<

First Eleven Sports Journal မှရွေးချယ်သည့် အကောင်းဆုံး ဘောလုံးသမားများ မဲပေးရန်

Vote Now

မြေယာ သိမ်းဆည်းခံရမှုများအတွက် ဖြေရှင်းခြင်း

လယ်ယာကဏ္ဍတွင် လုပ်သားများ၏ ကုန်ထုတ်စွမ်းအားများ ကျဆင်းနေကာ မြေယာ အရည်အသွေးလည်း ကျဆင်းနေသည်။ စိုက်ပျိုးချိန်တွင် လုပ်သားရှားပါးခြင်း၊ စိုက်ပျိုးချိန် ပြင်ပတွင် အလုပ်လက်မဲ့ဖြစ်နေခြင်း၊ သီးနှံပေါ်ချိန်တွင် သီးနှံဈေးနှုန်း တွက်ချေမကိုက်ခြင်း၊ ရာသီဥတု ဖောက်ပြန်ခြင်းနှင့် ဆည်မြောင်းတာတမံများနှင့် ပတ်သက်၍ ပြဿနာများ ရှိနေခြင်းစသည့် အချက်များသည် တောင်သူလယ်သမားများအား ဆင်းရဲတွင်းသို့ တွန်းချနေသည့် အကြောင်းရင်းများဖြစ်နေကြောင်း သုံးသပ်ဆွေးနွေးမှုများ ရှိနေသည်။ ထို့ပြင် သိမ်းဆည်းခံမြေယာကိစ္စများ ဖြေရှင်းရန်၊ ဥပဒေမဲ့လုပ်ရပ်များ မဖြစ်စေရန်၊ ထိုက်တန်သည့် လျော်ကြေးပေးရန် အပါအ၀င် လယ်သိမ်းခံ၊ လယ်ယာမဲ့များ၏ လူမှုရေး၊ စီးပွားရေးနှင့် အခြေခံ စားဝတ်နေရေး ဘ၀ကြီးတစ်ခုလုံး ထိခိုက်ပျက်စီးနိုင်မှုများအပေါ် ဆွေးနွေးခဲ့ကြပြီးဖြစ်သည်။ မည်သည့် စိန်ခေါ်မှုများ အဟန့်အတားများ ရှိစေကာမူ စီးပွားရေး မရေမရာ မသေချာမှုများဖြစ်နေသည့် လယ်ယာမြေကဏ္ဍတွင် အစိုးရမှ ပါဝင်ဆောင်ရွက်သင့်ကြောင်း ၂၀၁၂ ခုနှစ် လယ်ယာမြေဥပဒေကို အမြန်ဆုံးပြင်ဆင်ခြင်း၊ ချေးငွေမူဝါဒ ပြင်ဆင်ခြင်းစသည်တို့ကို အလျင်အမြန် ဆောင်ရွက်သင့်ကြောင်း တိုက်တွန်းမှုများလည်း ရှိနေသည်။ ယင်းအပြင် သိမ်းဆည်းထားသည့် လယ်ယာမြေများကို ပြန်ပေးရန် တောင်သူများအား နှစ်အလိုက် လျော်ကြေးများ ပေးရမည့်အချက်များကို လယ်ယာမြေဥပဒေကို ပြင်ဆင်သည့် ဥပဒေကြမ်းအား ထည့်သွင်းရန် လွှတ်တော်ကိုယ်စားလှယ်များကလည်း ဆွေးနွေးထားဖူးသည်။

ယခုအခါတွင် လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေး ဗဟိုကော်မတီသို့ မြေကိစ္စများနှင့်ပတ်သက်၍ ယခင်အစိုးရလက်ထက် ဖြေရှင်းရန်ကျန်သည့် အမှုနှင့် အသစ်ထပ်မံရောက်ရှိလာသည့် တိုင်ကြားစာအမှု စုစုပေါင်း ၁၂၀၀၀ ကျော်ရှိပြီး အမှု ၂၅၀၀ ကျော်ကို ဖြေရှင်းပြီးဖြစ်ကြောင်းနှင့် အမှုပေါင်း ၉၉၀၀ ကျော်မှာ စိစစ်ဆဲဖြစ်ကြောင်း ဗဟိုကော်မတီမှ ဒီဇင်ဘာ ၅ ရက်က သတင်းထုတ်ပြန်ခဲ့သည်။

လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးဗဟို ကော်မတီအနေဖြင့် မြေကိစ္စများ ဖြေရှင်းဆောင်ရွက်ရာတွင် အမြန်ဆုံးဖြေရှင်း ဆောင်ရွက်ရန်အတွက် (က) သိမ်းမြေများနှင့် စပ်လျဉ်း၍ မူဝါဒ (၅) ရပ်၊ (ခ) တပ်မြေသိမ်းဆည်းမှုများနှင့် ပတ်သက်၍ မူဝါဒ (၃) ရပ်၊ (ဂ) စွန့်လွှတ်မြေများ သက်ဆိုင်သူလက်ဝယ် အမြန်ဆုံး ရောက်ရှိရေးလုပ်ငန်းစဉ် (၈) ရပ်၊ (ဃ) သိမ်းဆည်းမြေများနှင့် စပ်လျဉ်း၍ စိစစ်ရန်အချက် (၆) ချက်၊ (င) စွန့်လွှတ်ခြင်းမရှိသည့် သိမ်းဆည်းမြေများနှင့် စပ်လျဉ်း၍ စိစစ်ရန်အချက် (၇) ချက်၊ (စ) စွန့်လွှတ်သည့် သိမ်းဆည်းမြေများနှင့်စပ်လျဉ်း၍ စိစစ်ရန်အချက် (၅) ချက်၊ (ဆ) ကော်မတီအဆင့်ဆင့်မှ အလေးထားဆောင်ရွက်ရန် အချက် (၁၅) ချက်နှင့် (ဇ) စွန့်လွှတ်မြေများ၊ သိမ်းဆည်းမြေများဆိုင်ရာ လမ်းညွှန်ချက် (၈) ရပ်ချမှတ်၍ အကောင်အထည်ဖော် ဆောင်ရွက်လျက်ရှိကြောင်း သတင်းထုတ်ပြန်ထားသည်။

သို့ပါ၍ ခေတ်စနစ်အမျိုးမျိုးနှင့် အဂတိလိုက်စားမှုများ အပါအ၀င် စီမံခန့်ခွဲမှု အလွဲများ၊ ဥပဒေပိုင်းဆိုင်ရာ အားနည်းမှုများကြောင့် မြေယာဆိုင်ရာ ပြဿနာများမှာ ရှုပ်ထွေးပြီး နစ်နာမှုများ ပေါ်ပေါက်နေခြင်းဖြစ်သည်။ ထို့ကြောင့် လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေး ကော်မတီ အဆင့်ဆင့်တွင် ဌာနဆိုင်ရာများ၊ လယ်ယာလုပ်ငန်းဖြင့် အသက်မွေးဝမ်းကျောင်း လုပ်ကိုင်ဆောင်ရွက်နေသာ တောင်သူလယ်သမားရေးရာ လူမှုအဖွဲ့အစည်းများ၊ ဒေသခံပြည်သူများက ယုံကြည်လေးစားရသည့် ပြည်သူ့ကိုယ်စားလှယ်များကို ထည့်သွင်းဖွဲ့စည်းထားရာ အခြေအနေမှန်များအပေါ် မှန်မှန်ကန်ကန် ဆုံးဖြတ်ဖြေရှင်းပေးသင့်ပါကြောင်း The Daily Eleven သတင်းစာက ရေးသားအပ်ပါသည်။

ဒီဇင်ဘာ ၇ ရက်နေ့ထုတ် The Daily Eleven သတင်းစာ အယ်ဒီတာ့အာဘော်