မအောင်မြင်ရခြင်း အကြောင်းများ

ကျရှုံးမှုကြောင့် စိတ်ပျက်နေပါသလား။ တစ်ချိန်လုံး ကျရှုံးနေသည်ဟု ခံစားနေရပါသလား။ တစ်ချိန်လုံး ကျရှုံးနေခြင်း အကြောင်းတရားများကို သိမြင်အောင် ကြိုးစား၍ အနာဂတ်၌ ယင်းတို့ကို ရှောင်ကြဉ်နိုင်အောင် ကြိုးစားပါ။

(၁) ပျင်းရိခြင်း - အောင်မြင်ရန် စိတ်ကူးရှိသော်လည်း အားထုတ်မှု နည်းပါးခြင်းဖြစ်သည်။ မိမိကိုယ်မိမိ ကြိုးစားနေသည်ဟု မှတ်ယူသော်လည်း အမှန်တကယ်၌ အလုပ်ကို တကယ်မလုပ်ဘဲ အခြားသူများအား မိမိ၏အလုပ်အကြောင်း ရှင်းပြရန်အတွက် တွေးတောရင်းသာ အချိန်ကုန်ဆုံးနေသည်။ ပျင်းရိခြင်းကိုရပ်၍ အလုပ်နှင့် ပတ်သက်သော ကျင့်ဝတ်တစ်ရပ်ကို စတင်ချမှတ်ပါ။

(၂) ဆင်ခြေများခြင်း - မအောင်မြင်ရခြင်းမှာ မိမိ၏အပြစ်အနာအဆာကြောင့် မဟုတ်ကြောင်း တစ်ချိန်လုံး ဆင်ခြေပေးရန်သာ ကြိုးပမ်းနေသည်။ တာဝန်ယူလိုစိတ်၊ တာဝန်ခံလိုစိတ်ကိုမွေး၍ ဆင်ခြေပေးခြင်းကို ရပ်လိုက်ပါ။

(၃) စိတ်ကူးယဉ်လွန်းခြင်း - စိတ်ကူးယဉ်မှုက အလွန်ကောင်းပါသည်။ တစ်စုံတစ်ရာကို ဖြစ်လာနိုင်သည်ဟု ဦးစွာစိတ်ကူးယဉ်မှုမလုပ်ဘဲ မည်သည့်အရာမှ ဖြစ်မလာနိုင်ပါ။ သို့သော် စိတ်ကူးယဉ်လွန်း၍မရပါ။ တစ်ခါတစ်ရံ၌ အလုပ်ကို အမှန်တကယ် အကောင်အထည်ဖော်ရန်သာ လိုအပ်ပြီး လုပ်ဆောင်ချက်အချို့ ပြုလုပ်ရန်လိုသည်။ တွေးနေခြင်းသက်သက်မှ ရုန်းထွက်လျက် ဖြေရှင်းစရာရှိသည်များကို ဖြေရှင်းရန်လိုသည်။ အလွန်အကျွံချင့် ချိန်သုံးသပ်နေခြင်း၊ ဖြစ်လာနိုင်သည်များကို စိတ်ကူးယဉ်နေခြင်းတို့ကို ရပ်လျက် စိတ်ကူးထားသည့်များ အမှန်တကယ် ဖြစ်လာအောင် စတင်လုပ်ဆောင်ရန်လိုသည်။

(၄) ကျရှုံးမည်ကို စိုးရိမ်ထိတ်လန့်နေခြင်း - ယင်းအကြောင်းတရားမှာ ရယ်ဖွယ်ကောင်းသည်။ ကျရှုံးမည်ကို စိုးရိမ်ထိတ်လန့်သောကြောင့် ကျရှုံးခဲ့ရသည်ဆိုခြင်းမှာ သရော်ချက်ဆန်နေသည်။ ကျရှုံးမည်ကို စိုးရိမ်လွန်ကဲခြင်းက မိမိကိုယ်မိမိ နိမိတ်ဖတ်သကဲ့သို့ ဖြစ်လာနိုင်သည်။ အမှန်တကယ်၌ ကျရှုံးခြင်းက ဆိုးရွားသောအရာ မဟုတ်ပါ။ သင်ခန်းစာယူတတ်ပါက ကျရှုံးမှုသည် အကောင်းဆုံးဆရာ ဖြစ်လာနိုင်သည်။ စိုးရိမ်ထိတ်လန့်မှုမှ ရုန်းထွက်လျက် အလုပ်ကိုစတင်ပါ။ မိမိအနေဖြင့် အစိုးရိမ်ဆုံးအရာကို ရှာဖွေလျက် ကျော်လွှားနိုင်ရန် ကြိုးပမ်းရမည်။

