စိတ်ဓာတ်ခိုင်မာသူများဖြစ်လာရန်

လူတိုင်းသည် စိတ်ပိုင်းဆိုင်ရာအရ ခိုင်မာသူ ဖြစ်လိုကြသော်လည်း ဘ၀ကို လက်တွေ့ရင်ဆိုင်ရသည့်အခါ စိတ်ဓာတ်ကြံ့ခိုင်ရန်ကိစ္စသည် အလွန်အမင်းခက်ခဲနိုင်သည်။ စိတ်ပိုင်းဆိုင်ရာအရ ခိုင်မာအားကောင်းရန် မိမိကိုယ်မိမိ ယုတ္တိဗေဒနည်းကျစွာ မမြင်နိုင်လောက်အောင်ဖြစ်စေမည့် စိတ်ခံစားချက်များ၏ သယ်ဆောင်ရာနောက်သို့မလိုက်ရန် ကာကွယ်ရမည်ဖြစ်သည်။ အကောင်းမြင်လွန်းခြင်းနှင့် အဆိုးမြင်လွန်းခြင်း အစွန်းနှစ်ဖက်ကို ရှောင်ရှားလျက် မိမိအတွက်အကျိုးရှိစေသော နည်းလမ်းအားဖြင့် ချိန်ညှိနိုင်ရမည်ဖြစ်သည်။ စိတ်ဓာတ်ခိုင်မာသူများသည် ရေရှည်ရလဒ်ကိုသာ ရှုမျှော်ထားပြီး လတ်တလောချီးကျူးခံရမှုနှင့် အခြားသူများ၏ လိုတစ်မျိုးမလိုတစ်မျိုး ကောက်ချက်ချမှုမျိုးကို အလေးဂရုမပြုကြပေ။

စိတ်ဓာတ်ခိုင်မာသူဖြစ်ရန် မိမိကိုစေ့ဆော်နိုင်မည့်အရာအား ရှာဖွေနိုင်ရန်လိုသည်။ ဥပမာအားဖြင့် ဗစ်တာဖရန့်သည် ဒုတိယကမ္ဘာစစ်အတွင်း နှိပ်စက်ညှဉ်းပန်းရေးစခန်းများ၌ ကြောက်မက်ဖွယ်ရာများကို ကြံ့ကြံ့ခံနိုင်ခဲ့သည်။ သူ့ဇနီးနှင့်မိသားစုကို ပြန်တွေ့လိုသော စေ့ဆော်မှုကြောင့်ဖြစ်သည်။ အမှန်တကယ်၌ အကောင်းမြင်ခြင်းနှင့် အဆိုးမြင်ခြင်းကို ချိန်ညှိတတ်ရန်လိုသည်။ ကောင်းသောအရာများ ဖြစ်လာမည်ဟု ယုံကြည်ပါက ယင်းသို့ဖြစ်လာအောင် ဦးတည်ဆောင်ရွက်မည်ဖြစ်သောကြောင့် အကောင်းမြင်ခြင်းက အရေးကြီးသည်။ ထို့အတူ မှားယွင်းနိုင်ဖွယ်ရှိသည်များကို ကြိုတင်မျှော်လင့်ထားခြင်းက ယင်းတို့အား မည်သို့ကိုင်တွယ်ရမည်ကို ကြိုတင်စီစဉ်ထားနိုင်သောကြောင့် မကောင်းမြင်ခြင်းမှာလည်း အရေးကြီး၏။ ထို့ကြောင့် “အကောင်းမြင်သူသည် လေယာဉ်ပျံကို တီထွင်ခဲ့ပြီး အဆိုးမြင်သူက လေထီးကိုတီထွင်ခဲ့သည်” ဟူသော ဆိုရိုးစကားတစ်ရပ်ရှိခြင်းဖြစ်သည်။

စိတ်ဓာတ်ခိုင်မာသူဖြစ်ရန် ကြင်နာမှုနှင့် စာနာမှုရှိသူဖြစ်ရန်လည်းလိုသည်။ မိမိကိုယ်တိုင်ကိုလည်းကောင်း၊ အခြားသူများကိုလည်းကောင်း ပို၍ကြင်နာမှုရှိခြင်းသည် မကောင်းသော စိတ်ခံစားမှုများစွာကို လျှော့ချနိုင်ပြီး ယင်းကဲ့သို့ လျှော့ချနိုင်ခြင်းဖြင့် ကောင်းသောစိတ်ခံစားမှုများ ပွင့်လန်းလာနိုင်သည်။ ခက်ခဲသောအချိန်များနှင့် ခက်ခဲသောအချိန်များ လွှမ်းမိုးနေသည့် အနေအထားကို ဖြတ်ကျော်နိုင်သူများကို စိတ်ဓာတ်ခိုင်မာသူများဟု ညွှန်းဆိုကြသည်။ ၎င်းတို့အနေဖြင့် မည်သို့မည်ပုံဖြတ်ကျော်ခဲ့ကြသနည်း။ အမှန်တကယ်၌ ရောမမြို့ကြီးအား တစ်ရက်တည်းနှင့်အပြီး တည်ဆောက်ခဲ့ခြင်းမဟုတ်ပါ။ ထို့ကြောင့် အုတ်တစ်ချပ်ချင်း တည်ဆောက်ရမည်ဖြစ်သည်။ နောက်ဆုံးပန်းတိုင်ကို အာရုံပြုလျက် တစ်ဆင့်ချင်းသွားရမည်ဖြစ်သည်။

