<

မူးယစ်ဆေးဝါးပြဿနာနှင့် အရေးယူမှု

ကမ္ဘာလုံးဆိုင်ရာ မူးယစ်ဆေးဝါးပြဿနာအား ရင်ဆိုင်နေရသည့် နိုင်ငံများအနက် မြန်မာနိုင်ငံလည်း အပါအ၀င်ဖြစ်သည်။ ဘိန်းစိုက်ပျိုးမှု ပပျောက်ရေးလုပ်ငန်းများအား စီမံကိန်းချမှတ် ဆောင်ရွက်သကဲ့သို့ ဘိန်းစိုက်ပျိုးရာဒေသများ၏ ပထ၀ီမြေအနေအထားအရ ဝေးလံသီခေါင်ခြင်း၊ အခြေခံအဆောက်အအုံ ဖွံ့ဖြိုးမှုနောက်ကျခြင်း၊ အစားထိုး ထုတ်ကုန်သီးနှံနည်းပါးခြင်း၊ နေရာအသုံးချမှုအခွင့်အလမ်း နည်းပါးခြင်း၊ နယ်မြေတည်ငြိမ်အေးချမ်းမှု အားနည်းခြင်းတို့ကြောင့် ဘိန်းစိုက်ပျိုးမှု အနေအထားများ ၂၀၁၆ ခုနှစ်နောက်ပိုင်း ပြန်လည်မြင့်တက်လာကြောင်း သိရသည်။ မြန်မာနိုင်ငံ၏ မူးယစ်ဆေးဝါး အခြေအနေတွင် ဘိန်းစိုက်ပျိုးမှုအပြင် စိတ်ကြွဆေးပြား ထုတ်လုပ်မှု၊ သုံးစွဲမှုစသည့် စိန်ခေါ်မှုများကိုလည်း ရင်ဆိုင်နေရသည်။

သို့သော်လည်း မူးယစ်ဆေးဝါးနှင့်ပတ်သက်၍ သတ်မှတ်ထားသော ဥပဒေစည်းကမ်းများ၊ အရေးယူအပြစ်ပေးမှုများနှင့် တွေ့ကြုံနေရသော အနေအထားများပေါ်မူတည်၍  တစ်ဖက်က မူးယစ်ဆေးဝါးပပျောက်ရေးကို ဆောင်ရွက်သကဲ့သို့ တစ်ဖက်တွင်လည်း ခေတ်ကာလနှင့်လျော်ညီမှုရှိသော ပြစ်မှုပြစ်ဒဏ်မျှတရေးအတွက် လိုအပ်သော ဥပဒေပြင်ဆင်ရေးများကိုလည်း လုပ်ဆောင်လျက်ရှိနေသည်။

မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေကိုပြင်ဆင်သည့် ဥပဒေကြမ်းအား အမျိုးသားလွှတ်တော်တွင် တင်သွင်းခဲ့သည်။ ယင်းဥပဒေကြမ်းနှင့်ပတ်သက်၍ အမျိုးသားလွှတ်တော်ဥပဒေကြမ်း ကော်မတီကလည်း လေ့လာတွေ့ရှိချက် အစီရင်ခံစာကို တင်သွင်းထားသည်။ လွှတ်တော်သို့ တင်သွင်းခဲ့သည့် ဥပဒေကြမ်းပါ အချက်အလက်များအရ မူးယစ်ဆေးဝါးသုံးစွဲသူအား ထောင်ဒဏ်အစား လူမှုအကျိုးပြု လုပ်ငန်းဆောင်ရွက်ခြင်း ပြစ်ဒဏ်ထည့်သွင်းြ့ပင်ဆင်ထားသည်ဟုလည်း သိရသည်။

မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေပုဒ်မ ၁၅ ပါ ဆေးဝါးသုံးစွဲသူသည် ကျန်းမာရေးဝန်ကြီးဌာနက သတ်မှတ်သည့်ဌာန သို့မဟုတ် ဤကိစ္စအလို့ငှာ အစိုးရက အသိအမှတ်ပြုထားသည့် ဆေးကုဂေဟာတွင် မှတ်ပုံတင်ရန် ပျက်ကွက်လျှင်ဖြစ်စေ၊ ဆေးကုသရေးအတွက် ကျန်းမာရေးဝန်ကြီးဌာနက ထုတ်ပြန်ထားသော ညွှန်ကြားချက်များကို လိုက်နာရန် ပျက်ကွက်လျှင်ဖြစ်စေ ထောင်ဒဏ် အနည်းဆုံး သုံးနှစ်မှ အများဆုံး ငါးနှစ်အထိ ချမှတ်ခြင်းခံရမည်ဟု ဖော်ပြထားသည်။

