဟူသည့် အချက်ဖြစ်သည်။ တက်သုတ်ရိုက် ပြောင်းလဲမှု၏ အကျိုးဆက်အဖြစ် YBS စတင်သည့်နေ့တွင် ပုံမှန်ခရီးသွား သူများအနေဖြင့် မည်သည့်ယာဉ်လိုင်း စီးနင်းရမည်ကိုမသိရှိခြင်း ဖြစ်သည်။ ထို့ကြောင့် အချို့သော ကုမ္ပဏီများမှ ၀န်ထမ်းများအတွက် ရုံးတက်ချိန်အား ဖြေလျှော့ပေးခြင်းများကို ပြုလုပ်ပေးခဲ့ရသည်။

ထို့ပြင် ခရီးသွားပြည်သူများ အနေဖြင့် ရုံးပြန်ချိန်များတွင် ကားရှားပါးမှုမှာ ပြဿနာတစ်ရပ် ဖြစ်ခဲ့သည်။ ယာဉ်လိုင်းများတွင် ၀င်ရောက်ပြေးဆွဲမည့် မော်တော်ယာဉ်များမှာ ညတွင်းချင်း တံဆိပ်များ ပြောင်းလဲခြင်း၊ ယာဉ်များအား ပြန်လည်ပြုပြင်ခြင်းများ ဆောင်ရွက်ခဲ့သော်လည်း အချိန်မမီခြင်းကြောင့် နောက်တစ်နေ့ ယာဉ်လိုင်းပြေးဆွဲရာတွင် အင်အားပြည့် မပြေးဆွဲနိုင်ခဲ့ပေ။

“အဲဒီတုန်းက ညတွင်းချင်း ပြောင်းတာတောင် ဘယ်လိုမှ မမီဘူး။ ကြိုပြောတာ မရှိဘူး။ ကျွန်တော်တို့ကားတွေမှာက မထသ တံဆိပ်တွေကပ်ထားတာတွေ၊ ယာဉ်လိုင်းနံပါတ်တွေကို အချိန်ကပ်မှ သိရတာတွေ ဖြစ်ခဲ့တော့ အားချင်းပြောင်းရတယ်။ ကြိုပြောရင်တော့ တစ်မျိုးပေါ့။ ကြိုပြောရင် စီစဉ်လို့ရတယ်။ ကပ်ပြောတော့ နေ့လယ်လိုင်း ဆွဲနေတဲ့ကားကျတော့ ဘယ်လိုမှ အချိန်မရဘူး” ဟု ရန်ကုန်မြို့တွင်း ပြေးဆွဲလျက်ရှိသည့် မော်တော်ယာဉ် ပိုင်ရှင်တစ်ဦးက ပြောကြားသည်။

YBS စနစ် စတင်သည့်နေ့တွင် လှိုင်သာယာမြို့နယ် အောင်ဇေယျ တံတားအဆင်းရှိ (၃) ထိပ်မှတ်တိုင် နှင့်(၅)ထိပ်ဘတ်စ်ကားမှတ်တိုင်တို့တွင် ဆူပူမှုဖြစ်ပွားကာ ရဲတပ်ဖွဲ့က လာရောက်ထိန်းသိမ်းခဲ့ရသည်။

ယာဉ်လိုင်းများတွင်လည်း တက်သုတ်ရိုက်ပြောင်းလဲခဲ့ရခြင်းကြောင့် ယာဉ်မောင်းသူများမှာ မည်သည့်လမ်းကြောင်းတွင် ပြေးဆွဲရမှန်းမသိဖြစ်ခြင်း၊ ယာဉ်နောက်လိုက်များမှာလည်း မှတ်တိုင်များနှင့် အသားမကျခြင်းများကြောင့် စီးနင်းသူခရီးသွားများက ပြောဆိုညွှန်ပြခြင်းများ ပြုလုပ်ခဲ့ရသည်။

ထို့ပြင် အစပိုင်းတွင်ယာဉ်လိုင်းများအနေဖြင့် ယာဉ်နောက်လိုက်ထားရမည် မဟုတ်ဟု ရန်ကုန်တိုင်း အစိုးရအဖွဲ့က ထုတ်ပြန်ကြေညာခဲ့ပြီး ယာဉ်စီးနင်းသူများအနေဖြင့် သတ်မှတ်ထားသည့် ယာဉ်စီးခကို ပုံးအတွင်းသို့ ထည့်သွင်းရမည်ဟု YRTA က ညွှန်ကြားခဲ့သည်။ သို့သော် စတင်ပြေးဆွဲသည့် နေ့ရက်မှာပင် သတ်မှတ်ထားသည့် YBS ယာဉ်လိုင်းများတွင် ယာဉ်အကူများမှာ ပါဝင်နေခဲ့ရသည်။

YBS စနစ်စတင်သည့်အချိန်တွင် လွှတ်တော်ကိုယ်စားလှယ်များ၏ ဝေဖန်ပြောကြားချက်များကို ဂရုစိုက်ခြင်းမရှိခဲ့သည့် အခြေအနေကြောင့် ယင်းပြောင်းလဲမှုတွင် လူထုလူတန်းစား အသီးသီးမှ ပါဝင်ကူညီခဲ့ရသည်။ စီမံခန့်ခွဲမှု အားနည်းခြင်း၏ ရလဒ်အဖြစ် YBS စနစ်မှာ အစပိုင်းကတည်းက အကျအဆုံးများခဲ့သည်ကို တွေ့ရသည်။

 

YBS ကို ဘယ်လိုအကောင်အထည် ဖော်ထားသလဲ

YBS စနစ်မှာ ယခင်မထသ စနစ်အားအပြီးတိုင် ဖျက်သိမ်းခဲ့ပြီး အစားထိုးပြုပြင်ခဲ့သည့် စနစ်တစ်ခု ဖြစ်သည်။ YBS စနစ်ကို ဖော်ဆောင်ရာတွင် မထသမှ လွှဲပြောင်းရယူထားသည့် ကျပ်သိန်းခြောက်သောင်း ရရှိခဲ့သည်။ ယာဉ်လိုင်းများ ပြေးဆွဲနေသည့် လမ်းကြောင်းများတွင် အများပိုင်ကုမ္ပဏီများဖွဲ့စည်းကာ ပြေးဆွဲစေခဲ့သည်။ ထို့ပြင် အချို့သော ယာဉ်လိုင်းများတွင်မူ ကုမ္ပဏီအဖြစ် ဖွဲ့စည်းထားခြင်းမရှိသေးဘဲ Operator အဖြစ် ပြုလုပ်ကာ ပြေးဆွဲခဲ့သည်။

YBS စနစ်တွင် ကုမ္ပဏီအကြီးအဖြစ် သတ်မှတ်ထားသည့် ကုမ္ပဏီများမှာ Omini Focus ၊ ပါရမီ ဗန္ဓုလ၊ YBPC ၊ YUPT ၊ Power Eleven တို့ ပါဝင်သည်။ ကုမ္ပဏီကြီး အဖြစ်သတ်မှတ်မှုကို ကားအစီးရေ ၅၀၀ ၀န်းကျင်နှင့် ကုမ္ပဏီပုံစံကျမှုဖြင့် သတ်မှတ်ကြောင်း သိရသည်။

လက်ရှိတွင် အများပိုင်ကုမ္ပဏီ အနေဖြင့် ၁၇ ခုရှိပြီး အများပိုင် မဟုတ်ဘဲ ယာဉ်လိုင်းများအား Operator အဖြစ် လုပ်ဆောင်နေမှုသည် ၁၅ ခုခန့်ရှိကာ စုစုပေါင်း ၃၂ ခု ရှိကြောင်း သိရသည်။ ၎င်းတို့အနက်  အများပိုင် မဖြစ်သေးသည့် ၁၅ ခုကို အများပိုင်အမြန်ဆုံးဖြစ်ရန်နှင့် စနစ်တကျ အမြန်ဆုံးလုပ် ဆောင်နိုင်ရန် ရန်ကုန်တိုင်းဒေသကြီး အစိုးရအဖွဲ့က စီစဉ်ထားသည်။YBS စနစ်တွင် ယာဉ်လိုင်း ၁၀၁ လိုင်းရှိကာ ယာဉ်အစီးရေ ၄၀၀၀ ၀န်းကျင်ဖြင့် ပြေးဆွဲနေသည်။

အဆိုပါကုမ္ပဏီများအနက် YBPC ၊ YUPT ကုမ္ပဏီများတွင် ရန်ကုန်တိုင်းဒေသကြီးအစိုးရ အဖွဲ့မှ ရှယ်ယာအများဆုံး ထည့်ဝင်ထားသည်။ YBPC ကုမ္ပဏီသည် ယခင် BRT ဘတ်စ်ကားများ ပြေးဆွဲခဲ့သော ကုမ္ပဏီဖြစ်ပြီး YUPT ကုမ္ပဏီသည် မ.ထ.သ မှ အများပိုင်ကုမ္ပဏီအဖြစ် ဖွဲ့စည်းထားခြင်း ဖြစ်သည်။ ယင်းကုမ္ပဏီနှစ်ခုတွင် ရန်ကုန်တိုင်းဒေသကြီး အစိုးရအဖွဲ့မှ ရင်းနှီးမြှုပ်နှံမှု ကျပ်သန်း ၇၀ ပါဝင်ထားကြောင်း ရန်ကုန်တိုင်းဒေသကြီး အစိုးရအဖွဲ့ လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က ပြောကြားထားသည်။

“ရန်ကုန်တိုင်းဒေသကြီး အစိုးရအဖွဲ့မှ အစုရှယ်ယာ အများစု ပိုင်ဆိုင်သော ရန်ကုန်ဘတ်စ်ကား အများနဲ့သက်ဆိုင်သော ကုမ္ပဏီလီမိတက်၊ မော်တော်ယာဉ်ထုတ်လုပ်တဲ့ ကုမ္ပဏီများဖြစ်သော အန်းခိုင်ကုမ္ပဏီနှင့် မော်တော်ယာဉ်အစီး ၅၀၀ ၀ယ်ယူခြင်းအတွက်လည်းကောင်း၊ ယူတုန်းကုမ္ပဏီနှင့် မော်တော်ယာဉ် အစီး ၅၀၀ ၀ယ်ယူခြင်းအတွက်လည်းကောင်း ၀ယ်ယူရေး စာချုပ်များကို ၂၀၁၇ ခုနှစ် ဧပြီ ၁၁ ရက်မှာ လက်မှတ်ရေးထိုးခဲ့ပါတယ်။ ၂၀၁၇ ခုနှစ် ဇွန် ၁၀ ရက်မှာ ရန်ကုန်မြို့သို့ ရောက်ရှိလာတဲ့ ဘတ်စ်ကား အစီး ၁၀၀၀ ကို အခမ်းအနားနဲ့ လွှဲပြောင်းပြီးစီးပြီး ၂၀၁၇ ဇူလိုင် ၁၃ ရက်မှာပြုလုပ်တဲ့ ရန်ကုန်တိုင်းဒေသကြီး အစိုးရအဖွဲ့ အစည်းအဝေး ဆုံးဖြတ်ချက်အရ ရန်ကုန်ဘတ်စ်ကားအများနှင့် သက်ဆိုင်သော ကုမ္ပဏီလီမိတက် အများပြည်သူသယ်ယူပို့ဆောင်ရေးတွင် စုစုပေါင်း ရင်းနှီးမြှုပ်နှံငွေ ကျပ် ၇၀ ဘီလျံအနက်မှ ကျပ် ၃၅ ဘီလျံအား လည်းကောင်း၊ ရန်ကုန်မြို့ပြ အများပြည်သူ သယ်ယူပို့ဆောင်ရေး အများနှင့်သက်ဆိုင်သော ကုမ္ပဏီ (YUPT) တွင် ကျပ် ၃၅ ဘီလျံအားလည်းကောင်း ထည့်ဝင်ရင်းနှီးခဲ့ပြီး ဖြစ်ပါတယ်” ဟု ၀န်ကြီးဒေါ်နီလာကျော်က ဒီဇင်ဘာ ၁၅ ရက်တွင် ပြုလုပ်သည့် ဒုတိယအကြိမ် ရန်ကုန်တိုင်းဒေသကြီးလွှတ်တော် ပဉ္စမပုံမှန်အစည်းအဝေး ၂၄ ရက်မြောက်တွင် ပြောကြားထားသည်။

