လယ်ယာမြေပြဿနာနှင့် စီးပွားရေး လူမှုရေးအခက်အခဲ

ခေတ်အဆက်ဆက် အဂတိလိုက်စားမှုနှင့် စီမံခန့်ခွဲမှုအလွဲများကြောင့် ပေါ်ပေါက်ခဲ့သော ပြဿနာများအနက် လယ်ယာမြေ ပြဿနာသည်လည်း တစ်ခုအပါအ၀င်ဖြစ်သည်။ လယ်ယာမြေပြဿနာများတွင် စီမံကိန်းများအတွက်အပါအ၀င် သိမ်းဆည်းခံမြေယာများနှင့် ပတ်သက်သောကိစ္စရပ်များ အများဆုံးပါဝင်နေပြီး ပိုင်ဆိုင်မှုဆိုင်ရာ အငြင်းပွားမှုများကြောင့် ဥပဒေကြောင်းအရ အမှုဖွင့်တရားစွဲဆိုခြင်းများလည်း ရှိနေသည်။

မြန်မာနိုင်ငံ၏ လယ်ယာကဏ္ဍတွင် လုပ်သားများ၏ ကုန်ထုတ်စွမ်းအား၊ မြေယာအရည်အသွေး ကျဆင်းနေခြင်းများအပါအ၀င် စိုက်ပျိုးချိန်တွင် လုပ်သားရှားပါးခြင်း၊ သီးနှံပေါ်ချိန်တွင် သီးနှံဈေးနှုန်းအရ တွက်ခြေမကိုက်ခြင်း၊ ရာသီဥတုဖောက်ပြန်ခြင်း စသည့်အခက်အခဲများစွာကိုလည်း တွေ့ကြုံရလေ့ရှိရာ မြေယာသိမ်းဆည်းခံရခြင်းများကနောက် ထပ်ထိုးနှက်ချက်များအဖြစ် ရင်ဆိုင်နေကြရခြင်းဖြစ်သည်။ သို့သော် လယ်ယာမြေပြဿနာများတွင် အချို့သော ပိုင်ဆိုင်မှုဆိုင်ရာကိစ္စများမှာ မှန်ကန်သည့်မူဝါဒ စည်းမျည်းစည်းကမ်းများဖြင့် နှစ်ဦးနှစ်ဖက်အကြား ပြေလည်အောင် ဖြေရှင်းပေးနိုင်မှသာလျှင် မည်သူမျှ နစ်နာခြင်းမရှိဘဲ ကောင်းမွန်သော အကျိုးရလဒ်များ ရရှိနိုင်မည်ဖြစ်သည်။

စက်တင်ဘာ ၁၂ ရက်က ပခုက္ကူခရိုင်အတွင်း လယ်ယာမြေ ပြန်လည်ပေးအပ်ပွဲ အခမ်းအနားတစ်ရပ် ကျင်းပခဲ့ပြီး ဒုတိယသမ္မတ ဦးဟင်နရီဗန်ထီးယူ တက်ရောက်ခဲ့သည်။ အဆိုပါပွဲမှာ ပြည်ထဲရေးဝန်ကြီးဌာနက သိမ်းယူထားပြီး ၂၀၁၀ ပြည့်နှစ်တွင် ပညာရေးဝန်ကြီးဌာနသို့ လွှဲပြောင်းပေးအပ်ခဲ့သည့် မြေဧက ၃၁၅၀ ထဲမှ အသုံးပြုခြင်းမရှိသည့်မြေ ၂၆၆၅ ဧကအား မူလပိုင်ရှင်များထံ ပြန်လည်ပေးအပ်ခဲ့ခြင်းဖြစ်သည်။ ထိုသို့ ပြန်လည်ပေးအပ်ရာတွင် လယ်ယာသိမ်းဆည်းခံရမှုများနှင့် ပက်သက်၍ ဗဟိုအဆင့်မှ ရပ်ကျေးအဆင့်ထိ စိစစ်ရေးကော်မတီများ ဖွဲ့စည်းပြီး စစ်ဆေးမှုများ ပြုလုပ်ခဲ့ကြောင်း၊ သက်ဆိုင်ရာဝန်ကြီးဌာန တာဝန်ရှိသူများ၊ တိုင်းဒေသကြီး အစိုးရအဖွဲ့ဝင်များအား နေပြည်တော်တွင် ခေါ်ယူတွေ့ဆုံညှိနှိုင်းမှုများ ပြုလုပ်ခဲ့ခြင်းဖြစ်သည်။

