နည်းပညာအခြေပြု စီးပွားရေးဖွံ့ဖြိုးမှု

ကုန်လွန်ပြီးခဲ့သော နှစ်များစွာ တစ်လျှောက်၌ နိုင်ငံများစွာတို့၏ စီးပွားရေးသည် လုပ်ငန်းသစ်များ ဖန်တီးခြင်းနှင့် အစဉ်အလာ လုပ်ငန်းများ၌ နည်းပညာသစ်များကို အသုံးပြုခြင်းတို့ဖြင့် နည်းပညာနှင့် ဆန်းသစ်မွမ်းမံခြင်းတို့ မောင်းနှင်သော စီးပွားရေးသို့ ရွေ့လျားသော နိုင်ငံများအဖြစ် သိသိသာသာ အသွင်ပြောင်းလာသည်။ ကမ္ဘာ့စီးပွားရေး၌ ပြိုင်ဆိုင်ရာတွင် နိုင်ငံများအနေဖြင့် အဆက်မပြတ် ဆန်းသစ်မွမ်းမံမှု ပြုလုပ်သော၊ လုပ်ငန်းခွင်၌ နည်းပညာကို အမြင့်ဆုံး အသုံးပြုသော ကုမ္ပဏီများဖြင့် ဖွဲ့စည်းထားသည့် စီးပွားရေးအခြေခံ တစ်ရပ်ဆီသို့ သွားရမည်ဖြစ်သည်။ နည်းပညာ အခြေပြု စီးပွားရေး ဖွံ့ဖြိုးမှု (TBED) သည် အဆိုပါစီးပွားရေး အခြေခံကို တွန်းအားပေးနိုင်သော အနေအထား တစ်ရပ်ကို ဖန်တီးနိုင်ရန် အထောက်အကူ ပြုရေးအတွက် အသုံးပြုသည့် ချဉ်းကပ်ပုံတစ်ရပ်ဖြစ်သည်။

TBED အတွက် လိုအပ်သော အချက်များမှာ အသိပညာသစ်များကို ဖြစ်ထွန်းစေသည့် သုတေသန အခြေခံတစ်ရပ်၊ အသိပညာများကို ဈေးကွက်ရောက်အောင် အသွင်ပြောင်းနိုင်သည့် လုပ်ငန်းစဉ်များ၊ စွန့်ဦးလုပ်ကိုင်တတ်သော ဓလေ့တစ်ရပ်၊ စွန့်စားလုပ်ကိုင်ရန် အတွက် အရင်းအနှီး ထုတ်ပေးနိုင်သော ရင်းမြစ်များနှင့် နည်းပညာ ကျွမ်းကျင်သည့် လုပ်သားအင်အားစုတို့ ဖြစ်ကြသည်။

သုတေသနစွမ်းရည်-တက္ကသိုလ်များ၊ နိုင်ငံပိုင် ဓာတ်ခွဲခန်းများနှင့် ပုဂ္ဂလိက ကဏ္ဍများ၌ သုတေသနများ ဆောင်ရွက်နိုင်ရေး စွမ်းရည်ကို အားကောင်းစေရန် အားပေးလှုံ့ဆော်မှုများ ရှိရမည်ဖြစ်သည်။ ယင်းတွင် အကောင်းဆုံးဌာနများ ဖွဲ့စည်းရန်၊ တက္ကသိုလ်နှင့် လုပ်ငန်းများ တွဲဖက်ရန်၊ သုတေသနဌာနများ တိုးချဲ့ရန်၊ ပညာရှင်များ စုဆောင်းရန်နှင့် သုတေသန ရန်ပုံငွေများ တိုးပွားအောင် ဆောင်ရွက်ရန်တို့ ပါဝင်သည်။

သုတေသနကို စီးပွားဖြစ် ထုတ်လုပ်မှုသို့ ပြောင်းလဲခြင်း-မြင့်မားသော စီးပွားရေး အလားအလာများနှင့်အတူ သုတေသနကို နည်းပညာများနှင့် ထုတ်ကုန်များအဖြစ်သို့ ပြောင်းလဲရေးကို မြှင့်တင်ရန် အားပေးလှုံ့ဆော် ရမည်ဖြစ်သည်။ ယင်းတွင် သဘောတရားကို သက်သေပြနိုင်ရန်အတွက် ရန်ပုံငွေများနှင့် ဌာနများ၊ စီးပွားရေးဆိုင်ရာ အလားအလာများ ရရှိရန်နှင့် စီးပွားဖြစ် မဟာဗျူဟာများ ဖွံ့ဖြိုးလာရန် အကြိုစွန့်ဦး လုပ်ကိုင်မှု ပြုလုပ်သူများ၊ တစ်နိုင်တစ်ပိုင် အတိုင်းအတာဖြင့် ထုတ်လုပ်မှုများနှင့် အချိုးကိုက် စမ်းသပ်မှုများ လိုအပ်သည်။

