ငြိမ်းချမ်းရေး တည်ဆောက်ခြင်းနှင့် ပြန်လည်သင့်မြတ်ခြင်း

ပြန်လည်သင့်မြတ်ခြင်းဟူသည် ကွဲပြားခြားနားသော အနေအထားအမျိုးမျိုး၌ ပုံသဏ္ဌာန်နှင့် အခန်းကဏ္ဍများ ခြားနားသော်လည်း ချစ်ကြည်ရင်းနှီးသော ဆက်ဆံရေးကို ပြန်လည်ထူထောင်ခြင်းဟု နားလည်အပ်သည်။ လက်နက်ကိုင်ပဋိပက္ခများ၌ ပြန်လည်သင့်မြတ်ခြင်းသည် ပဋိပက္ခဖြစ်ပွားနေသော အုပ်စုများ သို့မဟုတ် လူများအကြား အမှန်တရား၊ တရားမျှတမှု၊ ခွင့်လွှတ်မှုနှင့် လိုက်လျောမှုတို့ ရှာဖွေခြင်းနှင့် ပတ်သက်နေသည်။ ထို့ကြောင့် ယင်းသည် ငြိမ်းချမ်းရေးတည်ဆောက်ခြင်းနှင့် အလွန်နီးနီးစပ်စပ် ဆက်နွှယ်နေသည်။ သို့သော် အချို့က ပြန်လည်သင့်မြတ်ရေးကို ငြိမ်းချမ်းရေး တည်ဆောက်ခြင်း၏ အဆုံးစွန်သော ရည်မှန်းချက်ပန်းတိုင်ဟု ဆိုကြသော်လည်း အချို့က လုပ်ငန်းစဉ်တစ်ရပ်ဟုသာ ရှုမြင်ကြသည်။

တစ်ဦးချင်းအလိုက် ယုံကြည်မှု ပြန်လည်တည်ဆောက်ရန် ကြိုးပမ်းခြင်းမှသည် အုပ်စုငယ်များအကြား အပြန်အလှန် ဆွေးနွေးခြင်းအထိ၊ အမှန်တရားနှင့် ပြန်လည်သင့်မြတ်ခြင်း ကော်မရှင်များကဲ့သို့သော ပိုမိုကျယ်ပြန့်သည့် လူမှုရေး သို့မဟုတ် နိုင်ငံရေးလုပ်ငန်းစဉ်များအထိ အလွန်ကွဲပြားခြားနားသည့် အဆင့်များနှင့် လုပ်ဆောင်ချက်များကို ကျင့်သုံးနိုင်သောကြောင့် ငြိမ်းချမ်းရေး တည်ဆောက်ခြင်းနှင့် ဆိုင်သော ပြန်လည်သင့်မြတ်ခြင်း အဓိပ္ပာယ်နှင့်ပတ်သက်၍ ရှုပ်ထွေးမှုအချို့ ရှိနေခြင်းမှာ အံ့သြစရာမဟုတ်ပေ။ ထို့ကြောင့် အချို့က လူပုဂ္ဂိုလ်များအကြား ပြန်လည်သင့်မြတ်မှုနှင့် ပတ်သက်၍ နားလည်မှုများကို နိုင်ငံတော်အဆင့်၌ နိုင်ငံရေးဆိုင်ရာ ပြန်လည်သင့်မြတ်ခြင်းမှနေ၍ ခွဲခြားရှုမြင်ကြရန် အကြံပြုတတ်ကြခြင်း ဖြစ်သည်။

ကွဲပြားခြားနားသော ပြန်လည်သင့်မြတ်ခြင်း အမျိုးအစားများကို ထည့်သွင်းနိုင်ပြီး  ငြိမ်းချမ်းရေး တည်ဆောက်ခြင်း လုပ်ငန်းစဉ်တစ်ရပ်နှင့် ပတ်သက်၍ သီးခြားအမြင်များကို  ဖြည့်စွက်နိုင်သည်။ ပြန်လည်သင့်မြတ်ခြင်းကို ထက်အောက် ချဉ်းကပ်မှုများက အဆင့်မြင့်ရာထူးအဆင့်များ ဖြစ်ရန် ဦးတည်ပြီး နိုင်ငံတော်အဆင့်၌ ဖြစ်တည်လျက် အမှန်အတိုင်း ထုတ်ဖော်ပြောဆိုခြင်း၊ ၀န်ခံခြင်း၊ တောင်းပန်ခြင်း၊ တရားဥပဒေအတိုင်း ထိုက်သင့်သည့် အပြစ်ဒဏ်ခံယူခြင်းနှင့် မတရားမှုများ ထပ်မံမဖြစ်ပေါ်အောင် ကာကွယ်ရေးနှင့် ပတ်သက်၍ အကြံပြုခြင်းတို့မှ တစ်ဆင့် ရက်စက်ကြမ်းကြုတ်မှုများကို လူသိရှင်ကြားဖြစ်အောင်  ပြုလုပ်ခြင်းဖြင့် ပြန်လည်သင့်မြတ်မှုကို ဖန်တီးရန် ကြိုးပမ်းခြင်းလုပ်ငန်းစဉ်များ ပါဝင်သည်။

သို့သော် ပဋိပက္ခဖြစ်ပွားပြီးနောက်ပိုင်း ၀န်းကျင်များအတွင်း ဆောင်ရွက်သည့် အဓိပ္ပာယ်ရှိသော ပြန်လည်သင့်မြတ်ခြင်းသည် မျိုးဆက်များအကြား ဒေါသများကို လက်ဆင့်ကမ်း သယ်ဆောင်ခြင်းနှင့် အကြမ်းဖက်မှုများ ပြန်လည်ဖြစ်ပွားခြင်းတို့ မရှိစေရန်  လူပုဂ္ဂိုလ် တစ်ဦးချင်းအလိုက်နှင့် လူအုပ်စုများအလိုက် ရှိနေသည့် အတိတ်က နာကြည်းချက်များအပေါ် အဓိကအာရုံပြုသည့် အောက်မှအထက်သို့ ချဉ်းကပ်ပုံများလည်း လိုအပ်သည်။ ယင်းကို နှစ်သိမ့်ဆွေးနွေးအကြံပေးခြင်းနှင့် ပတ်သက်သော အစဉ်အလာပုံစံများနှင့် အခြား ပြန်လည်ကုစားခြင်း လုပ်ငန်းစဉ်များဖြင့်သာမက ဆက်ဆံရေးများကို ပြောင်းလဲရန်နှင့် ရိုက်သွင်းခံထားရသည့် မကောင်းသော အမြင်များ၊ ယုံကြည်မှုများနှင့် သဘောထားများကို ပြောင်းလဲရန် တိုက်ရိုက်ရည်ရွယ်သည့် ပန်းချီအနုပညာ၊ ပညာပေးခြင်းနှင့် စာပေတို့ကဲ့သို့သော ဖန်တီးမှုနယ်ပယ်များမှ တစ်ဆင့်လည်း ဆောင်ရွက်နိုင်သည်။

မည်သို့ပင် ဆိုစေကာမူ ငြိမ်းချမ်းရေး တည်ဆောက်ခြင်း၌ ပြန်လည်သင့်မြတ်ခြင်းကို ဆောင်ရွက်ရာတွင် ရေရှည်အတွက် မျှော်မှန်းကာ လုပ်ဆောင်ရမည်ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

ဇန်န၀ါရီလ ၇ ရက်ထုတ် The Daily Eleven သတင်းစာ အယ်ဒီတာ့အာဘော်