<

ကမ္ဘာ့စိတ်ကျန်းမာရေးနေ့

ယနေ့ကျရောက်သော အောက်တိုဘာ ၁၀ ရက်ကို ကမ္ဘာ့စိတ်ကျန်းမာရေးနေ့အဖြစ် သတ်မှတ်ထားသည်။ မြီးကောက်ပေါက်အရွယ်နှင့် အရွယ်ရောက်ပြီး အစောပိုင်းနှစ်များသည် အပြောင်းအလဲများစွာဖြစ်ပွားသည့် ဘ၀၏ အချိန်ကာလတစ်ရပ်ဖြစ်သည်။ ဥပမာအားဖြင့် ကျောင်းပြောင်းရခြင်း၊ နေအိမ်မှ ထွက်ခွာရခြင်း၊ တက္ကသိုလ်ကျောင်းသားဘ၀ကို စတင်ရခြင်း သို့မဟုတ် အလုပ်သစ်တစ်ခုကို လုပ်ကိုင်ရခြင်း အစရှိသည်တို့ ဖြစ်သည်။  များစွာတို့အတွက် ယင်းတို့သည် စိတ်လှုပ်ရှားဖွယ် အချိန်အခိုက်အတန့်များ ဖြစ်နေတတ်သည်။ ၎င်းတို့အတွက် စိတ်ဖိစီးမှု သို့မဟုတ် စိုးရိမ်ကြောင့်ကြမှုများပြားသော ကာလများ ဖြစ်သည်။ အချို့သောသူများတွင် ယင်းကို သတိမပြုမိပါက သို့မဟုတ် ကောင်းစွာစီမံနိုင်ခြင်းမရှိပါက အဆိုပါ ခံစားမှုများသည် စိတ်ကျန်းမာရေးချွတ်ယွင်းမှုဆီသို့ ဦးတည်သွားစေနိုင်သည်။ အွန်လိုင်းနည်းပညာများ အသုံးပြုမှုမြင့်တက်လာခြင်းသည် အကျိုးကျေးဇူးများစွာ ရှိစေသည်ဟူသည့်အချက်မှာ သံသယဖြစ်ဖွယ်မရှိသော်လည်း နေ့နေ့ညည အချိန်များစွာ၌ အစစ်အမှန်လောကဟု ထင်ယောင်မှားစရာ ဆက်သွယ်ရေးကွန်ရက်ပေါ်၌ ရှိနေခြင်းသည် အပိုစိတ်ဖိစီးမှုများ ဖြစ်ပေါ်လာစေနိုင်သည်။ မြီးကောင်ပေါက်အရွယ်များစွာတို့သည် တိုက်ပွဲများ၊ သဘာဝဘေးဒုက္ခများနှင့် ရောဂါကူးစက်မှုများ ဖြစ်ပေါ်နေသည့် အရေးပေါ်အနေအထားရှိနေသော ဒေသများ၌ နေထိုင်နေရသည်။ ယင်းကဲ့သို့သော အနေအထားများ၌ ရှိနေသော လူငယ်များသည် စိတ်ပိုင်းဆိုင်ရာ ချွတ်ယွင်းမှုများ သို့မဟုတ်  စိတ်ရောဂါများ ဖြစ်ပွားနိုင်ခြေအထူးသဖြင့် မြင့်မားသည်။

စိတ်ရောဂါအားလုံး၏ ထက်ဝက်ခန့်သည် အသက် ၁၄ နှစ်အရွယ် တစ်ဝိုက်၌ စတင်ဖြစ်ပွားသော်လည်း များစွာတို့မှာ သိရှိခြင်းမရှိ၊ ကုသမှုခံယူရခြင်းမရှိဖြစ်တတ်သည်။ မြီးကောင်ပေါက်အရွယ်များ၌ ဖြစ်ပွားသည့် ၀န်ထုပ်ဝန်ပိုးဖြစ်ပေါ်စေသော ရောဂါများအနက်  စိတ်ကျရောဂါသည် တတိယနေရာ၌ရှိသည်။ အသက် ၁၅ နှစ်နှင့် ၂၉ နှစ်အကြား သေဆုံးရသည့် အဓိကအကြောင်းအရာများထဲတွင် မိမိကိုယ်မိမိ သတ်သေခြင်းသည် ဒုတိယနေရာ၌ရှိသည်။ မြီးကောက်ပေါက်အရွယ်တို့အကြား အရက်နှင့် မူးယစ်ဆေးတို့ကို အန္တရာယ်ရှိစွာ သုံးစွဲခြင်းသည် နိုင်ငံများစွာတို့၌ အဓိကပြဿနာတစ်ရပ်ဖြစ်ပြီး အကာအကွယ်မပါဘဲ လိင်ဆက်ဆံခြင်း သို့မဟုတ် အန္တရာယ်ရှိအောင် မော်တော်ယာဉ်မောင်းနှင်ခြင်း ကဲ့သို့သော အန္တရာယ်ရှိသည့် အမူအကျင့်များဆီသို့ ဦးတည်သွားစေနိုင်သည်။