မထသ စနစ်တွင် ယာဉ်ပိုင်ရှင်များအနေဖြင့် ယာဉ်စီးခများကို ကိုယ်ရကိုယ်ယူစနစ်ဖြင့် ပြေးဆွဲခဲ့သော်လည်း YBS စနစ်တွင် ဘုံစနစ် ကျင့်သုံးခဲ့သည်။ ကိုယ်ရကိုယ်ယူစနစ်တွင် ယာဉ်များအနေဖြင့် အပြိုင်အဆိုင်မောင်းနှင်ခြင်းများကြောင့် ခရီးသွားပြည်သူများ၏ အသက်အန္တရာယ်များ ထိခိုက်စေခြင်း၊ မှတ်တိုင်တွင် အချိန်ကြာမြင့်စွာ ခရီးသည်စောင့်ဆိုင်းခြင်းများရှိခြင်းကြောင့် ဘုံစနစ်သို့ ပြောင်းလဲခဲ့ခြင်း ဖြစ်သည်။ ဘုံစနစ်တွင် ယာဉ်ပေါ်၌ နောက်လိုက်မထားဘဲ ခရီးသည်များအနေဖြင့် ပိုက်ဆံပုံးထဲသို့ ကိုယ်တိုင်ထည့်ရခြင်းကြောင့် ယာဉ်များအနေဖြင့် ကိုယ်ရကိုယ်ယူနိုင်ခြင်းမရှိဘဲ ဂိတ်ရောက်လျှင် အဆိုပါ ငွေပုံးအား သက်ဆိုင်ရာဂိတ်တာဝန်ကျသူထံသို့ အပ်နှံရသည်။ လကုန်မှသာ ရရှိလာသည့် ငွေကြေးအား ဝေပုံကျခွဲဝေယူရခြင်း ဖြစ်သည်။ သို့သော် ဂိတ်ဖွင့်ကြေးပေးရခြင်း၊ အခြားအသုံးစရိတ်များအား ကျခံရခြင်းမှာ မထသစနစ်နှင့် များစွာကွာခြားခြင်း မရှိချေ။

YBS စနစ်မှာ ယာဉ်လိုင်းတွေ တိုးတက်ကောင်းမွန်လာပြီလား

YBS တစ်နှစ်ပြည့်ချိန်တွင် Eleven Media Group အနေဖြင့် အသေးစားစစ်တမ်းတစ်ခု ကောက်ယူခဲ့သည်။ ယင်းစစ်တမ်းတွင် ယာဉ်လိုင်းများ စီးနင်းရသည့်အခါတွင် ကြုံတွေ့ရသည့် အခက်အခဲများကို အများပြည်သူများအား မေးမြန်းခဲ့ခြင်း ဖြစ်သည်။ ယင်းသို့ မေးမြန်းရာတွင် ဆင်ခြေဖုံးမြို့နယ်များမှ ရန်ကုန်မြို့တွင်းသို့ YBS စီးနင်းသူများကို အဓိကထားမေးမြန်းခဲ့ခြင်းဖြစ်ပြီး ၎င်းတို့မှာ မြို့တွင်း အလုပ်လာလုပ်သူများ၊ ဈေးသည်များ ဖြစ်သည်။

မြို့နယ်များအနေဖြင့် ထောက်ကြန့်၊ မင်္ဂလာဒုံ၊ လှိုင်သာယာ၊ မြောက်ဒဂုံ၊ တောင်ဒဂုံ၊ မြောက်ဥက္ကလာပ စသည့်မြို့နယ်များမှ ခရီးသည်များကို မေးမြန်းခဲ့သည်။ အသေးစား စစ်တမ်းတွင် ခရီးသည် ၁၀၀ ကို ကောက်ယူခဲ့ခြင်းဖြစ်ပြီး ခရီးသည်များ စီးနင်းသည့် ယာဉ်လိုင်းများမှာ ၆၁၊ ၂၀၊ ၅၇၊ ၇၊ ၂၁၊ ၃၇၊ ၃၆၊ ၄၃၊ ၂၈၊ ၆၅ စသည်တို့ ဖြစ်သည်။

ယင်းစစ်တမ်းတွင် ဖြေဆိုသူများအနက် ယာဉ်စီးခ အကြွေခက်ခဲခြင်း၊ ယာဉ်လုံလောက်မှုမရှိခြင်း၊ ယာဉ်အစီးရေ နည်းပါးခြင်း၊ ခရီးသည်အများစု အားထားရသည့်အချိန်တွင် ယာဉ်လိုင်းများမှ ပြေးဆွဲမှု မရှိခြင်းများကို အများစုက ဖြေဆို ခဲ့ကြသည်ကို တွေ့ရသည်။

ထို့ပြင် မော်တော်ယာဉ်များ စီးနင်းရသည်မှာ ယခင်ထက် ပိုမိုကောင်းမွန်လာသည်ဟု ဖြေဆိုသူများလည်း များပြားခဲ့သည်ကို တွေ့ရသည်။

အကြွေအခက်အခဲရှိသည်ဟု ဖြေဆိုသူများမှာ စစ်တမ်း၏ ရာခိုင်နှုန်း ၈၀ ခန့်ဖြစ်ပြီး ယာဉ်လိုင်းများ စည်းကမ်းကောင်းမွန်လာသည်ဟု ဖြေဆိုသူမှာ ရာခိုင်နှုန်း ငါးဆယ်ခန့် ရှိသည်ကို တွေ့ရသည်။ ထို့ပြင် ပြေးဆွဲသည့် ယာဉ်များမကောင်းဟု ဖြေဆိုသူများမှာ လှိုင်သာယာ၊ ထောက်ကြန့်၊ တိုက်ကြီး စသည့်မြို့နယ်များမှဖြစ်ပြီး စစ်တမ်း၏  ရာခိုင်နှုန်း ၄၀ ခန့် ရှိသည်ကို တွေ့ရသည်။

စစ်တမ်းဖြေဆိုသူအများစုက မော်တော်ယာဉ်များ ထပ်တိုးပေးရန်နှင့်  ပြေးဆွဲပေးချိန်တွင် ညပိုင်းအထိ ပြေးဆွဲပေးရန် တောင်းဆိုခဲ့သည်ကို တွေ့ရသည်။

ယာဉ်လိုင်းများမှာ အချို့မြို့ နယ်များတွင် ည ၆ နာရီခန့်မှစပြီး ပြေးဆွဲမှု မရှိသဖြင့် အခက်အခဲဖြစ်ကြောင်း၊ အောက်ဆိုက်ကားများ ပြန်လည်ပေါ်ပေါက်လာပြီး စီးနင်းအသုံးပြုနေရကြောင်း ဖြေဆိုထားသည်ကို လည်းတွေ့ရသည်။ မော်တော်ယာဉ်လုံလောက်မှု မရှိသဖြင့် ကျပ်တည်းစွာ စီးနင်းနေရပြီး အလုအယက်တိုး ဝှေ့စီးနင်းနေရကြောင်း၊ ထို့ပြင် ခါးပိုက်နှိုက်ရန်လည်း ရှိကြောင်းဖြေဆိုထားသည်ကို တွေ့ရသည်။

“ညပိုင်းဆိုကားက နောက်ကျရင် အဆင်မပြေတော့ဘူး။ လူကျပ်တော့ အောက်ဆိုက်ကားတွေပဲ အားကိုးရတယ်။ ရုံးတက်ရုံးဆင်းချိန်ဆို ကားစီးရမှာတောင် ကြောက်တယ်” ဟု တောင်ဒဂုံမှ ဆူးလေသို့ ပြေးဆွဲနေသည့် YBS ၇ အား နေ့စဉ် စီးနင်းနေသည့် ဦးအေးထွန်းက ပြောကြားသည်။

ယင်းအပြင် ထောက်ကြန့်မြို့နယ်တွင် နေထိုင်ပြီး YBS ၃၇ စီးနင်းသူ ဦးအောင်ထွေးကလည်း          “ယာဉ်လိုင်းအပြောင်းအလဲတွေမှာ ကျပ်ကျပ်တည်းတည်း စီးရတယ်။ ကားတစ်စီးလာရင် အလုအယက် တက်ရတယ်။ စနစ်တကျ မရှိဘူး။ အဲဒီအတွက်လည်း စီစဉ်ပေးထားတာ မရှိဘူး” ဟု ပြောကြားသည်။

အကြွေအခက်အခဲရှိသော်လည်း ဆောင်ထားခြင်းကြောင့် နောက်ပိုင်းတွင် အခက်အခဲဟု မပြောနိုင်တော့သော်လည်း ကားအဆင့်ဆင့် စီးနင်းရသည်မှာ အခက်အခဲဖြစ်လာကြောင်း ထောက်ကြန့်မှ ဆူးလေသို့  YBS ၃၇ စီးနင်းသည့် ဒေါ်ဇင်မာဝင်းက ပြောကြားသည်။

“အကြွေက ကိုယ့်ဘာသာ ကိုယ်ရှာထားတော့ အခုနောက်ပိုင်း အခက်အခဲလို့တောင် ပြောလို့မရတော့ပါဘူး။ ဒါပေမဲ့ ဆိုးလာတာက အဆင့်ဆင့် ပြန်စီးရတယ်။ စရိတ်တွေ ပိုကုန်တယ်” ဟု ဒေါ်ဇင်မာဝင်းက ပြောကြားသည်။

 

စည်းကမ်းဖောက် YBS ကို ဘယ်လိုအရေးယူသလဲ

ယာဉ်လိုင်းများ စတင်ပြေးဆွဲစဉ်အခါကပင် ကွန်ထရိုးစင်တာတစ်ခု ဖွင့်လှစ်ကာ စည်းကမ်းဖောက်ယာဉ်များကို အရေးယူခြင်းများ ဆောင်ရွက်လျက်ရှိသည်ဟု အစိုးရအဖွဲ့က ပြောကြားထားသည်။

