<

အဂတိလိုက်စားမှုနှင့် နိုင်ငံခြားတိုက်ရိုက်ရင်းနှီးမြှုပ်နှံမှု

ဖွံ့ဖြိုးဆဲနိုင်ငံများစွာတို့က လစ်ဘရယ်လိုက်ဇေးရှင်း ပြုလုပ်လာခြင်းနှင့်အတူ နိုင်ငံခြားတိုက်ရိုက်ရင်းနှီးမြှုပ်နှံမှု (FDI)  သည် ဖွံ့ဖြိုးဆဲနိုင်ငံများအချင်းချင်း ဆက်သွယ်ရန်အတွက် အရေးကြီးသော ကြားခံတစ်ရပ် ဖြစ်လာသည်။ သို့သော် ဖွံ့ဖြိုးဆဲနိုင်ငံများအတွက် FDI ပမာဏသည် အညီအမျှ ဖြန့်ဝေမှုမရှိပေ။ သက်ဆိုင်ရာနိုင်ငံ၏ အဂတိလိုက်စားမှု အဆင့်သည် FDI ဆွဲဆောင်နိုင်မှုအပေါ် သက်ရောက်လျက်ရှိသည်။ FDI ဖြန့်ဝေပုံမညီမျှခြင်းက စီးပွားရေးကြီးထွားမှု အလားအလာကို အကန့်အသတ်ရှိစေနိုင်သည်။ အချို့သော နိုင်ငံများတွင် FDI စီးဆင်းမှု နိမ့်ကျရခြင်းအတွက် အကြောင်းတရားတစ်ရပ်မှာ အဂတိလိုက်စားမှုအဆင့် မြင့်မားခြင်းဖြစ်သည်။ အဂတိလိုက်စားမှုဟူသည် ကိုယ်ကျိုးအတွက် ပြည်သူပိုင်အာဏာကို လက်သိပ်ထိုး အသုံးပြုခြင်း၊ တရားမ၀င် အသုံးပြုခြင်းနှင့် အလွဲသုံးစားပြုလုပ်ခြင်း ဖြစ်သည်။ စီးပွားရေး လုပ်ဆောင်ချက်အမျိုးမျိုး၌ အဂတိလိုက်စားမှုက ပုံစံအမျိုးမျိုးဖြင့် နေရာယူလာတတ်သည်။ နိုင်ငံရေးစနစ်အတွင်း အဂတိလိုက်စားမှုသည် နိုင်ငံခြားရင်းနှီးမြှုပ်နှံမှုများအတွက် ခြိမ်းခြောက်မှုတစ်ရပ် ဖြစ်သည်။ လုပ်ကိုင်နိုင် စွမ်းထက်သူကောင်းပြုမှုမှတစ်ဆင့် ရာထူးအာဏာအဆင့်များကို ရယူလာနိုင်သည့်အခါ နိုင်ငံရေးလုပ်ငန်းစဉ်၌ မတည်ငြိမ်မှုများ ဖြစ်ပေါ်လာပြီး စီးပွားရေးဝန်းကျင်နှင့် ဘဏ္ဍာရေးဝန်းကျင်ကိုပါ ပုံပျက်သွားစေတော့သည်။