ယင်းပုဒ်မနှင့်ပတ်သက်၍ ပြင်ဆင်သည့် ဥပဒေကြမ်းတွင် ဆေးဝါးသုံးစွဲသူသည် ပုဒ်မ ၉ ပုဒ်မခွဲ (ဆ) အရ ဤကိစ္စအလို့ငှာ ဖွင့်လှစ်ထားသော ပြုစုပျိုးထောင်ရေးဌာန သို့မဟုတ် ပြန်လည်ထူထောင်ရေးစခန်းသို့ ပို့အပ်ထားသည့် ကာလအတွင်း သက်ဆိုင်ရာ ပြုစုပျိုးထောင်ရေးဌာန သို့မဟုတ် ပြန်လည်ထူထောင်ရေးစခန်းက ထုတ်ပြန်ထားသော ညွှန်ကြားချက်နှင့် သတ်မှတ်ထားသည့် စည်းကမ်းချက်များကို ဖောက်ဖျက်ကြောင်း ပြစ်မှုထင်ရှား စီရင်ခြင်းခံရလျှင် (က) ထိုသူသည် အသက် ၁၆ နှစ်ပြည့်ပြီးသူဖြစ်ပါက လူမှုရေးလုပ်ငန်းတစ်ရက် နှစ်နာရီဖြင့် အနည်းဆုံးနာရီ ၁၈၀ မှ အများဆုံး နာရီ ၂၄၀ အထိ ချမှတ်ရမည်။ (ခ) အသက် ၁၆ နှစ် မပြည့်သေးသူဖြစ်ပါက လူမှုဝန်ထမ်းဦးစီးဌာန၊ လူငယ်ပြုပြင် ထိန်းသိမ်းရေးစခန်းသို့ ပို့အပ်ရမည်ဟု ပြင်ဆင်ရန် ဖော်ပြထားခြင်းဖြစ်သည်။

အမျိုးသားလွှတ်တော်ဥပဒေကြမ်းကော်မတီ၏ အစီရင်ခံစာတွင် ဆေးဝါးသုံးစွဲသူသည် ပုဒ်မ ၉ ပုဒ်မခွဲ (ဆ) အရ ဤကိစ္စအလို့ငှာ ဖွင့်လှစ်ထားသော ပြုစုပျိုးထောင်ရေးဌာန သို့မဟုတ် ပြန်လည် ထူထောင်ရေးစခန်းသို့ ပို့အပ်ထားသည့် ကာလအတွင်း သက်ဆိုင်ရာ ပြုစုပျိုးထောင်ရေးဌာန သို့မဟုတ် ပြန်လည်ထူထောင်ရေးစခန်းက ထုတ်ပြန်ထားသော ညွှန်ကြားချက်နှင့် သတ်မှတ်ထားသည့် စည်းကမ်းချက်များကို ဖောက်ဖျက်ကြောင်း ပြစ်မှုထင်ရှား စီရင်ခြင်းခံရလျှင် လူမှုအကျိုးပြုလုပ်ငန်းများဖြစ်သည့် သစ်ပင်ပန်းမန်စိုက်ပျိုးခြင်း၊ သန့်ရှင်းရေးလုပ်ငန်းများ ဆောင်ရွက်ခြင်း၊ လမ်းတံတားများ ပြုပြင်ခြင်း၊ လူမှုရေးအဖွဲ့များနှင့် ပူးပေါင်း၍ အကျိုးပြုလုပ်ငန်းများ ဆောင်ရွက်ခြင်းစသည့် လုပ်ငန်းများကို ကြီးကြပ်သူရှေ့မှောက်၌ နှိမ့်ချခြင်း၊ ခွဲခြားဆက်ဆံခြင်းသဘော မသက်ရောက်သည့် သတ်မှတ်ထားသော ၀တ်စုံကို ၀တ်ဆင်လျက် တစ်ရက်နှစ်နာရီဖြင့် အနည်းဆုံးနာရီ ၁၈၀ မှ အများဆုံးနာရီ ၂၄၀ အထိ ကိုယ်တိုင်လုပ်အားဖြင့် အခမဲ့လုပ်ကိုင် ဆောင်ရွက်ရမည်ဟု ပြင်ဆင်ရန် ထည့်သွင်းထားသည်။

ကုလသမဂ္ဂရာဇ၀တ်မှုနှင့် မူးယစ်ဆေးဝါးအေဂျင်စီ (UNODC) ၏ အစီရင်ခံစာတစ်ခုတွင် ကိုကင်းနှင့် ဘိန်းထုတ်လုပ်မှု မြင့်တက်လာပြီး မူးယစ်ဆေး၊ အလားတူဆေးဝါးများ၏ အန္တရာယ်နှင့်အတူ ကမ္ဘာတစ်ဝန်းတွင် မူးယစ်ဆေးဝါးဈေးကွက် ကြီးထွားရှင်သန်နေကြောင်း ဖော်ပြထားသည်။ သို့ပါ၍ မြန်မာနိုင်ငံအနေဖြင့်လည်း မူးယစ်ဆေးဝါးဆိုင်ရာ ကိစ္စရပ်များကို ကိုင်တွယ်ဆောင်ရွက်ရာတွင် အမှန်တရားအတိုင်း ဥပဒေနှင့်အညီ ထိထိရောက်ရောက် မှန်မှန်ကန်ကန် အရေးယူ ဆောင်ရွက်နိုင်ရေးမှာ အရေးကြီးပါကြောင်း The Daily Eleven သတင်းစာက ရေးသားအပ်ပါသည်။

ဇူလိုင်လ (၂၉) ရက်နေ့ထုတ် The Daily Eleven သတင်းစာ အယ်ဒီတာ့အာဘော်

July 29, 2017














Copy Protected by Chetan's WP-Copyprotect.