ပြဿနာရပ်များကို မှန်ကန်စွာ ဖြေရှင်းနိုင်ရေး

သူနာပြုများ ဖိနှိပ်ခံရခြင်းနှင့် ပတ်သက်၍ ဆန္ဒထုတ်ဖော်မှုတစ်ရပ် ပေါ်ပေါက်ခဲ့ပြီးနောက် သက်ဆိုင်ရာ ၀န်ကြီးဌာန တာဝန်ရှိသူများ ပါဝင်သည့် ညှိနှိုင်းအဖွဲ့ ဖွဲ့စည်းကာ တွေ့ဆုံဆွေးနွေးမှုများ ပြုလုပ်နေပြီဖြစ်သည်။

သူနာပြုနှင့် သားဖွားတက္ကသိုလ် သင်တန်းကျောင်းမှ စာချုပ်ဖောက်ဖျက်သော သူနာပြုနှင့် သားဖွားများ ပြည်သူ့ဆေးရုံများတွင် ခန့်ထားခြင်းမပြုရန် ကိစ္စနှင့်ဆက်စပ်၍ မတ် ၁၅ ရက်က ရန်ကုန်သူနာပြုတက္ကသိုလ် ကျောင်းသားများ သမဂ္ဂက ဦးဆောင်၍ ဆန္ဒထုတ်ဖော်မှု ပြုလုပ်ခဲ့ခြင်းဖြစ်သည်။ “ပြည်သူ့ဆေးရုံများတွင် လိုင်စင်မဲ့ သူနာပြုများမှ ကျန်းမာရေးစောင့်ရှောက်မှု ပေးနေသည်ကို သင်သိပါသလား” “မြန်မာနိုင်ငံရဲ့ ကျန်းမာရေး စောင့်ရှောက်မှုဟာ မလုံခြုံတော့ပါဘူး” စသည့် စာတန်းပါကတ်များ၊ ကြွေးကြော်သံများ၊ သူနာပြုသီချင်းများ ရွတ်ဆိုပြီး ဆန္ဒထုတ်ဖော် ခဲ့ကြခြင်းဖြစ်သည်။

ကျန်းမာရေးနှင့် အားကစားဝန်ကြီးဌာန အနေဖြင့် ပြီးခဲ့သည့် ၂၀၁၇ ခုနှစ် ဖေဖော်ဝါရီ ၁ ရက်က ပုဂ္ဂလိက ဆေးရုံများတွင် သူနာပြုတက္ကသိုလ်၊ သင်တန်းကျောင်းများနှင့် သဘောတူ ချုပ်ဆိုထားသည့် စာချုပ်အား ဖောက်ဖျက်သော သူနာပြုနှင့် သားဖွားများကို ခန့်အပ်တာဝန် မပေးစေရေးကိစ္စ စာထုတ်ပြန်ခဲ့သည်။ ထုတ်ပြန်ချက်တွင် ပုဂ္ဂလိက ဆေးရုံများအနေဖြင့် ကျန်းမာရေးနှင့် အားကစားဝန်ကြီးဌာနရှိ သူနာပြု တက္ကသိုလ်များ၊ သူနာပြုနှင့် သားဖွားသင်တန်းကျောင်းများမှ ကျောင်းဆင်းသူနာပြု သားဖွားများ ခန့်အပ်ရာတွင် စာချုပ်ပါ သတ်မှတ်ချက်များအရ နိုင်ငံဝန်ထမ်းအဖြစ် အနည်းဆုံး သုံးနှစ်တာဝန် ထမ်းဆောင်ပြီးခြင်း၊ သက်ဆိုင်ရာဌာန၏ တရားဝင်နုတ်ထွက်ခွင့် ရရှိပြီးခြင်း အစရှိသည့် အချက်များနှင့် ပြည့်စုံသူများကိုသာ အမြဲတမ်း ၀န်ထမ်းအဖြစ် ခန့်အပ်တာဝန် ထမ်းဆောင်စေရန်နှင့် စာချုပ်ဖောက်ဖျက်ထားသော (သို့မဟုတ်) သူနာပြုနှင့် သားဖွားလိုင်စင် မရှိသူများအား ခန့်အပ်တာဝန် ထမ်းဆောင်စေခြင်း မပြုစေရန် ပုဂ္ဂလိက ကျန်းမာရေး လုပ်ငန်းဆိုင်ရာ ကြီးကြပ်ရေး ကော်မတီ အဆင့်ဆင့်သို့ ထပ်မံညွှန်ကြား၍ အခါအားလျော်စွာ ကွင်းဆင်းစစ်ဆေး ကြီးကြပ်ဆောင်ရွက်သွားရန် စသည်ဖြင့် ထုတ်ပြန်ထားခဲ့ခြင်း ဖြစ်သည်။ ယင်းကဲ့သို့ ထုတ်ပြန်ချက်အပေါ် ကန့်ကွက်ခဲ့ကြခြင်းဖြစ်သည်။

