<

တာဝန်ယူမှု ရှိခြင်းနှင့် လုပ်ပိုင်ခွင့်အာဏာ ရှိခြင်း

တာဝန်ယူမှု ရှိခြင်းနှင့် လုပ်ပိုင်ခွင့်အာဏာ ရှိခြင်းတို့သည် အနီးကပ် ဆက်နွှယ်နေသော အရာများ ဖြစ်သည်။ လုပ်ပိုင်ခွင့် အာဏာရှိသည့် အနေအထားတစ်ရပ်၌ ရှိသူသည် တာဝန်ယူမှု ပို၍ရှိသည်။ တာဝန်ယူမှုဟူသည် လုပ်ပိုင်ခွင့်အာဏာနှင့် တွဲလျက်လာသည်။ လုပ်ပိုင်ခွင့်အာဏာသည် အထူးကျွမ်းကျင်မှု၊ အသိအမြင် ပိုမိုကျယ်ပြန့်မှု၊ အတွေ့အကြုံ ပိုမိုများပြားမှု အစရှိသည်တို့နှင့် အတူသာ တွဲလျက်လာသည်။ လူတစ်ဦး၏ ဘ၀တစ်လျှောက်တွင် ရယူခဲ့သော ပညာရေး အမျိုးအစားနှင့် အသက်အရွယ်တို့နှင့်လည်း သက်ဆိုင်သည်။ မိဘများသည် ၎င်းတို့၏ ကလေးများ မိမိတို့ဘာသာ ဆုံးဖြတ်ချက် ချနိုင်လောက်အောင် အရွယ်မရောက်သေးမီ ၎င်းတို့အတွက် ဆုံးဖြတ်ချက်ချပေးသည့် အခွင့်အာဏာကို ယူထားခြင်းနှင့် ဆင်တူသည်။ အဖွဲ့အစည်း တစ်ရပ်တွင် ရာထူးအကြီးဆုံး ပုဂ္ဂိုလ်သည် အဖွဲ့အစည်း တစ်ခုလုံး၏ အကျိုးစီးပွားအတွက် ဆုံးဖြတ်ချက်ချရသည့် လုပ်ပိုင်ခွင့်အာဏာ ရှိသည်။

တစ်စုံတစ်ဦးသည် လုပ်ဆောင်ချက် အချို့အတွက် တာဝန်ရှိသည့်အခါ၊ လုပ်ဆောင်ချက်များနှင့် ပတ်သက်သော အကျိုးဆက်များအတွက် တာဝန်ယူရသည့်အခါ၊ မိမိတို့ ကိုယ်တိုင်အတွက် သို့မဟုတ် အခြားသူများအတွက် တာဝန်ခံရသည့်အခါ ယင်းကို တာဝန်ယူမှုဟု ခေါ်သည်။ ထွက်ပေါ်လာသော အကျိုးဆက်သည် ကောင်းသည် ဖြစ်စေ၊ ဆိုးသည် ဖြစ်စေ တာဝန်ရှိသူက တာဝန်ခံရသည်။ လုပ်ပိုင်ခွင့်အာဏာ ရှိသူများသည် လုပ်ဆောင်ချက် စုစုပေါင်း သို့မဟုတ် အဖွဲ့အစည်း တစ်ရပ်လုံး၏ ရလဒ်အတွက် တာဝန်ယူရသည်ဟု ဆိုသည်။ ဥပမာအားဖြင့် ဆုံးဖြတ်ချက်များ ချမှတ်နိုင်သည့် အခွင့်အာဏာ ရှိခြင်းနှင့် ကုမ္ပဏီ၏ အကျိုးစီးပွားနှင့် ပတ်သက်သော လုပ်ဆောင်ချက်များကြောင့် မည်သူကိုမဆို အပြစ်ပေးမှု သို့မဟုတ် ဆုပေးမှုတို့ ပြုနိုင်ခြင်းတို့ကြောင့် ကုမ္ပဏီ၏ လုပ်ငန်းများ အောင်မြင်နေပါက အလုပ်အမှုဆောင် အရာရှိချုပ် တစ်ဦးကို သူ၏ တာဝန်ယူမှုအတွက် ချီးကျူးကြသည်။ ကုမ္ပဏီရှိ အကြီးတန်းဝန်ထမ်း ဖြစ်စေ၊ အငယ်တန်းဝန်ထမ်း ဖြစ်စေ၊ အမှားပြုလုပ်ခဲ့ပါက ယင်းလုပ်ဆောင်ချက်ကြောင့် ထွက်ပေါ်လာသော ရလဒ်ကို ရာထူးအကြီးဆုံး အဖြစ် လုပ်ပိုင်ခွင့်အာဏာ ရှိသူက တာဝန်ခံရသည်။

