<

နိုင်ငံရေးနှင့် မူဝါဒ

နိုင်ငံရေးဟူသည် အစိုးရစနစ်၏ တစ်စိတ်တစ်ပိုင်းဟု ခေါ်ဆိုနိုင်ပြီး မူဝါဒသည် ရေးဆွဲထားသည့် အစီအစဉ်တစ်ရပ် ဖြစ်သည်။ နိုင်ငံရေးဟူသည် အုပ်ချုပ်ပုံ သို့မဟုတ် အစိုးရနှင့်ပတ်သက်သော သိပ္ပံ သို့မဟုတ် ၀ိဇ္ဇာပညာရပ်တစ်ရပ်ဟုလည်း သတ်မှတ်နိုင်သည်။ အထူးသဖြင့် နိုင်ငံတစ်နိုင်ငံကဲ့သို့သော နိုင်ငံရေးဆိုင်ရာ အဆောက်အအုံတစ်ရပ်ကို အုပ်ချုပ်ပုံဖြစ်သည်။ မူဝါဒဟူသည် အထွေထွေရည်မှန်းချက်များကို လွှမ်းခြုံထားသော ရေးဆွဲထားသည့် အစီအစဉ်တစ်ရပ် ဖြစ်သည်။ မူဝါဒတစ်ရပ်ဟူသည် အစိုးရအဖွဲ့တစ်ဖွဲ့၊ လူပုဂ္ဂိုလ်တစ်ဦး၊ လုပ်ငန်းစုတစ်ရပ် သို့မဟုတ် ပါတီတစ်ရပ်က အဆိုပြုထားသည့် လုပ်ဆောင်ရန် လမ်းကြောင်းတစ်ရပ်ဟုလည်း ဆိုနိုင်သည်။

နိုင်ငံရေးဟူသည် အာဏာပိုင်မှုနှင့် ပြည်သူတို့၏ ဘ၀ကို ရည်ညွှန်းသည်။ နိုင်ငံရေးဟူသည် အထွေထွေသဘောအရ အစိုးရအဖွဲ့နှင့် ၎င်း၏ လုပ်ဆောင်ချက်များကို လည်ပတ်စေသော အရာဖြစ်သည်။ နိုင်ငံရေးဟူသည် အဖွဲ့အစည်းဆိုင်ရာ လုပ်ငန်းစဉ်ကို ရည်ညွှန်းသည့် စကားရပ်လည်း ဖြစ်သည်။ နိုင်ငံရေးသည် အုပ်ချုပ်ရေးနှင့်ပတ်သက်သည့် သဘောတရားနှင့် ကျင့်သုံးမှုကိုလည်း ရည်ညွှန်းသည်။ အစိုးရအဖွဲ့အဖြစ် လုပ်ဆောင်နေသည့် နိုင်ငံရေးပါတီများအနေဖြင့် သက်ဆိုင်ရာမူဝါဒများအတိုင်း လိုက်နာကြရသည်။

မူဝါဒဟူသည်ကို အခြေခံသဘောတရား၊ စည်းမျဉ်းဟု သတ်မှတ်နိုင်သည်။ ကုမ္ပဏီအများစုသည်လည်း သက်ဆိုင်ရာမူဝါဒများအတိုင်း လိုက်နာကြရသည်သာ ဖြစ်သည်။ မူဝါဒဟူသည်ကို ရည်ရွယ်ထားမှုများနှင့် ပတ်သက်သည့် ကတိက၀တ်တစ်ရပ် သို့မဟုတ် အဆိုပြုချက်တစ်ရပ်ဟုလည်း သတ်မှတ်နိုင်သည်။ မူဝါဒရှိသောကြောင့်သာ လူများ၊ အဖွဲ့ အစည်းများနှင့် ပါတီများအနေဖြင့် တာဝန်ခံမှုရှိရခြင်း ဖြစ်သည်။ မူဝါဒဟူသည် ဆုံးဖြတ်ချက်များကို လမ်းညွှန်သည့် စည်းမျဉ်း သို့မဟုတ် သဘောတရားများ ဖြစ်ကြသည်။

အစိုးရအဖွဲ့များ မရှိပါက ကမ္ဘာကြီးသည် ကစဥ့်ကလျား ဖြစ်ချင်တိုင်း ဖြစ်ပျက်နေလိမ့်မည်ဖြစ်သောကြောင့် အစိုးရအဖွဲ့များဟူသည် အရေးကြီး၏။ အစိုးရအဖွဲ့များက လူများ၊ အရင်းအမြစ်များကို နေသားတကျ နေရာချထားပေးသည်။ သို့သော် မူဝါဒ မခိုင်မာသည့် အစိုးရအဖွဲ့များသည်ကား အချည်းနှီးသာတည်း။ နိုင်ငံရေးစနစ်မှနေ၍ ထွက်ပေါ်လာသော ပြဿနာများ၊ အကြောင်းအရာများကို တုံ့ပြန်သည့်အနေဖြင့် အစိုးရအဖွဲ့များက လုပ်ဆောင်ရန်အချက်များ ချမှတ်ရသည်။ ယင်းကို ပြည်သူ့မူဝါဒဟု ခေါ်ဆိုသည်။  ပြည်သူ့မူဝါဒများကို လူ့အသိုင်းအ၀ိုင်း၌ လူကောင်းများဖြစ်ရန်အလို့ငှာ နိုင်ငံသားတိုင်း လိုက်နာရသည်။ ပြည်သူ့မူဝါဒကို ချိုးဖောက်သူများအနေဖြင့် စည်းမျဉ်းစည်းကမ်းများအရ အရေးယူခံရမည်ဖြစ်သည်။ လူ့အဖွဲ့အစည်းတစ်ရပ်၏ လူမှုရေး၊ စီးပွားရေးနှင့် နိုင်ငံရေး အကြောင်းအရာများကို ကိုင်တွယ်ဖြေရှင်းရန် အစိုးရနှင့် အစိုးရမဟုတ်သော အဖွဲ့အစည်းများအနေဖြင့် ချမှတ်ထားသော မူဘောင်များအောက်၌ လုပ်ဆောင်ကြရသည်။ ယင်းကို ပြည်သူ့မူဝါဒဟု ခေါ်ဆိုခြင်း ဖြစ်သည်။

အချုပ်အားဖြင့်ဆိုလျှင် နိုင်ငံရေးဟူသည် အထွေထွေသဘောအရ အစိုးရအဖွဲ့နှင့် ၎င်း၏ လုပ်ဆောင်ချက်များကို လည်ပတ်စေသောအရာဖြစ်ပြီး အစိုးရအဖွဲ့အဖြစ် လုပ်ဆောင်နေသည့် နိုင်ငံရေးပါတီများအနေဖြင့် သက်ဆိုင်ရာမူဝါဒများအတိုင်း လိုက်နာကြရမည်သာဖြစ်ပါကြောင်း The Daily Eleven  သတင်းစာက ရေးသားအပ်ပါသည်။

(ဇွန် ၂၃ ရက်နေ့ထုတ် The Daily Eleven သတင်းစာ အယ်ဒီတာ အာဘေ်ာ)

June 22, 2018














Copy Protected by Chetan's WP-Copyprotect.