လန်ဒန်မှ ဆံသဆရာအယ်လ်ဆာနာဝီကို ရုရှားနိုင်ငံအထိ လေယာဉ်ဖြင့် ခေါ်ဆောင်ခဲ့ပြီး ပေါ့ဘာအပါအ၀င် ပြင်သစ်ကစားသမား (၁၃)ဦး ဆံပင်ညှပ်

 

Photos: The Sun

ပြင်သစ်ကွင်းလယ်လူ ပေါ့ဘာသည် အင်္ဂလန်နိုင်ငံ၊ လန်ဒန်မြို့မှ ၎င်း၏ဆံသဆရာ အယ်လ်ဆာနာဝီကို ရုရှားနိုင်ငံ၊ မော်စကိုရှိ ပြင်သစ်အသင်း အခြေစိုက်ရာသို့ လေယာဉ်လွှတ်ကာ ခေါ်ဆောင်ခဲ့ကြောင်း သိရှိရသည်။ ပေါ့ဘာအား အမြဲဆံပင်ညှပ်ပေးနေသည့် အယ်လ်ဆာနာဝီသည် ပြင်သစ်အသင်းအခြေစိုက်ရာ ဟိုတယ်တွင် (၁၈)နာရီအထိ နေထိုင်ခဲ့ရပြီး ပေါ့ဘာအပါအ၀င် ပြင် သစ်ကစားသမား (၁၃)ဦးကို ဆံပင်ညှပ်ပေး ခဲ့ရကြောင်း သိရှိရသည်။

အသက်(၂၆)နှစ်အရွယ်ရှိ ဆံသဆရာ အယ်လ်ဆာနာဝီသည် လန်ဒန်မြို့၊ ဆာရီဒေသဖြစ်သည့် ချက်ဆိန်းတွန်တွင် ဆံပင်ညှပ်ဆိုင်ဖွင့်ထားသူဖြစ်ပြီး ပရီးမီးယားလိဂ် နာမည်ကျော်ကစားသမားကို အမြဲတမ်း ဆံပင် ညှပ်ပေးနေသူလည်း ဖြစ်သည်။ ပြင်သစ်ကစားသမားဖြစ်သည့် မန်ယူကွင်းလယ်လူ ပေါ့ဘာနှင့် မန်စီးတီးနောက်ခံလူ မန်ဒီတို့မှာ ဆံသဆရာအယ်လ်ဆာနာဝီ၏ ဖောက်သည်များဖြစ်ကြောင်း သိရှိရသည်။

” ပေါ့ဘာနဲ့ မန်ဒီက ကျွန်တော့်ရဲ့ ဖောက်သည်တွေပါ။ ဒါပေမဲ့ အခြားပြင်သစ်ကစားသမားတွေကလည်း Instagram ကတစ်ဆင့် ကျွန်တော့်ကို သိနေ ကြပါတယ်။ ကျွန်တော် သူတို့ဆီ ရောက်နေတုန်း ဆံပင်ညှပ်ချင်ကြပါတယ်” ဟု ဆံသဆရာအယ်လ်ဆာနာဝီက ပြောကြားခဲ့သည်။ အယ်လ်ဆာနာဝီ ဆံပင်ညှပ်ပေးခဲ့သည့် ပြင်သစ်ကစားသမား(၁၃)ဦးထဲတွင် ဘာစီလိုနာကစားသမားများဖြစ်သည့် ဒမ်ဘီလီ၊ အမ်တီတီ တို့ပါဝင်သလို ချယ်လ်ဆီးကွင်းလယ်လူ ကွန်တေနှင့် PSG စတား ဘာပေတို့ ပါဝင် ကြောင်း သိရှိရသည်။

“ဘာပေက ရိုးရှင်းတဲ့ပုံစံကို သဘောကျတယ်။ သူ့ကို ဆံပင်ပုံစံဆန်းဆန်းလေး ညှပ်ပေးဖို့လုပ်တော့ ဘာပေက ငြင်းပါတယ်။ ကျွန်တော်က ပိုလှအောင် လုပ်ပေးချင်ပေမယ့် ခင်ဗျားတို့ သိတဲ့အတိုင်းပဲ ဆံသဆရာ ဆိုတာ ဆံပင်လာညှပ်သူတွေ စိတ်ကြိုက်ပဲ လုပ်ပေးတာလေ” ဟု ၎င်းက ပြောကြားခဲ့သည်။ ဆံသဆရာ အယ်လ်ဆာနာဝီသည် ပြင်သစ်ကစားသမားများကို ဆံပင်ညှပ်ပေးပြီးနောက် လန်ဒန်သို့ ပြန်လာခဲ့ပြီး ရုရှားမှ လာမည့် ဖုန်းကို မျှော်နေကြောင်းလည်း ပြောကြားခဲ့သည်။ အယ်လ်ဆာနာဝီက “ရုရှားကို ကျွန်တော် ပြန်သွားရနိုင်ပါတယ်။ ပြင်သစ်အသင်းက ကျွန်တော့်ကို ပြန်ခေါ်နိုင်သလို နိုင်ဂျီးရီးယား၊ အင်္ဂလန်နဲ့ ဘယ်လ်ဂျီယံအသင်း တွေကလည်း ကျွန်တော့်ကို ခေါ် နိုင်ပါတယ်။ သူတို့ ခေါ်တာနဲ့ ကျွန်တော်ကတော့ သွားဖို့ အသင့်ပါပဲ”ဟု ဆိုခဲ့သည်။