မိဘများ၌ ကလေးများက ၎င်းတို့၏ အမိန့်ကို နာခံရမည်ဟူသော လုပ်ပိုင်ခွင့်ရှိသည်။ ထို့ကြောင့် ကလေးများ၏ လုပ်ဆောင်ချက်များ ကောင်းသည်ဖြစ်စေ၊ ဆိုးသည်ဖြစ်စေ မိဘများက တာဝန်ခံရသည်။ မိဘများသည် ကလေးများအား အပြစ်တင်ခြင်း သို့မဟုတ် ချီးကျူးခြင်းတို့ ပြုလုပ်နိုင်သော်လည်း မည်သည့်အရာအတွက်မဆို တာဝန်ခံရသည်မှာ မိဘများသာဖြစ်သည်။ တာဝန်ယူမှု၌ သက်ဆိုင်ရာ တာဝန်ဝတ္တရားများ ကပ်လျက်ပါလာပြီးသား ဖြစ်သည်။ တာဝန်ယူနိုင်စွမ်းတွင် ကျိုးကြောင်းဆင်ခြင် သုံးသပ်နိုင်ခြင်းနှင့် ပြုလုပ်ရန် လိုအပ်ချက်များအတွက် အခြားသူများနှင့် ဆက်သွယ်လုပ်ကိုင်ရန် တာဝန်ရှိခြင်းတို့ ပါဝင်သည်။ လူတစ်ဦးနှင့် အခြားသူများ ဆက်ဆံရေးကို အလေးဂရုပြုရခြင်းလည်း ပါဝင်သည်။

တာဝန်ယူမှုနှင့် လုပ်ပိုင်ခွင့်တို့သည် အနီးကပ် ဆက်နွှယ်နေကြသော်လည်း အာဏာ သို့မဟုတ် လုပ်ပိုင်ခွင့်ရှိသူများသည် များစွာသော ကိစ္စများအတွက် အခြားသူများကို တာဝန်ယူမှုများအား လွှဲပြောင်းပေးရန် ရွေးချယ်ကြသည်။ လုပ်ပိုင်ခွင့်ရှိသူ၌ အာဏာရှိသည်။ ထို့ကြောင့် ၎င်းတို့ အနေဖြင့် မိမိတို့၏ တာဝန်ယူမှုကို ကျုံ့သွားအောင် လုပ်နိုင်ကြသည်။ လုပ်ပိုင်ခွင့် ရှိသူများသည် တစ်ခါတစ်ရံတွင် အမှားများ လုပ်တတ်ကြပြီး ယင်းအတွက် တာဝန်မယူကြသည်လည်း ရှိသည်။ ထို့ကြောင့် လုပ်ပိုင်ခွင့်ဟူသည်အား အခြေခံ သဘောအရ ဆုံးဖြတ်ချက်ချနိုင်သော အာဏာ၊ အခြားသူများကို အမိန့်ပေးနိုင်သော အာဏာနှင့် အခြားသူများအပေါ် အုပ်ချုပ်နိုင်သော အာဏာဟုသာ ခေါ်ဆိုနိုင်ကြတော့သည်။ ၎င်းတို့အပေါ် မိမိက လုပ်ပိုင်ခွင့်အာဏာ ရှိထားသည့် လူများအတွက် တာဝန်ခံရန် အသင့်ရှိသူအဖြစ် တာဝန်ယူထားသော ပုဂ္ဂိုလ်ဟု အဓိပ္ပာယ် မထွက်တော့ပေ။ တာဝန်ယူမှုရှိသူသည် လုပ်ပိုင်ခွင့်အာဏာ အရှိဆုံး ပုဂ္ဂိုလ် မဟုတ်သော်လည်း တာဝန်ခံရန်အတွက် လုံလောက်သော ကျွမ်းကျင်မှုနှင့် ဆင်ခြင်မှုရှိသူဖြစ်သည်။

တာဝန်ယူမှု ရှိခြင်းနှင့် လုပ်ပိုင်ခွင့်အာဏာ ရှိခြင်းတို့သည် အနီးကပ် ဆက်နွှယ်နေသော်လည်း လုပ်ပိုင်ခွင့်ရှိသူ အနေဖြင့် တာဝန်ခံမှု မရှိသောအခါ တာဝန်ယူမှု ရှိသူဟု ခေါ်ဆိုခြင်း မပြုနိုင်တော့ပါကြောင်း The Daily Eleven သတင်းစာက ရေးသားအပ်ပါသည်။

(သြဂုတ်လ ၅ ရက်ထုတ် The Daily Eleven သတင်းစာ အယ်ဒီတာ့အာဘော်)

August 4, 2017














Copy Protected by Chetan's WP-Copyprotect.