<

မက်ခရို စီးပွားရေးပညာ

မက်ခရိုစီးပွားရေးပညာသည် စီးပွားရေးတစ်ရပ်လုံး$ လှုပ်ရှားမှုများနှင့် အလားအလာများကို အဓိကထားသည်။ စီးပွားရေးတစ်ရပ်လုံး၏ လုပ်ဆောင်ပုံကို လေ့လာသည့် ဘောဂဗေဒနယ်ပယ်တစ်ရပ်ဟု ဆိုနိုင်သည်။ ယင်းသည် မိုက်ခရိုစီးပွားရေးပညာနှင့် ကွဲပြားခြားနားသည်။ မိုက်ခရိုစီးပွားရေးပညာသည် အိမ်ထောင်စုတစ်ခု၊ ကုမ္ပဏီတစ်ခု သို့မဟုတ် လုပ်ငန်းတစ်ခုကဲ့သို့သော စီးပွားရေးယူနစ်တစ်ခုချင်းအပေါ် အဓိကထားသည်။ မက်ခရိုစီးပွားရေးပညာသည် ယင်းနှင့်မတူဘဲ နိုင်ငံ၏၀င်ငွေ၊ စုစုပေါင်း စုဆောင်းထားမှု နှင့် ရင်းနှီးမြှုပ်နှံမှု၊ စုစုပေါင်း အလုပ်ခန့်အပ်မှု၊ စုစုပေါင်းဝယ်လိုအား၊ စုစုပေါင်းရောင်းလိုအားနှင့် အထွေထွေဈေးနှုန်းအဆင့် အစရှိသည့် စီးပွားရေးစနစ်တစ်ရပ်လုံးကို ကိုင်တွယ်သည်။

မက်ခရိုစီးပွားရေးပညာသည် ရှုပ်ထွေးသော ခေတ်သစ်စီးပွားရေးစနစ်၏ လုပ်ဆောင်ပုံများကို နားလည်နိုင်ရန်အတွက် အထောက်အကူပြုသည်။ မက်ခရိုစီးပွားရေးပညာက စီးပွားရေးတစ်ရပ်လုံး၏ လုပ်ငန်းဆောင်ရွက်ပုံများ၊ နိုင်ငံတော်ဝင်ငွေအဆင့်အတန်းနှင့် အသားတင်ဝယ်လိုအားနှင့် အသားတင်ရောင်းလိုအားအပေါ် အခြေခံလျက် အလုပ်ခန့်အပ်မှုအား ဆုံးဖြတ်ပုံ အစရှိသည်တို့ကို နားလည်နိုင်ရန် အထောက်အကူပြုသည်။ စီးပွားရေးကြီးထွားမှုနှင့်ပတ်သက်သော ရည်မှန်းချက်၊ ဂျီဒီပီအဆင့် ပိုမိုမြင့်မားလာခြင်းနှင့် အလုပ်ခန့်အပ်နိုင်မှုအဆင့် ပိုမိုမြင့်မားလာခြင်း အစရှိသည်တို့ကို ရယူနိုင်ရေးအတွက် မက်ခရိုစီးပွားရေးပညာက အထောက်အကူပြုသည်။ မက်ခရိုစီးပွားရေး ပညာသည် နိုင်ငံတစ်နိုင်ငံ၏ စီးပွားရေးကြီးထွားမှုကို ဆုံးဖြတ်သည့် တွန်းအားများကို သုံးသပ်နိုင်သည်။ မက်ခရိုစီးပွားရေးဆိုင်ရာ ပြဿနာများကို နားလည်ခြင်းသည် နိုင်ငံ၏ စီးပွားရေးကြီးထွားမှုကို အမြင့်ဆုံး ရယူနိုင်ရန်နှင့် ယင်းကို ထိန်းသိမ်းနိုင်ရန် အချက်ပြမှုများ ရရှိစေနိုင်သည်။ ကုန်ဈေးနှုန်းတည်ငြိမ်အောင် ဆောင်ရွက်ခြင်းနှင့် စီးပွားရေးလုပ် ဆောင်ချက်များ၌ အတက်အကျဖြစ်မှုများကို သုံးသပ်ခြင်းတို့သည် မက်ခရိုစီးပွားရေးပညာကို ပို၍ကောင်းစွာနားလည်ခြင်းဖြင့် ကိုင်တွယ်နိုင်သော ကိစ္စရပ်များ ဖြစ်သည်။