“YBS စနစ်ဖြင့် စတင်ပြေးဆွဲစဉ်ကပင် ခရီးသည်တင်ယာဉ်များ၏ စည်းကမ်းလိုက်နာမှုအတွက် ပြည်သူလူထုနဲ့ ပူးပေါင်းပြီး ဆောင်ရွက်နိုင်ရန်၊ ကွန်ထရိုးစင်တာဖွင့်ပြီး ပြည်သူများ၏ တိုင်ကြားမှုလက်ခံခြင်း၊ အရေးယူခြင်းများ ဆောင်ရွက်ခဲ့ပါတယ်။ ၂၀၁၇ ခုနှစ် ဇန်န၀ါရီလမှ သြဂုတ်လအထိ မှတ်တိုင်မရပ်မှုကြောင့် တိုင်ကြားမှုပေါင်း ၄၆၆ မှုရှိပြီး သက်ဆိုင်ရာကုမ္ပဏီနှင့် ယာဉ်လိုင်းများသို့ အကြောင်းကြားပြီး အရေးယူခဲ့ပါတယ်။ ဆက်လက်ပြီး ၂၀၁၇ ခုနှစ် မတ်လမှာယာဉ်ထိန်း ရဲတပ်ဖွဲ့နှင့် YRTA ၀န်ထမ်းများ ပူးပေါင်းပြီး မော်တော်ယာဉ် ၁၀ စီးဖြင့် လှည့်လည်စစ်ဆေးခြင်းကို ဆောင်ရွက်ခဲ့ပါတယ်။ ၂၀၁၇ ခုနှစ် သြဂုတ်လအထိ မှတ်တိုင်မှာ စနစ်တကျ မရပ်မှု ၄၆၆ မှု၊ သတ်မှတ်နေရာ မဟုတ်ဘဲ လူတင်လူချမှု ၆၇၃ မှု စစ်ဆေးတွေ့ရှိရသဖြင့် အရေးယူခြင်း၊ သက်ဆိုင်ရာ ယာဉ်လိုင်းကုမ္ပဏီများကို အရေးယူစေခြင်းများ ဆောင်ရွက်ခဲ့ပါတယ်” ဟု ၀န်ကြီးဒေါ်နီလာကျော်က  နိုဝင်ဘာ ၃၀ ရက်တွင် ပြုလုပ်သည့် ဒုတိယအကြိမ် ရန်ကုန်တိုင်းဒေသကြီးလွှတ်တော် ပဉ္စမပုံမှန်အစည်းအဝေး ၁၉ ရက်မြောက်တွင် ပြောကြားသည်။

ထုိ့ပြင် YBS ယာဉ်လိုင်းများအနေဖြင့် စည်းကမ်းဖောက်ယာဉ်များကို တိုင်ကြားနိုင်ရန်ဟုဆိုကာ လူမှုကွန်ရက်စာမျက်နှာတွင် YBS Page ကို တည်ထောင်ကာ စည်းကမ်းဖောက်ယာဉ်များအား အရေးယူမှုများ ဆောင်ရွက်ခဲ့သည်။

ထို့ပြင် ယာဉ်လိုင်းစစ်ဆေးခြင်းများကိုလည်း ယာဉ်လိုင်းဆွဲနေစဉ် ကာလအတွင်း လိုက်လံစစ်ဆေးမှုများ ဆောင်ရွက်လျက်ရှိသည်ဟု ရန်ကုန်တိုင်းဒေသကြီးအစိုးရအဖွဲ့က ထုတ်ပြန်ကြေညာခဲ့သည်။

သို့သော် ၂၀၁၇ ခုနှစ် ဇူန်လအတွင်းက YBS ယာဉ်တိုက်မှုအဖြစ် လူ ၁၀ ဦးကျော် သေဆုံးခဲ့သည့် ဖြစ်စဉ်တစ်ခု ဖြစ်ပွားခဲ့သည်။

ယင်းဖြစ်စဉ်မှာ ၂၀၁၇ ခုနှစ် ဇူလိုင် ၈ ရက်က ပြည်လမ်းပေါ်တွင် ဖြစ်ပွားခဲ့သည့် ယာဉ်တိုက်မှုဖြစ်ပြီး YBS ၅၅ ယာဉ်လိုင်းက YBS ၃၇ ယာဉ်ကို တိုက်မိခဲ့ခြင်းဖြစ်ကာ ၁၀ ဦးကျော် သေဆုံးခဲ့ပြီး ၃၀ ကျော်ထိ ခိုက်ဒဏ်ရာရရှိခဲ့သည်။

၂၀၁၇ ခုနှစ်အတွင်း ဖြစ်ပွားခဲ့သည့် YBS ယာဉ်တိုက်မှုများအနက် အဆိုးရွားဆုံး ယာဉ်တိုက်မှုဖြစ်ခဲ့ပြီး ယာဉ်တိုက်မှုမှာ YBS စနစ်သို့ ပြောင်းလဲအပြီး ခြောက်လခန့်အကြာတွင် ဖြစ်ပွားခဲ့ခြင်း ဖြစ်သည်။

ယာဉ်တိုက်မှုကြောင့် YBS ၅၅ ယာဉ်လိုင်းအား ဖျက်သိမ်းကာ YBS ၉၀ အဖြစ် အမည်ပြောင်းလဲပြေးဆွဲခဲ့ပြီး ယင်း ၅၅ လိုင်းမှ ယာဉ်များကိုသာ အသုံးပြုလျက်ရှိသည်။

ထိုသို့အရေးယူမှုများ ဆောင်ရွက်နေသော်လည်း YBS ယာဉ်လိုင်းအချို့မှ ယာဉ်မောင်းများမှာ ပြိုင်မောင်းခြင်းများကို ယခင်အတိုင်း ပြုမူလျက်ရှိနေသည်ကို တွေ့ရပြီး စည်းကမ်းပိုင်းလိုက်နာမှု အားနည်းနေကြောင်း ခရီးသည်များ၏ ပြောကြားချက်များအရ သိရသည်။

ထင်ရှားသည့် ဥပမာတစ်ခုအနေဖြင့် ၂၀၁၇ ခုနှစ်အတွင်းက ရန်ကုန်မြို့ နှင်းဆီကုန်းဘိုးဘွားရိပ်သာ အနီးတွင် YBS နှစ်စီးလုမောင်းရာမှ တစ်ဦးနှင့် တစ်ဦးခိုက်ရန်ဖြစ်ပွားခဲ့သည့် ဖြစ်စဉ်မှာ လူမှုကွန်ရက် စာမျက်နှာပေါ်တွင် ပလူပျံခဲ့သည်။

ဖြစ်စဉ်နှင့် ပတ်သက်ပြီး ယာဉ်မောင်းနှစ်ဦးအား ယာဉ်လိုင်းမှ ထုတ်ပယ်အရေးယူခြင်းများကို ဆောင်ရွက်ခဲ့သည်ဟု YRTA က သတင်းထုတ်ပြန်ခဲ့သည်။

ထိုသို့ အရေးယူမှုများ ဆောင်ရွက်နေသော်လည်း YBS ယာဉ်လိုင်းများအနက် ဆင်ခြေဖုံးမြို့နယ်များတွင် ပြေးဆွဲနေသည့် YBS ယာဉ်လိုင်းများမှာမူ ထူးထူးခြားခြား ပြောင်းလဲလာခြင်းမရှိသည်ကို တွေ့ရသည်။

YBS ယာဉ်လိုင်းများတွင် ယာဉ်နောက်လိုက် ထားရှိမည်မဟုတ်နှင့် ယာဉ်ပေါ်ရှိ ငွေပုံးအတွင်း ယာဉ်စီးခ ထည့်သွင်းရမည်ဟုဆိုသော YRTA ၏ စည်းကမ်းချက်တစ်ခုမှာ လက်ရှိတွင် မြို့တွင်းဆူးလေသို့ ပြေးဆွဲနေသည့် ယာဉ်လိုင်းများတွင်သာ သက်ရောက်မှုရှိပြီး ဆင်ခြေဖုံး မြို့နယ်များအတွက်မူ ထိုသို့မဟုတ်ပေ။ သက်ကြီးရွယ်အိုများ စီးနင်းမည်ဆိုပါက အကူအညီပေးရန်အတွက်ဟု ဆိုကာ ယာဉ်နောက်လိုက်များ  ထားရှိပေးသော်လည်း အဆိုပါ ယာဉ်နောက်လိုက်များမှာ သက်ကြီးရွယ်အိုများကို အကူအညီပေးမည်ဆိုခြင်းထက် ယာဉ်စီးခကောက်ခံရန် အတွက်သာ လုပ်ကိုင်နေသည်ကို တွေ့ရသည်။

YBS ကြောင့် ခရီးသည်တွေ  ခရီးစရိတ် ပိုကုန်လား

YBS စနစ်  အကောင်အထည်ဖော်ရာတွင် ယာဉ်စီးခများကို တစ်ပြေးညီသတ်မှတ်ခဲ့သည်။

မည်သည့်နေရာသို့ စီးစီး ၂၀၀ ကျပ်ဟုသတ်မှတ်ခဲ့သဖြင့် ခရီးသည်များနှင့် ပညာရှင်များက ဝေဖန်မှုများကြောင့် ယခင် မထသလက်ထက် အတိုင်းပင် ခရီးစဉ်ပိုင်းဖြတ်ခြင်းများကို ပြန်လည်သတ်မှတ်ခဲ့သည်။

ယင်းသို့ သတ်မှတ်ရာတွင် ဆင်ခြေဖုံးမြို့နယ်များတွင် ပြေးဆွဲနေသည့် ယာဉ်လိုင်းများကိုသာ သတ်မှတ်ထားခြင်းဖြစ်ပြီး ဆူးလေအထိ ပြေးဆွဲသည့် အဲကွန်းယာဉ်များတွင် မည်သည့်နေရာစီးစီး ကျပ် ၂၀၀ သာ သတ်မှတ်ထားသည်။

သို့သော် ဆင်ခြေဖုံးမြို့နယ် များတွင်ပြေးဆွဲနေသည့် ယာဉ်လိုင်းများအနေဖြင့်မူ ခရီးစဉ်ပိုင်းဖြတ်ထားသည့် သတ်မှတ်ငွေကြေးအတိုင်း ကောက်ခံနေခြင်းမရှိဘဲ မည်သည့်နေရာသို့ စီးစီး ကျပ် ၂၀၀ ဖြင့်သာ ကောက်ခံနေခြင်း ဖြစ်သည်။

YBS လမ်းကြောင်းများကို မြို့တွင်းခရုပတ်ပုံသဏ္ဌာန် ပြေးဆွဲခြင်းကြောင့် မြို့တွင်းလာရောက်သူများ အတွက်မူ ခရီးစရိတ်ပိုမိုကုန်ကျလာသည်ကို တွေ့ရသည်။

ဥပမာတစ်ခုအနေဖြင့် မြို့တွင်း ဆူးလေနှင့် အနီးဆုံး ဆင်ခြေဖုံးမြို့နယ်ဟု သတ်မှတ်နိုင်သည့် သာကေတမြို့နယ်နှင့် ဒေါပုံမြို့နယ်များတွင် နေထိုင်သူများမှာ ယခင်က ခရီးစဉ်အတွက် ကျပ် ၂၀၀ သာ ကုန်ကျခဲ့သော်လည်း လက်ရှိတွင် ကျပ် ၄၀၀ ကုန်ကျမှသာ ဆူးလေသို့ရောက်ရှိမည် ဖြစ်သည်။

