ဝါရင့်ဂိုးသမား စကယ်တလန်ဘတ်အား စာချုပ်သက်တမ်းတိုးရန် အဲဗာတန်အသင်း ကမ်းလှမ်း

Photo: AP

အဲဗာတန်အသင်းသည် ၀ါရင့်ဂိုးသမား စကယ်တလန်ဘတ်အား စာချုပ်သက်တမ်းတိုးရန် ကမ်းလှမ်းခဲ့ကြောင်း သိရသည်။

အသက် (၃၅)နှစ်အရွယ်ရှိ နယ်သာလန်ဂိုးသမား စကယ်တလန်ဘတ်သည် ၂၀၁၉ ခုနှစ် ဇွန်လတွင် စာချုပ်သက်တမ်း ကုန်ဆုံးမည်ဖြစ်ပြီး အဲဗာတန်အသင်းက (၁)နှစ်သက်တမ်းတိုး စာချုပ် ချုပ်ဆိုရန် ကမ်းလှမ်းခဲ့ခြင်း ဖြစ်သည်။

စကယ်တလန်ဘတ်သည် အဲဗာတန်အသင်း၏ ယခုနှစ် ရာသီကြိုခြေစမ်းပွဲစဉ် (၆)ပွဲစလုံးတွင် ပါဝင်ကစားထားသော်လည်း အင်္ဂလန်ဂိုးသမား ပစ်ဖို့ဒ်နောက်တွင် ဒုတိယဦးစားပေးအဖြစ်သာ ပွဲထွက်ခွင့်ရမည် ဖြစ်သည်။

စကယ်တလန်ဘတ်သည် ၂၀၁၆ ခုနှစ်က ဖူလ်ဟမ်အသင်းမှ အဲဗာတန်အသင်းသို့ ပြောင်းရွှေ့လာခဲ့သူဖြစ်ပြီး ပြီးခဲ့သည့်ရာသီက အသင်းတွင် ပြိုင်ပွဲစုံ (၃)ပွဲသာ ပါဝင်ကစားခွင့်ရခဲ့ကြောင်း သိရသည်။

စကယ်တလန်ဘတ်အား ခေါ်ယူရန် ပြင်သစ်ကလပ် လိုင်လီအသင်းက ဆန္ဒရှိနေသော်လည်း အဲဗာတန်အသင်းနည်းပြ မာကိုဆေးလ်ဗားကမူ ၎င်းကို အသင်းတွင် ဆက်ထိန်းထားရန် ဆန္ဒရှိနေကြောင်း သိရသည်။

စကယ်တလန်ဘတ်သည် အေဂျက်စ်အကယ်ဒမီထွက် ဂိုးသမားတစ်ဦးဖြစ်ပြီး ပရိုကစားသမားဘ၀ကို အေဂျက်စ်အသင်းတွင်ပင် စတင်ခဲ့ကာ နယ်သာလန်လက်ရွေးစင်အသင်းအတွက်လည်း (၅၈)ပွဲအထိ ပါဝင်ကစားဖူးသူ ဖြစ်သည်။

နိုင်ငံတကာပုဂ္ဂိုလ်နှစ်ဦး ပါဝင်၍ ရခိုင်ပြည်နယ်ဆိုင်ရာ လွတ်လပ်သောစုံစမ်းစစ်ဆေးရေးကော်မရှင် ဖွဲ့စည်းခြင်းသည် အစိုးရအနေဖြင့် နိုင်ငံရေးအရ ရဲတင်းလွန်းပြီး ဖြစ်လာမည့်ပြဿနာအရပ်ရပ်ကို တာဝန်ခံရမည်ဖြစ်ကြောင်း ပြည်ခိုင်ဖြိုးပါတီ လွှတ်တော်ကိုယ်စားလှယ် ပြောကြား

နိုင်ငံတကာပုဂ္ဂိုလ်နှစ်ဦးပါဝင်၍ ရခိုင်ပြည်နယ်ဆိုင်ရာ လွတ်လပ်သော စုံစမ်းစစ်ဆေးရေးကော်မရှင် ဖွဲ့စည်းခြင်းသည် အစိုးရအနေဖြင့် နိုင်ငံရေးအရရဲတင်းလွန်းပြီး ဖြစ်လာမည့် ပြဿနာအရပ်ရပ်ကို တာဝန်ခံရမည်ဖြစ်ကြောင်း ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၏ ပျော်ဘွယ်မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးသောင်းအေးက ပြောကြားသည်။

နေပြည်တော်၌ ဇူလိုင် ၃၁ ရက်က ပြုလုပ်သော ဒုတိယအကြိမ် ပြည်ထောင်စုလွှတ်တော်  န၀မပုံမှန်အစည်းအဝေး စတုတ္ထနေ့တွင် ဦးသောင်းအေးက လွှတ်တော်အစည်းအဝေး မစတင်မီအချိန်တွင် လွတ်လပ်သော စုံစမ်းစစ်ဆေးရေး ကော်မရှင်ဖွဲ့စည်းခြင်းနှင့် ပတ်သက်၍ အထက်ပါအတိုင်းပြောကြားခဲ့ခြင်း ဖြစ်သည်။

“အဆိုပါအဖွဲ့ ဖွဲ့စည်းခဲ့တာဟာ အစိုးရအနေနဲ့ လွှတ်တော်ကနေ ပြောသင့်ပြောထိုက်တဲ့ အကြံဥာဏ်တွေပေးပြီး ပြောတာကို လက်မခံဘဲ ကိုယ်လုပ်ချင်တာ ကိုယ်လုပ်သွားတဲ့သဘောဖြစ်ကာ ပြည်သူ့အသံတွေကို နားထောင်ပြီးတော့ လုပ်သင့်လုပ်ထိုက်တာကို လုပ်တာမဟုတ်ဘူးလို့ မြင်မိတယ်။ ဒီလို ဖွဲ့ပြီးလုပ်ရင် ဘာတွေဖြစ်လာမလဲဆိုတာကို ပြီးခဲ့တဲ့လွှတ်တော်မှာ အဆိုတင်သွင်းကတည်းက ပြောခဲ့ပြီး အားလုံးဝိုင်းပြီး ဆွေးနွေးခဲ့ကြပေမယ့် ဒီလိုလုပ်လာတဲ့အတွက် ဖြစ်လာမယ့် ပြဿနာအရပ်ရပ်ကိုတော့  ဒီအစိုးရက တာဝန်ယူရမှာ ဖြစ်ပါတယ်။ မလုပ်သင့်မလုပ် ထိုက်ဘူးဆိုတာကို ပြည်သူလူထုတော်တော်များများက သိထားပြီးဖြစ်တယ်။ ဖွဲ့မယ်လို့ ကြေညာထားတာနဲ့ ဖွဲ့တာနဲ့ကကြားမှာ တော်တော်လေးကို ကြာသွားတယ်။ ဒါကလည်း လူထုရဲ့အသံကို နားထောင်တယ်လို့ ထင်တယ်။ ဒါပေမဲ့ အဲဒီလို နားထောင်တဲ့အခါမှာ အားလုံးက ကန့်ကွက်ထားတယ်။ ပါတီပေါင်း စုံကလည်း တော်တော်များများ ကန့်ကွက်ထားတယ်။ ဒီကန့်ကွက်တဲ့ကြားထဲက အစိုးရက ဒါကိုလုပ်တယ်ဆိုတော့ နိုင်ငံရေးအရ ပြောမယ်ဆိုရင် အရမ်းရဲတင်းလွန်းတယ်။ တိုင်းပြည်အတွက် တကယ်ကြည့်ဖို့လိုတယ်” ဟု ဦးသောင်းအေးက ပြောကြားသည်။

