သင်္ကြန္တ ကူးပြောင်းခြင်း သို့မဟုတ် မြန်မာ့ရိုးရာ နှစ်သစ်ကူးပွဲတော် သင်္ကြန်

‘သင်္ကြန္တ’ ဟူသော သက္ကတပုဒ်မှ ပြောင်းလဲလာသော မြန်မာစကားမှာ သင်္ကြန်ဖြစ်သည်ဟူ၍ လည်းကောင်း၊ ‘သင်္ကန္တ’ ဟူသော ပါဠိပုဒ်မှ ဆင်းသက်လာသော ဝေါဟာရအဖြစ် လည်းကောင်း မှတ်တမ်းမှတ်ရာများတွင် ဖော်ပြထားသည်။

မြန်မာတို့၏ နှစ်သစ်ကူးပွဲတော် ကျင်းပခြင်းနှင့် ပတ်သက်ပြီး ပုဂံခေတ် မြန်မာသက္ကရာဇ် ၆၅၃ ခုနှစ်တွင် ရေးထိုးခဲ့သော စောလှဝန်း ဘုရားကျောက်စာ၌ ‘မိဖုန်၊ သင်္ကြန်၊ စာရိယ်၊ ညောင်ရိယ်၊ သွန့်မပြယ်၊ စိတ်လျှင်တည်၏’ ဟူသော ဝေါဟာရများအား ရေးထိုးထားကြောင်းလည်း သိရသည်။

မြန်မာတို့၏ ၁၂ လ ရာသီများအနက် ပထမဆုံးလဖြစ်သည့် တန်ခူးလဟူသော ခေါ်ဆိုမှုတွင်လည်း ပါဠိဘာသာ တာလပုဒ်မှ ဆင်းသက်လာခြင်းဖြစ်ပြီး တာလပုဒ်ဟူသည် ထန်းဟု အဓိပ္ပာယ်ရသည်။ ထိုမှ ထန်းဟူသော ခေါ်ဆိုမှုမှ တန်းဟု ဖြစ်လာသည်။ ယင်း အပြင် တန်ခူးကို တာကူးဟုလည်း ရေးသားလေ့ ရှိကြသည်။ ထို တာကူး၏ အဓိပ္ပာယ်နှင့် ပတ်သက်၍လည်း အာသီဗြဟ္မာမင်း၏ ဦးခေါင်းကို နတ်သမီးခုနစ်ပါးက တစ်နှစ်ကို တစ်ဦးကျ တာဝန်ယူရသည်ကို အစွဲပြုကာ တာ၊ အတာ ဟူသော ဝေါဟာရ ဖြစ်ပေါ်လာပြီး နှစ်ကုန်၍ နတ်သမီးတစ်ပါးမှ အခြားသော နတ်သမီးတစ်ပါးထံ တာဝန်လွှဲပြောင်းခြင်းအား တာကူး အတာကူးဟု ခေါ်ဆိုခြင်း ဖြစ်ကြောင်းလည်း ပညာရှင် အချို့က ခန့်မှန်းယူဆမှုများ ရှိနေသည်။

မည်သို့ပင်ဆိုစေ သင်္ကြန်ဟူသော ဝေါဟာရမှာ ကူးပြောင်းခြင်း၊ ပြောင်းရွှေ့ခြင်း၊ နှစ်ဟောင်းမှ နှစ်သစ်သို့ ကူးပြောင်းခြင်းကို ဆိုလိုခြင်းပင် ဖြစ်ပါသည်။ သင်္ကြန်ပွဲတော်သည် မြန်မာတို့၏ ၁၂ လရာသီ ပွဲတော်များအနက် ပထမဦးဆုံးဖြစ်ပြီး တန်ခူးလ၏ ပွဲတော် ဖြစ်ပါသည်။