အလားတူ ယခင်က ဥက္ကံမြို့ နယ်တွင် နေထိုင်သူများမှာ ဆူးလေသို့ ရောက်ရှိရန် ကျပ် ၂၀၀ သာကုန်ကျခဲ့သော်လည်း လက်ရှိတွင် အနည်းဆုံး ကျပ် ၄၀၀ ကုန်ကျမှသာ ရောက်ရှိမည် ဖြစ်သည်။

ထို့ကြောင့် YBS စနစ်တွင် ပြောင်းလဲမှုအဖြစ် တစ်ခုသတ်မှတ်ရမည်မှာ ပြည်သူများ၏ ခရီးသွား လာစရိတ်မှာ ယခင်ထက် နှစ်ဆနီး ပါး ကုန်ကျလာသည်ကို တွေ့ရသည်။ ထိုသို့ကုန်ကျခဲ့သော်လည်း စီးနင်း အသုံးပြုရသည့် ယာဉ်များမှာမူ ယာဉ်လိုင်းအများစုမှာ ယခင်ယာဉ် အိုယာဉ်ဟောင်းများကိုသာ အသုံးပြုလျက်ရှိသည်ကို တွေ့ရသည်။

ရန်ကုန်မြို့တွင်း နေ့စဉ်သွားလာနေသည့် ခရီးသည်မှာ နှစ်သန်းကျော်ရှိသဖြင့် အဆိုပါခရီးသည် နှစ်သန်းကျော်မှာ တစ်ဦးလျှင် ပျမ်းမျှ ၂၀၀ ကျပ် ပိုမိုသုံးစွဲရမည် ဖြစ်သည်။ ခရီးသွားများအတွက် တစ်ရက်လျှင် ကျပ်သိန်းလေးထောင်ခန့်ရှိသည့် အပိုကုန်ကျငွေများမှာ ယာဉ်လိုင်းများအတွင်း စီးဝင်နေသည်ကို တွေ့ရသည်။ YBS စတင်ခဲ့သည့် ၂၀၁၇ ခုနှစ် ဇန်န၀ါရီ ၁၆ ရက်မှ ၂၀၁၈ ခုနှစ် ဇန်န၀ါရီ ၁၆ ရက်အထိ တွက်ချက်ပါက ကျပ် ၁၄၆ ဘီလျံအထိ ရှိလာမည် ဖြစ်သည်။

ယင်းသို့တွက်ချက်ထားမှုမှာ တစ်နှစ်စာ ၃၆၅ ရက်အတွက်သာ တွက်ချက်ထားခြင်းဖြစ်ပြီး လူတစ်ဦးချင်းစီအတွက် ခရီးစရိတ်အနည်းဆုံး ကုန်ကျမှုအား တစ်ရက်လျှင် ကျပ်နှစ်ရာနှုန်းဖြင့်သာ တွက်ချက်ထားခြင်း ဖြစ်သည်။ ထိုသုိ့တွက်ချက်ထားရာတွင် အပိုကုန်ကျငွေ တစ်ရက်လျှင် ကျပ် ၄၀၀ ခန့်ဖြင့် တွက်ချက်မည်ဆိုပါက ကျပ် ၂၉၂ ဘီလျံကျော် ကုန်ကျမည်ဖြစ်သည်။ အဆိုပါ ငွေကြေးများမှာ ရန်ကုန်မြို့တွင်း ခရီးသွားပြည်သူသန်း ၂၀ ကျော်၏ အပိုကုန်ကျငွေများ ဖြစ်သည်။

YBS စတင်ခါစက ရန်ကုန်တိုင်းဒေသကြီးအစိုးရအဖွဲ့ ကရင်တိုင်းရင်းသားရေးရာဝန်ကြီး နော်ပန်းသဉ္ဇာမျိုးက ပြောကြားထားသည့် စကားတခွန်းမှာ လူထုအကြားပျံ့နှံ့ခဲ့သည်။

“ပြည်သူလူထုကို အသိပေးလိုတာက ၁၉၆၂ ခုနှစ်ကနေ ၂၀၁၇ ခုနှစ်အထိ မထသ အဖွဲ့အစည်းရဲ့ ၀င်ငွေ နိုင်ငံတော်ကို အခုပြန်အပ် နိုင်တာ သိန်းခြောက်သောင်း။ အခု YBS ကို ကျွန်မတို့အစိုးရက ဦး ဆောင်ပြီးတော့ ရန်ကုန်မြို့သယ်ယူပို့ဆောင်ရေး ကြီးကြပ်မှုအာဏာပိုင် အဖွဲ့ကနေ တာဝန်ယူလိုက်တဲ့အချိန်မှာ တစ်လ၀င်ငွေ သိန်းခြောက်ထောင်ရှိတယ်။ သူတို့နှစ်ပေါင်း ၃၀၊ ၄၀ လောက်ရှာထားတဲ့ ပိုက်ဆံဟာ ကျွန်မတို့ တစ်နှစ်တောင် ရှာစရာ မလိုဘူး” ဟု ၀န်ကြီး နော်ပန်းသဉ္ဇာမျိုးက ၂၀၁၇ ခုနှစ် မတ်လအတွင်းက လှည်းကူးတွင် ဒေသခံများနှင့် တွေ့ဆုံစဉ် ပြောကြားခဲ့သည်။

YRTA စနစ်တွင် အစိုးရအနေဖြင့် ကိုယ်တိုင်စီးပွားရေး ၀င်မလုပ်ခဲ့သော်လည်း ကုမ္ပဏီနှစ်ခုတွင် ရင်းနှီးမြုပ်နှံမှုများ ပြုလုပ်ထားသည်ဟု တရားဝင် ထုတ်ဖော်ပြောကြားထားပြီး အစိုးရက အစုရှယ်ယာ ပါဝင်ထားသော ကုမ္ပဏီများအနေဖြင့် အခွင့်အရေးပိုယူခြင်း၊ ပေးထားခြင်း ရှိမည်မဟုတ်ဟု ရန်ကုန်တိုင်းဒေသကြီး ၀န်ကြီးချုပ်ဦးဖြိုးမင်းသိန်းက ပြောကြားထားသည်။

“YBS စနစ်နဲ့ပတ်သက်ပြီး အစိုးရက ဘတ်စ်ကားထောင်ပြီး ပြေးဆွဲနေတယ်ဆိုပြီးထင်နေတာ မှားနေတယ်လို့ ကျွန်တော်ထင်တယ်။ ဒီကားတွေက ကုမ္ပဏီကပိုင်တဲ့ကားတွေ ဖြစ်ပါတယ်။ အစိုးရကပိုင်တဲ့ကားတွေ မဟုတ်ပါဘူး။ ဒီပြေးဆွဲရေးစနစ်ကြီးကို ထိန်းချုပ်ပေးတဲ့ စနစ်ပဲ ဖြစ်ပါတယ်။ Operation လုပ်နေတဲ့ Operation တွေက ကုမ္ပဏီတွေပဲ ဖြစ်ပါတယ်။ သူတို့ရဲ့ ၀န်ဆောင်မှုကိုသူတို့က ဖြည့်တင်းပေးရမယ်။ လိုအပ်ရင် ဒီကုမ္ပဏီတွေကို သတိပေးခြင်း အရေးယူခြင်းတွေ ဆောင်ရွက်ရမှာ။ အစိုးရက ဒီစီးပွားရေး လုပ်ငန်းတွေမှာ အစုရှယ်ယာပါဝင်ချင် ပါဝင်နေပါလိမ့်မယ်။ ဒီကုမ္ပဏီတွေကို ပုဂ္ဂလိက ကုမ္ပဏီတွေလိုပဲ ယှဉ်ပြိုင်ရမှာပါ။ ကုမ္ပဏီအားလုံးကို ကျွန်တော်တို့က တစ်ပြေးညီ အခွင့်အရေးပေးထားမှာ ဖြစ်ပါတယ်။ အထူးအခွင့်အရေး ဘယ်သူ့ကိုမှ မပေးပါဘူး” ဟု ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက အာရ်အက်ဖ်အေ သတင်းဌာနနှင့် ၂၀၁၇ ခုနှစ်က ပြုလုပ်ခဲ့သည့် အင်တာဗျူးတွင် ဖြေကြားထားသည်။

YBS စီးနင်းမည့် ခရီးသည်များအား ရန်ကုန်မြို့လယ်တွင် တွေ့ရစဉ်

သို့သော် တစ်နှစ်နီးပါးရှိလာသည့် အချိန်တွင် ၂၀၁၆- ၂၀၁၇ ဘဏ္ဍာနှစ်တွင် ခွင့်ပြုခဲ့သည့်နောက် ထပ်ဖြည့်စွက်ရန်ပုံငွေအဖြစ် သတ်မှတ်ကာ ရန်ကုန်တိုင်းအစိုးရအဖွဲ့က လွှတ်တော်တွင် တောင်းခံခဲ့သည့် ကျပ်ဘီလျံ ၇၀ ရင်းနှီးမြှုပ်နှံမှုကို အများပြည်သူ သယ်ယူပို့ဆောင်ရေးအတွက် မည်သည့်အများပိုင် ကုမ္ပဏီများတွင် မည်ကဲ့သို့သောသဘော တူညီမှုများဖြင့် ရင်းနှီးမြှုပ်နှံခဲ့သည်ကို အသေးစိတ်သိရှိလိုကြောင်း၊ ရန်ကုန်တိုင်းဒေသကြီးအတွင်းရှိ မော်တော်ယာဉ်လိုင်းပေါင်းစုံ ထိန်းသိမ်းရေးအဖွဲ့ (မထသ)မှ ယခု ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့သို့ လွှဲပြောင်းယူခဲ့သည့် ရန်ပုံငွေတန်ဖိုးနှင့် ပုံသေပိုင်ပစ္စည်းများ၏ အမျိုးအစားအလိုက် စုစုပေါင်း တန်ဖိုးမည်မျှရှိသည်ကို သိရှိလိုပါကြောင်း၊ ရန်ကုန်တိုင်းဒေသကြီး အစိုးရအဖွဲ့မှ ကြီးကြပ်ဝယ်ယူခဲ့သည့် ကျောင်းကားအစီး ၂၀၀ ကို မည်သည့်ဘဏ္ဍာငွေမှ ထုတ်နုတ်သုံးစွဲ ၀ယ်ယူခဲ့သည်ကို တိကျစွာသိရှိလိုကြောင်း ကြယ်ပွင့်ပြမေးခွန်းအဖြစ် ရန်ကုန်တိုင်းဒေသကြီး လွှတ်တော်ကိုယ်စားလှယ် ဦးကျော်ဇေယျက မေးမြန်းခဲ့သည်။

အဆိုပါမေးခွန်းနှင့် ပတ်သက်ပြီး ရန်ကုန်တိုင်းဒေသကြီးလွှတ်တော်တွင် မေးမြန်းခဲ့ခြင်းဖြစ်သော်လည်း စာရင်းများအား ရန်ကုန်တိုင်းဒေသကြီး လွှတ်တော်ဥက္ကဋ္ဌထံတွင် ပေးပို့ထားသည်ဟု ၀န်ကြီးဒေါ်နီလာကျော်က ပြောကြားခဲ့ပြီး အသေးစိတ် ဖြေကြားခဲ့ခြင်း မရှိချေ။

