<

ငြိမ်းချမ်းစွာ ဆန္ဒဖော်ထုတ်ပိုင်ခွင့်

ဆန္ဒဖော်ထုတ်ပိုင်ခွင့်သည် အသိအမှတ်ပြုထားသော လူ့အခွင့်အရေးများစွာမှနေ၍ ပေါ်ထွက်လာသော လူ့အခွင့်အရေး တစ်ရပ်ဟု သတ်မှတ်ထားသည်။ မည်သည့် လူ့အခွင့်အရေး အင်စတီကျူးရှင်း သို့မဟုတ် မည်သည့်နိုင်ငံ၏ ဖွဲ့စည်းပုံ အခြေခံဥပဒေကမှ လုံးဝဥဿုံ ခြွင်းချက်မရှိ ဆန္ဒဖော်ထုတ်ပိုင်ခွင့်ကို အာမခံထားခြင်း မရှိသော်လည်း ယင်းကဲ့သို့သော ဆန္ဒဖော်ထုတ်ပိုင်ခွင့်ဟူသည် လွတ်လပ်စွာ စုဝေးပိုင်ခွင့်၊ လွတ်လပ်စွာ အဖွဲ့အစည်း ဖွဲ့စည်းပိုင်ခွင့်နှင့် လွတ်လပ်စွာ ဖော်ထုတ်ပြောဆိုပိုင်ခွင့်တို့၏ သရုပ်သကန်ပင် ဖြစ်သည်။

နိုင်ငံတကာ သဘောတူညီချက် များစွာတွင် ယင်းအခွင့်အရေးများနှင့် ပတ်သက်၍ ရှင်းလင်းသော ဖော်ပြချက်များ ပါဝင်သည်။ ယင်းကဲ့သို့သော သဘောတူညီချက်များထဲတွင် ၁၉၅၀ လူ့အခွင့်အရေးဆိုင်ရာ ဥရောပကွန်ဗင်းရှင်း (အထူးသဖြင့် အပိုဒ် ၉ မှ ၁၁)၊ ၁၉၆၆ အရပ်ဘက်နှင့် နိုင်ငံရေး အခွင့်အရေးဆိုင်ရာ နိုင်ငံတကာ သဘောတူညီချက် (အထူးသဖြင့် အပိုဒ် ၁၈ မှ ၂၂) တို့ပါဝင်သည်။ သို့သော် လွတ်လပ်စွာ စုဝေးပိုင်ခွင့်၊ လွတ်လပ်စွာ အဖွဲ့အစည်း ဖွဲ့စည်းပိုင်ခွင့်နှင့် လွတ်လပ်စွာ ဖော်ထုတ်ပြောဆိုပိုင်ခွင့်တို့နှင့် ပတ်သက်သော ယင်းသဘောတူညီချက်များနှင့် အခြားသဘောတူညီချက်များသည် တစ်စုံတစ်ရာသော အတိုင်းအတာအတွင်း ကန့်သတ်ချက်များ ရှိနေသည်။ ဥပမာအားဖြင့် အရပ်ဘက်နှင့် နိုင်ငံရေး အခွင့်အရေးဆိုင်ရာ နိုင်ငံတကာ သဘောတူညီချက်တွင် စစ်ပွဲများဖြစ်အောင် ၀ါဒဖြန့် လှုံ့ဆော်ခြင်းနှင့် နိုင်ငံရေး၊ လူမျိုးရေးနှင့် ဘာသာရေးဆိုင်ရာ အမုန်းတရားများ လှုံ့ဆော်ခြင်းတို့အား ပိတ်ပင်တားမြစ်ထားမှု ပါဝင်သည်။ နိုင်ငံတော် လုံခြုံရေး သို့မဟုတ် အများပြည်သူ ဘေးကင်းလုံခြုံမှုဆိုင်ရာ အကျိုးအလို့ငှာအတွက် လည်းကောင်း၊ အများပြည်သူဆိုင်ရာ အမိန့်အာဏာ ထိန်းသိမ်းခြင်း၊ အများပြည်သူ၏ ကျန်းမာရေး သို့မဟုတ် ကိုယ်ကျင့်တရားများကို ကာကွယ်စောင့်ရှောက်ခြင်းနှင့် အခြားသူများ၏ အခွင့်အရေးနှင့် လွတ်လပ်မှုများကို ကာကွယ်စောင့်ရှောက်ခြင်း အလို့ငှာ အတွက်လည်းကောင်း ဒီမိုကရက်တစ် လူ့အဖွဲ့အစည်း တစ်ရပ်အတွင်း လိုအပ်ပါက လွတ်လပ်စွာ စုဝေးပိုင်ခွင့်အပေါ် ကန့်သတ်မှုများကို ခွင့်ပြုသည် (အပိုဒ် ၂၀ နှင့် ၂၁)။

သို့ရာတွင် ဆန္ဒဖော်ထုတ်ခြင်းသည် အကြမ်းဖက်ခြင်းနှင့် နိုင်ငံတော်လုံခြုံရေး သို့မဟုတ် အများပြည်သူ ဘေးကင်းလုံခြုံရေးအပေါ် ခြိမ်းခြောက်မှုဖြစ်ခြင်းတို့ မဖြစ်ရပေ။ ၎င်းအပြင် ဆန္ဒပြဖော်ထုတ်မှု အများစုတွင် နိုင်ငံတော် ဥပဒေများကို ချိုးဖောက်ခြင်း မပါဝင်သောကြောင့် အရပ်ဘက်ဆိုင်ရာ ဥပဒေများကို ချိုးဖောက်ခြင်း မပြုရပေ။ အကြမ်းမဖက်သော ဆန့်ကျင်မှု သို့မဟုတ် အရပ်ဘက်ဆိုင်ရာ ဆန့်ကျင်အာခံရေး လှုပ်ရှားမှုများ ဖြစ်သည့် ဆန္ဒဖော်ထုတ်မှုများသည်ပင်လျှင် ဒီမိုကရေစီဆိုင်ရာ သို့မဟုတ် ဖွဲ့စည်းပုံအခြေခံဥပဒေဆိုင်ရာ သတ်မှတ်ချက်များကို အပြုသဘောဆောင်သည့် ထောက်ခံမှုရှိသည့်  စရိုက်လက္ခဏာရှိနိုင်သည်။ ဥပမာအားဖြင့် ယင်းကဲ့သို့ ဆန့်ကျင်အာခံမှုများသည် စစ်အာဏာသိမ်းမှု တစ်ရပ်ကို တုံ့ပြန်သည့်အခါ  သို့မဟုတ် ရွေးကောက်ပွဲ၌ ရှုံးနိမ့်ပြီးနောက် အာဏာစွန့်လွှတ်ရန် နိုင်ငံခေါင်းဆောင်က ငြင်းပယ်သည့်အခါ သို့မဟုတ် ယင်းကဲ့သို့သော အလားတူ ကိစ္စရပ်များကို တုံ့ပြန်သည့်အခါ ပေါ်ထွက်လာတတ်သည်။

မည်သို့ပင်ဆိုစေကာမူ ငြိမ်းချမ်းစွာ ဆန္ဒဖော်ထုတ်ပိုင်ခွင့်သည် အခြေခံလူ့အခွင့်အရေး တစ်ရပ်သာမက ဒီမိုကရေစီ၏ စံတန်ဖိုးတစ်ရပ် ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

ဖေဖော်ဝါရီ ၆ ရက်နေ့ထုတ် The Daily Eleven သတင်းစာ၏ အယ်ဒီတာ့အာဘော်

March 5, 2018














Copy Protected by Chetan's WP-Copyprotect.