ကမ္ဘာ့ဘဏ်၏ သုံးသပ်ချက်နှင့် မြန်မာနိုင်ငံ၏ စီးပွားရေး

၂၀၁၇ ခုနှစ် ဧပြီလတွင် ထုတ်ပြန်သော ကမ္ဘာ့ဘဏ်၏ မြန်မာနိုင်ငံ စီးပွားရေးအပေါ် သုံးသပ်ချက်တွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်သော အစိုးရအဖွဲ့သစ်က စီးပွားရေးမူဝါဒသစ်များ စတင်ခဲ့ပြီး ကျန်းမာရေးနှင့် ပညာရေးကဏ္ဍ မဟာဗျူဟာသစ်များကို အပြီးသတ်ကာ အာဟာရနှင့် ကျေးလက်ဖွံ့ဖြိုးရေးကဲ့သို့သော ဦးစားပေး လုပ်ငန်းသစ်များကို ပြဋ္ဌာန်းလျက် ငြိမ်းချမ်းရေး လုပ်ငန်းစဉ်ကို အရှိန်မြှင့် လုပ်ဆောင်ခဲ့ကြောင်းနှင့် ပြုပြင်ပြောင်းလဲမှုများ ပိုမိုနက်ရှိုင်းစွာ ဆောင်ရွက်ရန်၊ ချမ်းသာကြွယ်ဝမှုများကို အားလုံးအတွက် မျှဝေ ဖန်တီးပေးရန်နှင့် နိုင်ငံအတွက် အာရှ၌ စီးပွားရေးအရ ဒိုင်းနမစ်အဖြစ်ဆုံး နိုင်ငံတစ်နိုင်ငံအဖြစ် ၎င်း၏နေရာကို ပြန်လည်ထိန်းသိမ်းရန် အခွင့်အလမ်းများ ရှိနေကြောင်း ဖော်ပြခဲ့သည်။

အရှေ့တောင်အာရှဒေသ၏ ကုန်းမကြီးတွင် ဧရိယာ အကျယ်ဆုံးနိုင်ငံဖြစ်သော မြန်မာနိုင်ငံသည် ဒေသတွင်း၌ လူဦးရေသိပ်သည်းမှု အနည်းဆုံးနိုင်ငံဖြစ်ပြီး စိုက်ပျိုးနိုင်သော မြေများ၊ စိုက်ပျိုးရေးတွင် ထုတ်လုပ်မှု၊ ရိတ်သိမ်းရရှိမှုနှင့် အကျိုးအမြတ်တို့ တိုးတက်ရန် အရေးပါသည့် အလားအလာများနှင့် ကြွယ်ဝသော သဘာဝရင်းမြစ်များ ရှိသည့်နိုင်ငံဖြစ်သည်။ မြန်မာနိုင်ငံသည် ပထ၀ီဝင်အနေအထားအရ ကမ္ဘာပေါ်တွင် စီးပွားရေးအရ ဒိုင်းနမစ် အဖြစ်ဆုံး နိုင်ငံနှစ်နိုင်ငံဖြစ်သည့် တရုတ်နှင့် အိန္ဒိယနိုင်ငံတို့ အကြား၌ရှိပြီး ဒေသအတွင်း ကုန်သွယ်ရေး အချက်အချာနေရာနှင့် ဓာတ်သတ္တု၊ သဘာဝဓာတ်ငွေ့နှင့် စိုက်ပျိုးရေး ထွက်ကုန် အဓိက ထောက်ပံ့သည့်နိုင်ငံ ဖြစ်ခဲ့သည့် အစဉ်အလာကို ပြန်လည်ထိန်းသိမ်းရန် ကောင်းမွန်သော အနေအထားကို ပြုလုပ်နိုင်သည်။

ကမ္ဘာ့ဘဏ်၏ ခန့်မှန်းတွက်ချက်မှုအရ မြန်မာနိုင်ငံ၏ စီးပွားရေးကြီးထွားမှုသည် ၂၀၁၅-၂၀၁၆ ခုနှစ်တွင် ၇ ဒသမ ၃ ရာခိုင်နှုန်းရှိရာမှ ၂၀၁၆-၂၀၁၇ ခုနှစ်တွင် ၆ ဒသမ ၅ ရာခိုင်နှုန်း ဖြစ်သွားလိမ့်မည်ဟု သိရသည်။ ၂၀၁၅ ခုနှစ် ရေကြီးမှုဘေးဒဏ်မှနေ၍ စိုက်ပျိုးရေးကို ပြန်လည်နာလန်ထူရန် ခြေလှမ်းများကို ယင်းကဏ္ဍ၌ ထုတ်လုပ်နိုင်စွမ်းနှင့် ပတ်သက်၍ ရေရှည်ရှိနေသည့် အကန့်အသတ်များက အဟန့်အတားဖြစ်ခဲ့သည်။ ကာလလတ် စီးပွားရေးကြီးထွားမှုသည် လက်ရှိ၌ တစ်နှစ် ပျမ်းမျှ ၇ ဒသမ ၁ ရာခိုင်နှုန်းသို့ တက်လာသည်။

