ရတနာမြေနှင့် ပြဿနာအထွေထွေ

ရတနာမြေအဖြစ် တင်စားခေါ်ဝေါ် ခံရသည့် မြန်မာနိုင်ငံတွင် ဖားကန့်ဒေသ အပါအ၀င် အဖိုးတန်ရတနာများ တူးဖော်ထုတ်လုပ်နိုင်သည့် သဘာဝသယံဇာတများ ထွက်ရှိရာ တစ်နည်းအားဖြင့် အဖိုးတန်ရတနာများ ထွက်ရှိရာဒေသများ အများအပြားရှိသည်။ ထိုအထဲတွင် ကမ္ဘာကျော် ကျောက်စိမ်းထွက်ရှိရာ ဖားကန့်ဒေသသည် အထင်ရှားဆုံး ဖြစ်သည်။ ထို့အတူ ယင်းဒေသမှာ သဘာဝပတ်ဝန်းကျင်ဆိုင်ရာ အပါအ၀င် အထွေထွေ လူမှုပြဿနာများစွာ ရှိနေသည့် ဒေသလည်း ဖြစ်သည်။

ဖားကန့်ဒေသ ကျောက်စိမ်းတူးဖော်နေမှုများနှင့် ပတ်သက်ပြီး တွေ့ရှိချက် ငါးချက် ပါဝင်သော အစီရင်ခံစာ တစ်စောင်ကို ပြီးခဲ့သည့် ဒုတိယအကြိမ် ကချင်ပြည်နယ်လွှတ်တော် ဆဋ္ဌမပုံမှန် လွှတ်တော်အစည်းအဝေးတွင် ကချင်ပြည်နယ်လွှတ်တော် သစ်တော၊ သတ္တု၊ သဘာဝပတ်ဝန်းကျင်ထိန်းသိမ်းရေး၊ စိုက်ပျိုးရေးနှင့် မွေးမြူရေးကော်မတီ ဥက္ကဋ္ဌက ဖတ်ကြားခဲ့သည်။ ယင်းအချက်များမှာ “(က) ဖားကန့်ဒေသတွင် ကျောက်စိမ်းတူးသည့်စနစ်မှာ အပေါ်မြေလွှာ အားလုံးကို ဖယ်ရှားသည့်နည်း ဖြစ်သဖြင့် သစ်တောပြုန်းတီးခြင်း၊ ရေတိုက်စားခြင်း ဖြစ်ကာ ဂေဟစနစ်ကို လွန်စွာ ထိခိုက်သော စနစ်ဖြစ်ကြောင်း၊ (ခ) စွန့်ပစ်မြေစာများ ရေကြောင်းစနစ်မှ သယ်ယူလာပြီး ဖားကန့်မြို့ပေါ်တွင် ပို့ခြင်းကြောင့် လူနေအိမ်များ ပျက်စီးဆုံးရှုံးနေကြောင်း၊ (ဂ) စွန့်ပစ်မြေစာများကြောင့် ဥရုမြစ်ကြမ်းပြင် မြင့်တက်လာပြီး ဖားကန့်မြို့အပါအ၀င် ဘေးဝဲယာများ ရေကြီးမှုဒဏ်ကို နှစ်စဉ် ခံစားနေရကြောင်း၊ (ဃ) ကျောက်မျက်တူးဖော်သည့် ကုမ္ပဏီများက ကျောက်မျက်တူးဖော်သည့် ဥပဒေ၊ နည်းဥပဒေများအတိုင်း လိုက်နာရန် ကြီးကြပ်သင့်ပါကြောင်း၊ (င) သဘာဝပတ်ဝန်းကျင် ထိန်းသိမ်းရေးဥပဒေ၌ သဘာဝပတ်ဝန်းကျင် ထိခိုက်မှုတွင် ပတ်ဝန်းကျင်ကို ညစ်ညမ်းစေသူက အလျော်ပေးရန်၊ ထည့်ဝင်စေရန် သဘာဝ သယံဇာတများ ထုတ်ယူသုံးစွဲသည့် လုပ်ငန်းများမှ အကျိုးအမြတ်၏ တစ်စိတ်တစ်ပိုင်းအား ထည့်ဝင်သုံးစွဲရန် စီမံခန့်ခွဲခြင်းဟု ပါရှိနေသည်ဆိုသော်လည်း ရာခိုင်နှုန်းတစ်ခုကို တိကျစွာ သတ်မှတ်သင့်ပါကြောင်း” ဟူ၍ ဖြစ်ပါသည်။

