မြေယာပြဿနာနှင့် တရားမျှတမှု

စိုက်ပျိုးရေးကို အခြေခံသော မြန်မာနိုင်ငံအတွက် စိုက်ပျိုးမြေများ၏ အခန်းကဏ္ဍမှာ အရေးပါလျက်ရှိသလို တောင်သူများ၏ လယ်ယာမြေဆိုင်ရာ ပိုင်ဆိုင်မှုနှင့် ပတ်သက်၍ အငြင်းပွားဖွယ်ရာ ကိစ္စများလည်း ရှိနေသည်။ စီမံကိန်းများနှင့် အခြားသော ကိစ္စရပ်များ မြေယာသိမ်းဆည်းခြင်း အပါအ၀င်  ၀ိဝါဒကွဲပြားစရာ မြေယာပြဿနာများ ရှိနေဆဲဖြစ်သည်။

မပြေလည်နိုင်သေးသော မြေယာပြဿနာများအနက် ဖြစ်ပွားမှု အများဆုံးဒေသတွင် မန္တလေးတိုင်းဒေသကြီးသည်လည်း တစ်ခုအပါအ၀င်ဖြစ်သည်။ ပုသိမ်ကြီး၊ ပြင်ဦးလွင်၊ မတ္တရာ၊ စဥ့်ကူး၊ သပိတ်ကျဉ်း၊ စဥ့်ကိုင်၊ ငါန်းဇွန်၊ မိတ္ထီလာ အစရှိသည့် မြို့နယ်များတွင် သိမ်းဆည်းယာမြေများနှင့် ပတ်သက်၍ ဒေသခံတောင်သူများမှာ အမှုဖွင့် တရားစွဲဆိုခံနေ ကြရပြီး တောင်သူအချို့မှာ ထောင်ဒဏ်များ ချမှတ်ခံရခြင်းများလည်း ရှိနေသည်။

သာဓက တစ်ခုအနေဖြင့် လတ်တလော၌ မန္တလေးတိုင်းဒေသကြီးအတွင်း သပိတ်စခန်းဖွင့် ဆန္ဒပြနေမှုတစ်ခုတွင် တောင်းဆိုချက်များအနက် “မန္တလေးတိုင်းဒေသကြီးအတွင်းရှိ ယာမြေ သိမ်းဆည်းခံ တောင်သူများသည် ယင်းတို့၏ ယာမြေများ အမြန်ဆုံး ပြန်လည်ရရှိရေး၊ ပုဒ်မမျိုးစုံဖြင့် မတရားဖမ်းဆီး တရားစွဲဆိုနေမှုများကို အမြန်ဆုံးပယ်ဖျက်ပေးရေး၊ မြေယာစိစစ်ရေး ကော်မတီများ ပြင်ဆင်ဖွဲ့စည်းပေးရေး”အစရှိသည့် တောင်းဆိုချက်များဖြင့် ဇူလိုင် ၆ ရက်မှစ၍ မန္တလေးမြို့ ၆၂ လမ်း၊ ၂၄ လမ်း နှင့် ၂၅ လမ်းကြားတွင် သပိတ်စခန်းဖွင့် ဆန္ဒထုတ်ဖော်နေကြသည်ကို တွေ့ရှိရပါသည်။ ယာမြေ သိမ်းဆည်းခံတောင်သူများမှာ သက်ဆိုင်ရာ ဌာနဆိုင်ရာများ၊ လူပုဂ္ဂိုလ်အဖွဲ့အစည်း အသီးသီးမှ တရားစွဲဆိုခြင်းများ ခံထားရသည့်အပြင် ဖမ်းဆီး တရားစွဲမှုများ ဆက်တိုက်ဖြစ်ပွားလာခြင်း၊ အာမခံ မရရှိနိုင်သည့် ပုဒ်မများဖြင့် တရားစွဲဆို ခံရခြင်းအား အမြန်ဆုံး ပယ်ဖျက်ပေးရေးနှင့် တရားမျှတမှုရရှိရေး၊ သက်ဆိုင်ရာ မြေယာ စိစစ်ရေးအဖွဲ့များက စနစ်တကျစိစစ်မှု အားနည်းသဖြင့် သိမ်းဆည်း ယာမြေများ မူလတောင်သူများ ပြန်လည် လုပ်ကိုင်နိုင်မှုမရှိခြင်းကို အမြန်ဆုံးဖြေရှင်းပေးရေးနှင့် အဆိုပါ မြေယာစိစစ်ရေး အဖွဲ့များအား ပြန်လည်ပြင်ဆင် ဖွဲ့စည်းပေးရေး အစရှိသည့် တောင်းဆိုချက်များဖြင့် မန္တလေးခရိုင်၊ ပြင်ဦးလွင်၊ ပုသိမ်ကြီး၊ မတ္တရာ၊ စဥ့်ကူး၊ စဥ့်ကိုင်၊ ငါန်းဇွန်၊ ၀မ်းတွင်း၊ မိတ္ထီလာအစရှိသည့် မြို့နယ်များအတွင်းမှ ယာမြေ သိမ်းဆည်းခံတောင်သူများ၊ တရားစွဲဆိုခြင်း ခံထားရသည့် တောင်သူများ စသည့်မြေယာပြဿနာများဖြင့် ရင်ဆိုင်နေရသည့် ဒေသခံတောင်သူများက မန္တလေးမြို့သို့ လာရောက်၍ သပိတ်စခန်းဖွင့် ဆန္ဒထုတ်ဖော်နေခြင်းလည်း ဖြစ်သည်။