“ပွင့်လင်းမြင်သာမှုရှိအောင် လွှတ်တော်မှာ မေးတာကို လွှတ်တော်ဥက္ကဋ္ဌဆီကို ပို့ထားတယ်ဆိုပြီး ပြန်ဖြေတယ်။ အဲဒီမှာ သူပြန်ဖြေသွားတဲ့တစ်ချက်က ကျွန်တော်တို့ လွှတ်တော်ကိုယ်စားလှယ်တွေကို ပေးထားတဲ့ ရန်ကုန်တိုင်းဒေသကြီး အစိုးရအဖွဲ့ ဆောင်ရွက်ချက်များ စာအုပ်မှာက အစီးရေ ၃၀၀၀ ဆိုပြီး ရေးထားတယ်။ ဒါပေမဲ့ တကယ်ဖြေတော့ စာအုပ်ထဲကအတိုင်း မဟုတ်ဘူး။ အစီးရေ တစ်ထောင်ဖြစ်နေတယ်။ အဲဒါတွေကို ဘာကြောင့်ဆိုတာ မေးချင်တာကို သူတို့ပြန်ဖြေတာက လွှတ်တော်ဥက္ကဋ္ဌဆီမှာ ရှိတယ်ဆိုတော့ ပွင့်လင်းမြင်သာမှုဆိုတာက မေးခွန်းထုတ်စရာ ဖြစ်လာပြီ” ဟု ဦးကျော်ဇေယျက ဆိုသည်။

ယင်းကဲ့သို့ အခြေအနေများတွင် ရန်ကုန်တိုင်းဒေသကြီးအစိုးရ အဖွဲ့က လုပ်ကိုင်နေသည့် YBS စနစ်၏ ပွင့်လင်းမြင်သာမှုမှာ တစ်နှစ်ကျော်ကာလအတွင်း မေးခွန်းထုတ်စရာ အခြေအနေဖြစ်လာသည်ကို တွေ့ရသည်။

ရန်ကုန်တိုင်းဒေသကြီးအတွင်းရှိ ခရီးသွားပြည်သူများ အပိုကုန်ကျငွေများနှင့် ပတ်သက်ပြီး ယင်းငွေကြေးများမှာ မည်သည့်ကဏ္ဍများတွင် အသုံးပြုနေသည်ဆိုသည်မှာလည်း မေးခွန်းထုတ်စရာ အခြေအနေတစ်ခုဖြစ်ပြီး လွှတ်တော်တွင်မူဝန်ကြီး ဒေါ်နီလာကျော်က အဆိုပါ ကုမ္ပဏီများမှရရှိလာသည့် အမြတ်ဝေစုများအား ရန်ကုန်တိုင်းဒေသကြီး အစိုးရအဖွဲ့၏ ဘတ်ဂျက်သာ မန်ငွေစာရင်းခေါင်းစဉ်တွင် သာမန်ရငွေအဖြစ် စာရင်းတင်မည်ဖြစ်ကြောင်း လွှတ်တော်တွင် ဖြေကြားထားသည်။ လက်ရှိတွင် ၂၀၁၇ ခုနှစ် မတ်လအတွင်းက ၀န်ကြီးနော်ပန်း သဉ္ဇာမျိုး ပြောကြားခဲ့သည့် YBS ၏ တစ်လအတွင်းဝင်ငွေမှာ ကျပ် သိန်းခြောက်ထောင်ခန့်ရှိကြောင်းဆိုသည့် ၀င်ငွေမှာမူ ပွင့်လင်းမြင်သာစွာ မရှိပေ။

အောက်ဆိုက်ကားတွေ ပြန်ပေါ်လာတဲ့ YBS စနစ်

YBS စနစ်စတင်စဉ်က အဓိကရည်ရွယ်ချက်တစ်ခုမှာ ညပိုင်းပြေးဆွဲလျက်ရှိသည့် အောက်ဆိုက်ကားများ ပပျောက်စေရေးပင် ဖြစ်သည်။

သို့သော် တစ်နှစ်ပြည့်ကာလသို့ ရောက်ရှိလာစဉ်အချိန်တွင် အောက်ဆိုက်ကားများမှာ ပိုမိုပေါများလာခဲ့သည်ကို တွေ့ရသည်။ ရန်ကုန်မြို့လယ်ကောင်ဖြစ်သည့် ဆူးလေစေတီ အနီးတွင်ပင် သန်လျင်မြို့နယ်၊ သာကေတမြို့နယ်သို့ ပြေးဆွဲနေသည့် အောက်ဆိုက်ကားများမှာ ည ၇ နာ ရီခန့်တွင် နေရာယူနေပြီ ဖြစ်သည်။

အောက်ဆိုက်ကား ပပျောက်ရေးများနှင့်ပတ်သက်ပြီး လုပ်ဆောင်ခဲ့သော်လည်း အများပြည်သူများမှာ အိမ်အပြန်ခရီးအတွက် အောက်ဆိုက်ကားများကို အားကိုးနေရဆဲပင် ဖြစ်သည်။

YBS စနစ် စတင်ပြေးဆွဲစဉ်ကပင် ညပိုင်း ၉ နာရီခန့်မှသာ လုပ်ငန်းခွင်မှ ပြန်ရသည့်သူများအတွက်   စီစဉ်မှုများ ထားရှိပေးရန် တောင်းဆိုခဲ့သော်လည်း အစပိုင်းတွင် အရာမထင်ခဲ့ပေ။ နောက်ပိုင်းတွင် ယာဉ်လိုင်းများအား အလှည့်ကျစနစ်ဖြင့် ပြေးဆွဲပေးရန် စီစဉ်ခဲ့မှုကြောင့် လက်ရှိတွင် ပုံမှန်အတိုင်းသာ ပြန်ဖြစ်နေသည်ကို တွေ့ရသည်။

“ဆူးလေဆိုတာက ဝေးပါတယ်။ ကျွန်တော်တို့ လှိုင်သာယာလို နေရာမျိုးသာ လာကြည့်။ ညနေ ၅ နာရီလောက်ကတည်းက အောက်ဆိုက်ကားတွေ တန်းစီလူခေါ်နေပြီ” ဟု လှိုင်သာယာမဲဆန္ဒနယ်အမှတ် (၂) မှ တိုင်းဒေသကြီးလွှတ်တော် ကိုယ်စားလှယ် ဦးမြတ်မင်းသူက ပြောကြားသည်။

ထိုသို့ အောက်ဆိုက်ကားများ အများအပြား ပြန်လည်ပေါ်ပေါက်လာသည့် မြို့နယ်များမှာ တာမွေမြို့ နယ်မှ သန်လျင်သို့သွားသော ယာဉ်လိုင်းများ၊ သာကေတမှ ဆူးလေသို့ သွားသောယာဉ်လိုင်းများ၊ စံပြဈေးမှ တောင်ဒဂုံသို့သွားသော ယာဉ်လိုင်းများ၊ ဆူးလေမှ ထောက်ကြန့်သို့ သွားသောယာဉ်လိုင်းများ၊ လှိုင်သာယာမြို့နယ်မှ ကမာရွတ်သို့သွားသော ယာဉ်လိုင်းများ စသည့်နေရာများဖြစ်ကြောင်း သိရသည်။

“ည ၇ နာရီနောက်ပိုင်းဆို တာမွေအ၀ိုင်းကနေ သုဝဏ္ဏကို ပြန်ဖို့ကားမရှိတော့ဘူး။ အဓိက,က ဘာဖြစ်လဲဆိုတော့ ဂိတ်စဂိတ်ဆုံးမဆွဲတဲ့ကားနဲ့ ပြန်လှည့်တဲ့ကားနဲ့ဆိုတော့ တော်တော်ကို ဒုက္ခရောက်တယ်”ဟု သုဝဏ္ဏမြို့နယ်တွင် နေထိုင်သည့် ကိုဇေယျာက ပြောကြားသည်။

ထို့ပြင် ညပိုင်းပြေးဆွဲသည့် ယာဉ်လိုင်းများမှာ ကျပ် ၃၀၀ ကောက်ခံလျက်ရှိသည့် ယာဉ်လိုင်းများလည်းရှိကြောင်း၊ အောက်ဆိုက်ကားများနှင့် အပြိုင်မောင်းနှင်ခြင်းများလည်းရှိကြောင်း ခရီးသွားပြည်သူများက ပြောကြားသည်။

လက်ရှိတွင် အချို့သော ဈေးအရောင်းစင်တာများ၊ ဆောက်လုပ်ရေး လုပ်ငန်းခွင်များတွင် လုပ်ကိုင်နေသူများမှာ ညပိုင်း ရှစ်နာရီကျော်မှ အလုပ်မှ ပြန်သည့်အချိန်များတွင် အောက်ဆိုက်ကားခများတွင် အသုံးပြုနေရခြင်း ဖြစ်သည်။ အလားတူ မြို့နယ်တစ်ခုတည်းတွင် သွားလာစရာ ကိစ္စများပေါ်ပေါက်လာပါက အောက်ဆိုက်ကားများကိုသာ အားထားနေရပြီး အောက်ဆိုက်ကားမရှိသည့် အချိန်များတွင် အငှားယာဉ်ကိုသာ အားကိုးအားထားပြုနေရသည်။

 

ဝန်ကြီးချုပ် မတက်ရောက်ခဲ့တဲ့ YBS ဆွေးနွေးပွဲ

YBS စနစ်စတင်ပြီး လေးလကျော်အကြာ ဧပြီလတွင် YBS နှင့် ပတ်သက်ပြီး ရန်ကုန်တိုင်းဒေသကြီး လွှတ်တော်တွင် ရန်ကုန်တိုင်းဒေသကြီး လွှတ်တော်ကိုယ်စားလှယ် ၂၆ ဦးက YBS စနစ်နှင့်ပတ်သက်ပြီး ဆွေးနွေးခဲ့သည်။ ရန်ကုန်တိုင်းဒေသကြီး လွှတ်တော်တွင် အဆိုတစ်ခုနှင့် ပတ်သက်ပြီး လွှတ်တော်ကိုယ်စားလှယ်အများဆုံး ၀င်ရောက်ဆွေးနွေးခဲ့သည့် အကြောင်းအရာလည်း ဖြစ်ခဲ့သည်။

အင်းစိန်မြို့နယ် မဲဆန္ဒနယ် အမှတ်(၂) မှ လွှတ်တော်ကိုယ်စားလှယ် ဦးဝေဖြိုးဟန်က “ရန်ကုန်တိုင်းဒေသကြီးအတွင်း အများပြည်သူ သယ်ယူပို့ဆောင်ရေးစနစ်အား ယခုထက် ပိုမိုကောင်းမွန်လာစေရန်နှင့် ထိရောက်သော စည်းမျဉ်းစည်းကမ်းများနှင့်အညီ အရေးယူဆောင်ရွက်ပြီး လုပ်ငန်းဆောင်ရွက်ချက်များအား အများပြည်သူသိရှိနိုင်ရေး ပွင့်လင်းမြင်သာစွာ ချပြနိုင်ရန် တိုင်းဒေသကြီး အစိုးရအဖွဲ့အား တိုက်တွန်းကြောင်းအဆို” ကို ဧပြီ ၅ ရက်က ပြုလုပ်ခဲ့သည့် ဒုတိယအကြိမ် ရန်ကုန်တိုင်းဒေသကြီး လွှတ်တော်စတုတ္ထ ပုံမှန်အစည်းအဝေးတွင် တင်သွင်းခဲ့ခြင်း ဖြစ်သည်။