အယ်လ်ဆာနာဝီက ပေါ့ဘာသည် နာမည်ကျော် အင်္ဂလန်ကွင်းလယ်လူဟောင်း ဘက်ခမ် လက်သစ်ဖြစ်ကြောင်းနှင့် ပေါ့ဘာ၏ ဆံပင်ပုံစံကို လူတိုင်းစိတ်ဝင်စားကြောင်း ပြောဆိုခဲ့သည်။ ထို့ပြင် ၎င်းက ဆံပင်ညှပ်ခြင်းမှာ ရုပ်ရည်ရူပကာကို အလေးပေးသော ယခုခေတ်တွင် ကစားသမားများ၏ ပုံရိပ်အတွက် အရေးကြီးပြီး ယုံသည်ဖြစ်စေ၊ မယုံသည်ဖြစ်စေ ဘောလုံးပွဲစဉ်တစ်ပွဲ မကစားခင် ဆံပင်ပုံစံသစ်ညှပ်ခြင်းက ဘောလုံးသမားများကို ယုံကြည်မှုတိုးစေသည်ဟု ပြောကြားခဲ့သည်။

ဆော်ဒီအာရေဗျနှင့်ပွဲတွင် ဆွာရက်ဇ် နိုင်ငံတကာပွဲ (၁၀၀) ပြည့်မြောက်မည်

 

Photo: AFP

ဥရုဂွေးအသင်းတိုက်စစ်မှူး ဆွာရက်ဇ် သည် ယနေ့တွင်ကစားမည့် ဆော်ဒီအာရေဗျ နှင့် အုပ်စုဒုတိယပွဲတွင် ပါဝင်ခွင့်ရလျှင် နိုင်ငံတကာပွဲ (၁၀၀) ပြည့်မြောက်မည်ဖြစ်ကြောင်း သိရသည်။

ဥရုဂွေးအသင်းတွင် ဆွာရက်ဇ်ထက် နိုင်ငံတကာပွဲအများဆုံး ကစားထားသူများအဖြစ် နောက်ခံလူ မက်ဆီပယ်ရေရာ (၁၂၅ ပွဲ)၊ အသင်းခေါင်းဆောင် ဂိုဒင် (၁၁၇ ပွဲ)၊ တိုက်စစ်မှူးဟောင်း ဖော်လန် (၁၁၂ ပွဲ)၊ တောင်ပံကစားသမား ခရစ္စတီယန်ရိုဒရီဂွက်ဇ် (၁၀၆ ပွဲ)၊ ကာဗာနီ (၁၀၂ ပွဲ) တို့ ရှိနေသည်။ ထူးခြားမှုအဖြစ် ဥရုဂွေးအသင်း၏ နိုင်ငံတကာပွဲအများဆုံး ထိပ်ဆုံးခုနစ်ဦးတွင် ဖော်လန်မှအပ ကျန် ခြောက်ဦးမှာ ယခုကမ္ဘာ့ဖလားပြိုင်ပွဲဝင်အသင်းတွင် ပါဝင်ကစားလျက်ရှိသည်။

ဆွာရက်ဇ်သည် လက်ရွေးစင်အသင်းအတွက် ၂၀၀၇ ခုနှစ်တွင် စတင်ပွဲဦးထွက်ခဲ့ပြီး ၂၀၁၀ ကမ္ဘာ့ဖလား ကွာတားဖိုင်နယ်တွင် ဂိုးစည်းပေါ်မှ လက်ဖြင့်ပုတ်ထုတ်မှုကြောင့် အနီကတ် ပြသခံရမှု၊ ၂၀၁၄ ကမ္ဘာ့ဖလားတွင် အီတလီနောက်ခံလူ ချီလီနီကို ကိုက်ခဲ့သဖြင့် လေးလပွဲပယ်ခံရမှု စသည့်ပြဿနာများကြောင့် ၂၀၀၈ တွင်မှ လက်ရွေးစင်အသင်းတွင် စတင်ကစားခဲ့သည့် ကာဗာနီထက် နိုင်ငံတကာပွဲ အရေအတွက် လျော့နည်းနေခြင်းဖြစ်သည်။