လတ်တလော၌ လုံးခင်း၊ ဖားကန့် အပါအ၀င် ရတနာမြေများတွင် လုပ်ကိုင်ခွင့် သက်တမ်းကုန်ဆုံးသည့် လုပ်ကွက်များ ရှိနေသလို လုပ်ကိုင်ခွင့် သက်တမ်းကုန်ဆုံးတော့မည့် လုပ်ကွက်များ ရှိနေရာ ကျန်ရှိသော လုပ်ကွက်များတွင် အရှိန်အဟုန်မြှင့် ကျောက်စိမ်းတူးဖော်နေခြင်းများ၌ သတ်မှတ်ချက်များ လိုက်နာခြင်း ရှိ၊ မရှိနှင့် သဘာဝပတ်ဝန်းကျင် ထိန်းသိမ်းရေးဆိုင်ရာ လိုက်နာရမည့် စည်းမျဉ်းစည်းကမ်းများ ချိုးဖောက်နေမှုရှိ၊ မရှိတို့အပေါ် စနစ်တကျ စိစစ်ရန် ဒေသခံများ လိုလားနေကြသည်။ အချို့သော သက်တမ်းကုန်ဆုံးသည့် လုပ်ကွက်များမှ ယာဉ်ယန္တရားများမှာ သက်တမ်းကျန်ရှိသည့် လုပ်ကွက်များသို့ သွားရောက်ပူးပေါင်း လုပ်ကိုင်ကြသည့်အတွက် လုပ်ကွက်ဧရိယာအလိုက် သတ်မှတ်ထားသည့် ယာဉ်ယန္တရား အရေအတွက်ထက် ကျော်လွန်လုပ်ကိုင်မှုများ ရှိနေသည့်အပေါ် စနစ်တကျစိစစ်ရန် လိုအပ်နေပါသည်။

၂၀၁၇ ခုနှစ် ဧပြီလအတွင်း လုံးခင်း၊ ဖားကန့် ရတနာနယ်မြေတွင် သက်တမ်းကုန်ဆုံးမည့် လုပ်ကွက် ၁၂၈ ခု၊ မိုးညှင်း ရတနာနယ်မြေတွင် လုပ်ကွက် ၁၅၅ ခု၊ မိုးကုတ်ရတနာ နယ်မြေတွင် လုပ်ကွက် ၅၆ ခု၊ မိုင်းရှူး ရတနာနယ်မြေတွင် လုပ်ကွက် နှစ်ခု၊ ခန္တီးရတနာနယ်မြေတွင် လုပ်ကွက် ၈၆ ခုတို့မှာ သက်တမ်း ကုန်ဆုံးမည်ဖြစ်ကြောင်း ထုတ်ပြန်ထားသည်။ သယံဇာတနှင့် သဘာဝပတ်ဝန်းကျင်ထိန်းသိမ်းရေး ၀န်ကြီးဌာန၊ မြန်မာ့ကျောက်မျက်ရတနာ ရောင်းဝယ်ရေးလုပ်ငန်းအနေဖြင့် လုံးခင်း၊ ဖားကန့်နှင့် အခြားရတနာနယ်မြေများရှိ ကျောက်မျက်တူးဖော်ရေး လုပ်ကွက် ၂၁၀ မှာ ၂၀၁၇ ခုနှစ် မတ်လတွင် သက်တမ်းကုန်ဆုံးမည် ဖြစ်ကြောင်း ထုတ်ပြန်ခဲ့သည့်အပြင် ယင်းမတိုင်မီကလည်း လုံးခင်း၊ ဖားကန့် ရတနာနယ်မြေ ခန္တီး၊ မိုးညှင်း၊ မိုးကုတ်နှင့် မိုင်းရှူး၊ နန့်ယားဆိပ် ရတနာနယ်မြေများရှိ လုပ်ကွက် ၂၀၀၀ ကျော်မှာ သက်တမ်းကုန်ဆုံးခဲ့ကြောင်း ကြေညာထားသဖြင့် လက်ရှိအစိုးရ လက်ထက်တွင် သက်တမ်းကုန်ဆုံး၍ ဆက်လက်လုပ်ကိုင်ခွင့် မပြုသည့် ကျောက်စိမ်းလုပ်ကွက် ၃၀၀၀ ခန့် ရှိနေပြီ ဖြစ်သည်။