ယင်းအစည်းအဝေးတွင် ‘ပြည်သူစိတ်ပျက် YBS’ ဟူသည့်စကားမှာ ပေါ်ပေါက်လာခဲ့သည်။ ထိုအစည်းအဝေးသို့ ရန်ကုန်တိုင်းဒေသကြီး အစိုးရအဖွဲ့မှ လမ်းပန်းဆက်သွယ်ရေးဝန်ကြီး ဒေါ်နီလာကျော် တစ်ဦးသာ တက်ရောက်ခဲ့ပြီး ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့ နာယကလည်းဖြစ်သည့် ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းမှာ တက်ရောက်ခဲ့ခြင်း မရှိပေ။

ယင်းအဆိုနှင့်ပတ်သက်ပြီး တိုင်းဒေသကြီး လွှတ်တော်ကိုယ်စားလှယ်အသီးသီး၏ ဆွေးနွေးမှုများတွင် YBS မှာ စနစ်တကျဖြစ်မှု အားနည်းခြင်း၊ ကြိုတင်ပြင်ဆင်မှုအား နည်းခြင်းများ ရှိခဲ့ကြောင်း၊ ထိုကဲ့သို့ အကြောင်းအရာများကို အချိန်မီ ကုစားနိုင်ရန် လိုအပ်လာပြီဖြစ်ကြောင်း ဆွေးနွေးခဲ့ကြသည်။

“YBS က မိတ်ကပ်တွေ လိမ်းထားတယ်။ မိတ်ကပ်တွေ ကွာကျသွားတော့ မလှတော့ဘူး ဆိုတာမျိုးပေါ့။ အဲဒီကားတွေကို စိုးရိမ်တယ်။ အဲ့ဒီကားတွေ စပြီးတော့ သယ်လာတဲ့ အချိန်မှာတော့ ကားစစချင်း သယ်လာရင်တော့ အသစ်ကြီးတွေပေါ့။ နောက်နောင် ဂုံးတွေတက်ရင်းနဲ့ ဖွတ်ချက်၊ ဖွတ်ချက်နဲ့ ဖြစ်ပြီး မိတ်ကပ်တွေကွာပြီး အဆင်မပြေမှာကိုလည်း စိုးရိမ်ပါတယ်။ ဒါတွေလည်း နောက်နောင်ကားဝယ်တဲ့အခါမှာ သေချာသုံးသပ်သင့်ပါတယ်” ဟု သင်္ဃန်းကျွန်းမြို့နယ် မဲဆန္ဒနယ် အမှတ်(၁) ဦးနေမျိုးကျော် (ခေါ်) ဦးနေဘုန်းလတ်က ပြောကြားသည်။

အဆိုပါ လွှတ်တော်အစည်းအဝေးတွင် အစိုးရအဖွဲ့ကိုယ်စား တက်ရောက်ခဲ့သည့် ၀န်ကြီးဒေါ်နီလာ ကျော်က YBS စနစ်အား မအောင်မြင်အောင် လုပ်ဆောင်နေသူများတွင် နိုင်ငံရေးပရောဂပါဝင်နေသည်ဟု ပြောကြားခဲ့ပြီး လေးလတာ ကာလသာရှိနေခြင်းကြောင့် အဝေဖန်မစောစေလိုကြောင်း ပြန်လည်တုံ့ပြန်ခဲ့သည်။

“YBS က မအောင်မြင်ဘူး ကျရှုံးနေတယ်ဆိုတာကိုတော့ လက်မခံနိုင်ပါဘူး။ ကျွန်မတို့ တစ်နှစ်တာစီမံချက်နဲ့ ဆောင်ရွက်နေတာ ယခုအခါ သုံးလတာပဲ ရှိပါသေးတယ်။ အဲဒီအချိန်မှာ ဆောင်ရွက်ကာလအချိန်မှာ ဆုံးဖြတ်ချက်စောတဲ့ဟာကို မသုံးသပ်စေချင်ပါဘူး” ဟု ၀န်ကြီး ဒေါ်နီလာကျော်က ပြောကြားသည်။

တစ်နှစ်တာကာလမှာ YBS စနစ်  အောင်မြင်နေပြီလား

“တစ်ချိန်တုန်းက အများပြည်သူက အမြဲအပြစ်ဆိုနေတဲ့ စပယ်ယာဆိုတဲ့စနစ် ကျွန်တော်တို့မှာမရှိ တော့ပါဘူး။ အခုဆိုရင် ကားတွေတော်တော်များများဟာ တက္ကစီတွေပေါ်မှာတောင် အဲကွန်းမဖွင့်နိုင်တဲ့ အခြေအနေမှာ ဘတ်စ်ကားပေါ်မှာ အဲကွန်းဖွင့်ပြီး ပြည်သူတွေ စီးနင်းနိုင်ခဲ့ပါတယ်” ဟု ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက အာရ်အက်ဖ်အေသတင်းဌာနနှင့် ၂၀၁၇ ခုနှစ် နှစ်လယ်ပိုင်းက ပြုလုပ်ခဲ့သည့် အင်တာဗျူးတွင် ပြောကြားထားသည်။

ထို့ပြင် YBS စနစ်မှာ အောင်မြင်နေပြီဖြစ်ကြောင်း၊ အများပြည်သူ ပို့ဆောင်ရေးစနစ်အား သုံးရက်အတွင်း ပြောင်းလဲနိုင်ခဲ့ကြောင်း သခင်မြပန်းခြံတွင် YBS ဘတ်စ်ကားအား ၀န်ကြီးချုပ်ကိုယ်တိုင် စီးနင်းခဲ့သည့် အချိန်က ပြောကြားခဲ့သည်။

တစ်နှစ်သားအရွယ်သို့ ရောက်ရှိလာခဲ့ပြီဖြစ်သည့် YBS စနစ်တွင် အောင်မြင်မှုများမှာ ဆူးလေသို့ ရောက်ရှိသည့် မော်တော်ယာဉ်လိုင်းများမှာ  တိုးတက်ကောင်းမွန်လာခဲ့သည်ကို တွေ့ရသည်။ ထို့ပြင် စည်းကမ်းဖောက်ယာဉ်များကို အရေးယူရာတွင်လည်း ယခင် မထသစနစ်ထက် အနည်းငယ်ကောင်းမွန်လာခဲ့သည်ကို တွေ့ရသည်။ အချို့ယာဉ်လိုင်းများတွင် အဲကွန်းဖွင့်ထားသည့် ကားအသစ်များဖြင့် အစားထိုး ပြေးဆွဲနိုင်ခဲ့ခြင်းကြောင့် ခရီးသည်များ သက်သောင့်သက်သာ စီးနင်းနိုင်ခဲ့ပြီ ဖြစ်သည်။

ထို့အတူ အခက်အခဲတစ်ခု ဖြစ်နေသည့် ငွေအကြွေရှားပါးမှု ပြဿနာအား ဖြေရှင်းနိုင်ရန်အတွက် ကတ်စနစ်ဖြင့် ပေးချေနိုင်မည့်စနစ်အတွက်လည်း ကုမ္ပဏီအား ရွေးချယ်နိုင်ခဲ့သည်။

ယင်းစနစ်မှာ Yangon Payment System ဖြစ်ပြီး အစိုးရ၏ကြေညာချက်အရ မီးရထား၊ ကားနှင့် Water Taxi များတွင် အခကြေးငွေများ ပေးချေနိုင်မည် ဖြစ်သည်။ ယင်းလုပ်ငန်းအား လုပ်ကိုင်ခွင့်ရရှိခဲ့သည့် ကုမ္ပဏီမှာ Excel KC Myanmar ဖြစ်ပြီး ဇန်န၀ါရီ ၁၀ ရက်က ရွေးချယ်ခဲ့သည်။ ဆန်ကာတင် ကုမ္ပဏီသုံးခုအနက်တွင် အဆိုပါ ကုမ္ပဏီအားရွေးချယ်ခဲ့ခြင်း ဖြစ်သည်။ ယင်းသို့ကတ်စနစ်ဖြင့် ငွေပေးချေမှုများ လုပ်ဆောင်နိုင်မည်ဆိုပါက ငွေအကြွေရှားပါးမှုမှာ ပြေလည်နိုင်ဖွယ်ရှိသည်။

သို့သော်လည်း ယာဉ်မောင်းများ စည်းကမ်းလိုက်နာမှု၊ ည ၆ နာရီ နောက်ပိုင်းမှစ၍ ယာဉ်ရှားပါးမှု ပြဿနာများမှာမူ ပြေလည်ခြင်း မရှိပေ။ ထို့ပြင်  လတ်တလောပြဿနာတစ်ခုမှာ ယခင်ယာဉ်လိုင်းပိုင်ရှင် ငယ်များအနေဖြင့် ကုမ္ပဏီများ၏ ပွင့်လင်းမြင်သာမှုကို မေးခွန်းထုတ်နေသည့် အခြေအနေပင်ဖြစ်သည်။ ဘုံစနစ်ဖြင့် အကျိုးအမြတ်များ ခွဲဝေယူသည့်စနစ်တွင် အချို့သော ယာဉ်ပိုင်ရှင်ငယ်များ၊ ကုမ္ပဏီငယ်များမှာ ကုမ္ပဏီကြီးများ၏ လက်ဝါးကြီးအုပ် လိုင်းပြေးဆွဲခွင့်များရရှိမှုကြောင့် အခက်အခဲများနှင့် ရင်ဆိုင်နေရလျက်ရှိသည်။ YBS စနစ် ပြည့်စုံကောင်းမွန်ရန်မှာ အခြားသော အကြောင်းအရာများလည်း ပြည့်စုံရန် လိုအပ်မည့် အခြေအနေများလည်း ရှိနေသည်။ ယင်းအခြေအနေများမှာ မီးပွိုင့်များတွင် CCTV တပ်ဆင်ထားနိုင်ခြင်း၊ အကျင့်ပျက် ယာဉ်မောင်းများနှင့် ယာဉ်လိုင်းများအား ထိရောက်သော အရေးယူမှုများ စသည့်အခြေအနေများမှာလည်း အောင်မြင်မှသာ YBS စနစ်ကို ကူညီထောက်ပံ့နိုင်မည် ဖြစ်သည်။ ထို့ပြင် YBS စနစ်ပြောင်းလဲခြင်းကြောင့် အများပြည်သူများယာဉ်စီး ခပိုမိုကုန်ကျလာသည့် အခြေအနေများကိုလည်း ကာကွယ်နိုင်ရန် ခရီးစဉ်ပိုင်းဖြတ်ထားမှုများကို အများပြည်သူသေချာစွာ သိရှိနိုင်ရန် စီစဉ်ဆောင်ရွက်ရမည် ဖြစ်သည်။