ဥရုဂွေး အသင်း၏ နိုင်ငံတကာဂိုးအများဆုံးစာရင်းတွင်မူ ဆွာရက်ဇ်က (၅၁) ဂိုးဖြင့် ထိပ်ဆုံးမှ ဦး ဆောင်လျက်ရှိသည်။ ကာဗာနီက (၄၂) ဂိုးဖြင့် ဒုတိယ၊ ဂန္ထ၀င်တိုက်စစ်မှူး ဖော်လန်က (၃၆) ဂိုးဖြင့် တတိယနေရာတွင် အသီးသီးရပ်တည်နေကြောင်း သိရသည်။

ဖီဖာဥက္ကဋ္ဌဟောင်း ဆပ်ဘလတ္တာရုရှားနိုင်ငံသို့ သွားရောက်

 

ဖီဖာဥက္ကဋ္ဌဟောင်း ဆပ်ဘလတ္တာသည် သမ္မတဗလာဒီမာပူတင်၏ဖိတ်ကြားချက်အရ ရုရှားနိုင်ငံသို့ ဇွန် (၁၉) ရက်က ထွက်ခွာသွားခဲ့ကြောင်း သိရသည်။

ယင်းသတင်းကို သူ၏ပြောရေးဆိုခွင့်ရှိသူက အတည်ပြုထုတ်ပြန်ခဲ့ပြီး ဘလတ္တာသည် ဇွန် (၂၀)ရက်တွင်ကစားမည့် ပေါ်တူဂီ- မော်ရိုကိုပွဲ၊ ဇွန် (၂၂) ရက်တွင်ကစားမည့် ဘရာဇီးလ်-ကော်စတာရီကာပွဲများကို တက်ရောက်ကြည့်ရှုကာ ရုရှားသမ္မတ ပူတင် နှင့်လည်း တွေ့ဆုံမည်ဖြစ်သည်။

ဘလတ္တာ၏ရုရှားခရီးစဉ်အတွက် AFP သတင်းဌာန က FIFA သို့ ဆက်သွယ်မေးမြန်းခဲ့သော်လည်း မှတ်ချက်ပေးရန်မရှိဟုသာ တုံ့ပြန်ခဲ့သည်။ အသက် (၈၂) နှစ်အရွယ်ရှိပြီဖြစ်သူ ဘလတ္တာသည် UEFA ဥက္ကဋ္ဌဟောင်း ပလာတီနီကို ဘောလုံးရေးရာကိစ္စများ ဆောင်ရွက်မှုအတွက် တရားမ၀င် ဒေါ်လာ နှစ်သန်းပေးခဲ့မှုဖြင့် စွဲချက်တင်ခံရပြီး ၂၀၁၆၊ ဖေဖော်ဝါရီလတွင် ဘောလုံးလောကနှင့် ပတ်သက်ခွင့် ခြောက်နှစ် ပိတ်ပင်ခံခဲ့ရသည်။

ပြင်သစ်လက်ရွေးစင်သုံးဦး၏စာချုပ်များအတွက် အက်သလက်တီကိုအသင်း ရုရှားသို့သွားပြီး အပြီးသတ်

 

Photos: Atletico Twitter

လာလီဂါထိပ်သီးကလပ် အက်သလက်တီကိုမက်ဒရစ်အသင်းသည် အသင်းတာဝန်ရှိသူအချို့ကို ရုရှားသို့စေလွှတ်ပြီး ပြင်သစ်လက်ရွေးစင်ကစားသမားများဖြစ်သည့် ဂရစ်ဇ်မန်းနှင့် ဟာနန်ဒက်ဇ်တို့ကို စာချုပ် သက်တမ်းတိုးရန်နှင့် မိုနာကိုကစားသမား လူမာကို ခေါ်ယူရေးကိစ္စများကို အပြီးသတ် နိုင်ခဲ့ကြောင်း သိရသည်။ အက်သလက်တီကို အသင်း၏အမှုဆောင်ချုပ် မီဂွယ်လ်မာရင် ဦးဆောင်သောအဖွဲ့သည် ပြင်သစ်အသင်း နည်းပြ ဒေးရွှမ့်၏ခွင့်ပြုမှုဖြင့် လေ့ကျင့်ရေး စခန်းသို့ သွားရောက်ခဲ့ခြင်းဖြစ်သည်။

အက်သလက်တီကိုအသင်းသည် တိုက်စစ်မှူး ဂရစ်ဇ်မန်းကို ၂၀၂၃ ခုနှစ်အထိလည်း ကောင်း၊ လူငယ်နောက်ခံလူ လူးကပ်စ်ဟာနန်ဒက်ဇ်ကို ၂၀၂၄ ခုနှစ်အထိလည်းကောင်း သက်တမ်းတိုးစာချုပ်များ အသီးသီးချုပ်ဆို ခဲ့သည်။ အက်သလက်တီကိုအသင်းသည် ယင်းကစားသမားနှစ်ဦး၏ စာချုပ်လျော်ကြေး အပါအ၀င် စာချုပ်ပါအချက်အလက်များကို သတင်းထုတ်ပြန်ခြင်းမရှိခဲ့ကြောင်း သိရသည်။