ယနေ့ မျက်မှောက်ကာလတွင် မြန်မာတို့၏ နှစ်သစ်ကူး သင်္ကြန်ပွဲတော်အား ပုံသဏ္ဌာန် မျိုးစုံဖြင့် ဆင်နွှဲနေကြပြီဖြစ်သည်။ ထို့အတူ သင်္ကြန်ပွဲတော် ကျင်းပလေ့ရှိသည့် ကာလသည် မြန်မာ့သုံးရာသီ၏ ပူပြင်းခြောက်သွေ့သော နွေကာလတွင် ကျင်းပခြင်းဖြစ်ရာ တစ်ဦးနှင့် တစ်ဦး ရေပက်ဖျန်းခြင်းဖြင့် အေးချမ်းစွာ နှစ်သစ်တစ်ခုအား ကူးပြောင်းကြသည့် ပုံရိပ်ကောင်းအဖြစ် လက်ခံဆင်နွှဲနေကြခြင်းလည်း ဖြစ်ပါသည်။ ထို့ပြင် သင်္ကြန်ကျချိန်၌ စတုဒိသာ ကျွေးမွေးခြင်း၊ ဗုဒ္ဓရုပ်ပွားတော်များအား ရေသပ္ပာယ်ခြင်း၊ ဘုရားကျောင်းကန် ဇရပ်များတွင် သန့်ရှင်းမှုအတွက် လုပ်ဆောင်ကြခြင်း၊ ဥပုသ်သတင်းသီလ ဆောက်တည်ကြခြင်း၊ သက်ကြီးရွယ်အိုများအား ဦးခေါင်းလျှော်ပေးခြင်း၊ ခြေသည်းလက်သည်း လှီးဖြတ်ပေးခြင်း၊ တိရစ္ဆာန်အချို့အား ဘေးမဲ့လွှတ်ခြင်း စသည့် ဖြူစင်သောစေတနာ မွန်မြတ်သန့်စင်သော သဒ္ဓါတရားနှင့် တစ်ဦးနှင့်တစ်ဦး ဖော်ရွေပျူငှာမှုများနှင့် ပတ်သက်၍ ကိုလိုနီခေတ်က မြန်မာနိုင်ငံ၌ လာရောက်တာဝန်ထမ်းဆောင်ခဲ့သော ဆာဂျိမ်းဂျော့စကော့၏ မှတ်တမ်းစာအုပ်တွင် ထည့်သွင်းရေးသားသကဲ့သို့ ထင်ရှားသည့် မြန်မာ့ရိုးရာပွဲတော် တစ်ခုလည်း ဖြစ်ပါသည်။

နှစ်တစ်နှစ်သို့ ကူးပြောင်းတိုင်း မိမိတို့ အနေဖြင့် အသက်တစ်နှစ် ကြီးလာသည်ဟု ဆင်ခြင်မိနိုင်သည်။ နှစ်သစ်သို့ အရောက်တွင် နှစ်ဟောင်းတစ်ခုအား ဖြတ်သန်းခဲ့ရာ၌ မိမိကိုယ်တိုင်သည် လည်းကောင်း၊ မိမိပတ်ဝန်းကျင်သည် လည်းကောင်း၊ မည်သို့သော အပြောင်းအလဲများ ရှိခဲ့ပါသနည်းဟု အောင်မြင်အောင် လုပ်ဆောင်နိုင်ခဲ့မှုများနှင့် မအောင်မြင်သေးသည့် အရာများအား ပြန်လည်သုံးသပ်ကာ နှစ်သစ်၌ မည်သို့ အောင်မြင်အောင် လုပ်ဆောင်မည်ကို ပြင်ဆင်ခြင်းဖြင့် နှစ်တစ်နှစ်ကို ကြိုဆိုကြစေလိုပါကြောင်း The Daily Eleven သတင်းစာက ဆန္ဒပြုအပ်ပါသည်။

(ဧပြီ ၁၂ ရက်ထုတ် The Daily Eleven သတင်းစာ၏ အယ်ဒီိတာ့ အာဘော်)