အဆိုပါ ရခိုင်ပြည်နယ်ဆိုင်ရာ လွတ်လပ်သော စုံစမ်းစစ်ဆေးရေးကော်မရှင်ကို ဥက္ကဋ္ဌအဖြစ် ဖိလစ်ပိုင်နိုင်ငံ ဒုတိယနိုင်ငံခြား ရေးဝန်ကြီးဟောင်း၊ ကုလသမဂ္ဂ CEDAW ကော်မတီ၏ ဥက္ကဋ္ဌဟောင်းနှင့် လက်ရှိအဖွဲ့ဝင်ဖြစ်သူ သံအမတ်ကြီး  ရိုဆာရီယိုမယ်နာလို ဖြင့်လည်းကောင်း၊ အဖွဲ့ဝင်များအဖြစ် နိုင်ငံတော်ဖွဲ့စည်းပုံ အခြေခံဥပဒေဆိုင်ရာခုံရုံး ဥက္ကဋ္ဌဟောင်းဖြစ်သူ ဦးမြသိန်း၊ လူသားချင်း စာနာထောက်ထားမှုကိစ္စရပ်များဆိုင်ရာ ကုလသမဂ္ဂ ဒုတိယအတွင်းရေးမှူးချုပ်နှင့် အရေးပေါ်ကယ်ဆယ်ရေး ညှိနှိုင်းရေးမှူးဟောင်း၊ ကုလသမဂ္ဂဆိုင်ရာ ဂျပန်အမြဲတမ်းကိုယ်စားလှယ်ဟောင်း သံအမတ်ကြီး ကင်ဇိုအိုရှီးမား နှင့် ယူနီဆက်အဆင့်မြင့်အရာရှိကြီးဟောင်း နှင့် ကုလသမဂ္ဂ၀န်ထမ်း ကောလိပ်ကျောင်းအုပ်ကြီးဟောင်း ပါမောက္ခဒေါက်တာအောင်ထွန်းသက်တို့ဖြင့် ဖွဲ့စည်းကြောင်း ဇူလိုင် ၃၀ ရက် နေ့စွဲဖြင့် နိုင်ငံတော်သမ္မတရုံးက သတင်းထုတ်ပြန်ခဲ့ခြင်း ဖြစ်သည်။

ထိုသို့ လွတ်လပ်သော စုံစမ်းစစ်ဆေးရေးကော်မရှင် ဖွဲ့စည်းခြင်းနှင့်ပတ်သက်၍  ဖွဲ့စည်းခဲ့သော အဖွဲ့အစည်း၏ အစီရင်ခံစာများ ထွက်လာမှသာ ဝေဖန်ထောက်ပြခြင်းများ လုပ်သင့်ပြီး လတ်တလောတွင် ၎င်းတို့၏ ဆောင်ရွက်ချက်လုပ်ဆောင်ချက်များကို ဘာမှမသိရသေးကြောင်း၊ ဖွဲ့စည်းပေးလိုက်သော နိုင်ငံခြားပုဂ္ဂိုလ်ကြီး နှစ်ဦးသည် နိုင်ငံတကာအလယ်တွင် အင်မတန်ဂုဏ်သရေရှိသော ပုဂ္ဂိုလ်များ ဖြစ်ကြောင်းကို ယုံကြည်ထားရမည် ဟု NLD ပါတီ၏ ပုလဲမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင်က ပြောကြားသည်။

ချယ်လ်ဆီးနှင့် ကစားမည့် ကွန်မြူနတီဒိုင်းပွဲတွင် မာရက်ဇ် ပါဝင်ကစားနိုင်ဖွယ်ရှိ

Photo: Getty Images

ဘိုင်ယန်မြူးနစ်အသင်းအား (၃-၂)ဂိုးဖြင့် အနိုင်ရခဲ့သည့် International Champions Cup ပွဲစဉ်တွင် ခြေချင်းဝတ်ဒဏ်ရာရရှိခဲ့သော ကွင်းလယ်လူ မာရက်ဇ်သည် ချယ်လ်ဆီးအသင်းနှင့် ကစားမည့် ကွန်မြူနတီဒိုင်းပွဲတွင် ပါဝင်နိုင်ဖွယ်ရှိကြောင်း မန်စီးတီးအသင်းက ထုတ်ပြန်ခဲ့သည်။

အသက် (၂၇)နှစ်အရွယ်ရှိ မာရက်ဇ်သည် ယခုနွေရာသီအပြောင်းအရွှေ့တွင်မှ လက်စတာအသင်းမှ မန်စီးတီးအသင်းသို့ ကလပ်စံချိန်တင်ပြောင်းရွှေ့ကြေး ပေါင်သန်း(၆၀)ဖြင့် ရောက်ရှိလာခဲ့သူ ဖြစ်သည်။

မာရက်ဇ်သည် ဘိုင်ယန်မြူးနစ်အား (၃-၂)ဂိုးဖြင့် အနိုင်ရသည့်ပွဲစဉ်တွင် ဘိုင်ယန်ကစားသမားရစ်ချက်နှင့် ထိခိုက်မီပြီး ခြေချင်းဝတ်ဒဏ်ရာရရှိခဲ့သဖြင့် ပွဲချိန် (၂၈)မိနစ်၌ ဘာနာဒိုဆေးလ်ဗားနှင့် လူစားလဲခံခဲ့ရပြီး အစောပိုင်းတွင် ကွန်မြူနတီဒိုင်းပွဲကို လွဲချော်ဖွယ်ရှိသည်ဟု သတင်းများထွက်ခဲ့သည်။

သို့သော် မန်စီးတီးအသင်းက မာရက်ဇ်၏ ဒဏ်ရာကို သေချာစစ်ဆေးခဲ့ရာ ဒဏ်ရာမှ ထင်မှတ်ထားသလောက် ပြင်းထန်ခြင်း မရှိသည့်အတွက် ချယ်လ်ဆီးအသင်းနှင့် ကစားမည့်ပွဲတွင် ပါဝင်နိုင်ဖွယ်ရှိနေကြောင်း ထုတ်ပြန်ခဲ့ခြင်း ဖြစ်သည်။