ဂရစ်ဇ်မန်း၏ယခင်စာချုပ်တွင် စာချုပ်လျော်ကြေး ယူရို သန်း (၁၀၀) ပေးရမည့် အချက်ကို ထည့်သွင်းထားပြီး မကြာသေးမီ ကာလအတွင်း ဘာစီလိုနာအသင်းက ယင်း လျော်ကြေးပမာဏအတိုင်းပေးချေကာ ခေါ်ယူရန် အနီးစပ်ဆုံးအခြေအနေသို့ရောက်ရှိခဲ့သော်လည်း ကစားသမားဖြစ်သူက ပြီးခဲ့သည့် ရက်ပိုင်းကမှ အသင်းတွင်ဆက်နေရန် ဆုံးဖြတ်ခဲ့ခြင်းဖြစ်သည်။ ဂရစ်ဇ်မန်းသည် အက်သလက်တီကိုအသင်းနှင့် ယခင်စာချုပ် မှာ ၂၀၂၂ ခုနှစ်အထိဖြစ်သောကြောင့် တစ်နှစ်သာသက်တမ်းတိုးမြှင့်ခဲ့ခြင်းဖြစ်ပြီး (၂၂) နှစ်အရွယ်ရှိ ဟာနန်ဒက်ဇ်မှာမူ နှစ်နှစ်သက် တမ်းတိုးကာ စာချုပ်သစ်ချုပ်ဆိုခဲ့ကြောင်း သိရသည်။

အက်သလက်တီကိုအသင်းသည် ပြီးခဲ့သည့်အပတ်က သဘောတူညီမှုရရှိခဲ့သည့် မိုနာကိုတောင်ပံကစားသမား လူမာကို ခေါ်ယူရန်အတွက် အပြီးသတ်ဆွေးနွေးမှုများ ပြုလုပ်ခဲ့ခြင်းဖြစ်သည်။ လူမာသည် အက်သလက် တီကိုအသင်းနှင့် ဆေးစစ်မှုကျန်ရှိနေသောကြောင့် အပြီးသတ်စာချုပ် မချုပ်ဆိုနိုင်သေးဘဲ အကြိုသဘောတူညီမှုဖြင့်သာ လက်မှတ်ရေးထိုးခဲ့ခြင်းဖြစ်သည်။ လူမာသည် ပြီးခဲ့သည့်အပြောင်းအရွှေ့ကာလများအတွင်း ပရီးမီးယားလိဂ် ထိပ်သီးကလပ်များဖြစ်သည့် လီဗာပူးလ်၊ အာဆင်နယ်အသင်းများနှင့် သတင်းထွက်ခဲ့သူဖြစ်ပြီး စပိန်သတင်းများ၏ ဖော်ပြချက်အရ အက်သလက်တီကိုအသင်းမှာ ၎င်းအတွက် ပေါင် (၆၃) သန်းကျော် ကုန်ကျ နိုင်ကြောင်း သိရသည်။

ဆွစ်ဇာလန်ပရိသတ်များ မြို့မှားပြီး ဟိုတယ်ဘွတ်ကင်ပြုလုပ်

Photo: Channel NewsAsia

 

ဘရာဇီးလ်-ဆွစ်ဇာလန်ပွဲကို လာရောက်အားပေးခဲ့သည့် ဆွစ်ဇာလန်ပရိသတ်အုပ်စုတစ်စုသည် မြို့မှားပြီး ဟိုတယ်ဘွတ်ကင်ပြုလုပ်ခဲ့ကြောင်း သိရသည်။

အဆိုပါပွဲကို ရော့စတော့ဗ်အွန်ဒွန်မြို့တွင် ဇွန် (၁၇) ရက်က ကစားခဲ့ခြင်းဖြစ်ပြီး ၎င်းပရိသတ်များမှာ ယင်းမြို့နှင့် (၁၂၈၁) ကီလိုမီတာကွာဝေးသည့် ရော့စတော့ဗ်ဗယ်လီကီမြို့ရှိဟိုတယ်ကို ဘွတ်ကင်တင်ခဲ့ခြင်းဖြစ်သည်။

ပရိသတ်များသည် ဟိုတယ်ကိုရှာမတွေ့သည့်အချိန်တွင် ရဲတပ်ဖွဲ့ထံသို့ အကူအညီ တောင်းခံခဲ့ပြီး ဘာသာပြန်မှတစ်ဆင့် ပြန်လည်ရှင်းပြခဲ့ရကြောင်း ဒေသခံရဲတပ်ဖွဲ့က ပြောကြားခဲ့သည်။

ကမ္ဘာ့ဖလားပြိုင်ပွဲ အိမ်ရှင်ရုရှားသည် ပြိုင်ပွဲကာလအတွင်း စပိန်၊ အင်္ဂလိပ်၊ အာရေဗျ၊ ပြင်သစ်စသည့် ဘာသာစကားလေးမျိုးပြောနိုင်သည့် ကျွမ်းကျင်ဘာသာပြန်များနှင့် စေတနာ့ဝန်ထမ်းများထားရှိကာ အကူအညီပေးလျက်ရှိသည်။