စွန့်ဦးလုပ်ကိုင်မှုကို မြှင့်တင်ခြင်း-စွန့်ဦး လုပ်ကိုင်သူများ၏ ကျွမ်းကျင်မှုနှင့် လုပ်ကိုင်နိုင်စွမ်းကို တိုးပွားစေခြင်း၊ အောင်မြင်စွာ ကြီးထွားလျက် ကုမ္ပဏီများ စတင်လုပ်ကိုင်နိုင်ရန် စွန့်ဦးလုပ်ကိုင်သူများ၏ လုပ်ကိုင်နိုင်စွမ်းကို တိုးတက်စေခြင်းနှင့် စွန့်ဦးလုပ်ကိုင်မှုများ ဖွံ့ဖြိုးလာရန်အတွက် ၀န်းကျင်တစ်ရပ်ကို တိုးတက်စေခြင်းတို့ကို ပုံစံအမျိုးမျိုးဖြင့် ဆောင်ရွက်ပေးရမည် ဖြစ်သည်။

အရင်းအနှီးများ ရရှိနိုင်မှုကို တိုးတက်စေခြင်း-စတင်လုပ်ကိုင်မှုနှင့် ကုမ္ပဏီများ ပေါ်ထွန်းလာရေးကို ထောက်ပံ့ရန် အရင်းအနှီးများ ရရှိနိုင်မှုသည် အရေးကြီးသည်။ TBED ဆီသို့ ရွေ့လျားပြောင်းလဲခဲ့သော နိုင်ငံများအနေဖြင့် စွန့်ဦးလုပ်ကိုင်မှု၌ ရင်းနှီးမြှုပ်နှံသူများကို အခွန်အတုပ် လျှော့ပေါ့ပေးခြင်း၊ နည်းပညာ ကုမ္ပဏီများ၌ ရင်းနှီးမြှုပ်နှံခြင်း၊ ပုဂ္ဂလိကဆိုင်ရာ ရင်းနှီးမြှုပ်နှံမှု ရန်ပုံငွေများ အရှိန်ရစေရန် နိုင်ငံပိုင်ငွေများကို အသုံးပြုခြင်းနှင့် ကုမ္ပဏီများ အနေဖြင့် အရင်းအနှီး ရင်းမြစ်များ ရရှိနိုင်စေရန် ကူညီခြင်းတို့ကို လုပ်ဆောင်ခဲ့ရသည်။

နည်းပညာ ကျွမ်းကျင်သည့် လုပ်သားအင်အားစု-အဆင့်မြင့် နည်းပညာရပ် နယ်ပယ်များသို့ ကျောင်းသားများ ပိုမိုဝင်ရောက်နိုင်ရန် အားပေးခြင်း၊ အဆင့်မြင့် နည်းပညာရပ်များဆိုင်ရာ စီမံကိန်းများ ဆောင်ရွက်ခြင်းနှင့် လက်ရှိကုမ္ပဏီများမှ လုပ်သားများအတွက် နည်းပညာဆိုင်ရာ သင်တန်းများ ထောက်ပံ့ခြင်းတို့ဖြင့် နည်းပညာ ကျွမ်းကျင်သည့် လုပ်သားအင်အားစုများ ရရှိနိုင်ရေး သေချာစေရန် ဆောင်ရွက်ရမည်ဖြစ်သည်။

မည်သို့ပင် ဆိုစေကာမူ စီးပွားရေး ကြီးထွားမှုအတွက် ရုန်းကန်နေရသော မြန်မာနိုင်ငံ အနေဖြင့် နည်းပညာ အခြေပြု စီးပွားရေး ဖွံ့ဖြိုးလာရေးအတွက် ကောင်းမွန်သည့် ရေခံမြေခံများ ဖြစ်ထွန်းလာရန် ရေတိုရေရှည် စီမံကိန်းများဖြင့် စဉ်ဆက်မပြတ် လုပ်ဆောင်သွားရန် လိုအပ်ပါကြောင်း The Daily Eleven သတင်းစာက ရေးသားအပ်ပါသည်။

မေလ ၁၆ ရက်နေ့ထုတ် The Daily Eleven သတင်းစာ၏ အယ်ဒီတာ့အာဘော်