<

ငြင်းမှာလား၊ ညှိမှာလား

မည်သည့် စေ့စပ်ညှိနှိုင်းသူ တစ်ဦးအတွက်မဆို အရေးတကြီး စဉ်းစားရမည့်အချက်မှာ အပြန်အလှန် ဆက်ဆံရေး၏ အတိုင်းအတာ ဖြစ်သည်။ ၎င်းတို့၏ ဆက်ဆံရေးတွင် တိုးတက်အောင် ပြုလုပ်မည့် လုပ်ငန်းစဉ်အတိုင်း သွားမည်လား၊ တစ်ဖက်သားအား မိမိအလိုရှိရာသို့ ဆွဲဆောင် သွတ်သွင်းမည်လား ဟူ၍ ဖြစ်သည်။

ဆွေးနွေးမှု တစ်ရပ်တွင် ပါဝင်သည့် ဘက်အသီးသီးတို့သည် မိမိတို့အမြင်နှင့် ပတ်သက်သော အချက်များကို ဆုပ်ကိုင်ထားမြဲ ဖြစ်သည်။ သို့သော် အနေအထားကို တိုးတက်အောင် သို့မဟုတ် ဖြေရှင်းမှု တစ်ခုရအောင် အခြားရှုထောင့်များမှနေ၍ လေ့လာရန် ဖြစ်နိုင်ခြေကို ဖွင့်ထားကြရသည်။ အမှန်တကယ်၌ ဆွေးနွေးမှု တစ်ရပ်တွင် အောင်နိုင်သူရော ရှုံးနိမ့်သူပါ ရှိမည်မဟုတ်ပါ။

အခြားတစ်ဖက်၌လည်း ငြင်းခုံမှုများ ရှိနိုင်သည်။ မိမိတို့၏ အနေအထားကို မြှင့်တင်ရန်နှင့် အခြားတစ်ဖက်၏ အနေအထားကို လျှော့ချရန်တို့အတွက် ဘက်အသီးသီးတို့သည် ပဋိပက္ခဆန်သော ချဉ်းကပ်မှုတစ်ရပ်ကို ပြုခြင်းအားဖြင့် ငြင်းခုံမှုဖြစ်နိုင်သည်။ အမှန်တကယ်၌ ငြင်းခုံမှုဟူသည်အား ဘက်များဖြင့် သတ်မှတ်ခြင်း ဖြစ်သည်။ များစွာသော နည်းလမ်းများအရ ငြင်းခုံခြင်းကို စေ့စပ်ညှိနှိုင်းခြင်းဟုပင် ဖော်ပြတတ်ကြသည်။ သို့သော် ငြင်းခုံမှုသည် အကျိုးတစ်စုံတစ်ရာ ထပ်မံဖြစ်ပေါ်သော ရလဒ်ဖြစ်လာရန် ကြိုတင်ချမှတ်ထားခြင်း မရှိသည့် ချဉ်းကပ်မှုသာ ဖြစ်သည်။

အနှစ်သာရအရ ကွဲပြားခြားနားသော ချဉ်းကပ်ပုံနှစ်ရပ် ဖြစ်ပေါ်လာခြင်း ဖြစ်သည်။ ပူးပေါင်းဆောင်ရွက်မှု ရှိသော စေ့စပ်ညှိနှိုင်းခြင်းနှင့် ပဋိပက္ခအသွင်ဆောင်သော စေ့စပ်ညှိနှိုင်းခြင်းဟူ၍ ကွဲပြားခြားနား၍ သွားသည်။ စေ့စပ်ညှိနှိုင်းသူ အများစုက ၎င်းတို့အနေဖြင့် win-win ဟုခေါ်သော ပူးပေါင်းဆောင်ရွက်မှု ရှိသည့် စေ့စပ်ညှိနှိုင်းမှုမျိုးကိုသာ ဦးစားပေးသည်ဟု ဆိုကြသည်။ သို့သော် စေ့စပ်ညှိနှိုင်းမှု အစီအစဉ်အများစု၌ ဆွေးနွေးမှုထက် ငြင်းခုံမှုများကိုသာ အတွေ့ရများနေ၏။ ပုံသေ ကန့်သတ်ထားသည့် အနေအထားတစ်ရပ်အတွက် ကြိုတင်အစီအစဉ် ချထားသည့် ဆုံးဖြတ်ချက်က ရှိနှင့်နေသည်။ အခြားဘက်များက ပြောကြားသည်များကို ဂရုမစိုက်သည့် အနေအထားအတိုင်းသာ ရှိနေသည်။ ရှုပ်ထွေးအောင် ပြုလုပ်ခြင်း၊ အလွန်အကျူး တစ်ဖက်စောင်းနင်း ပြောခြင်းနှင့် အလိုရှိရာ အချက်များကိုသာ ကောက်နုတ် အသုံးပြုခြင်းတို့အားဖြင့် အတင်းဆွဲညှိရန်သာ လုပ်ဆောင်တတ်ကြသည်။

ထို့ကြောင့် စေ့စပ်ညှိနှိုင်းသူများ အနေဖြင့် စဉ်းစားရန် လိုအပ်သော မေးခွန်းများ ထွက်ပေါ်လာသည်။ ယင်းတို့မှာ ဆွေးနွေးမည်လား ငြင်းခုံမည်လား၊ မိမိတို့ အမှန်တကယ် ရယူရန်လိုလားသော ရည်မှန်းချက်များဆီသို့ ညှိယူသည့် ချဉ်းကပ်မှုမျိုး ဟုတ်ပါ၏လား။ တိုးတက်သည့် ရလဒ်တစ်ခု ဖြစ်နိုင်ခြေကို လျှော့ချနေသည့် စေ့စပ်ညှိနှိုင်းရေး ပုံစံအား မည်သည့် အတိုင်းအတာအထိ သွားနေသနည်းဟူသော မေးခွန်းများ ဖြစ်ကြသည်။

မည်သို့ပင် ဆိုစေကာမူ စေ့စပ်ညှိနှိုင်းမှုတစ်ရပ်ကို ဟန်ပြ လုပ်ဆောင်နေခြင်းလား သို့မဟုတ် အမှန်တကယ် တိုးတက်သော ရလဒ် ထွက်ပေါ်လာရေးကို ရှေးရှုသလားဟူသည်က စေ့စပ်ညှိနှိုင်းမှု အမျိုးအစားကို ပြဋ္ဌာန်းနေသည်ဟု ဆိုနိုင်သည်။ ထို့ကြောင့် ပူးပေါင်း ဆောင်ရွက်မှုရှိသော စေ့စပ်ညှိနှိုင်းခြင်းလား၊ ပဋိပက္ခ အသွင်ဆောင်သော စေ့စပ်ညှိနှိုင်းခြင်းလား ဟူသည်ကိုကြည့်၍ ရလဒ်ကို လိုလားသော စေ့စပ်ညှိနှိုင်းမှု ဟုတ် မဟုတ် ဆုံးဖြတ်နိုင်ပါကြောင်း The Daily Eleven သတင်းစာက ရေးသားအပ်ပါသည်။

သြဂုတ်လ ၂၈ ရက်ထုတ် The Daily Eleven သတင်းစာ အယ်ဒီတာ့အာဘော်

August 28, 2018














Copy Protected by Chetan's WP-Copyprotect.