မူးယစ်ရမ်းကားခဲ့သည့် အင်္ဂလန်ပရိသတ်နှစ်ဦးကို စွဲချက်တင်

 

 

Photo: The Sun

 

အင်္ဂလန်-တူနီးရှားပွဲကစားခဲ့သည့် Vologograd မြို့သို့သွားသည့် ရထားပေါ်တွင် မူးယစ်ရမ်းကားခဲ့သည့် အင်္ဂလန်ပရိသတ်နှစ်ဦးကို စွဲချက်တင်ထားကြောင်း သိရသည်။

အဆိုပါပရိသတ်တစ်ဦးအနက် တစ်ဦးမှာ ရထားတွဲဝင်ပေါက်တံခါးရှိ မှန်ကိုရိုက်ခွဲကာ သူ၏ညာဘက်လက်ကိုဖြတ်ရန် ကြိုးပမ်းခဲ့ပြီး ၎င်းကို ဆေးရုံသို့ တင်ပို့ခဲ့ရသည်။ အခြားတစ်ဦးမှာမူ ရထားတွဲပေါ်မှ ခုန်ချရန်ကြိုးပမ်းခဲ့ခြင်းဖြစ်ပြီး ၎င်းတို့ကို ရဲ၏အမိန့်မနာခံမှုဖြင့် စွဲချက်တင်ခဲ့ခြင်းဖြစ်သည်။

၎င်းတို့မှာ ဘောလုံးလူရမ်းကားဆိုင်ရာပြစ်မှုအတွက် အမြင့်ဆုံးထောင်ဒဏ် (၁၅) ရက် သို့မဟုတ် ဒဏ်ငွေ (၃၉) ဒေါ်လာ၊ အများပြည်သူပိုင်နေရာတွင် အရက်သေစာသောက်စားမှုအတွက် ထောင်ဒဏ် (၁၅) ရက်နှင့်အထက် သို့မဟုတ် ဒဏ်ငွေ (၂၃) ဒေါ်လာ ကျခံရဖွယ်ရှိနေသည်။

စပိန်လက်ရွေးစင်ဂိုးသမား ဒီဟေးယား ကမ္ဘာ့လစာငွေအမြင့်ဆုံးဂိုးသမား ဖြစ်လာမည်

 

Photo: AFP

 

စပိန်အသင်း၏နံပါတ်တစ်ဂိုးသမား ဒီဟေးယားသည် မန်ယူအသင်း နှင့် စာချုပ်သစ်ချုပ်ဆိုရန် သဘောတူညီမှုရပြီးနောက် ကမ္ဘာ့လစာငွေအမြင့်ဆုံးဂိုးသမား ဖြစ်လာတော့မည်ဟု စပိန်မီဒီယာများက ဖော်ပြခဲ့ကြသည်။

မန်ယူအသင်းသည် အသင်း၏အဓိက ဂိုးသမား ဒီဟေးယားအား စာချုပ်သက်တမ်းတိုးနိုင်ရန် ယခုနှစ် အစပိုင်းကတည်းက ကြိုးပမ်းခဲ့ပြီး တစ်နှစ်လစာ ပေါင် (၁၈.၄) သန်းဖြင့် သဘောတူညီမှုရခဲ့သည်ဟု စပိန် သတင်းစာ Marca က ရေးသားခဲ့သည်။ ယင်းပမာဏမှာ တစ်ပတ်လစာ ပေါင်သုံးသိန်းခွဲ ၀န်းကျင်ခန့်ရှိပြီး ယခင်လစာငွေအများဆုံး ဖြစ်သည့် ဘိုင်ယန်မြူးနစ်အသင်းမှ ဂျာမန်လက်ရွေးစင်ဂိုးသမား နော်ယာ၏ တစ်နှစ် လစာ ပေါင် (၁၃) သန်းကို ကျော်ဖြတ်နိုင်မည်ဖြစ်သည်။

ဒီဟေးယားသည် စာချုပ်သစ်အတွက် ပြီးခဲ့သည့်ဧပြီလကတည်းက အသင်း နှင့် အကြိုသဘောတူညီမှုယူထားခဲ့ကာ ယခုအချိန်တွင် အသေးစိတ်အချက်အလက်များ အပြီးသတ်ခဲ့ခြင်းဖြစ်ပြီး ကမ္ဘာ့ဖလားပြိုင်ပွဲ အပြီးတွင် စာချုပ်သစ်ကို လက်မှတ်ရေးထိုးဖွယ်ရှိနေသည်။ သို့သော် Marca ၏သတင်းတွင် စာချုပ်သက်တမ်းကာလကို ရေးသားထားခြင်းမရှိကြောင်း သိရသည်။

