ဆွဲဆောင်သိမ်းသွင်းခြင်းနှင့် အသိပေးခြင်း

မိန့်ခွန်းများ ပြောကြားရာတွင် လည်းကောင်း၊ အဆိုပြုချက်များ ရေးသားရာတွင် လည်းကောင်း အဓိက အမျိုးအစား နှစ်ရပ် ရှိသည်။ ၎င်းတို့မှာ ဆွဲဆောင်သိမ်းသွင်းသည့် မြွက်ကြားချက် (Persuasive Speech) နှင့် အသိအမြင် အချက်အလက်များပေးသည့် မြွက်ကြားချက် (Informative Speech) တို့ ဖြစ်ကြသည်။ ပြောသူ သို့မဟုတ် ရေးသူသည် အချက်အလက်များ ပေးလိုသလား၊ သို့တည်းမဟုတ် ထင်မြင်ယူဆချက် တစ်ရပ် ပေးလိုသလားဟူသည့် အချက်အပေါ် လိုက်၍လည်း ကွဲပြားခြားနားနိုင်သည်။

Informative Speech များသည် အချက်အလက်များ၊ စာရင်းအင်းများနှင့် အထွေထွေ အထောက်အထားများ ပေးရန် ကြိုးပမ်းခြင်းဖြစ်သည်။ အခြေခံ သဘောအရ အသိအမြင် ဗဟုသုတ အချက်အလက်များကို ပရိသတ်ထံသို့ ကူးပြောင်းပေးခြင်းဖြစ်သည်။ Persuasive Speech များသည် တစ်စုံတစ်ရာသော ရှုထောင့်အမြင်တစ်ရပ်မှာ မှန်ကန်ပါသည်ဟု ပရိသတ် ယုံကြည်လက်ခံသွားအောင် ရည်ရွယ်ခြင်းဖြစ်သည်။ ယင်းရည်ရွယ်ချက်အတွက် ပြောသူသည် အချက်အလက်များကို အသုံးပြုကောင်း ပြုနိုင်သည်။ ယေဘုယျ သဘောအားဖြင့် ပညာရပ်ဆိုင်ရာ ပို့ချချက်များ၌ Informative Speech ကို အသုံးပြုလေ့ရှိပြီး အရောင်းအ၀ယ်လောက၌ Persuasive Speech ကို သုံးသည်ဟု ဆိုနိုင်သည်။

အဆိုပါ Speech နှစ်မျိုးကို ဆက်နွှယ်နေသည်ဟု ဆိုနိုင်သော်လည်း ကွဲပြားခြားနားသော Speech အမျိုးအစားများ ဖြစ်သည်။ ယင်း Speech နှစ်မျိုး၏ အဓိက ကွဲပြားခြားနားချက်သည် ပြောသူ၏ အဆုံးသတ် ရည်မှန်းချက်နှင့် ပြောသူအနေဖြင့် ပရိသတ်ကို မည်သည့်အရာ ရရှိရန် လိုလားပါသနည်းဟူသည့် အချက်တို့အပေါ် မူတည်နေသည်။

Informative Speech များသည် စုံလင်ကြွယ်ဝမှု အရှိဆုံး ဖြစ်နိုင်သည်။ သို့သော် ယင်း၏ ရည်မှန်းချက်မှာ ပရိသတ်အား အသိအမြင်များနှင့် အချက်အလက်များပေးရန်သာ ဖြစ်သည်။ ယင်းအသိပေးမှုများကို စာရင်းအင်းများ၊ အချက်အလက်များ သို့မဟုတ် အခြားအထောက်အထား ပုံစံများနှင့်အတူ ဖော်ပြခြင်းဖြစ်သည်။ Informative Speech များသည် အသိပေးလိုက်သော အရာများနှင့် ပတ်သက်၍ မည်သို့မည်ပုံ ဆောင်ရွက်ရမည်ဟု ပရိသတ်ကို ဆွဲဆောင်သိမ်းသွင်းခြင်း မရှိ။ ၎င်း၏ ရည်မှန်းချက်မှာ ပရိသတ်များ အနေဖြင့် ပေးလိုက်သော အချက်အလက်များကို နားလည်စေရန်သာဖြစ်သည်။ ပို့ချသူသည် ကျောင်းသားများအား အချက်အလက် သဘောတရားများကို နားလည်နိုင်စေရန်သာ ကြိုးစားတင်ပြခြင်း ဖြစ်သောကြောင့် ပညာရပ်ဆိုင်ရာ ပို့ချချက်များသည် Informative Speech များ ဖြစ်ကြသည်။

