မြစ်ရေကြီးမှု အန္တရာယ်အတွက် အလေးထားရန်လို

ဧရာဝတီမြစ်ရေနှင့် ချင်းတွင်းမြစ်ရေ မြင့်တက်လာမှုကြောင့် တွေ့ကြုံနေရသော အခက်အခဲများအတွက် အချိန်မီ ကူညီဆောင်ရွက်ပေးရန် လိုအပ်နေပြီ ဖြစ်သည်။ စစ်ကိုင်းတိုင်းဒေသကြီးအတွင်း ချင်းတွင်းမြစ်ရေ မြင့်တက်မှုကြောင့် ရေလွတ်ရာသို့ ရွှေ့ပြောင်းနေရသည့် ရေဘေးဒုက္ခသည်များအတွက် နေထိုင်ရေးနှင့် စားသောက်ရေးအတွက် လိုအပ်ချက်များ ရှိလာပြီဖြစ်သည်။ စစ်ကိုင်းတိုင်းဒေသကြီး အတွင်းရှိ ခန္တီး၊ ဟုမ္မလင်း၊ ဖောင်းပြင်၊ မော်လိုက်၊ မင်းကင်းနှင့် ကလေးဝ အစရှိသည့် ဒေသများတွင် မြစ်ရေကြီးမှုကြောင့် ရွှေ့ပြောင်းနေထိုင်ကြမှုများရှိကာ ရေဘေးဒုက္ခသည် ၃၀၀၀ ကျော် ရှိနေသည်။

စစ်ကိုင်းတိုင်းဒေသကြီး အောက်ပိုင်းရှိ မြို့တချို့တွင် ဆက်လက်ရေကြီး ရေလျှံမှုများ ဖြစ်နေသည့်အတွက် ရေဘေးဒုက္ခသည် အများစုမှာ တစ်နေ့လုပ်မှ တစ်နေ့ စားသောက်နေရသူများ ဖြစ်သောကြောင့် မြစ်ရေကြီးမှု ရက်ကြာလာသည်နှင့်အမျှ စားရေး၊ နေရေး အခက်အခဲများ တွေ့ကြုံနေကြရခြင်းဖြစ်သည်။ ထို့ပြင် ညောင်ပင်ကြီးနှင့် ဆားလင်းကြီးမြို့သို့ ဆက်သွယ်ထားသည့် ကားလမ်းလည်း ရေကျော်နေပြီး ချင်းတွင်းမြစ်ရေ ၀င်ရောက်နေသည့် ကျေးရွာအချို့ရှိ ရေဘေးဒုက္ခသည် အများစုမှာ နေ့စဉ်စားဝတ်နေရေးအတွက် ခက်ခဲနေခြင်းလည်း ဖြစ်သည်။ ချင်းတွင်းမြစ်ရေ မြင့်တက်လာမှုကြောင့် ရေဘေးဒုက္ခသည် ၁၅၀၀၀ ကျော် ရှိနေပြီး စာသင်ကျောင်း ၂၀၀ နီးပါးလည်း ရက်သတ္တပတ် နှစ်ပတ်ကြာသည့်အထိ ပြန်လည်ဖွင့်လှစ်နိုင်ခြင်း မရှိသေးဘဲ ရေကြီးရေလျှံ ဖြစ်နေသည့် မြို့တချို့တွင် သီးနှံစိုက်ခင်း ဧက ၁၅၀၀၀ ကျော် ရေနစ်မြုပ်ခဲ့ပြီး ပျက်စီးမှုများကိုပါ တွေ့ကြုံနေကြရသည်။ လက်ပံတောင်းတောင် ကြေးနီစီမံကိန်းကြောင့် စီမံကိန်းအနီးရှိ ကျေးရွာများ ချင်းတွင်းမြစ် ရေနစ်မြုပ်မှုသည် စီမံကိန်းမှ အလွန်ကြီးမားသည့် ရေကာတာနံရံများ တည်ဆောက်ထားရှိပြီး ယင်းရေကာတာနံရံ တည်ဆောက်မှုကြောင့် ချင်းတွင်းမြစ်ရေသည် ကြေးနီစီမံကိန်းအတွင်း ၀င်ရောက်နိုင်ခြင်း မရှိဘဲ အနီးရှိ ကျေးရွာများတွင် နှစ်စဉ် ရေကြီးရေလျှံမှု ဖြစ်နေသည့်အတွက်ဟုဆိုကာ ကန့်ကွက်ဆန္ဒထုတ်ဖော်မှုကိုလည်း ဇူလိုင် ၁၅ ရက်က ပြုလုပ်ခဲ့ကြသည်။