မန်စီးတီးအသင်း၏ ထုတ်ပြန်ချက်တွင် “ဘိုင်ယန်မြူးနစ်အသင်းအား (၃-၂)ဂိုးဖြင့် အနိုင်ရသည့် ခြေစစ်ပွဲစဉ်တွင် မာရက်ဇ်သည် ခြေချင်းဝတ်ဒဏ်ရာရရှိခဲ့ကြောင်း၊ သို့သော် ဒဏ်ရာမှ ထင်မှတ်ထားသလောက် ပြင်းထန်ခြင်းမရှိသည့်အတွက် ချယ်လ်ဆီးအသင်းနှင့် ကစားမည့် ကွန်မြူနတီဒိုင်းပွဲတွင် အသင်း၏လူစာရင်း၌ ပါဝင်လာဖွယ်ရှိနေကြောင်း” ပါရှိသည်။

ပရီးမီးယားလိဂ် ချန်ပီယံ မန်စီးတီးအသင်းနှင့် FA ဖလားချန်ပီယံ ချယ်လ်ဆီးအသင်းတို့၏ ကွန်မြူနတီဒိုင်းပွဲကို လာမည့် တနင်္ဂနွေနေ့ မြန်မာစံတော်ချိန် ည (၈း၃၀)တွင် ၀င်ဘလေကွင်း၌ ကျင်းပမည် ဖြစ်သည်။

မန်စီးတီးအသင်းသို့ ပေါင်သန်း(၆၀)ဖြင့် ပြောင်းရွှေ့ခဲ့သည့် အယ်လ်ဂျီးရီးယားတောင်ပံကစားသမား မာရက်ဇ်သည် အာဖရိက ကစားသမားများထဲတွင် တန်ကြေးအမြင့်ဆုံးကစားသမားဖြစ်ခဲ့ပြီး မန်စီးတီးအသင်း၏ ရာသီကြို ခြေစမ်းပွဲ(၃)ပွဲတွင် ခြေစွမ်းပြကစားနိုင်ခဲ့ကြောင်း သိရသည်။

တိုက်ပွဲများမရပ်တန့်နိုင်ဘဲ ငြိမ်းချမ်းရေးအစည်းအဝေးများ ကျင်းပနေခြင်းသည် နိုင်ငံရေးပြဿနာကို မည်သို့မျှဖြေရှင်းနိုင်မည်မဟုတ်ဟု TNLA ကြေညာ

လက်ရှိဖြစ်ပွားနေသော တိုက်ပွဲများ ရပ်တန့်နိုင်ခြင်းမရှိဘဲ ငြိမ်းချမ်းရေးအစည်းအဝေးများ ကျင်းပနေခြင်းသည် မြန်မာနိုင်ငံ၏ နိုင်ငံရေးပြဿနာကို မည်သို့မျှ ဖြေရှင်းနိုင်မည်မဟုတ်ဟု တအန်းလက်နက်ကိုင်အဖွဲ့ (TNLA ) ၏ ဗဟိုကော်မတီ ခြောက်လပတ် အစည်းအဝေးက ကြေညာသည်။

TNLA ၏ ဗဟိုကော်မတီ ခြောက်လပတ်အစည်းအဝေးကို ပလောင်ကိုယ်ပိုင်အုပ်ချုပ်ခွင့်ရဒေသရှိ TNLA ဗဟိုစစ်ရုံးချုပ်တွင် ဇူလိုင် ၂၁ ရက်မှ ၂၅ ရက်အထိ ပြုလုပ်ခဲ့ပြီး အဆိုပါအစည်းအဝေးနှင့်ပတ်သက်သည့် ကြေညာချက်ကို ဇူလိုင် ၃၁ ရက်တွင် ထုတ်ပြန်ခဲ့ခြင်း ဖြစ်သည်။

ပြည်ထောင်စုငြိမ်းချမ်းရေး ညီလာခံ- ၂၁ ရာစု ပင်လုံအစည်းအဝေးကျင်းပပြီး ငြိမ်းချမ်းရေးလုပ်ငန်းစဉ်များကို ဖော်ဆောင်ရန် ကြိုးပမ်းနေသော်လည်း လက်တွေ့တွင် တိုင်းရင်းသားဒေသများ၌ တိုက်ပွဲများ ဆက်လက်ပြင်းထန်နေပြီး အဆိုပါတိုက်ပွဲများကို TNLA ၏ အစည်းအဝေးက ကန့်ကွက်ရှုတ်ချကြောင်း TNLA ဗဟိုကော်မတီ ခြောက်လပတ် အစည်းအဝေး ထုတ်ပြန်ချက်တွင် ဖော်ပြထားသည်။

TNLA ၏ ယခုအစည်းအဝေးသို့ ဒုတိယဥက္ကဋ္ဌ တာခူးလန်းတက်ရောက်ခဲ့ပြီး ၎င်းအနေဖြင့် ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံ တတိယအစည်းအဝေးဖွင့်ပွဲနှင့် ညစာစားပွဲသို့ တက်ရောက်ခဲ့မှု၊ ဒုတိယ တပ်မတော်ကာကွယ်ရေးဦးစီးချုပ်နှင့် အလွတ်သဘော တွေ့ဆုံဆွေးနွေးခဲ့မှုများကို ယခုအစည်းအဝေးတွင် ပြန်လည်တင်ပြခဲ့ကြောင်းလည်း သိရသည်။

“အလွတ်သဘောဆွေးနွေးတဲ့အခါမှာ တိုက်ပွဲတွေလျှော့ချဖို့ပါတယ်။ နောက်ထပ် တွေ့ဆုံဆွေးနွေးဖို့ နိုင်ငံရေး နည်းလမ်းနဲ့ ဆက်လက်ဆွေးနွေးမယ်ဆိုတာတွေ ဒါတွေလည်း ပါပါတယ်။ဒါတွေကို ကျွန်တော်တို့ရဲ့ ကြေညာချက်မှာလည်း ထည့်သွင်းဖော်ပြထားပါတယ်” ဟု TNLA သတင်းနှင့်ပြန်ကြားရေးဌာနမှ ပြောရေးဆိုခွင့်ရှိသူ ဗိုလ်မှူးကြီး တာအိုက်ကျော်က ပြောကြားသည်။

တပ်မတော်အနေဖြင့် လက်ရှိငြိမ်းချမ်းရေးမူ သဘောထားကို ပြုပြင်ပြောင်းလဲကာ တိုင်းရင်းသားလက်နက်ကိုင် အဖွဲ့အစည်းအားလုံးပါဝင်ပြီး နိုင်ငံရေးတွေ့ဆုံဆွေးနွေးအဖြေရှာနိုင်မှသာ မြန်မာနိုင်ငံ၏ နိုင်ငံရေးပြဿနာကို ကိုင်တွယ်ဖြေရှင်းနိုင်မည်ဟု TNLA ဗဟိုကော်မတီအစည်းအဝေးက သုံးသပ်သည်။