အရေးကြီးဆုံးအချက်မှာ ဒီမိုကရေစီအစိုးရဟု ပြည်သူများက သတ်မှတ်ခဲ့သည့် အမျိုးသားဒီမိုက ရေစီအစိုးရလက်ထက်တွင် ပွင့်လင်းမြင်သာမှုရှိရန် လိုအပ်သည်။ YBS စနစ်အတွက် လိုအပ်သည့် လုပ်ငန်းများ ဖော်ဆောင်ရာတွင် ပွင့်လင်းမြင်သာမှုရှိမှသာ ဒီမိုကရေစီအစိုးရ တစ်ရပ်အဖြစ် ရပ်တည်နိုင်မည် ဖြစ်သည်။ NLD အစိုးရလက်ထက် ပြည်သူကြားတွင် အဓိက အပြောင်းအလဲ ပြုလုပ်မှုတွင်ပါဝင်သည့် YBS ၏ ကောင်းခြင်းဆိုးခြင်းကို အားလုံးက စောင့်ကြည့်နေကြသည်မှာ အမှန်ပင် ဖြစ်သည်။

 

YBS နှင့်ပတ်သက်သည့် ကိန်းဂဏန်းနှင့် ရက်စွဲများ

■ ၂၀၁၇ ခုနှစ် ဇန်န၀ါရီ ၁၆ ရက်တွင် YBS ( Yangon Bus Services) စနစ်ဖြင့် စတင်ပြေးဆွဲခဲ့သည်။

■ YBS ခရီးစဉ်များ စတင်ထုတ်ပြန်ချိန်တွင် လမ်းကြောင်း ၅၈ ခုသာ ထုတ်ပြန်ခဲ့သော်လည်း စတင်ပြေးဆွဲချိန်တွင် ခရီးစဉ်လမ်းကြောင်း ၇၀ အထိ တိုးချဲ့ခဲ့ရသည်။ လက်ရှိတွင် လမ်းကြောင်း ၈၀ ကျော် ရှိလာပြီဖြစ်သည်။

■ စတင်ပြေးဆွဲချိန်က ယာဉ်အစီးရေ ၂၆၀၀ ဖြင့် ပြေးဆွဲခဲ့သော်လည်း လက်ရှိတွင် ယာဉ်အစီးရေ ၄၀၀၀ ကျော်ရှိလာပြီဖြစ်သည်။

■ ဇန်န၀ါရီ ၁၃ ရက်တွင် YBS စနစ်ပြေးဆွဲနိုင်ရန်အတွက် အကူအညီပေးရန် ကျောင်းသားလူငယ်များ၊ လူမှုအဖွဲ့အစည်းများနှင့် ရန်ကုန်တိုင်းဒေသကြီးဝန်ကြီးချုပ်တို့ ရန်ကုန်တိုင်းဒေသကြီးအစိုးရအဖွဲ့ရုံးတွင် တွေ့ဆုံခဲ့ပြီး ကျောင်းသူကျောင်းသား နှစ်ရာကျော် တက်ရောက်ခဲ့သည်။

■ ရန်ကုန်တိုင်းဒေသကြီးအစိုးရအဖွဲ့က YUPT နှင့် YBPC ကုမ္ပဏီနှစ်ခုတွင် ကျပ်ဘီလျံ ၇၀ ရင်းနှီးမြှုပ်နှံထားပြီး ဧရာဝတီဘဏ်တွင် အပ်နှံထားသည်။

■ ပြည်ပထုတ်မော်ဒယ်သစ်ယာဉ်အစီး ၁၀၀၀ အား တရုတ်နိုင်ငံ အန်းခိုင် (Ankai) နှင့် ယူတောင်း(Yutong) ကုမ္ပဏီများမှ ၅၀၀ စီဝယ်ယူခဲ့သည်။ မော်တော်ယာဉ်တစ်စီးလျှင် ဒေါ်လာ ၅၆၀၀၀ တန်ဖိုးရှိသည်။

■ ဇွန် ၂ ရက်တွင် ရန်ကုန်တိုင်းဒေသကြီးအစိုးရအဖွဲ့က ၀ယ်ယူထားသည့် ယာဉ်များအနက် ပထမအသုတ်အဖြစ် ယာဉ်အစီး ၃၅၀ ရောက်ရှိလာခဲ့သည်။

■ ဧပြီ ၅ ရက်က ပြုလုပ်ခဲ့သည့် ဒုတိယအကြိမ် ရန်ကုန်တိုင်းဒေသကြီး လွှတ်တော် စတုတ္ထပုံမှန်အစည်းအဝေးတွင် အင်းစိန်မြို့နယ် မဲဆန္ဒနယ် အမှတ်(၂) မှ လွှတ်တော်ကိုယ်စားလှယ် ဦးဝေဖြိုးဟန်က “ရန်ကုန်တိုင်းဒေသကြီးအတွင်း အများပြည်သူ သယ်ယူပို့ဆောင်ရေး စနစ်အား ယခုထက် ပိုမိုကောင်းမွန်လာစေရန်နှင့် ထိရောက်သော စည်းမျဉ်းစည်းကမ်းများနှင့်အညီ အရေးယူ ဆောင်ရွက်ပြီး လုပ်ငန်းဆောင်ရွက်ချက်များအား အများပြည်သူသိရှိနိုင်ရေး ပွင့်လင်းမြင်သာစွာ ချပြနိုင်ရန် တိုင်းဒေသကြီး အစိုးရအဖွဲ့အား တိုက်တွန်းကြောင်းအဆို” ကို တင်သွင်းခဲ့သည်။

■ ဧပြီ ၂၄ ရက်တွင် ရန်ကုန်တိုင်းဒေသကြီးလွှတ်တော်တွင် လွှတ်တော်ကိုယ်စားလှယ် ၂၆ ဦးဖြင့် အများဆုံး ၀င်ရောက်ဆွေးနွေးခဲ့သည့် YBS စနစ်အဆိုကို စတင်ဆွေးနွေးခဲ့သည်။

■ ရန်ကုန်မြို့တွင် ဘတ်စ်ကားမှတ်တိုင်ပေါင်း ၂၀၀၀ ခန့် ရှိပြီး မြို့ထဲရှိ အဓိက လမ်းကြောင်းကြီးများတွင် မှတ်တိုင် ၂၅၀ ခန့်ရှိသည်။

■ ၂၀၁၇ မတ်လတွင် ယာဉ်ထိန်းရဲတပ်ဖွဲ့နှင့် YRTA ၀န်ထမ်းများပူးပေါင်းပြီး မော်တော်ယာဉ် ၁၀ စီးဖြင့် လှည့်လည်စစ်ဆေးခြင်း ဆောင်ရွက်ခဲ့သည်။

■ YBS ယာဉ်များနှင့် အဆင်မပြေမှုများရှိပါက YBS Page မှတစ်ဆင့် တိုင်ကြားနိုင်ကြောင်း နိုဝင်ဘာ ၆ ရက်တွင် ကြေညာခဲ့သည်။

■ Yangon Payment စနစ်တင်ဒါခေါ်ယူခြင်း(ပထမအဆင့်)အတွက် အဆိုပြုလွှာ ၅၁ ခု တင်သွင်းခဲ့ပြီး ရွေးချယ်ခံရသော ကုမ္ပဏီများစာရင်းကို အောက်တိုဘာ ၁၆ ရက်တွင် ရန်ကုန်တိုင်းဒေသကြီး တင်ဒါစိစစ်ကြီးကြပ်ရေးအဖွဲ့က ထုတ်ပြန်ခဲ့သည်။

■ YBS စနစ်တွင် လုပ်ကိုင်လျက်ရှိသည့် အများပိုင်ကုမ္ပဏီ ၁၇ ခုရှိပြီး အများပိုင်မဟုတ်ဘဲ ယာဉ်လိုင်းများကို Operator အနေနှင့် လုပ်ဆောင်နေမှု ၁၅ ခုခန့်ရှိသည်။

■ Traffic Control Center ကို၂၀၁၆ ခုနှစ် ဖေဖော်ဝါရီ ၂၃ ရက်က စတင်ဆောက်လုပ်ခဲ့ပြီး ယင်းစင်တာမှာ ရင်းနှီးမြှုပ်နှံမှု တန်ဖိုး ၁၈ ဒသမ ၉၃ ဘီလျံရှိကြောင်း သိရသည်။

■ ရန်ကုန်မြို့တွင် နေ့စဉ်သွားလာနေသူဦးရေ ၂၈ သန်းကျော်ရှိပြီး နှစ်သန်းကျော်မှာ အများပြည်သူပိုင်ယာဉ်လိုင်းများကို စီးနင်းလျက်ရှိသည်။

 

YBS အပြောင်းအလဲနှင့် သူတို့၏ စကားသံများ

ရန်ကုန်တိုင်းဒေသကြီးအတွင်းရှိ ဆင်ခြေဖုံးမြို့နယ်များတွင် ယာဉ်လိုင်းများအနေဖြင့် ယခင်အတိုင်းသား မောင်းနှင်ပြေးဆွဲလျက်ရှိကြောင်း သိရသည်။ ယင်းအခြေအနေများနှင့် ပတ်သက်ပြီး ရန်ကုန်တိုင်းဒေသကြီး အတွင်းရှိ လွှတ်တော်ကိုယ်စားလှယ်များအား မေးမြန်းခဲ့ပါသည်။ ယင်း လွှတ်တော်ကိုယ်စားလှယ်များမှာ ဆင်ခြေဖုံးမြို့နယ်များတွင် နေထိုင်သည့် ဒေသခံလွှတ်တော် ကိုယ်စားလှယ်များဖြစ်ကြပြီး YBS စနစ်နှင့် ပတ်သက်ပြီး နေ့စဉ် ကြုံတွေ့နေရသည့် အခြေအနေအခက်အခဲများကို မေးမြန်းထားခြင်းဖြစ်ပါသည်။

အောင်နိုင်ထွန်း သန်လျင် မဲဆန္ဒနယ်အမှတ် (၂)

ပြောစရာတော့ မရှိပါဘူး။ လောလောဆယ်တော့ သန်လျင်ဘက်ကို ပြေးတဲ့ ၃၁ လိုင်းက အခက်အခဲတွေကိုတော့ သက်ဆိုင်ရာ အစိုးရဌာနဆိုင်ရာတွေနဲ့ ၀ိုင်းပြီးတော့ ပရဟိတ အသင်းအဖွဲ့တွေ ပေါင်းပြီးဆောင်ရွက်ဖို့ စီစဉ်နေတယ်။ အခုလောလောဆယ်တော့ ကုမ္ပဏီပိုင်းတွေများတော့ လိုအပ်ချက်တွေ ရှိနေတယ်။ အမှန်ကတော့ တစ်ခုတည်း ဖြစ်အောင်သွားနေတာလေ။ အဲဒီမှာ ဘာသွားဖြစ်လဲဆိုတော့ စုပေါင်း လုပ်ဆောင်တတ်တာမရှိတော့ အသင်းအဖွဲ့တွေ ကွဲနေတယ်။ လုပ်ကိုင်ရတာ အခက်အခဲရှိတယ်။ အခု ကျွန်တော်တို့ သန်လျင်ဆိုရင် ပန်းဆိုးတန်းထိ မရောက်ဘူး။ အဲဒီတော့ ၀န်ကြီးကို တင်ပြတယ်။