အဆိုပါ ဆန္ဒပြမှုများနှင့် ပတ်သက်၍ ကျန်းမာရေး ၀န်ကြီးဌာန တာဝန်ရှိသူများက မတ် ၁၆ ရက်တွင် သတင်းစာ ရှင်းလင်းပွဲပြုလုပ်ခဲ့ပြီး အဆင်မပြေမှုများနှင့် ပတ်သက်၍ ဆက်လက်ညှိနှိုင်း ဆောင်ရွက်ရန် လုပ်ဆောင်ခဲ့ကြသည်။ ထို့နောက် သူနာပြုများ ဆန္ဒပြတောင်းဆိုထားသည့် အချက်များအပေါ် ကျန်းမာရေးနှင့် အားကစား ၀န်ကြီးဌာန ပြည်ထောင်စုဝန်ကြီး၊ ညှိနှိုင်းရေး အဖွဲ့နှင့် သူနာပြုတက္ကသိုလ် ကျောင်းသားများ သမဂ္ဂတို့ မတ် ၁၇ ရက်တွင် သုံးပွင့်ဆိုင် ဆွေးနွေးခဲ့ကြသည်။ ယင်းကဲ့သို့ ဆွေးနွေးမှုများနှင့် ပတ်သက်ပြီး သုံးပွင့်ဆိုင် ဆွေးနွေးမှုများ၌ စိတ်ကျေနပ်စရာများရှိကြောင်း သူနာပြုသမဂ္ဂမှ တာဝန်ရှိသူက ထုတ်ဖော် ပြောကြားခဲ့သည်။ ထို့ကြောင့် မတ် ၁၅ ရက်တွင် လမ်းပေါ်ထွက် ဆန္ဒပြခဲ့သည့်ဖြစ်စဉ်အား မတ် ၁၆ ရက်တွင် သက်ဆိုင်ရာ ၀န်ကြီးဌာန တာဝန်ရှိသူများက သတင်းစာ ရှင်းလင်းပွဲပြုလုပ်၍ ဆက်လက်ဆောင်ရွက်ရန် အစီအစဉ်များအား ရှင်းလင်းခဲ့သလို မတ် ၁၇ ရက်တွင် သုံးပွင့်ဆိုင် ဆွေးနွေးခဲ့သည်အထိ အဆင့်ဆင့် လျင်လျင်မြန်မြန် လုပ်ဆောင်ခဲ့သည်ကို တွေ့ရသည်။

သို့ပါ၍ မည်သည့်ကိစ္စရပ်တွင်မဆို ပေါ်ပေါက်လာသော ပြဿနာရပ်ပေါ် အခြေခံ၍ အဖြေရှာဖြေရှင်းရာ၌ ရှုထောင့်ပေါင်းစုံမှ ချဉ်းကပ်ကာ ပြဿနာ ပြေလည်နိုင်သော နည်းလမ်းများအား ပွင့်ပွင့်လင်းလင်း အဖြေရှာ ဖြေရှင်းခြင်းသည် မှန်ကန်သော ဖြေရှင်းခြင်း ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

မတ်လ ၁၈ ရက်နေ့ထုတ် The Daily Eleven သတင်းစာ၏ အယ်ဒီတာ့အာဘော်