TNLA ၏ ခြောက်လပတ် ဗဟိုကော်မတီအစည်းအဝေးတွင် ပလောင်ကိုယ်ပိုင် အုပ်ချုပ်ခွင့်ရဒေသအတွင်း တရားဥပဒေစိုးမိုးမှု ရရှိရန်အတွက TNLA တရားစီရင် ရေးဌာနမှ တရားစီရင်ရေးလုပ်ငန်းများကို စီရင်ဆုံးဖြတ်ဆောင်ရွက်သွားနိုင်ရန်နှင့် ရာဇ၀တ်မှုကျူးလွန်သူများကို ဖမ်းဆီးအရေးယူရန်အတွက် အုပ်ချုပ်ရေးဌာနက ဦးဆောင်သည့် တရားဥပဒေစိုးမိုးရေးဖော်ဆောင်ရေး အလုပ်အဖွဲ့မှ တာဝန်ယူဆောင်ရွက်သွားမည်ဟူသည့် ထူးခြားသော လုပ်ငန်းစဉ်တစ်ခုကိုလည်း ချမှတ်နိုင်ခဲ့ကြောင်း အစည်းအဝေး ကြေညာချက်အရ သိရသည်။

စစ်ရေးဖိအားအမျိုးမျိုးနှင့်နိုင်ငံရေး ဖိနှိပ်ကန့်သတ်မှုမည်မျှပင် ပြင်းထန်ခက်ခဲနေစေကာမူ TNLA အနေဖြင့် ပလောင်လူ ထုနှင့်လက်တွဲကာ တအန်းအမျိုးသားနိုင်ငံရေး ဦးတည်ချက်ပန်းတိုင် မရောက်မချင်း ကြိုးပမ်းဆောင်ရွက်သွားရန် TNLA  က ကြေညာခဲ့ပြီး ယခုအစည်းအဝေးသို့ ဗဟိုကော်မတီဝင်၊ အရန်ဗဟိုကော်မတီအဖွဲ့ဝင် ခေါင်းဆောင်များ၊ လုပ်ငန်းဌာနမှူးများ၊ TNLA  အဖွဲ့ဝင်များ၊ ခရိုင်နှင့်မြို့နယ်အုပ်ချုပ်ရေးမှူး စုစုပေါင်း  ၁၀၈  ဦး တက်ရောက်ခဲ့ကြောင်း သိရသည်။

ဖိလစ်ပိုင်၌နေထိုင်သည့် တရုတ်များက တရုတ်ဘာသာစကား ပြောတတ်သည့် မြန်မာများကို WeChat မှတစ်ဆင့် မက်လုံးပေးပြီး လူကုန်ကူးမှုများ ရှိနေဟု လူကုန်ကူးမှု တားဆီးနှိမ်နင်းရေး ရဲတပ်ဖွဲ့မှ ရဲအရာရှိ သတိပေး

ဖိလစ်ပိုင်တွင် နေထိုင်သည့် တရုတ်များက တရုတ်ဘာသာစကား ပြောတတ်သည့် မြန်မာများကို လူမှုကွန်ရက် WeChat မှ တစ်ဆင့် မက်လုံးပေးကာ လူကုန်ကူးမှုများ ရှိနေကြောင်း လူကုန်ကူးမှု တားဆီးနှိမ်နင်းရေး ရဲတပ်ဖွဲ့မှ ရဲအရာရှိက သတိပေး ပြောကြားသည်။

ရှမ်းပြည်နယ် အလုပ်သမား ညွှန်ကြားရေး ဦးစီးဌာနနှင့် ရှမ်းပြည်နယ် အမှတ်(၁၅) လူကုန်ကူးမှု တားဆီးနှိမ်နင်းရေး ရဲတပ်ဖွဲ့တို့ ပူးပေါင်းပြုလုပ်သည့် ရွှေ့ပြောင်းသွားလာခြင်းနှင့် ဖွံ့ဖြိုးတိုးတက်ရေးဆိုင်ရာ အလုပ်ရုံ ဆွေးနွေးပွဲတွင် ယင်းတပ်ဖွဲ့စုမှ တပ်ဖွဲ့စုမှူး ဒုရဲမှူး မျိုးကိုကိုက ပွဲတက်ရောက်လာသူများနှင့် ဆွေးနွေးရာတွင် ထည့်သွင်းသတိပေး ပြောကြားခဲ့ခြင်း ဖြစ်ကြောင်း သိရသည်။

ဖိလစ်ပိုင်နိုင်ငံ မနီလာမြို့တွင် နေထိုင်ကြသည့် တရုတ်လူမျိုးများက လူမှုကွန်ယက် WeChat မှတစ်ဆင့် တရုတ်ဘာသာစကား ပြောတတ်သည့် မြန်မာနိုင်ငံသားများအား ၀င်ငွေကောင်းသည့်အလုပ် ရရှိမည်၊ လာရောက်မည့် စရိတ်များကို ကျခံပေးမည်ဟု စည်းရုံးကာ တရားဥပဒေနှင့် မညီသည့် လောင်းကစားဒိုင်များတွင် ခိုင်းစေရန် ခေါ်ယူကာ လုပ်အားခေါင်းပုံဖြတ်ခြင်း၊ အနိုင်အထက်ပြုခြင်း၊ လစာနည်းနည်းသာပေး၍ ခိုင်းစေခြင်း စသည့်ဒုက္ခများ ခံစားနေရကြောင်း၊ သက်ငယ်မုဒိမ်းမှုများနှင့် ပတ်သက်၍လည်း အသက် ၁၆ နှစ်မပြည့်သေးသော မိမိသားသမီးများအား ကလေးဟု တွေးမြင်ပြီး လွတ်လပ်စွာ ဆော့ကစားစေခြင်း၊ မိမိတို့ မိသားစု၊ ဆွေမျိုးတော်စပ်သူ၊ သူစိမ်းအမျိုးသားများနှင့် ယုံကြည်စွာ အတူထားခြင်းဖြင့် မုဒိမ်းမှု ကျူးလွန်သူများအတွက် အခွင့်အရေး ရရှိနိုင်သဖြင့် မိဘများ အနေဖြင့် အယုံမလွယ်ကြရန်၊ အမြဲစောင့်ကြည့်ရန်၊ မိဘများနှင့် ကလေးများ လိုက်နာသတိပြုရန် အချက်များ၊ ရွှေ့ပြောင်းသွားလာမှုဆိုင်ရာ သိသင့်သိထိုက်သည့် အချက်များအား အမှတ် (၁၅) လူကုန်ကူးမှု တားဆီးနှိမ်နင်းရေး ရဲတပ်ဖွဲ့စု တပ်ဖွဲ့စုမှူး ဒုရဲမှူးမျိုးကိုကိုက အသိပေး ဆွေးနွေးခဲ့ကြောင်း လူကုန်ကူးမှု တားဆီးနှိမ်နင်းရေး ရဲတပ်ဖွဲ့၏ လူမှုကွန်ရက် စာမျက်နှာတွင် ဖော်ပြပါရှိသည်။