ကချင်ပြည်နယ်ရှိ ဖားကန့်ဒေသတွင် ကျောက်မျက်တူးဖော်ရာမှ ပေါ်ပေါက်လာသည့် မြေစာပုံများတွင် ထောင်နှင့်ချီသော ရေမဆေး အလုပ်သမားများတွင် မူးယစ်ဆေးဝါးများ၏ သားကောင်ဖြစ်နေသူများ ရှိနေခြင်းနှင့် ပတ်သက်ပြီး “မြန်မာနိုင်ငံ၏ သဘာဝသယံဇာတ၊ ပိုင်ဆိုင်မှု၊ စီမံခန့်ခွဲမှု၊ ၀င်ငွေခွဲဝေမှုနှင့် သက်ရောက်မှု” ဟူသည့် သုတေသန အစီရင်ခံစာတစ်ရပ်တွင် ဖော်ပြထားသည်။ လိင်လုပ်သားများ၊ မူးယစ်ဆေးဝါးစွဲလမ်းမှုနှင့် HIV ပိုး ကူးစက်မှုများ အပါအ၀င် ရာဇ၀တ်မှုများက ဒေသခံများအပေါ် ခြိမ်းခြောက်မှုများ ရှိနေကြောင်း၊ မိုးကာလတွင် ရေကြီးမြေပြိုမှု၊ စွန့်ပစ်မြေစာများ ဥရုချောင်းအတွင်း စွန့်ပစ်ခြင်းကြောင့် ရေထုညစ်ညမ်းပြီး နွေကာလများတွင် ရေခန်းခြောက်မှု ရှိနေခြင်း၊ သောက်သုံးရေအတွက် ဥရုချောင်းကို မှီခိုနေရသည့် ချောင်းနံဘေးကျေးရွာများအတွက် လူ့အခွင့်အရေး ချိုးဖောက်ခံရသကဲ့သို့ ရှိနေကြောင်းလည်း ယင်းအစီရင်ခံစာတွင် ဖော်ပြထားသည်။ အလားတူ အစီရင်ခံစာများ၊ ထောက်ပြဝေဖန်မှု၊ အကြံပေးတိုက်တွန်းမှု များစွာလည်း ရှိနေသည်။

ယင်းအပြင် Global Witness က ထုတ်ပြန်ခဲ့သည့် “ကျောက်စိမ်း၊ မြန်မာနိုင်ငံ၏ ကြီးမားသည့် နိုင်ငံတော်လျှို့ဝှက်ချက် အစီရင်ခံစာ” အပါအ၀င် ဖော်ထုတ်မှုများ ရှိနေရာ
ဖားကန့်ဒေသနှင့် မြန်မာ့ရတနာ နယ်မြေများအတွက်၊ ဒေသခံ ပြည်သူလူထုအတွက် ပိုမိုစနစ်ကျ ထိရောက်မှန်ကန်သော အစီအမံများ ချမှတ်လုပ်ဆောင်သင့်ပါကြောင်း The Daily Eleven သတင်းစာက ရေးသားအပ်ပါသည်။

မေလ ၁၈ ရက်ထုတ် The Daily Eleven သတင်းစာ အယ်ဒီတာ့အာဘော်