(၅) မိမိ၏ လုပ်ဆောင်ချက်များအပေါ် အာရုံမစိုက်ခြင်း - အမှန်တကယ်၌ မိမိတွင်လုပ်ဆောင်ရန် အစီအစဉ်တစ်ရပ် ရှိမထားမှုကို မမြင်ဘဲ အခြားမြင်သာသည့် တစ်စုံတစ်ရာအား ဆင်ခြေပေးတတ်သည်။ မိမိ၏ အောင်မြင်မှုအတွက် ရည်မှန်းချက် ပန်းတိုင်နှင့် ပို၍ပို၍ နီးကပ်စေမည့် ရည်ရွယ်ထားသော လုပ်ဆောင်ချက်များအား ခိုင်မာသော အစီအစဉ်တစ်ရပ်ဖြင့် လုပ်ဆောင်ရန်လိုသည်။

(၆) မည်သို့မည်ပုံ စွန့်လွှတ်ရမည်ကို မသိခြင်း - မအောင်မြင်သော စီမံချက်တစ်ရပ်ထက် ပိုမိုဆိုးရွားသောအရာမှာ မိမိကိုယ်မိမိ မျှော်လင့်ချက်ရှိဆဲဖြစ်ကြောင်း ယုံကြည်စေရန် လှည့်စားခြင်းဖြစ်သည်။ စီမံချက်တစ်ရပ်သည် ရည်မှန်းချက်များကို ရယူနိုင်ခြင်းမရှိပါက မည်သည့်အချိန်၌ စွန့်လွှတ်ရမည်၊ မည်သို့သင်ခန်းစာ ယူရမည်ဆိုသည်တို့ကို သိရှိရန်လိုပြီး နောက်ထပ် စီမံချက်တစ်ရပ်ကို စတင်ရမည်ဖြစ်သည်။

(၇) အခြေခံစည်းမျဉ်းများကို မေ့လျော့ခြင်း - စိတ်ကူးယဉ်မှု ဘ၀နေထိုင်မှု ပုံစံအတွင်း အကောင်းစား အမြင်များ၏ ဖမ်းစားခံရသောကြောင့် အောက်ခြေလွတ်ကာ အခြေခံစည်းမျဉ်းများကို မေ့လျော့နေတတ်သည်။ အခြေခံအချက်များ လုပ်ဆောင်ရမည်ကို ပျင်းရိနေပြီး အပျံစားစိတ်ကူးများ၌သာ အချိန်ဖြုန်းလွန်းနေတတ်သည်။ အပျံစား စိတ်ကူးများထဲမှ ရုန်းထွက်ကာ အခြေခံအကျဆုံး အချက်များဆီသို့ ပြန်လာပါ။ မှန်ကန်သော အခြေခံများကို စတင်အကောင်အထည် ဖော်ရန်လိုသည်။

မည်သို့ပင်ဆိုစေကာမူ ကျရှုံးမှုအား စိတ်ပျက်လက်ပျက် ခံစားနေမည့်အစား ကျရှုံးရခြင်း အကြောင်းတရားများကို ရှာဖွေကာ ခိုင်မာသော အစီအစဉ်သစ်ဖြင့် ရည်ရွယ်ထားသော လုပ်ဆောင်ချက်များအား မိမိရည်မှန်းချက် ပန်းတိုင်နှင့် နီးကပ်သည်ထက် နီးကပ်လာအောင် လုပ်ဆောင်သွားရန် လိုအပ်ပါကြောင်း The Daily Eleven သတင်းစာက ရေးသားအပ်ပါသည်။

မတ်လ ၁၆ ရက်နေ့ထုတ် The Daily Eleven သတင်းစာ အယ်ဒီတာ့အာဘော်