အလားတူ တပ်ဖွဲ့စု (၁၅)တောင်ကြီးမှ ရဲအုပ်စိန်ဝင်းထွန်းကလည်း အမျိုးသမီးများ၏ အခွင့်အရေးများကို ဖွဲ့စည်းပုံ အခြေခံဥပဒေ၊ ရာဇသတ်ကြီးဥပဒေ၊ ရာဇ၀တ်ကျင့်ထုံးဥပဒေ၊ လူကုန်ကူးမှု တားဆီးကာကွယ်ရေး ဥပဒေများမှ ကာကွယ်ပေးထားမှု၊ ရွှေ့ပြောင်းသွားလာရာမှ လူကုန်ကူးမှု မခံရစေရေးအတွက် ဆောင်ရန်၊ ရှောင်ရန် အချက်များအား ရှင်းလင်း ပြောကြားခဲ့ကြောင်း သိရသည်။

ထို့အပြင် ဆွေးနွေးပွဲသို့ တက်ရောက်လာသူများအား အသိပညာပေး လက်ကမ်းစာစောင်များလည်း ဝေငှခဲ့ကြောင်း သိရသည်။

 

တောင်ပံကစားသမား မာနေအား စာချုပ်သက်တမ်းတိုးရန် လီဗာပူးလ်အသင်း စီစဉ်

Photo: Getty Images

လီဗာပူးလ်အသင်းသည် အသင်းတောင်ပံကစားသမား မာနေကို စာချုပ်သက်တမ်းတိုးရန် စီစဉ်နေကြောင်း သိရသည်။

လီဗာပူးလ်အသင်းသည် အသင်း၏အဓိကတိုက်စစ်ကစားသမားများဖြစ်သည့် ဖေမီနိုနှင့် ဆာလာတို့အား သက်တမ်းတိုးစာချုပ်များ ချုပ်ဆိုခဲ့ပြီး ယခုအခါ မာနေကို စာချုပ်သက်တမ်းတိုးရန် ပြင်ဆင်လာခြင်း ဖြစ်သည်။

အသက် (၂၆)နှစ်အရွယ်ရှိ မာနေသည် ၂၀၁၆ ခုနှစ်က ဆောက်သမ်တန်အသင်းမှ လီဗာပူးလ်အသင်းသို့ ပေါင် (၃၄)သန်းဖြင့် ပြောင်းရွှေ့လာခဲ့ပြီး စာချုပ်သက်တမ်း(၃)နှစ်ကျန်ရှိနေသေးသော်လည်း လီဗာပူးလ်အသင်းက နှစ်ရှည်စာချုပ်ချုပ်ဆိုရန် စီစဉ်နေခြင်းလည်း ဖြစ်သည်။

မာနေသည် လက်ရှိတွင် လီဗာပူးလ်အသင်း၌ တစ်ပတ်လစာ ပေါင်(၁)သိန်းရရှိနေပြီး စာချုပ်သစ်ချုပ်ဆိုခဲ့ပါက ဆာလာ၊ ဗန်ဒိုက်တို့ကဲ့သို့ ထိပ်တန်းလစာ ရရှိဖွယ်ရှိနေကြောင်း သိရသည်။

လီဗာပူးလ်အသင်းတွင် လစာအများရရှိနေသူမှာ တိုက်စစ်မှူး ဆာလာဖြစ်ပြီး တစ်ပတ်လစာ ပေါင် (၂)သိန်းအထိ ရရှိနေကြောင်း သိရသည်။

မာနေသည် ပြီးခဲ့သည့်ရာသီက လီဗာပူးလ်အသင်း၏ တိုက်စစ်တွင် ဆာလာ၊ ဖေမီနိုတို့နှင့်အတူ ခြေစွမ်းပြနိုင်ခဲ့ပြီး အသင်းကို ချန်ပီယံလိဂ်ဗိုလ်လုပွဲအထိ ပို့ဆောင်ပေးနိုင်ခဲ့ကာ ပြိုင်ပွဲစုံ (၄၄)ကစားခဲ့ရာ ဂိုး (၂၀)အထိ သွင်းယူနိုင်ခဲ့ကြောင်း သိရသည်။

အရက်မူးပြီး ရန်ရှာသည့်ခင်ပွန်းအား ဇနီးဖြစ်သူက ဓားဖြင့်ထိုးသတ်မှု ရွှေပြည်သာမြို့နယ်တွင် ဖြစ်ပွား

အရက်မူးပြီး ရန်ရှာသည့် ခင်ပွန်းအား ဇနီးဖြစ်သူက ဓားဖြင့်ထိုးသတ်မှု ရွှေပြည်သာ မြို့နယ်တွင် ဖြစ်ပွားခဲ့ကြောင်း ဇူလိုင် ၃၁ ရက် တွင် မြောက်ပိုင်းခရိုင် ရဲတပ်ဖွဲ့မှ သိရသည်။

ဇူလိုင် ၃၀ ရက် ညပိုင်းတွင် ရွှေပြည်သာမြို့နယ် (ဏ/၁၄) ရပ်ကွက် ပန်းခြံ (၂၁) ပေါ်ဆန်းမွှေး (၄) လမ်းရှိ နေအိမ်တွင် အမျိုးသားတစ်ဦး ဒဏ်ရာဖြင့် သေဆုံးနေကြောင်း သတင်းရသဖြင့် သက်ဆိုင်ရာ ရဲတပ်ဖွဲ့က သွားရောက် စစ်ဆေးရာ သေဆုံးသူမှာ ကို…. (၃၂ နှစ်) ဖြစ်ကြောင်း၊ ရဲတပ်ဖွဲ့က စစ်ဆေးရာ သေဆုံး သူမှာ အခင်းဖြစ်ပွားသည့်ညတွင် အရက်အလွန်အကျွံသောက်ကာ နေအိမ်သို့  ပြန်လာခဲ့ကြောင်း၊ နေအိမ်သို့ ရောက်ချိန်တွင် ကို…. မှာ ၎င်း၏ဇနီးဖြစ်သူ ဒေါ်စိမ့်စိမ့်အေး (၄၇ နှစ်) အား ထမင်းစားလိုသည်ဟု ပြောဆိုခဲ့ကြောင်း၊ ထိုသို့ပြောဆိုသည့် အချိန်တွင် ဒေါ်စိမ့်စိမ့်အေးက ကို…. ထမင်းစားရန် စီစဉ်ပေးပြီး အိပ်ရာဝင်ခဲ့ကြောင်း၊ ယင်းနောက် ခဏအကြာတွင် ကို….က  ၎င်း၏ ဇနီးဖြစ်သူ ဒေါ်စိမ့်စိမ့်အေး၏ ခြေထောက်အားဆွဲပြီး အမျိုးမျိုး ရန်ရှာပြောဆို နေခဲ့ကြောင်းနှင့် ယင်းသို့ပြောဆိုသဖြင့် ဒေါ်စိမ့်စိမ့်အေးမှာ အရိုးအသွား ၁၁ လက်မခန့်ရှိ သစ်သားရိုးတပ် ဦးချွန်စတီးဓားဖြင့် ကို…. ၏ ယာဘက်ရင်အုံအား တစ်ချက်ထိုးသတ် ခဲ့ခြင်းဖြစ်သည်။