စပိန်အသင်းနည်းပြ ဟီယာရိုက ယနေ့ကစားမည့် အီရန်နှင့်ပွဲတွင် ဒီဟေးယားကိုပင် ပွဲထွက်ကစားစေမည်ဟု အတည်ပြု ကြေညာခဲ့သည်။ ဒီဟေးယားသည် ပေါ်တူဂီ နှင့်ပွဲတွင် စွမ်းဆောင်ရည်ညံ့ဖျင်းမှုကြောင့် ဝေဖန်ခံနေရသော်လည်း ဒီဟေးယားအပေါ် စပိန်တစ်သင်းလုံးက ယုံကြည်မှုအပြည့်ရှိနေသည်ဟုလည်း ဟီယာရိုက ပြောကြားခဲ့သည်။

ကမ္ဘာ့ဖလားပြိုင်ပွဲ အုပ်စုအဆင့်ပွဲစဉ်များ ပွဲကြိုသုံးသပ်ချက်

 

 

Photos: AFP

ပေါ်တူဂီ – မော်ရိုကို (၂၀-၆-၂၀၁၈ ညနေ ၆း၃၀)
မော်ရိုကိုက ဒီအုပ်စုကနေ တက်ဖို့ မျှော်လင့်ချက်နည်းသွားပါပြီ။ ပေါ်တူဂီဆီကနေ အမှတ်မဖြစ်မနေရဖို့ ကြိုးစားရမှာဖြစ်ပေမယ့် မော်ရိုကိုရဲ့ တိုက်စစ်က အားနည်းလွန်းတယ်။ စီရော်နယ်လ်ဒိုကတော့ ဂိုးသွင်းဘုရင်ဆုအတွက်ပါ ချိန်လို့ရနေပြီး၊ ယုံကြည်မှုအမြင့်ဆုံးကိုရောက်နေပြီ။ ပေါ်တူဂီ ဂိုးပြတ်နိုင်မယ်။

ဥရုဂွေး – ဆော်ဒီအာရေဗျ (၂၀-၆-၂၀၁၈ ညနေ ၉း၃၀)
ဥရုဂွေးရဲ့ အဖွင့်ပွဲခြေစွမ်းက စိတ်ဝင်စားစရာမရှိဘူး။ အထလေးတယ်။ ကွင်းလယ်က တိုက်စစ်ကို အခွင့်အရေးတွေ ဖန်တီးနိုင်မှုအပိုင်းမှာ အားနည်းတယ်။ ဒါပေမဲ့ ဆွာရက်ဇ်နဲ့ ကာဗာနီက ဒီပွဲမှ ဂိုးမရဘူးဆိုရင် အရမ်းစိတ်ပျက်စရာဖြစ်သွားပြီ။ ဆော်ဒီလိုခံစစ်ပိုင်းကို ဂိုးမရစရာလည်း မရှိပါဘူး။ ဆော်ဒီကတော့ ကွင်းလယ်အားနည်းသလို၊ စိတ်ဓာတ်ပိုင်းဆိုင်ရာအား ပျော့လွန်းတယ်။ အသင်းလိုက်စုဖွဲ့ကစားပုံက ကျစ်လျစ်မှုမရှိဘူး။ ဥရုဂွေးက နှစ်ပွဲဆက် နိုင်ပွဲယူလိမ့်မယ်။

အီရန် – စပိန် (၂၁-၆-၂၀၁၈ ၀၀း၃၀)
အီရန်က အဖွင့်ပွဲစဉ်မှာ မထင်မှတ်ဘဲ မော်ရိုကို ကို အနိုင်ကစားပြီး အုပ်စုက စတင်ဦးဆောင်လိုက်တယ်။ အဖွင့်ပွဲစဉ်မှာ ကစားခဲ့တဲ့ အီရန်ရဲ့ ခြေစွမ်းက မဆိုးဘူး။ ခံစစ်မာပြီး ကွင်းလယ်ကလည်း ဘောလုံးကို ဖျက်နိုင်၊ ဖြန့်နိုင်တာကိုတွေ့ရတယ်။ ဒါပေမဲ့ မော်ရိုကိုထက် ပိုကောင်းလို့နိုင်တာမျိုးတော့မဟုတ်ဘူး။ နောက်ဆုံးမိနစ်မှာ မထင်မှတ်ဘဲ ဂိုးရသွားတာဖြစ်တယ်။ စပိန်က ပေါ်တူဂီနဲ့ ပွဲမှာ နိုင်ပွဲမရခဲ့ဘူး။ ဒါပေမဲ့ သူတို့ ဘာလုပ်နိုင်သလဲဆိုတာကို ကောင်းကောင်းပြနိုင်ခဲ့တယ်။ စပိန်ရဲ့ ကွင်းလယ်ကစားပုံက အကောင်းဆုံးအနေအထားမှာ ရှိသလို၊ ခံစစ်ကလည်း စီရော်နယ်လ်ဒိုကောင်းလွန်းတာကြောင့်နဲ့ ဒီဟေးယား ရဲ့အမှားကြောင့် ဂိုးတွေပေးလိုက်ရပေမယ့် ပုံမှန်အားဖြင့် စိတ်ချရပါတယ်။ ဒါ့အပြင် ဒီယေဂိုကော်စတာ ဂိုးသွင်းခြေရသွားပြီး တိုက်စစ်မှာ အချိတ်အဆက်မိမိ ဦးဆောင်နိုင်ခဲ့တာက စပိန်အတွက် အရမ်းအကျိုးရှိပါတယ်။ ဒါကြောင့် ဒီပွဲမှာလည်း အီရန် ကို အေးအေးဆေးဆေး ထိန်းချုပ်ပြီး အနိုင်ယူသွားဖို့ ရှိတယ်။ စပိန်က တစ်ဖက်သတ်စိုးမိုးထားပြီး၊ အီရန်အသင်း ခံစစ်မှာ အချိန်ကုန်နေလိမ့်မယ်။ အီရန်ရဲ့ တန်ပြန်တိုက်စစ်ကလည်း သိပ်ပြီး ထိရောက်မှုမရှိဘူး။ ဒီပွဲက စပိန် ဂိုးမပေးရဘဲ နိုင်မယ့်ပွဲပါ။ (၂-၀၊ ၃-၀)လောက်ဖြစ်သွားနိုင်တယ်။