မိမိအနေဖြင့် ထိန်းချုပ်နိုင်သည့်အရာများအတွက် တာဝန်ယူရန်လိုပြီး မိမိမတတ်နိုင်သည့် အရာများကိုလည်း မတတ်နိုင်ကြောင်း လက်ခံရမည်ဖြစ်သည်။ စိတ်ဓာတ်ခိုင်မာသူများသည် ၎င်းတို့၏ဘ၀အတွက် တာဝန်အပြည့်အ၀ယူနိုင်ကြသော်လည်း အရာရာတိုင်းကို တာဝန်ယူနိုင်မည်မဟုတ်ပါ။ အရာရာအား တစ်သီးပုဂ္ဂလဆန်စွာ မှတ်ယူနေခြင်းကိုလည်း ရပ်တန့်ပစ်ရမည်ဖြစ်သည်။ အနေအထားတိုင်းကို မိမိနှင့်သာနှိုင်းလျက်ယူခြင်း သို့မဟုတ် မိမိကိုယ်ကိုယ်သာ ဗဟိုပြုစဉ်းစားခြင်းသည် အရိုးစွဲနေသည့် အလေ့အထဖြစ်သော်လည်း ဘ၀၌ဖြစ်ပျက်သမျှများစွာသည် တစ်သီးပုဂ္ဂလမဆန်ပေ။ စိတ်ဓာတ်ခိုင်မာသူများသည် ကမ္ဘာပေါ်မှ လူတိုင်းလိုလားသည့် အရာမှန်သမျှကို လိုလားသူများဖြစ်သည်။ ၎င်းတို့သည် ယင်းတို့ကို လိုအပ်ရုံ လိုအပ်နေသူများမဟုတ်ပါ။ ၎င်းအပြင်လိုအပ်ပါက အကူအညီတောင်းရမည်ဖြစ်သည်။ စိတ်ဓာတ်ခိုင်မာခြင်းဟူသည် အကူအညီမလိုခြင်းဟု အဓိပ္ပာယ်မရပါ။

စိတ်ဓာတ်ခိုင်မာသူဖြစ်ရန် အရေးကြီးသည့် အချက်တစ်ချက်မှာ မိမိကိုယ်မိမိ ပြန်သနားနေသည့်စိတ် မရှိခြင်းပင်ဖြစ်သည်။ မိမိကိုယ်မိမိ သနားနေစိတ်သည် စိတ်ဓာတ်ခွန်အားများ ပျောက်ဆုံးစေပြီး စိတ်ခံစားမှုများထဲ၌သာ တ၀ဲလည်လည် ဖြစ်နေစေတတ်သည်။ အတိတ်ကို ဆွေးတမြည့်မြည့် ပြန်ကြည့်လျက် ခံစားနေခြင်းသည် အကျိုးမရှိ။ အတိတ်ကို တန်ဖိုးရှိသည့် သင်တန်းတစ်ရပ်ဟု သဘောထားကာ သင်ခန်းစာထုတ်ယူတတ်ရန်လိုသည်။ အခြားအရေးကြီးသည့် အချက်တစ်ချက်မှာ စိတ်ခံစားမှုများကို ယုတ္တိဗေဒဖြင့် ချိန်ညှိခြင်းဖြစ်သည်။ စိတ်ဓာတ်ခိုင်မာသူများသည် ၎င်းတို့၏ စိတ်ခံစားချက်များက ၎င်းတို့၏ အတွေးများအပေါ် လွှမ်းမိုးသွားနိုင်သည်ကို ကောင်းစွာနားလည်သဘောပေါက်ကြသည်။ သို့သော် ၎င်းတို့သည် မိမိတို့၏စိတ်ခံစားချက်များကို ယုတ္တိဗေဒနှင့်ချိန်ညှိလျက် ဖြစ်နိုင်သမျှအကောင်းဆုံး ဆုံးဖြတ်ချက်များချရန်သာ အားထုတ်ကြသည်။

“အသက်တစ်ရာ မနေရပေမဲ့ အခက်တစ်ရာပွေရတယ်” ဟူသည့်စကားအတိုင်း ဘ၀၌ မည်သူမဆို အခက်အခဲ အကျပ်အတည်းများနှင့် မလွဲမသွေ ရင်ဆိုင်ရမည်ဖြစ်သောကြောင့် စိတ်ဓာတ်ခိုင်မာသူများဖြစ်အောင် လေ့ကျင့်ပြင်ဆင်ထားရန်သာ လိုအပ်ပါကြောင်း The Daily Eleven သတင်းစာက ရေးသားအပ်ပါသည်။

အောက်တိုဘာလ (၁၁) ရက်နေ့ထုတ် The Daily Eleven သတင်းစာ အယ်ဒီတာ့အာဘော်