ကံကောင်းထောက်မစွာပင် ယနေ့ခေတ်ကမ္ဘာကြီး၏ စိန်ခေါ်မှုများကို ကိုင်တွယ်ရန် အလို့ငှာ အစောဆုံး အသက်အရွယ်များမှနေ၍ စိတ်ဓာတ်ကြံ့ခိုင်အောင် တည်ဆောက်ရန် လူငယ်များအား ကူညီရန်မှာ အရေးကြီးကြောင်း အသိအမြင်များ ကြီးထွား၍လာသည်။ မြီးကောက်ပေါက်အရွယ်တို့၏ ကျန်းမာရေးကို မြှင့်တင်ခြင်းနှင့် ကာကွယ်စောင့်ရှောက်ခြင်းသည် မြီးကောက်ပေါက်တို့၏ ကျန်းမာရေးအတွက် ရေတိုနှင့်ရေရှည် အကျိုးကျေးဇူးများ ရရှိစေရုံသာမက ကျန်းမာရေးလူငယ်များအနေဖြင့် လုပ်သားအင်အားစု၊ ၎င်းတို့၏ မိသားစုများနှင့် အသိုင်းအ၀ိုင်း၊ လူ့အဖွဲ့အစည်းတစ်ရပ်လုံး အစရှိသည်တို့၌ ပိုမိုကောင်းမွန်စွာ ပါဝင်လာနိုင်ခြင်းကြောင့် စီးပွားရေးနှင့် လူ့အဖွဲ့အစည်းအတွက်လည်း အကျိုးကျေးဇူးများစေသည်။

မြီးကောင်ပေါက်အရွယ်နှင့် လူငယ်များအကြား စိတ်ပိုင်းဆိုင်ရာ ချွတ်ယွင်းမှုနှင့် ရောဂါများအား ကာကွယ်ရေး အထောက်အကူပြုစေရန်အတွက် အစောပိုင်းအသက်အရွယ်မှနေ၍ စိတ်ဓာတ်ကြံ့ခိုင်အောင် တည်ဆောက်ရေးကို များစွာဆောင်ရွက်နိုင်ပြီး  စိတ်ပိုင်းဆိုင်ရာ ရောဂါများမှနေ၍ နာလန်ထရန်လည်း ကောင်းစွာစီမံနိုင်သည်။ ယင်းကဲ့သို့ ကာကွယ်ရေးကို စိတ်ရောဂါလက္ခဏာရပ်များ ဖြစ်ပေါ်လာမှုအား ဆောလျင်စွာ သတိပြုနားလည်ခြင်းဖြင့် စတင်ရမည်ဖြစ်သည်။ မိဘများနှင့် ဆရာများအနေဖြင့် အိမ်နှင့်ကျောင်း၌ နေ့စဉ်စိန်ခေါ်မှုများကို ကိုင်တွယ်နိုင်ရန် အထောက်အကူပြုစေရေးအတွက် ကလေးများနှင့် မြီးကောက်ပေါက်အရွယ်များကို ဘ၀တည်ဆောက်မှုဆိုင်ရာ ကျွမ်းကျင်မှုများ သင်ကြားပေးရန် လိုအပ်သည်။ စိတ္တလူမှုဆိုင်ရာထောက်ကူမှုကို ကျောင်းများ၌လည်းကောင်း၊ အခြားလူ့အသိုင်းအ၀ိုင်းများ၌လည်းကောင်း ထောက်ပံ့ရမည်ဖြစ်ပြီး ကျန်းမာရေးလုပ်သားများကိုလည်း စိတ်ပိုင်းဆိုင်ရာ ရောဂါများအား တွေ့သည့်နေရာ၌ ဖော်ထုတ်နိုင်ရန်နှင့်  စီမံပေးနိုင်ရန် သင်တန်းပေးရမည် ဖြစ်သည်။

မည်သို့ပင်ဆိုစေကာမူ လူငယ်များ၏ စိတ်ကျန်းမာရေးအတွက် အစိုးရအဖွဲ့များ၏ ရင်းနှီးမြှုပ်နှံမှုနှင့် ပြည့်စုံသော၊ ခိုင်မာသော၊ အထောက်အထားပေါ်အခြေပြုသော စီမံချက်များ၌ လူမှုရေး၊ ကျန်းမာရေးနှင့် ပညာရေးကဏ္ဍများ၏ ပါဝင်မှုသည် မရှိမဖြစ်အရေးကြီးပါကြောင်း The Daily Eleven သတင်းစာက ရေးသားအပ်ပါသည်။

(အောက်တိုဘာ ၁၀ ရက်နေ့ထုတ် The Daily Eleven သတင်းစာ အယ်ဒီတာ အာဘေ်ာ)

October 9, 2018














Copy Protected by Chetan's WP-Copyprotect.