မက်ဆီ၊ စီရော်နယ်လ်ဒိုတို့နှင့် ယှဉ်ပြိုင်ကာ ကမ္ဘာ့အကောင်းဆုံးကစားသမားဖြစ်လာရန် ဟာရီကိန်း ဆန္ဒပြင်းပြနေ

Photos: AFP

အင်္ဂလန်အသင်းခေါင်းဆောင် တိုက်စစ်မှူး ဟာရီကိန်းက မိမိအနေဖြင့် မက်ဆီ၊ စီရော်နယ်လ်ဒိုတို့နှင့် ယှဉ်ပြိုင်ကာ ကမ္ဘာ့အကောင်းဆုံးကစားသမားဖြစ်လာရန် ဆန္ဒပြင်းပြနေကြောင်း ထုတ်ဖော်ပြောကြားခဲ့သည်။ စပါးအသင်းတိုက်စစ်မှူးဟာရီကိန်းသည် ပြီးခဲ့သည့်တူနီးရှားနှင့်အုပ်စုအဖွင့်ပွဲစဉ်တွင် အင်္ဂလန်အသင်းအတွက်ခြေစွမ်းပြကာ (၂)ဂိုးသွင်းယူပေးခဲ့ပြီး (၂-၁)ဂိုးဖြင့် အနိုင်ရရှိစေခဲ့သည်။ ထို့ကြောင့် ဟာရီကိန်းသည် အင်္ဂလန်အသင်းအတွက် (၂၅)ပွဲပါဝင်ကစားခဲ့ရာတွင် သွင်းဂိုး (၁၅)ဂိုးအထိရှိလာခဲ့ပြီး ၁၉၉၀ ခုနှစ်နောက်ပိုင်း တိုက်စစ်မှူးဟောင်း ဂယ်ရီလိုင်နီကာပြီးနောက် ကမ္ဘာ့ဖလားပြိုင်ပွဲတွင် လက်ရွေးစင်အသင်းအတွက် တစ်ပွဲတည်း (၂)ဂိုးသွင်းယူနိုင်သည့် ပထမဆုံးကစားသမားအဖြစ်လည်း မှတ်တမ်းဝင်ခဲ့သည်။ လက်ရှိကမ္ဘာ့အကောင်းဆုံးကစားသမားဆုအတွက်ချီးမြှင့်သည့် Ballon d’Or ဆုအား နောက်ဆုံး ဆယ်စုနှစ်တစ်ခုအတွင်း မက်ဆီနှင့် စီရော်နယ်လ်ဒိုတို့က (၅)ကြိမ်စီရရှိထားသည်။ သို့ရာတွင် ဟာရီကိန်းက ယင်းဆုအတွက်မည်သည့်ကစားသမားကိုမှ ကန့်သတ်ထားခြင်းမရှိကြောင်း၊ မက်ဆီနှင့်စီရော်နယ်လ်ဒိုတို့မှာလည်း ယင်းဆုအတွက် စိန်ခေါ်မှုများရှိနေကြောင်း ပြောကြားခဲ့သည်။

 