ပြီးခဲ့သည့် ဇူလိုင်လအတွင်းက ပြုလုပ်ခဲ့သော လွှတ်တော်အစည်းအဝေးတွင် စီမံကိန်းလုပ်ရန် သိမ်းဆည်းထားသည့် လယ်ယာမြေများအား တောင်သူများထံ ပြန်ပေးရန်နှင့် တောင်သူများအား နှစ်အလိုက် လျော်ကြေးပေးရမည့် အချက်များအား လယ်ယာမြေဥပဒေကို ပြင်ဆင်သည့် ဥပဒေကြမ်းတွင် ထည့်သွင်းရန် လွှတ်တော်ကိုယ်စားလှယ်အချို့ ဆွေးနွေးခဲ့ကြဖူးသည်။ အဆိုပါဆွေးနွေးမှုများ၌ စီမံကိန်းများ သတ်မှတ်ကာလအတွင်း အမြန်ဆုံးပြီးစီးအောင် အကောင်အထည်ဖော်ရမည်ဖြစ်ပြီး စီမံကိန်းများ ဆောင်ရွက်ခြင်းမပြုတော့ပါက မူလလယ်ယာမြေလုပ်ပိုင်ခွင့်ရှိ ပုဂ္ဂိုလ်အဖွဲ့အစည်းများထံ ပြန်လည်ပေးအပ်ရမည်ဖြစ်ပြီး မြေများကို သိမ်းယူခံခဲ့ရသည့် တောင်သူများအား နှစ်အလိုက် လျော်ကြေးပေးရမည်ဟု ဥပဒေကြမ်းတွင် ဖြည့်စွက်လိုကြောင်း ယင်းအပြင် တောင်သူလယ်သမားများအကျိုး ဆောင်ရွက်နိုင်ရန်အတွက် တောင်သူလယ်သမား အဖွဲ့အစည်းများကို နည်းဥပဒေများနှင့်အညီ ဖွဲ့စည်းပေးရမည်ဖြစ်ကြောင်း ဥပဒေကြမ်းတွင် ပြဋ္ဌာန်းထားသည့် လယ်ယာမြေ စီမံခန့်ခွဲမှုအဆင့်ဆင့်ရှိ အဖွဲ့ဝင်များကို မည်သည့်တရားရုံးတွင်မျှ တရားစွဲဆိုခွင့်မရှိစေရဆိုသည့် ပြဋ္ဌာန်းချက်သည် တောင်သူများ အမြဲတမ်းနစ်နာမှုခံနေရကြောင်း တောင်သူအများစုသာ တရားရုံးများသို့ ရောက်ရှိနေကြောင်း၊ ထောင်ကျခြင်း၊ တရားစွဲဆိုခံရခြင်းများရှိခဲ့ကြောင်း စသည်ဖြင့် ဆွေးနွေးခဲ့ကြခြင်းဖြစ်သည်။

လက်ရှိအထိ တွေ့ကြုံနေရသော လယ်ယာမြေပြဿနာများမှာ ယခင်ကာလများကတည်းက အားနည်းချက်အမျိုးမျိုးကြောင့် ပေါ်ပေါက်နေရသောကိစ္စဖြစ်ပြီး မူလပိုင်ဆိုင်သူ ဒေသခံ တောင်သူလယ်သမားများအတွက် ထိုက်သင့်သော ခံစားခွင့်များရရှိရန် လိုအပ်သလို သတ်မှတ်ပြဋ္ဌာန်းချက်များနှင့်အညီ ပိုင်ဆိုင်ခွင့် လုပ်ပိုင်ခွင့်ရရှိသူများအတွက်လည်း မှန်ကုန်မျှတသည့် ဥပဒေ၏ အကာအကွယ်များရရှိရန် လိုအပ်ပါသည်။ သို့ပါ၍ ကာလကြာရှည်စွာ ဖြစ်ပေါ်နေသော လယ်ယာမြေပြဿနာများအား ကိုင်တွယ်ဆောင်ရွက်ရာတွင် မည်သူမျှ နစ်နာမှုမရှိစေဘဲ မှန်ကန်မျှတသည့် ဖြေရှင်းပေးနိုင်မှုများအတွက် လယ်ယာမြေဆိုင်ရာ ဥပဒေခိုင်မာမှုနှင့် ယင်းပြဿနာများအား ကိုင်တွယ်ဖြေရှင်းသူများ၏ သမာသမတ်ကျမှုမှာ အရေးကြီးပါကြောင်း The Daily Eleven သတင်းစာက ရေးသားအပ်ပါသည်။

စက်တင်ဘာလ (၁၃) ရက်နေ့ထုတ် The Daily Eleven သတင်းစာ အယ်ဒီတာ့အာဘော်