<

လုပ်သူနှင့် တွေးသူ

“လုပ်သူလို တွေးပြီး တွေးသူလို လုပ်ပါ”
ဟင်နရီဘတ်ဆွန် (၁၈၅၉-၁၉၄၁)
ပြင်သစ်တွေးခေါ်ရှင်

ဖော်ပြပါအဆိုအမိန့်သည် အလွန်ရိုးရှင်းပုံရသော စာကြောင်းတစ်ကြောင်းမျှသာ ဖြစ်သော်လည်း အသေအချာစစ်ဆေးကြည့်ပါက အဓိပ္ပာယ်ကြွယ်ဝလှသည်။ လုပ်သူတစ်ဦးကဲ့သို့ တွေးကြည့်ပါက အတွေးများနှင့်ပတ်သက်၍ အမြဲတမ်းလုပ်ဆောင်ချက်များ ပါဝင်မည်ဖြစ်သည်။ အတွေးသက်သက်သာ စဉ်းစားနေခြင်း ဖြစ်တော့မည်မဟုတ်ပေ။ မိမိအနေဖြင့် ကိစ္စရပ်များနှင့်ပတ်သက်ပြီး ဖြေရှင်းခြင်း၊ လုပ်ဆောင်ခြင်းနှင့် အကြံဥာဏ်များ ညှစ်ထုတ်ခြင်းတို့၌ တက်ကြွသောအနေအထား၌ ရှိမနေသော်လည်း စွမ်းအင်သည် မိမိ၏ကိုယ်တွင်း၌ ပျောက်ကွယ်၍မသွားဘဲ စီးဆင်း၍နေလေသည်။ တွေးသူတစ်ဦးကဲ့သို့ လုပ်ဆောင်သည့်အခါ မိမိအားစိတ်ခံစားမှုများက ဦးဆောင်နေခြင်းမဟုတ်တော့ဘဲ မိမိပြုလုပ်နေသည့် လုပ်ဆောင်ချက်များသည် မျှတမှုရှိသလားနှင့် မိမိအလိုရှိသည့်ရလဒ်များနှင့် ကိုက်ညီမှုရှိသလားဟူသည်တို့ သေချာစေရန် အချိန်ယူမည်ဖြစ်သည့်အပြင် မိမိလုပ်ဆောင်သမျှအရာများကို ယုတ္တိဗေဒကျစွာ ထောက်ပံ့မှုလည်း ပြုလုပ်နိုင်မည်ဖြစ်သည်။ မိမိ၏လုပ်ဆောင်ချက်များကို တိုင်းတာနိုင်ပြီး တိကျအောင်လည်း ပြုလုပ်နိုင်မည်ဖြစ်သည်။

ဖော်ပြပါ အဆိုအမိန့်ကို ထင်ဟပ်ပြသည့်အခါ တွေးခြင်းနှင့်လုပ်ခြင်း ပေါင်းစပ်ပုံက မည်မျှအရေးပါကြောင်း မြင်နိုင်မည်ဖြစ်သည်။ သို့သော် ယင်းသည် လူတို့၏ဘ၀၌ အခါပေါင်းများစွာ ဇောက်ထိုးမိုးမျှော် ထက်အောက်ပြောင်းပြန် ဖြစ်နေတတ်သည်။ လူတို့အနေဖြင့် လုပ်ခြင်းသက်သက်ဖြင့်သာ နေထိုင်ပါက အထိန်းအကွပ်မဲ့နေတတ်ပြီး အတွေးမရှိခဲ့သည့် လုပ်ရပ်များအတွက် နောင်အခါကျမှ နောင်တရနိုင်သည်။ အခြားတစ်ဖက်၌လည်း အကြီးအကျယ် တွေးတောမှု၌သာ ကျက်စားနေပြီး မည်သည့်အခါမျှ လုပ်ရပ်အဖြစ် အကောင်အထည်မဖော်ပါက လက်ရှိအနေအထားကို ညည်းတွားနေပြီး ဘာမျှမလုပ်သူတစ်ဦးအဖြစ် စိတ်ညစ်စိတ်ပျက်နေရမည်ဖြစ်သည်။ မည်သည့်အခါမျှ အကောင်အထည်ဖော်မည်မဟုတ်သည့် စိတ်ကူးအသစ်များသည် မိမိ၏စိတ်အားအတွင်းမှ ကောင်းမွန်သောအရာများကို မျှော့တစ်ကောင်ကဲ့သို့ စုပ်ယူသွားခြင်းသာ အဖတ်တင်မည်ဖြစ်သည်။

တွေးတောခြင်းမရှိဘဲ လုပ်ဆောင်ခဲ့ခြင်း သို့မဟုတ် အကြီးအကျယ် တွေးတောထားသော်လည်း လုပ်ဆောင်မှုများအဖြစ် အကောင်အထည်မဖော်ခြင်း အပြုအမူများအကြောင်း တွေးကြည့်ရန်လိုသည်။ သို့သော် လမ်းညွှန်မှုမရှိသော်လည်း အလိုရှိသည့်ရလဒ်ကို သိမြင်ခြင်း သို့မဟုတ် ရည်မှန်းချက်ပန်းတိုင်များ ချမှတ်ထားခြင်းသည် တိုင်းတာ၍ရသည့် လုပ်ဆောင်မှုခြေလှမ်း အနည်းဆုံးပြုသည့်အခါ၌ပင်လျှင် အတွေးမျှင်တန်းများကို လမ်းညွှန်ရာ၌အထောက်အကူပြုသည့် အားကောင်းသော သံလိုက်အိမ်မြှောင်တစ်ခုဖြစ်နိုင်သည်။ အချိန်ဆွဲကာ တွေးတောမဆုံးရှိနေခြင်းထက် တွေးတောခြင်းလုပ်ငန်းစဉ်အား လုပ်ဆောင်ချက်တစ်ရပ်အဖြစ် ဆုံချက်ပြုလိုက်ခြင်းက အလွန်အကျိုးရှိသည်။ မိမိ၏ကိုယ်တွင်း၌ စီးဆင်းနေသော စွမ်းအင်များသည် ပို၍အလင်းပွင့်လာကာ ပို၍လည်း မြင့်တက်လာမည်ဖြစ်သည်။

ထို့ကြောင့် လုပ်ဆောင်ချက်အဖြစ် အကောင်အထည်မဖော်ဘဲ အချိန်ဆွဲကာ တွေးတောနေခြင်းကို ရှောင်ရှားရန်လိုသကဲ့သို့ တိကျသေချာစွာ တွေးတောထားသည့်အတိုင်းသာ လုပ်ဆောင်ရန်လိုအပ်ပါကြောင်း The Daily Eleven သတင်းစာက ရေးသားအပ်ပါသည်။

ဧပြီ (၈) ထုတ် The Daily Eleven သတင်းစာ အယ်ဒီတာ့အာဘော်

April 7, 2018














Copy Protected by Chetan's WP-Copyprotect.