အဂတိလိုက်စားမှုသည် ထိပ်တန်းအလုပ်အမှုဆောင်များ၊ ဥပဒေပြုအမတ်များနှင့် တရားစီရင်ရေးအဆင့် အသီးသီးမှသည် ဒေသဆိုင်ရာနှင့် ဒေသခံအရာရှိများအထိ အစိုးရအဖွဲ့၏ ကဏ္ဍအသီးသီးနှင့် အဆင့်အသီးသီးဆီသို့ သက်ရောက်နိုင်ပြီး အစိုးရအဖွဲ့၏ စွမ်းဆောင်ရည်ကို ကျဆင်းစေသည်။ ထို့ကြောင့် အဂတိလိုက်စားမှုသည် နိုင်ငံအတွင်းရှိ ကဏ္ဍအားလုံးနှင့် အင်စတီကျူးရှင်းအားလုံးအပေါ် ကျရောက်နိုင်သော ခြိမ်းခြောက်မှု ဖြစ်သည်။ အဂတိလိုက်စားမှုဟူသည် လက်ဆုပ်လက်ကိုင် တိုင်းတာရန် ခက်ခဲသည့် ရှုပ်ထွေးသော ဖြစ်ရပ်တစ်ခု ဖြစ်သည်။ အဂတိလိုက်စားမှုနှင့်ပတ်သက်၍ ယုံကြည်စိတ်ချရသော အချက်အလက် နည်းပါးမှုကြောင့် အဂတိလိုက်စားမှုနှင့်ပတ်သက်သော သဘောတရားများကို စမ်းသပ်ရန် ခက်ခဲသည်။ သို့သော် ယင်းကိစ္စနှင့်ပတ်သက်သည့် လေ့လာချက်များစွာတို့တွင် နှိုင်းယှဉ်လေ့လာမှု နည်းလမ်းအမျိုးမျိုးကို အသုံးပြုတတ်ကြသည်။ နိုင်ငံတစ်နိုင်ငံ၏ တည်ငြိမ်မှုနှင့်ပတ်သက်၍မှတ်ယူမှု၊ ရင်းနှီးမြှုပ်နှံမှု အလားအလာနှင့် ပတ်သက်သော အရည်အသွေးတို့အား ကျဆင်းစေခြင်းအားဖြင့် အဂတိလိုက်စားမှုသည် FDI အပေါ် တိုက်ရိုက်သက်ရောက်နိုင်သည်။ နိုင်ငံခြားရင်းနှီးမြှုပ်နှံသူများ အနေဖြင့် အဂတိလိုက်စားမှုကို သက်ဆိုင်ရာနိုင်ငံ၌ ရင်းနှီးမြှုပ်နှံရန် အဟန့်အတားတစ်ရပ်ဟု သတ်မှတ်လေ့ရှိကြသည်။ လုပ်ငန်းလုပ်ကိုင်ရန်အတွက် အဂတိလိုက်စားမှုက အပိုကုန်ကျမှုများကို ဖြစ်စေသောကြောင့် ဖြစ်သည်။ ၎င်းအပြင် နိုင်ငံခြားရင်းနှီးမြှုပ်နှံသူများသည် ယေဘုယျအားဖြင့် အဂတိလိုက်စားမှု၌ ပါဝင်ပတ်သက်ရမည်ကို ရှောင်ရှားလိုကြသည်။ ယင်းသည် ကိုယ်ကျင့်တရားအရ မှားယွင်းသည်ဟု လိပ်ပြာမသန့်သည်က တစ်ကြောင်း၊ လုပ်ငန်းလုပ်ကိုင်ရာတွင် အနှောင့်အယှက်များ ဖြစ်ပေါ်လာနိုင်သည်က တစ်ကြောင်းတို့ကြောင့် ဖြစ်သည်။

ထို့ကြောင့် အဂတိလိုက်စားမှုများကို လျှော့ချနိုင်မည့် အင်စတီကျူးရှင်းများ၏ အရည်အသွေးကို မြှင့်တင်ရန် အားထုတ်မှုများကသာလျှင် ဖွံ့ဖြိုးဆဲနိုင်ငံများအတွက်  FDI ပိုမိုရရှိရန် အထောက်အကူပြုနိုင်ပြီး ထိုမှတစ်ဆင့် နိုင်ငံ၏ GDP ကို မြင့်တက်စေနိုင်လိမ့်မည်ဖြစ်ပါကြောင်း The Daily Eleven  သတင်းစာက ရေးသားအပ်ပါသည်။

(မေလ၂၃ ရက်နေ့ထုတ် The Daily Eleven သတင်းစာ အယ်ဒီတာ အာဘေ်ာ)

May 22, 2018














Copy Protected by Chetan's WP-Copyprotect.