တင်ပြတော့ ခွင့်ပြုပေးတယ်။ အခုလောလောဆယ် သိမ်ဖြူအထိပဲ ရောက်တယ်။ ဒါပေမဲ့ ကားရပ်စရာ မရှိတော့ လမ်း ၅၀ ကို ပြန်သွားရတယ်။ အဲဒီတော့ ဘိုကလေးဈေးကို ရောက်တယ်။ ဒါပေမဲ့ ဆူးလေအထိ မရောက်ဘူး။ နည်းနည်းလေး အခက်အခဲ ဖြစ်နေတာပေါ့။ ပြောင်းလဲလိုက်တဲ့ အပြောင်းအလဲပေါ်မှာတော့ လွှတ်တော်ကိုယ်စားလှယ်တွေရော၊ ပြည်သူတွေရော အားလုံးပူးပေါင်းမယ် ဆိုရင်တော့ အဆင်ပြေသွားနိုင်ပါတယ်။

ဦးလှတိုး ခရမ်းမဲဆန္ဒနယ် အမှတ် (၁)

ကျွန်တော်တို့ဆီမှာက အဓိက က ၃၄ ပေါ့။ ဒါပေမဲ့ သုံးခွ ၃၄ က ခရမ်းကို မရောက်ဘူး။ ခရမ်း ၃၄ ပဲ ခရမ်းကို ရောက်တာ။ အဲဒီတော့ လက်ရှိက ၁၄ စီးပြေးနေတယ်။ လုံလောက်မှုမရှိဘူး။ အခုထပ်သွင်းထားတာက ၁၃ စီးပေါ့။ အဲဒါကို ပြေးဆွဲခွင့်ရတာက လေးစီးပေါ့။ ကျန်တာ ကိုးစီးရှိတယ်။ ဒါပေမဲ့ တင်သွင်းလို့ရတဲ့ကားတွေက ကြန့်ကြာနေတယ်။ လေးစီးပြေးဆွဲခွင့်ရဖို့ကိုပဲ ငါးလလောက်ကြာတယ်။ ကျန်တဲ့ ကိုးစီးကိုတော့ အမြန်ဆုံးအဆင်ပြေအောင် ပြောထားတယ်။ ဒေါက်တာ မောင်အောင်တို့၊ ဗိုလ်မှူးကြီး လှအောင်တို့ကို။ ကျွန်တော်တို့က ပြောတယ်။ YBS က တစ်နှစ်သက်တမ်း နီးပါးရှိပြီ။ ခရမ်းမြို့နယ်က ရန်ကုန်နဲ့ မိုင် ၄၀ ပဲကွာတယ်။ ကျွန်တော်တို့မြို့ကနေ ရန်ကုန်ကို သွားလာနေတဲ့ ခရီးသည်တွေ အများကြီးပဲ။ YBS စီးရင် ၆၀၀ နဲ့ ရန်ကုန်ရောက်တယ်။ ကားအလုံအလောက် မရှိတော့ တက္ကစီလေးတွေ စီးရတယ်။ ခေါင်းခန်းကို ၄၀၀၀၊ နောက်ခန်းဆို ၃၅၀၀။ လူတွေက မလိုအပ်ဘဲ ပိုက်ဆံကို အပိုသုံးနေရတယ်။ လူတွေက YBS ကို အားမကိုးရဘဲနဲ့ တက္ကစီလေးတွေအပေါ်မှာ အားကိုးနေရတယ်။ အဲဒါတွေ ၀န်ကြီးကိုလည်း တိုက်တွန်းတယ်။ အမြန်ဆုံး လုပ်ပေးဖို့။ ကျွန်တော်တို့မြို့က အစွန်ဆုံးမှာပဲရှိတော့ အများပိုင်ကုမ္ပဏီကြီးတွေက ပြေးဆွဲလိုစိတ်မရှိဘူး။ မြို့မှာက အရင်ကတည်းက ကားထောင်ထားတဲ့သူတွေရှိတယ်။ မိရိုးဖလာ လုပ်နေတာတွေပေါ့။ သူတို့တွေ လုပ်ကိုင်နိုင်တဲ့ အနေအထားဖြစ်အောင် လုပ်ပေးဖို့တော့ ပြောထားတယ်။ YBS က ကျွန်တော်တို့ဆီမှာ အဆင်မပြေသေးဘူး။ ပြေးဆွဲခွင့် ကြန့်ကြာနေတယ်။ ပြည်သူကလည်း သည်းခံပါတယ်။

ဦးကျော်ကျော်မောင် ဒဂုံအရှေ့မဲဆန္ဒနယ်အမှတ် (၂)

YBS က တိုးတက်မှုတော့ ရှိပါတယ်။ တစ်ချက်ကတော့ လိုင်းတချို့တွေမှာတော့ ကားပြိုင်တာတွေရှိတယ်။ ကျန်တာကတော့ တော်တော်သဘောကျပါတယ်။ မီနီဘတ်စ်လိုင်းတွေမှာတော့ ကားပြိုင်တာတွေ ရှိနေတုန်းပဲ။ ကားရှားတာကတော့ ၉ နာရီလောက်အထိတော့ ရှိတယ်။ အရမ်းကြီးတော့ မရှားပါဘူး။ နောက်တစ်ခုကတော့ ကားပေါ်မှာ မှတ်တိုင်ဘာဆိုတာကို ပြောပေးတာတွေရှိရင် ပိုကောင်းမယ်။ ဒါမှမဟုတ် စာတမ်းထိုးပေးတာမျိုးတို့ လုပ်ပေးသင့်တယ်။

ဦးဇော်လွင် မြောက်ဥက္ကလာပ မဲဆန္ဒနယ်အမှတ် (၁)

ကျွန်တော်ကတော့ လွှတ်တော်သွားရင် YBS ပဲစီးတာ။ တော်တော်တော့ အဆင်ပြေတယ်။ တစ်ခုတော့ ရှိတယ်။ မနက်ပိုင်းနဲ့ညနေ အလုပ်ဆင်းချိန်ဆိုရင်ကျပ်တယ်။ အခုနောက်ပိုင်းအထိုင်တော့ နည်းနည်းကျလာပြီ။ အရင်ကလိုတော့ မဖြစ်တော့ဘူး။ နောက်တစ်ခုက အကြွေကိစ္စပေါ့။ ကျန်တာတော့ တော်တော် အဆင်ပြေတယ်။

လွင်စိုးမင်း တိုက်ကြီးမဲဆန္ဒနယ် အမှတ် (၂)

အခုပဲ လွှတ်တော်က ပြန်လာတာ။ လွှတ်တော်ဥက္ကဋ္ဌနဲ့လည်း အဲဒီကိစ္စဆွေးနွေးဖြစ်တယ်။ ကျွန်တော်တို့ကတော့ တိုက်ကြီးအထိကတော့ သိပ်ပြဿနာမရှိဘူး။ တစ်ခုတော့ရှိတယ်။ တိုက်ကြီးကားတွေက ဆူးလေကို မ၀င်နိုင်တာပေါ့နော်။ သဘောကတော့ ထောက်ကြန့်ကနေ ပြောင်းစီးရတယ်။ အဲဒီက ၃၇ ထပ်စီး။ အဲဒီမှာ ၃၇ ကလည်း ရောက်တဲ့ကောင်က ရောက်တယ်။ မရောက်တာက မရောက်ဘူး။ အထူးသဖြင့် ပြောချင်တာက တိုက်ကြီးမြို့နယ်ထဲမှာရှိတဲ့ ဥက္ကံပေါ့။ ဥက္ကံမြို့ကတော့ အခက်အခဲတော်တော်ရှိတယ်။ နံပါတ် ၉၀ က ထွက်ပေးတယ်။ ဒါပေမဲ့ နေမြင့်သွားရင် ၁၀ နာရီလောက်ဆို ရန်ကုန်ကို သွားမယ့်ကား မရှိတော့ဘူး။ အဲဒီတော့ ဟိုင်းဝေးကားတွေနဲ့ သွားရတာပေါ့။ ဈေးကြီးတယ်။ ကားခက။ အပြန်ကျရင်လည်း ဥက္ကံဘက်ကို ပြန်တဲ့ကားက နည်းနည်းရှားသွားရော။ တိုက်ကြီးကားတွေပဲရှိတော့ အဲဒီကတစ်ဆင့် ပြည်ဘက်သွားတဲ့ကားတွေ ထပ်စောင့်ရတယ်။ တိုက်ကြီးနဲ့ ဥက္ကံက နီးနီးလေး။ ၂၀၀ ခမ်းပေါ့။ ဒါပေမဲ့ အဲဒီလမ်းကို ၁၀၀၀၊ ၁၅၀၀ ပေးရတယ်။ အဲဒါတွေ လွှတ်တော်ဥက္ကဋ္ဌကို ပြောထားတော့ အဲဒါအစိုးရအဖွဲ့နဲ့တွေ့ပြီး စီစဉ်ပေးမယ်လို့ ပြောတယ်။ အရင်ကလိုမျိုး ဥက္ကံ-ဆူးလေ လိုင်းမျိုးပဲ တောင့်တနေတယ်။ နောက်တစ်ခုက နယ်ကျော်တိုင်းကျော်ပေးထားတဲ့ ကားတွေရှိတယ်။ အဲဒီကားတွေကလည်း ဥက္ကံမှာ ရပ်မပေးဘူး။ တစ်နှစ်သားပြည့်သွားတဲ့ အချိန်မှာတော့ အားရကျေနပ်မှု မရှိဘူး။ မြို့ထဲမှာတော့ အဆင်ပြေတယ် ကြားရပေမယ့် ကျွန်တော်တို့ဆီမှာတော့ အဆင်မပြေဘူး။ ကောင်းတာလေးတွေ ရှိပေမယ့် ၅၀ ရာခိုင်နှုန်းလောက်ကတော့ မကောင်းသေးဘူး။ နောက်တစ်ခုကတော့ ပုံးထဲကို ၂၀၀ ထည့်ပြီး စီးရတဲ့စနစ်တောင် ပျောက်မလား ပျောက်မလားဆိုတာ စိုးရိမ်နေရတယ်။ စပယ်ယာတွေပါပြီး ပိုက်ဆံကောက်တာတွေ ရှိတယ်။ တောင်းချင်သလောက်တောင်းတာတွေ ရှိတယ်။ ၁၀၀၀၊ ၁၅၀၀ ပေးရတာတွေရှိတယ်။ သတ်မှတ်ထားတဲ့ နှုန်းအရဆိုရင် ထောက်ကြန့်ကနေ ဥက္ကံဆိုရင် ၆၀၀ လောက်ပဲကုန်ရမှာ။ အခုတော့ အဲဒီလိုမဟုတ်ဘူး။ ကိုယ်တိုင်ကြုံရတာတွေပေါ့။ ကိုယ်တိုင်ပေးစီးရတာ။ တစ်နှစ်ပြည့်ခြုံပြောရရင်တော့ အားရစရာ မကောင်းဘူး။

January 14, 2018














Copy Protected by Chetan's WP-Copyprotect.