ဇူလိုင်လဆန်းမှစ၍ မြင့်တက်ခဲ့သော ဧရာဝတီမြစ်ရေများကြောင့် ရေစကြို၊ ပခုက္ကူ၊ ချောက်၊ စလင်း၊ ပွင့်ဖြူ၊ ရေနံချောင်း၊ မင်းဘူး၊ မကွေးမြို့နယ်များအတွင်း စာသင်ကျောင်း ၁၂၉ ကျောင်း ပိတ်ထားရသည်။ ဧရာဝတီမြစ်ကမ်းနံဘေးတစ်လျှောက် မြစ်ရေ၀င်ရောက်မှုကြောင့် ကျေးရွာများမှ သီးနှံစိုက်ခင်းများ ပျက်စီးမှုများ ရှိခဲ့ပြီး မြစ်ရေ၀င်ရောက်သည့် ကျေးရွာများမှ ကျွဲ၊ နွား တိရစ္ဆာန်များကို ကုန်းမြင့်ပိုင်းကျေးရွာများသို့ ပြောင်းရွှေ့ထားရသည့် အနေအထား ဖြစ်သည်။

နှစ်စဉ် ဇွန်လမှ အောက်တိုဘာလအတွင်း မြစ်ရေကြီးမှုများ ပေါ်ပေါက်လေ့ရှိရာ ယခု ဇူလိုင်လအတွင်း တွေ့ကြုံနေရသည့် မြစ်ရေကြီးမှု အပါအ၀င် မိုးကာလအတွင်း တွေ့ကြုံရမည့် ရေဘေးအန္တရာယ်အတွက် လုံလောက်သော ကြိုတင်ပြင်ဆင်မှုနှင့် လတ်တလော တွေ့ကြုံနေရသူများအတွက် လုံလောက်သည့် ကူညီဆောင်ရွက်ပေးမှုများ လိုအပ်နေပြီ ဖြစ်သည်။ မြစ်ရေကြီးခြင်းနှင့် ပတ်သက်၍ မိုးသည်းထန်စွာ ရွာသွန်းခြင်း၊ ဆည်၊ ရေကာတာများ ကျိုးပေါက်ခြင်းတို့ကြောင့် လူနေအိမ်များ၊ ရပ်ကွက်များအတွင်း ရေ၀င်မြုပ်နိုင်ခြင်း၊ လယ်ယာသုံး ကိရိယာများ၊ မျိုးစေ့များ၊ သီးနှံစိုက်ခင်းများ၊ ရိတ်သိမ်းပြီး သီးနှံနှင့် သိုလှောင်ရိက္ခာများ၊ ရေနစ်မြုပ်ပျက်စီးနိုင်ခြင်း၊ ရေနစ်ခြင်း၊ ရေတွင်မျောပါလာသော ပစ္စည်းများကြောင့် ထိခိုက်ဒဏ်ရာရနိုင်ခြင်း၊ ရေတိုက်စားခြင်းကြောင့် မြေပြိုခြင်းနှင့် လျှပ်တစ်ပြက် ရေကြီးခြင်း အပါအ၀င် လူအများအပြား ထိခိုက်ဆုံးရှုံးနိုင်မှုများအတွက် ကြိုတင်စီစဉ် ဆောင်ရွက်မှုများ အချိန်မီ လုပ်ဆောင်ရန် လိုအပ်ပါကြောင်း The Daily Eleven က သတင်းစာက ရေးသားအပ်ပါသည်။

(ဇူလိုင်လ ၁၆ ရက်ထုတ် The Daily Eleven သတင်းစာ၏ အယ်ဒီတာ့အာဘော်)