“ကနဦး စစ်ဆေးချက်မှာ ခင်ပွန်းကို ဓားနဲ့ထိုးသတ်ခဲ့သူက လိမ်လည်ထွက်ဆိုတာပါ။ သူက နေအိမ်မှာ အိပ်နေတုန်း သူ့ခင်ပွန်းက အရက်မူးပြီး ရောက်လာတယ်။ သူ့ခင်ပွန်းက အိမ်တံခါးကို ဖွင့်တဲ့အချိန် အသံကြားတော့ အိမ်ရှေ့ထွက်ကြည့်တာ သူ့ခင်ပွန်းက ထိုးသွင်းဒဏ်ရာ တစ်ချက်ရထားပြီး သေဆုံးနေတယ်ဆိုပြီး ထွက်ဆိုတာ။ ဒါပေမဲ့ ရဲတပ်ဖွဲ့က မသင်္ကာလို့ စခန်းကိုခေါ်ပြီး အသေးစိတ် စစ်ဆေးတော့ ဓားနဲ့ထိုးသတ်တဲ့ အမျိုးသမီးက သူ့ခင်ပွန်းက သူ့ကိုရန်အမျိုးမျိုးရှာလို့ ဓားနဲ့ထိုးသတ်လိုက်တယ်။ သတ်ပြီးတော့ ဓားကို  မီးဖိုခန်းထဲပြန်ထားပြီး သွေးတွေကို ရေဆေးခဲ့တယ်ဆိုပြီး ၀န်ခံထွက်ဆိုခဲ့တာပါ” ဟု မြောက်ပိုင်းခရိုင် ရဲတပ်ဖွဲ့မှ ရဲအရာရှိတစ်ဦးက ပြောကြားသည်။ ဖြစ်စဉ်အား လှော်ကားရဲစခန်းမှ (ပ)၄၅၈/၂၀၁၈၊ ရာဇသတ်ကြီးပုဒ်မ ၃၀၂ ဖြင့် အမှုဖွင့်ထားကြောင်း သိရသည်။

ရိုက်တာသတင်းဌာနမှ မြန်မာသတင်းထောက်နှစ်ဦးအမှု (၃၄) ကြိမ်မြောက်ရုံးထုတ်ပြီး သက်သေအဖြစ် သတင်းထောက်နှစ်ဦးကို ကားမောင်းပို့ပေးခဲ့သော ယာဉ်မောင်းအား စစ်ဆေး

ရိုက်တာသတင်းဌာနမှ မြန်မာသတင်းထောက် နှစ်ဦး၏ (၃၄) ကြိမ်မြောက် ရုံးချိန်းတွင် သတင်းထောက် ကိုဝလုံးက မီဒီယာများအား ဖြေကြားနေစဉ် (ဓာတ်ပုံ-ကြည်နိုင်)

ရိုက်တာသတင်းဌာနမှ မြန်မာသတင်းထောက်နှစ်ဦး ကိုဝလုံးနှင့် ကိုကျော်စိုးဦးတို့ အမှုကို  ဇူလိုင် ၃၀ ရက်က မြောက်ပိုင်းခရိုင် တရားရုံးတွင် ၃၄ ကြိမ်မြောက် ရုံးထုတ်ခဲ့ပြီး သက်သေအဖြစ် သတင်းထောက် နှစ်ဦးကို ကားမောင်းပို့ပေးခဲ့သော ယာဉ်မောင်းကို စစ်ဆေးခဲ့ကြောင်း သိရသည်။

ယ​နေ့ရုံးချိန်းတွင်​ ရိုက်​တာသတင်း​ထောက်​ ကို​ကျော်​စိုးဦးကို တစ်​ဖက်​ဥပ​ဒေ အရာရှိက အပြန်​အလှန်​​မေးခွန်းစစ်​​မေးခဲ့​​​ကြောင်း၊ ကို​ကျော်​စိုးဦးပြီး​နောက်​ ​​နောက်​ထပ်​သက်​​သေ တစ်​ဦးဖြစ်​​သော ကိုဝလုံးနှင့် ကိုကျော်​စိုးဦးတို့ကို အခင်းဖြစ်​ညက လိုက်​ပို့ပေးခဲ့​​သော ရိုက်တာသတင်းဌာနမှ ယာဉ်ေ​​​​မာင်း ​ကိုမျိုးသန့်ထွန်းက ထွက်​ဆိုမှု ပြုလုပ်​ခဲ့သည်​။

ရိုက်​တာသတင်း​ထောက်​ နှစ်​ဦး၏ ​ရှေ့နေ တရားလွတ်​​တော်​​ရှေ့​နေ ဦးသန်း​ဇော်​​အောင်​က “ဥပ​ဒေအရာရှိ အဓိကထားပြီး ​မေးသွားတာက ဒုသမ္မတခရီးစဉ် ကိစ္စ​တွေ၊ မာန်​​အောင်​ကျွန်း စီးပွား​ရေးဆိုင်​ရာ ဖွံ့ဖြိုးတိုးတက်​​ရေး ပ​ရောဂျက်​ ကိစ္စ​တွေ။ အဲဒီဖုန်းထဲက ရတဲ့ဟာ​တွေ အဓိက​မေးတာ။ တကယ်​​တော့ ဒီစာရွက်​စာတမ်း​တွေ ဥပမာ ဒုသမ္မတခရီးစဉ်​က တိုးတိုးတိတ်​တိတ်​သွားတဲ့ ခရီးစဉ်​မဟုတ်​ဘူး။ အများပြည်သူသိ​အောင်​ သတင်းစာ​တွေမှာ ထုတ်​ပြန်​ပြီးသား ကိစ္စ​တွေ။ ဒါ​တွေကလည်း တရားရုံးမှာ သက်သေခံ တင်​သွင်းပြီးသား” ဟု​ ပြောကြားသည်​။