မြန်မာနိုင်ငံတွင် ဆင်းရဲမွဲတေမှုသည် ကျေးလက်ဒေသများ၌ စုပုံနေပြီး ယင်းဒေသများတွင် ဆင်းရဲမွဲတေသူများသည် အသက်မွေးရန်အတွက် စိုက်ပျိုးရေးနှင့် ကြုံရာကျပန်း အလုပ်များအပေါ် မှီခိုနေရသည်။ လူအများအပြားသည် ဆင်းရဲမွဲတေမှု မျဉ်းအနီး၌ ကပ်လျက်သားရှိနေပြီး စီးပွားရေး အကြီးအကျယ် လှုပ်ခတ်မှု၏ဒဏ်ကို ခံနိုင်ဖွယ်မရှိပေ။ ကမ္ဘာ့ဘဏ်မှအဖွဲ့သည် မြန်မာအစိုးရနှင့် ပူးတွဲလျက် မကြာသေးမီက ကောက်ယူခဲ့သော အိမ်ထောင်စု အချက်အလက်များကို အသုံးပြုကာ ဆင်းရဲမွဲတေမှု သုံးသပ်ချက်တစ်ရပ်ကို ဆောင်ရွက်ခဲ့သည်။ ယင်းသုံးသပ်ချက်က ၂၀၀၉-၂၀၁၀ ခုနှစ်နှင့် ၂၀၁၅ ခုနှစ်အကြား ဆင်းရဲမွဲတေမှု ကျဆင်းလာကြောင်း ပြနေသည်။ သို့သော် ယင်းသုံးသပ်ချက်က ဆင်းရဲမွဲတေမှုသည် ဆက်လက်၍ အရေးကြီးနေဆဲဖြစ်ကြောင်း ပြသနေသည်။

အရှေ့တောင်အာရှနိုင်ငံများအနက် မြန်မာနိုင်ငံသည် မျှော်မှန်းနိုင်သည့် လူ့သက်တမ်း အနိမ့်ဆုံးနိုင်ငံဖြစ်ပြီး မွေးကင်းစနှင့် ကလေးသူငယ် သေဆုံးမှုနှုန်း ဒုတိယအမြင့်မားဆုံးနိုင်ငံဖြစ်သည်။ မြန်မာနိုင်ငံ လူဦးရေ၏ သုံးပုံတစ်ပုံသာ လျှပ်စစ်မီးသုံးစွဲရပြီး လမ်းများ တည်ရှိမှုမှာလည်း ကုန်းမြေ၏ ၁၀၀၀ စတုရန်း ကီလိုမီတာလျှင် လမ်းအလျား ၂၁၉ ဒသမ ၈ ကီလိုမီတာသာရှိကာ အလွန်နည်းပါးလျက် ရှိသည်။ မကြာသေးမီက တယ်လီဖုန်း ဆက်သွယ်ရေးကဏ္ဍ၌ လွတ်လပ်ခွင့်များ ပေးခဲ့မှုနှင့်အတူ မိုဘိုင်းဖုန်းနှင့် အင်တာနက် ထိုးဖောက်မှုသည် ၂၀၁၄ ခုနှစ်၌ ၂၀ ရာခိုင်နှုန်းအောက်နှင့် ၁၀ ရာခိုင်နှုန်း အသီးသီးရှိရာမှ ယခုအခါ ၆၀ ရာခိုင်နှုန်းနှင့် ၂၅ ရာခိုင်နှုန်း အသီးသီး ရှိလာခဲ့သည်။ တယ်လီဖုန်း ဆက်သွယ်ရေးကဏ္ဍတွင် ယုံကြည်စိတ်ချရပြီး ခိုင်မာသည့် မူဝါဒနှင့် ကြီးကြပ်ကွပ်ကဲရေး ၀န်း ကျင်တို့ကို ထူထောင်နိုင်မှုက ပုဂ္ဂလိက ရင်းနှီးမြှုပ်နှံမှုများနှင့် ဖွံ့ဖြိုးကြီးထွားမှုရရှိရန် အထောက်အကူပြုနိုင်သည်။

မည်သို့ပင်ဆိုစေကာမူ မြန်မာနိုင်ငံအနေဖြင့် စီးပွားရေးကြီးထွားမှုနှုန်း မြင့်မားလာရန် အလားအလာကောင်းများစွာ ရှိနေပြီး မှန်ကန်၍ ခိုင်မာသော မူဝါဒများ ချမှတ်နိုင်ရန် နှင့် ထိရောက်စွာ ကျင့်သုံးအကောင်အထည်ဖော်နိုင်ရန်သာ လိုအပ်ပါကြောင်း The Daily Eleven သတင်းစာက ရေးသားအပ်ပါသည်။

 

(ဧပြီ ၁၈ ရက်ထုတ် The Daily Eleven သတင်းစာ၏ အယ်ဒီတာ့ အာဘော်)