မြေယာဆိုင်ရာ ပြဿနာများနှင့် ပတ်သက်၍ Land Grab ဟူသော ဝေါဟာရမှာ မြေယာတောင်သူများနှင့် ဆင်းရဲသားများအား အထိတ်တလန့်ဖြစ်စေသည့် မြေယာသိမ်းယူမှုဟု ဆိုရမည်ဖြစ်သည်။ ကမ္ဘာ့ဘဏ်နှင့် ပတ်သက်သော အရပ်ဘက် အဖွဲ့အစည်းပေါင်း ၁၀၀ ကျော် ပါဝင်သည့် နိုင်ငံတကာမြေယာ ပူးပေါင်းဆောင်ရွက်ရေးအဖွဲ့က ကြီးမှူး လျက် ကြေညာချက်တစ်စောင် ထုတ်ပြန်ရာတွင် မြေယာသိမ်းယူခြင်း (Land Grab) ဟူသည့် ဝေါဟာရကို အဓိပ္ပာယ် သတ်မှတ်ခဲ့ကြခြင်းဖြစ်သည်။

မြန်မာနိုင်ငံ၌ ပေါ်ပေါက်နေသော ပြဿနာအချို့နှင့်အတူ အများပြည်သူများက တိုင်ကြားလာသည့် စာများနှင့်ပတ်သက်၍ အဂတိလိုက်စားမှု တိုက်ဖျက်ရေးကော်မရှင်သို့ ပေးပို့ထားသည့် တိုင်စာများအနက် ပြီးခဲ့သည့် ဧပြီလကုန်အထိ စာရင်းများ၌ မြေယာကိစ္စ (လယ်ယာမြေ စီမံခန့်ခွဲရေးကိစ္စ) သည်လည်း တိုင်ကြားမှုများပြားသည့် ကိစ္စဖြစ်ကြောင်း သိရသည်။ သို့ပါ၍ နိုင်ငံ၏ ရာခိုင်နှုန်း ၇၀ ကျော်မှာ စိုက်ပျိုးရေးကို လုပ်ကိုင်သော တောင်သူ လယ်သမားများဖြစ်သည်နှင့် အညီ အငြင်းပွားလျက်ရှိသော ၀ိဝါဒ ကွဲပြားစရာမြေယာ ပြဿနာများအပေါ် တရားမျှတမှု ရှိစေရန် စနစ်တကျ အလေးထား ကိုင်တွယ်ဖြေရှင်းသင့်ပါကြောင်း The Daily Eleven သတင်းစာက ရေးသားအပ်ပါသည်။

 

(ဇူလိုင် ၁၃ ရက်ထုတ် The Daily Eleven သတင်းစာ၏ အယ်ဒီတာ့ အာဘော်)