ထို့ပြင်​ ရဲတပ်​ကြပ်​နိုင်​လင်းက ရိုက်​တာသတင်း​ထောက်​ နှစ်​​ယောက်​ကို အငှားယာဉ်​ဖြင့်​ လာသည်​ဟု ထွက်ဆိုထား​သော်​လည်း သတင်း​ထောက်​နှစ်​ဦး​ အနေဖြင့်​ မင်္ဂလာဒုံသို့ သွား​ရောက်​ရာတွင်​ ရိုက်တာသတင်းဌာနမှ ယာဉ်​၊ ယာဉ်ေ​မာင်းတို့ဖြင့်​ ​သွား​ရောက်​ခြင်းဖြစ်​ပြီး  ကွဲလွဲ​နေ​ကြောင်း တရားလွှတ်တော်​​ရှေ့နေ ဦးသန်း​ဇော်​​အောင်​က ဆိုသည်​။

ဆက်လက်၍ “ကားဆရာက ထွက်​ဆိုချက်​က အချင်းဖြစ်​တဲ့ညက သူ့ကိုခေါ်တယ်။ ​ခေါ်ပြီး​တော့ ရဲတပ်​ရင်း ၈ နားမှာ​​စောင့်ေ​​​နတယ်။ ​အဲဒီက အရပ်​၀တ်​အင်္ကျီအဖြူ နဲ့ လူနှစ်​​ယောက်​က ဆိုင်​ကယ်​နဲ့ ရှေ့က ဦးဆောင်သွားတယ်​။ ဆောင်းရိပ်​မွန်​မှာ ချ​ပေးခဲ့တယ်​။ သူထားခဲ့တယ်​လို့ ထွက်​ဆိုသွားတယ်​” ဟု တရားလွှတ်​​တော်​​ရှေ့နေ ဦးသန်း​ဇော်​​အောင်​က ပြောကြားသည်​။

သက်​​သေအဖြစ်​ လာ​ရောက်​ထွက်​ဆို​သော ယာဉ်​​မောင်း ကိုမျိုးသန့်​ထွန်းက ကိုဝလုံးတို့နှစ်ဦး ကားပေါ်တွင် ပြောဆိုနေမှုများနှင့် ပတ်သက်၍ “ရဲကချိန်းလို့ သွားတယ်​လို့​တော့ ကြားမိတယ်​။ ရဲနာမည်​​တော့ အဲဒီလိုတော့ မသိဘူး။ ရဲနဲ့ Appointment ရှိတယ်​လို့​ပြောတယ်​။ ဆိုင်​ကယ်​က ​နောက်​​ကျောက မြင်​ရ​တော့ မျက်​နှာကို မမြင်​ရဘူး။ ရဲလိုမျိုး နှစ်​​ယောက်​က ​ဆိုင်​ကယ်​နဲ့ အ​ရှေ့က​နေ ​စီးသွားတယ်​။ ယူနီ​ဖောင်းနဲ့ မဟုတ်​ဘူး။ သူတို့က ဦး​ဆောင်​ပြီး ​ခေါ်သွားတယ်​။ ဒါ​တွေ ကျွန်​တော်​တရားရုံးမှာ ထွက်​ဆိုခဲ့တာပါ” ဟု တရားရုံးချိန်း အပြီးတွင်​ မီဒီယာများအား ​ဖြေကြားသည်​။

အမှုအ​နေဖြင့်​ စွပ်​စွဲခံရသူဘက်​မှ တင်​သွင်း​သော သက်​​သေသုံးဦးသာ စစ်​​ဆေးရန်​ ကျန်​ရှိ​တော့မည်​ဖြစ်​ကာ YJS သတင်းစာပညာ သင်​​ကျောင်း​မှ ​ကျောင်းအုပ်​ကြီး ဦးရဲနိုင်​မိုး၊ ကိုဝလုံး၏ မိတ်​​ဆွေ ကိုသန့်​ဇင်​စိုးနှင့်​ ဆက်​သွယ်​​ရေး​ အော်​ပ​ရေတာ တယ်​လီ​နောမှ နည်းပညာဆိုင်​ရာ တာဝန်​ခံ တစ်​ဦးဖြစ်ပြီး လာမည့် သြဂုတ်​ ၆၊ ၇ ရက်​ ရုံးချိန်းတွင်​ စစ်​​ဆေးသွားမည်​ဖြစ်​သည်​။

ရဲတပ်​ကြပ်​နိုင်​လင်းက ရိုက်​တာသတင်း​ထောက်​ ကိုဝလုံးတို့ကို တယ်​လီ​နော ဖုန်းနံပါတ်​ဖြင့်​ ​ခေါ်ဆိုမှုများ ပြုလုပ်​ထားခြင်းရှိ၍ တယ်​လီ​နောမှ နည်းပညာဆိုင်​ရာ တာဝန်ခံတစ်​ဦးကို သက်​​သေအဖြစ်​ တင်သွင်းထားခြင်း ဖြစ်​​ကြောင်း သိရသည်​။

ရိုက်တာသတင်းထောက် ကိုကျော်စိုးဦးက “ဒီနေ့တော့ ကျွန်တော်ထွက်ဆိုတာ ပြီးသွားပါပြီ။ အဓိက ထွက်ဆိုခဲ့တာက ဒီစာရွက်တွေနဲ့ ပတ်သက်ပြီး ကျွန်တော်တို့ မသိရှိဘူးဆိုတဲ့ အကြောင်းအရာတွေ၊ အင်ဒင်းစတိုရီကို လိုက်ခဲ့တာလည်း သတင်းမီဒီယာ ကျင့်ဝတ်နဲ့အညီ လိုက်ခဲ့တယ် ဆိုတာ ထွက်ဆိုခဲ့ပါတယ်။ ကားဆရာကိုလည်း စစ်ဆေးပါတယ်။ ဘာကြောင့်လဲဆိုရင် နိုင်လင်းတို့က ကျွန်တော်တို့ကို ဦးဆောင်ပြီး ခေါ်သွားတာကို ကားဆရာက မြင်လိုက်လို့ပါ” ဟု မီဒီယာများအား ပြောကြားသည်။

 

၂၀၂၂ – ၂၀၂၃ ပညာသင်နှစ်တွင် ၁၂ တန်းစလုံး၏ ကျောင်းသုံးဖတ်စာအုပ်များ အသစ်ဖြစ်အောင် ပြုစုမည်ဟု ပြည်ထောင်စုဝန်ကြီး ပြောကြား

၂၀၂၂ – ၂၀၂၃ ပညာသင်နှစ်တွင် ၁၂ တန်းစလုံး ကျောင်းသုံးဖတ်စာအုပ်များ အသစ်ဖြစ်အောင် ပြုစုသွားမည်ဟု ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးက ပြောကြားသည်။

