ရှစ်ကြိမ်မြောက်ကျင်းပမည့် ဝဿန်ရုပ်ရှင်ပွဲတော်တွင် ပြိုင်ပွဲဝင်ဇာတ်ကားများကဏ္ဍ၌ ဇာတ်ကား ၁၁ ကားအား ရွေးချယ်ထား

ရှစ်ကြိမ်မြောက်ကျင်းပမည့် ဝဿန်ရုပ်ရှင်ပွဲတော်တွင် ပြိုင်ပွဲဝင်ဇာတ်ကားများကဏ္ဍ၌ ဇာတ်ကား ၁၁ ကားအား ရွေးချယ်ထား
Published 6 August 2018

ရှစ်ကြိမ်မြောက်အဖြစ် ကျင်းပမည့် ဝဿန်ရုပ်ရှင်ပွဲတော်အတွက် ရွေးချယ်ခံထားရသည့် ဇာတ်ကားများ၏ အမည်စာရင်းများအား ထုတ်ပြန်ထားရာတွင် ပြိုင်ပွဲဝင် ကဏ္ဍအတွက် ဇာတ်ကား ၁၁ ကားအား ရွေးချယ်ထားကြောင်းသိရသည်။ ယခုနှစ်အတွက် ဝဿန်ရုပ်ရှင်ပွဲတော်က ပြိုင်ပွဲဝင် ဇာတ်ကားများအား ဖိတ်ခေါ်ခဲ့ရာတွင် ဇာတ်လမ်းတိုနှင့် မှတ်တမ်းရုပ်ရှင် ၅၇ ကား ပါဝင်ယှဉ်ပြိုင်ခဲ့ပြီး ပြိုင်ပွဲဝင်ကဏ္ဍအတွက် ၁၁ ကားနှင့် ပြိုင်ပွဲဝင်မဟုတ်သော ဇာတ်ကား ၃ ကား ရွေးချယ်ခဲ့ခြင်းဖြစ်သည်။

ပြိုင်ပွဲဝင်ကဏ္ဍအတွက် ရွေးချယ်ခံထားရသည့် ဇာတ်ကားများမှာ ဒါရိုက်တာ ကောင်းဟန်သော်၊ Farhan Hasan Ziko ရိုက်ကူးသည့် A Happy Place၊ ဒါရိုက်တာ Tadihtar နှင့် သန်းကျော်ဌေးတို့ ရိုက်ကူးသည့် Silence in Mrauk Oo၊ ရုပ်ရှင်ဂျပိုးအဖွဲ့ ရိုက်ကူးသည့် Scarecrow၊ ဒါရိုက်တာ ဇော်ဘိုဘိုဟိန်းနှင့် Maung Bhone တို့ရိုက်ကူးသည့် Whispers of Silence၊ ဒါရိုက်တာ Maung Bhone ရိုက်ကူးသည့် VOID၊ ဒါရိုက်တာ ရွှန်းဝင့်အောင်၊ သန့်မြတ်ဝေတို့ ရိုက်ကူးသည့် Grandmother၊ ဒါရိုက်တာ ချယ်ရီသိန်း ရိုက်ကူးသည့် Mother's Burden၊ ဒါရိုက်တာ ဝင်းသူမျိုး ရိုက်ကူးသည့် The Good Woman of South Dagon၊ ဒါရိုက်တာ ရှင်ဒေဝီရိုက်ကူးသည့် Yangon The City Where We Live၊ ဒါရိုက်တာ Hein Z ရိုက်ကူးသည့် Missing Puzzle၊ ဒါရိုက်တာစိုးစံထိုက် ရိုက်ကူးသည့် Dreams on the Road ဇာတ်ကားများဖြစ်သည်။

ယင်းဇာတ်ကားများအား စက်တင်ဘာအတွင်း ပြုလုပ်သွားမည့် ဝဿန်ရုပ်ရှင်ပွဲတော်အတွင်း ပြသမည်ဖြစ်ကာ ပြိုင်ပွဲဝင်ကဏ္ဍမှ အကောင်းဆုံးဇာတ်ကားများကိုလည်း ဆုများပေးအပ်သွားမည်ဖြစ်ကြောင်း သိရသည်။

Most Read

Most Recent