ဂျာနယ်လစ် အများစုသည် သတင်းအဖြစ်အပျက်များနှင့် ပတ်သက်၍ ကြည့်သူကို အချက်အလက်များပေးရန် ရည်ရွယ်သောကြောင့် Informative Speech ကိုသာ အသုံးများကြသည်။ Informative Speech များသည် အချက်အလက်များ အလွန်အကျွံ အိုင်ထွန်းကာ ပျင်းရိငြီးငွေ့ဖွယ်ရာ ဖြစ်သွားနိုင်သည်။ ယင်း၏ ရည်မှန်းချက် ကိုယ်နှိုက်က ပရိသတ်၏ စိတ်ကို လှုပ်ရှားသွားအောင် ပြုလုပ်ရန် မဟုတ်ဘဲ ယခင်က သိမထားသည့် အချက်အလက်၊ အသိအမြင်နှင့် သဘောတရားများ ချပြခြင်းသာဖြစ်သည်။

Persuasive Speech များသည်လည်း အချက်အလက်များကို သုံးနိုင်သည်။ သို့သော် ယင်း၏ ရည်မှန်းချက်မှာ အချက်အလက်များကို ကြားဖူးရုံ၊ နားလည်စေရုံ သက်သက် မဟုတ်ဘဲ သူ၏ ရှုထောင့်အမြင်တစ်ရပ်ကို ပရိသတ် အနေဖြင့် လက်ခံယုံကြည်သွားစေရန် ဖြစ်သည်။ ထို့ကြောင့် အဆုံးသတ်ရည်မှန်းချက်မှာ ပရိသတ်အား အချက်အလက်များ ရသွားစေရန်ထက် ရှုထောင့်အမြင် တစ်ရပ်ကို ရရှိသွားစေရန်သာဖြစ်သည်။ Persuasive Speech များသည် Informative Speech များတွင် သုံးသည့် တူညီသော နည်းစနစ်များကို သုံးနိုင်သော်လည်း ပရိသတ် ယုံကြည်လက်ခံသွားစေရန် စိတ်ခံစားမှုများအပေါ် အားပြုတတ်သည်။ အရောင်းအ၀ယ် ကိစ္စများ၌ သို့မဟုတ် ပွဲစားများ၏ ပြောကြားချက်များသည် Persuasive Speech နှင့် ပတ်သက်သော နမူနာတစ်ရပ် ဖြစ်သည်။ Persuasive Speech များနှင့် ပတ်သက်သော ဘုံသဘောဆောင်သည့် အချက်မှာ အချက်အလက်များအပေါ် လုံလောက်စွာ အားမပြုဘဲ စိတ်ခံစားမှုအပေါ်၌သာ အားပြုလွန်းခြင်းဖြစ်သည်။ မိမိ၏ ပြောကြားချက်များကို ပရိသတ် ယုံကြည်လက်ခံသွားပါက Persuasive Speech ၏ ရည်မှန်းချက် အောင်မြင်သည်ဟု ဆိုနိုင်သော်လည်း မှားယွင်းသော သို့မဟုတ် လမ်းလွဲသော အသိပေးမှုအပေါ် အခြေခံသည့် အမြင်တစ်ရပ်အား ပရိသတ် ယုံကြည်လက်ခံသွားအောင် ပြုလုပ်ခြင်းသည် ကျင့်ဝတ်နှင့် လျော်ညီခြင်း မရှိပေ။

မည်သို့ပင်ဆိုစေကာမူ မိမိဘက်သို့ပါအောင် ဆွဲဆောင်သိမ်းသွင်းရသည့်သဘော ရှိသော မဲဆွယ်ပွဲ မိန့်ခွန်းများသည် Persuasive Speech ဘက်သို့ ယိမ်းနိုင်ခြေများသော်လည်း နိုင်ငံ၏ အကျိုးစီးပွားနှင့် ပတ်သက်၍ ပွင့်လင်းမြင်သာမှု သဘောအရ နိုင်ငံသားများအား အသိပေးရန် လိုအပ်သည့်အတွက် ပြောကြားရသည့် မိန့်ခွန်းများသည် Informative Speech ဘက်သို့သာ ယိမ်းသင့်ပါကြောင်း The Daily Eleven သတင်းစာက ရေးသားအပ်ပါသည်။

(ဧပြီလ ၁၉ ရက်ထုတ် The Daily Eleven သတင်းစာ၏ အယ်ဒီတာ့အာဘော်)