w အစပြုခြင်း - Eleven Media Group <

အစပြုခြင်း

ဂရိခေတ်တွေးခေါ်ရှင်ကြီး ပလေတိုက “အစပြုခြင်းသည် အလုပ်၏အရေးအကြီးဆုံး အစိတ်အပိုင်းဖြစ်သည်” ဟု ဆိုသည်။ မည်သည့်အခါမျှ အစပြုခြင်းမရှိဘဲ မည်သည့်အရာများ ပြီးမြောက်ရန် ဖြစ်နိုင်မည်နည်း။ ၎င်းအပြင် မြန်မာစာပေ၌ “အစကောင်းမှ အနှောင်းသေချာ” ဟူသည့် စကားပုံတစ်ရပ်လည်းရှိသည်။ Linkedin တည်ထောင်သူ ရိဒ်ဟော့ဖ်မန်းက “ခင်ဗျားအနေနဲ့ ခင်ဗျားထုတ်ကုန်ရဲ့ ပထမဆုံးဗားရှင်းမှာ အခက်မကြုံ ရဘူးဆိုရင် ခင်ဗျားစလုပ်တာ သိပ်နောက်ကျသွားလို့ပဲ” ဟု ဆိုသည်။ ပညာရှိသူအားလုံးသည် တူညီသော အဓိပ္ပာယ်ရှိသည့် စကားများကိုသာ ပြောခဲ့ကြခြင်းဖြစ်သည်။ ယင်းမှာ “အချိန်ကောင်းကို မစောင့်ပါနှင့်၊ ယခုပင် စတင်လိုက်ပါ” ဟူ၍ ဖြစ်သည်။

အလုပ်အကိုင်၊ ၀ါသနာ၊ အဟာရအညွှန်း၊ ဆက်ဆံရေးအစရှိသည်တို့နှင့်ပတ်သက်၍ လူအများစုသည် တစ်စုံတစ်ရာကို အစပြုရန် နှောင့်နှေးနေတတ်ကြသည်။ လူတိုင်းသည် အပြောင်းအလဲ သို့မဟုတ် ကောင်းစွာ မသိရသေးသည့်အရာများကို ကြောက်ရွံ့နေ ပုံရသည်။ လုပ်ငန်းတစ်ခု စတင်ရန် လိုလားသည့်အခါ စာအုပ်တိုင်းကို ဖတ်ရမည်၊ သင်ခန်းစာတိုင်းကို ယူရမည်၊ လုပ်ငန်းစီမံခန့်ခွဲမှုနှင့်ပတ်သက်၍ ဘွဲ့တစ်ခုကို ယူရမည်စသဖြင့်  တွေးမိနိုင်သည်။ ခန္ဓာကိုယ်အလေးချိန် လျှော့ချရန် ကြိုးပမ်းသည့်အခါ ကျန်းမာရေးကို ထိခိုက်စေသည့် အစားအစာများအားလုံးကို ဖြတ်ရန်၊ အဟာရအညွှန်းအားလုံးကို ဖတ်ရန်၊ ကိုယ်ကာယလေ့ကျင့်ခန်းများစွာကို ကြည့်ရန် အစရှိသဖြင့် ဦးစွာတွေးတတ်ကြသည်။ ယင်းတို့သည် မှန်ကန်သော တွေးတောပုံမဟုတ်ပေ။ ပလေတို၊ ရိဒ်ဟော့ဖ်မန်နှင့် အောင်မြင်လာကြသော အခြားလူပေါင်းများစွာတို့က ယင်းကို သိကြသည်။ အစပြုခြင်းသည် အခက်အခဲဆုံးဖြစ်သောကြောင့် အစပြုလိုက်ဖို့သာလိုကြောင်း ၎င်းတို့ သိကြသည်။

လုပ်ငန်းတစ်ခုကို စတင်ရန် ပညာယူရန်လိုအပ်ပါသည်။ ကိုယ်အလေးချိန် လျှော့ချရန် အစားအစာအမျိုးမျိုး၏ သက်ရောက်မှုများကို သုတေသနပြုရန်လည်း လိုပါသည်။ သို့သော် အစပြုလိုက်ပြီးနောက်မှသာ ယင်းလုပ်ငန်းစဉ်များကို ဆက်လက်လုပ်ဆောင်သွား၍ ရပါသည်။ လူများစွာတို့သည် လေ့လာထားသည်များကို အမှန်တကယ် လုပ်ဆောင်ခြင်း မရှိဘဲ အလွန်အကျွံ ပညာယူနေခြင်းဖြင့်သာ အချိန်များစွာ ကုန်ဆုံးကြရသည်။ အဆင်သင့်ဖြစ်ရန် အသင့်ပြင်ရင်း သို့မဟုတ် အချိန်ကောင်းကိုစောင့်ရင်း အချိန်များစွာ ကုန်လွန်သွားတတ်ကြသည်။ အမှန်တကယ်၌ ပြီးပြည့်စုံသည့် အချိန်ကောင်းဟူသည် မည်သည့်အခါမျှ ရောက်လာမည်မဟုတ်သကဲ့သို့ လုံးဝဥဿုံ ပြီးပြည့်စုံမှုဟူသည်လည်း မရှိနိုင်ပါ။ ပလေတိုသာရှိနေပါက ဆင်ခြေပေးနေခြင်းများကို စွန့်လွှတ်ပြီး ယခုပင် စတင်ရန်  အကြံပြုမည် ဖြစ်သည်။ အစမပြုမချင်း လုပ်ငန်းစဉ်တစ်ရပ် ဖြစ်ပေါ်လာမည် မဟုတ်ပါ။  သေနတ်ပစ် အားကစားသမားတစ်ဦးက “မင်းမပစ်ရသေးတဲ့ အချက်တိုင်းက လွဲမှာပဲ” ဟု ဆိုမည်သာဖြစ်သည်။ လမ်းလျှောက်သင်နေသော ကလေးသည် လမ်းလျှောက်နည်း လက်စွဲစာအုပ်ကို ဖတ်ရန် မလိုပေ။ လမ်းထလျှောက်ရန် ကြိုးပမ်းလျက် လမ်းတစ်လျှောက်  အမှားများကို ပြင်ရင်းသာ လမ်းလျှောက်တတ်သွားမည် ဖြစ်သည်။ ဘ၀၌ လိုလားသည်များရှိပါက ၎င်းတို့ရှိရာသို့ အရောက်သွားပြီး အရယူရန် လိုအပ်သည်။

မည်သို့ပင်ဆိုစေကာမူ မည်သည့်အရာကိုမဆို အစပြုလိုက်ရန်သာလိုပြီး အစပြုပြီး နောက်မှသာ အရှိန်အဟုန်ကို တည်ဆောက်နိုင်မည်ဖြစ်ပါကြောင်း The Daily Eleven သတင်းစာက အကြံပြုအပ်ပါသည်။

(ဧပြီ ၁၁ ရက်နေ့ထုတ် The Daily Eleven သတင်းစာ အယ်ဒီတာ အာဘေ်ာ)

April 10, 2018














Copy Protected by Chetan's WP-Copyprotect.