ထို့ပြင် ယခု ၂၀၁၈-၂၀၁၉ ပညာသင်နှစ်တွင် Grade – 2 ကျောင်းသုံးဖတ်စာအုပ် အသစ်များ အသုံးပြုနေပြီး ၂၀၁၉-၂၀၂၀ ပညာသင်နှစ်တွင် Grade – 3 နှင့် အလယ်တန်းပညာရေးမှ Grade – 6 ၌ ကျောင်းသုံး ဖတ်စာအုပ်အသစ်များ၊ ၂၀၂၀-၂၀၂၁ ပညာသင်နှစ်တွင် Grade – 4၊ အလယ်တန်းပညာရေးမှ Grade – 7 တို့၌ ဖတ်စာအုပ် အသစ်များ အသုံးပြုရန် စီစဉ်နေကြောင်း သိရသည်။

ပြည်ထောင်စုဝန်ကြီးက “သင်ရိုးညွှန်းတမ်းတွေကို ပြုပြင်ပြောင်းလဲတဲ့ အခါမှာ မနှစ်က Grade -1 ဖတ်စာအုပ်တွေ အသစ် JICA ရဲ့အကူအညီနဲ့ ပြုစုပြီးပြီ။ ၂၀၁၈-၂၀၁၉ ပညာသင်နှစ် ယခုမှာ Grade – 2 ဖတ်စာအုပ်တွေ အသုံးပြုနေပြီ။ နောက်နှစ်မှာ မူလတန်းတစ်တန်းဖြစ်တဲ့ Grade – 3၊ အလယ်တန်း တစ်တန်းဖြစ်တဲ့ Grade – 6 ကို ကျောင်းသုံးဖတ်စာအုပ်အသစ် အသုံးပြုနိုင်ဖို့ စီစဉ်ဆောင်ရွက်နေတယ်။ နောက် ၂၀၂၀- ၂၀၂၁ ပညာသင်နှစ်မှာတော့ Grade – 4 တစ်တန်းနဲ့ Grade – 7 ရယ်၊ အထက်တန်း တစ်တန်းဖြစ်တဲ့ Grade – 10 ရယ် ဒါတွေကို ကျွန်တော်တို့ စီမံဆောင်ရွက်တာသည် ၂၀၂၂- ၂၃ ပညာသင်နှစ်မှာ ဒီ KG+ 12 ၁၂ တန်းစလုံးသည် ကျောင်းသုံး ဖတ်စာအုပ်အသစ်တွေ ဖြစ်အောင် ပြုစုသွားမှာ ဖြစ်ပါတယ်” ဟု  ဇူလိုင် ၂၉ ရက်က Lotte Hotel တွင် ပြုလုပ်သည့် ရွှေပါရမီပညာရေး ဖောင်းဒေးရှင်း၏ ဆဋ္ဌမအကြိမ် ပညာသင်ဆုပေးပွဲတွင် ပြောကြားခဲ့သည်။

၂၀၁၉-၂၀၂၀ ပညာသင်နှစ်တွင် အခြေခံမူလတန်းပညာရေးမှ Grade – 3 အတွက် မူလတန်းပြဆရာ၊ ဆရာမများနှင့် အလယ်တန်းပညာရေးမှ Grade – 6 တို့အတွက်  အလယ်တန်းပြဆရာ၊ ဆရာမများကို သင်တန်းပေးနိုင်ရန် စီစဉ်ဆောင်ရွက်နေပြီး ယခုနှစ်တွင် Grade – 3 အတွက် မူလတန်းပြ ဆရာ၊ ဆရာမ နှစ်သိန်းခွဲကို ပညာရေး ၀န်ကြီးဌာနမှ သင်တန်းပေးခဲ့ကြောင်း ပြည်ထောင်စုဝန်ကြီးက ဆက်လက် ပြောကြားသည်။

 

လာဇီယိုအသင်းတွင် ဆက်နေမည်ဟု ပရိသတ်များကို မီလင်ကိုဗစ် ပြောကြား

Photo: Getty Images

ရီးယဲလ်မက်ဒရစ်နှင့် မန်ယူအသင်းတို့၏ ပစ်မှတ် မီလင်ကိုဗစ်က လာဇီယိုအသင်းတွင် ဆက်ရှိနေမည်ဟု ပရိသတ်များကို ပြောကြားခဲ့ကြောင်း သိရသည်။

ပြီးခဲ့သည့်ရာသီက လာဇီယိုအသင်းနှင့် အတူ တောက်ပလာသည့် ဆားဘီးယားကွင်းလူ မီလင်ကိုဗစ်အား ခေါ်ယူရန် မန်ယူ၊ ရီးယဲလ်မက်ဒရစ်နှင့် ဂျူဗင်တပ်စ်အသင်းတို့က စိတ်ဝင်စားနေကြသည်။

သို့သော် လာဇီယိုအသင်းက မီလင်ကိုဗစ်အား ဈေးကွက်တင်ထားခြင်း မရှိကြောင်းနှင့် အနည်းဆုံး ယူရိုသန်း (၁၀၀)ရရှိမှသာ အသင်းမှ ထွက်ခွာခွင့်ပြုမည်ဟု ပြောဆိုထားသည်။

ဆားဘီယားအသင်းနှင့် အတူ ကမ္ဘာ့ဖလားဆင်နွှဲခဲ့သည့် မီလင်ကိုဗစ်သည် ဇူလိုင် (၃၀)ရက်က လာဇီယိုအသင်းသို့ ပြန်လည်ရောက်ရှိလာပြီး အသင်းနှင့်အတူ လေ့ကျင့်ရေးများပြုလုပ်နေပြီ ဖြစ်ကြောင်း သိရသည်။

လာဇီယိုအသင်းတွင် ဆက်ရှိနေမည်လော ဟူသော ပရိသတ်များ၏ မေးမြန်းမှုကို မီလင်ကိုဗစ်က “ဟုတ်ပါတယ်။ ကျွန်တော် လာဇီယိုအသင်းမှ ရှိနေပါတယ်။ ကျွန်တော် ဒီမှာ(လာဇီယိုအသင်း)ရှိနေတာကို ခင်ဗျားတို့ မမြင်ဘူးလား”ဟု ပြန်လည်ပြောကြားခဲ့သည်။

အသက် (၂၃)နှစ်အရွယ်ရှိ မီလင်ကိုဗစ်သည် ၂၀၁၅ ခုနှစ်က ဘယ်လ်ဂျီယံကလပ် ဂန့်အသင်းမှ လာဇီယိုအသင်းသို့ ပြောင်းရွှေ့လာခဲ့သူဖြစ်ပြီး ပြီးခဲ့သည့်ရာသီက ပြိုင်ပွဲစုံ(၄၈)ပွဲ (၁၄)ဂိုး သွင်းယူပေးခဲ့သူ ဖြစ်သည်။