မက်ခရိုစီးပွားရေးပညာသည် ငွေကြေးဖောင်းပွမှုနှင့် အစိုးရအသုံးစရိတ်လျှော့ချမှုတို့ကို ထိန်းချုပ်ရန် မူဝါဒရေးရာ နည်းလမ်းများကို ညွှန်ပြနိုင်သည်။ မက်ခရိုစီးပွားရေး ပညာသည် ငွေပေးချေမှုဆိုင်ရာ မျှခြေအပေါ် သက်ရောက်သည့် အကြောင်းခြင်းရာများကို ရှင်းပြနိုင်သည်။ မက်ခရိုစီးပွားရေးပညာသည် ငွေပေးခြေမှုဆိုင်ရာ မျှခြေ၌ လိုငွေပြခြင်း အကြောင်းရင်းများကို ဖော်ထုတ်နိုင်ပြီး ကိုင်တွယ်ရန် နည်းလမ်းများကိုလည်း ညွှန်ပြနိုင်သည်။ မက်ခရိုစီးပွားရေးပညာသည် ဆင်းရဲမွဲတေမှု၊ အလုပ်လက်မဲ့ပေါများမှု၊ ငွေကြေးဖောင်းပွမှုနှင့် ကုန်ဈေးနှုန်းမတည်ငြိမ်မှု အစရှိသော စီးပွားရေးပြဿနာများကို ဖြေရှင်းရာတွင်လည်း အထောက်အကူပြုသည်။

မက်ခရိုစီးပွားရေးပညာက ကိုင်တွယ်ရမည့် အဖြစ်အများဆုံး ပြဿနာအချို့မှာ ငွေကြေးဖောင်းပွခြင်း၊ အလုပ်လက်မဲ့ပေါများခြင်းနှင့် ငွေပေးခြေမှုမျှခြေဆိုင်ရာ ပြဿနာတို့ ဖြစ်ကြသည်။ စီးပွားရေးတစ်ရပ်သည် အလုပ်လက်မဲ့ ပပျောက်ရေး၊ စီးပွားရေးတည် ငြိမ်ရေးနှင့် စီးပွားရေးကြီးထွားမှုတို့နှင့် ပတ်သက်သော ရည်မှန်းချက်များကို လုံလောက်စွာ ရယူနိုင်ခြင်း မရှိသည့်အခါ မက်ခရိုစီးပွားရေးပြဿနာများ ပေါ်ထွက်လာသည်။ ယင်းမှတစ်ဆင့် နောက်ဆက်တွဲပြဿနာများ ဖြစ်၍လာပြန်သည်။ အလုပ်ခန့်အပ်မှုများ မလုပ်နိုင်သည့်အခါ အလုပ်လက်မဲ့ဖြစ်မှုနှုန်း မြင့်မားခြင်းပြဿနာ ပေါ်လာသည်။ စီးပွားရေး တည်ငြိမ်မှုဆိုင်ရာ ရည်မှန်းချက်ကို ဆောင်ရွက်နိုင်ခြင်းမရှိသည့်အခါ ငွေကြေးဖောင်းပွမှု ပြဿနာဖြစ်လာသည်။ စီးပွားရေးကြီးထွားမှုဆိုင်ရာ ရည်မှန်းချက်ကို လုံလောက်အောင် ရယူနိုင်ခြင်းမရှိသောကြောင့် စီးပွားရေးတန့်သွားခြင်းပြဿနာ ဖြစ်လာသည်။ ယင်းပြဿနာအားလုံးတို့သည် ကုန်ထုတ်လုပ်မှုနှင့်ပတ်သက်၍ ၀ယ်လိုအားနည်းလွန်းခြင်း သို့မဟုတ် များလွန်းခြင်းနှင့် ပတ်သက်နေတတ်သည်။ ဥပမာအားဖြင့် အလုပ်လက်မဲ့ပြဿနာသည် ၀ယ်လိုအားနည်းလွန်းခြင်းမှနေ၍ ဖြစ်ပေါ်လာပြီး ငွေကြေးဖောင်းပွမှုသည် ၀ယ်လိုအားများလွန်းခြင်းမှနေ၍ ဖြစ်ပေါ်လာတတ်သည်။

မည်သို့ပင်ဆိုစေကာမူ နိုင်ငံတစ်နိုင်ငံ၏ မက်ခရိုစီးပွားရေးအားပို၍ကောင်းစွာနား လည်ခြင်းသည် မှန်ကန်သော စီးပွားရေးမူဝါဒများ ရေးဆွဲရန်အတွက်လည်းကောင်း၊ နိုင်ငံတကာ စီးပွားရေးမူဝါဒများနှင့် ဟန်ချက်ညီစွာ ဆောင်ရွက်နိုင်ရန်အတွက်လည်းကောင်း အထောက်အကူပြုနိုင်ပါကြောင်း The Daily Eleven သတင်းစာက ရေးသား အပ်ပါသည်။

(သြဂုတ်လ ၁၈ ရက်နေ့ထုတ် The Daily Eleven သတင်းစာ အယ်ဒီတာအာဘော်)

August 17, 2018














Copy Protected by Chetan's WP-Copyprotect.