ဟာရီကိန်းက ”အောင်မြင်မှုရဖို့ဆိုရင် ကိုယ့်ကိုယ်ကိုယ်ဖြစ်စေ၊ သူတစ်ပါးကိုဖြစ်စေ ကန့်သတ်ထားတာဟာ အလုပ်မဖြစ်ပါဘူး။ ကမ္ဘာ့အကောင်းဆုံးကစားသမားတစ်ယောက်ဖြစ်ဖို့ အမြင့်ဆုံးရည်မှန်းချက်ထားရှိရပါမယ်။ ကမ္ဘာ့ဖ လားလို ပြိုင်ပွဲမျိုးမှာ ကျွန်တော်ဘာလုပ်ပြနိုင်သလဲဆိုတာ သက်သေပြချင်ပါတယ်။ စီရော်နယ်လ်ဒိုနဲ့ မက်ဆီဟာ လက်ရှိကမ္ဘာ့အကောင်းဆုံး ကစားသမားတွေပါ။ ဒါပေမဲ့ သူတို့မှာလည်း စိန်ခေါ်မှုတွေရှိနေပါတယ်။ ကျွန်တော်က တော့ အသင်းအတွက် အရေးပါတဲ့ပွဲတွေမှာ အကောင်းဆုံးစွမ်းဆောင်ပေး နိုင်ဖို့ပဲ ကြိုးစားသွားရမှာပါ ” ဟုပြောကြားခဲ့သည်။

လက်ရှိ Ballon d’Or ဆုရှင် စီရော်နယ်လ်ဒိုသည် ရီးယဲလ်မက်ဒရစ်အသင်းအတွက် (၄၃၈)ပွဲကစားခဲ့ရာတွင် ဂိုး(၄၅၀) သွင်းယူပေးခဲ့ပြီး ချန်ပီယံလိဂ်ပြိုင်ပွဲတွင် (၃)နှစ်ဆက်ဗိုလ်စွဲနိုင်ရန် စွမ်းဆောင်ပေးခဲ့သည်။ ဘာစီလိုနာ တိုက်စစ်မှူး မက်ဆီမှာလည်း အသင်းအတွက် (၅၅၂)ဂိုးသွင်းယူပေးထားပြီး ပြီးခဲ့သည့်ရာသီက လာလီဂါချန်ပီယံဆု ရရှိစေခဲ့သည်။ စပါးအသင်းတိုက်စစ်မှူး ဟာရီကိန်းမှာမူ ပြီးခဲ့သည့်ရာသီက (၄၁)ဂိုးသွင်းယူခဲ့ခြင်းအပါအ၀င် (၄)ရာသီအတွင်း (၁၃၅)ဂိုးသွင်းယူပေးထားသည်။ သို့ဖြစ်ရာ ဟာရီကိန်းအနေဖြင့် ယခုကမ္ဘာ့ဖလားပြိုင်ပွဲတွင် အင်္ဂလန်အသင်းနှင့်အတူ အောင်မြင်မှုရယူနိုင်မှသာ Ballon d’Or ဆုအတွက် မျှော်လင့်နိုင်ဖွယ်ရှိကြောင်း သိရသည်။

သူတော်ယောင်ဆောင်ပြီး ကိုယ်ကျိုးစီးပွားကိုသာကြည့်သော ကုလသမဂ္ဂလူ့ အခွင့်အရေးကောင်စီမှ နုတ်ထွက်ကြောင်း အမေရိကန်ထုတ်ပြန် ကြေညာ

အစ္စရေး အကျိုးစီးပွားပျက်စီးအောင် လုပ်ဆောင်သည်ဟုစွပ်စွဲလျက် အမေရိကန် ပြည်ထောင်စုသည် ဇွန် ၁၉ ရက်တွင် ကုလသမဂ္ဂ လူ့ အခွင့်အရေးကောင်စီမှ နုတ်ထွက်ကြောင်း ထုတ်ပြန်ကြေညာခဲ့သည်ဟု ကုလ တာဝန်ရှိသူများက ထုတ်ဖော်ပြောကြားခဲ့ကြသည်။

ကုသမဂ္ဂဆိုင်ရာ အမေရိကန်သံတမန် နစ်ကီဟာလေသည် နိုင်ငံခြားရေးဝန်ကြီး မိုက်ပွန်ပီယိုနှင့်အတူ ၀ါရှင်တန်တွင်ယင်းနေ့  ဒေသစံတော်ချိန် ၅ နာရီ ပြုလုပ်သော သတင်းစာရှင်းလင်းပွဲ၌ ထုတ်ပြန်ကြေညာခဲ့ခြင်းဖြစ်သည်။ ကမ္ဘာတစ်ဝန်း လူ့ အခွင့်အရေးများကို ကာကွယ် မြှင့်တန်ရန် ၂၀၀၆ခုနှစ်တွင်ထူထောင်ခဲ့သော ဂျနီဗာအခြေစိုက် ကုလသမဂ္ဂ လူ့ အခွင့်အရေးကောင်စီမှထွက်ရန် နစ်ကီဟာလေက အကြိမ်ကြိမ် ခြိမ်းခြောက် ပြောဆိုခဲ့သည်။

အမေရိကန်-မက္ကဆီကိုနယ်စပ်တွင်   ရွေ့ ပြောင်း အခြေချကလေးများကို ၄င်းတို့ ၏ မိသားစုများနှင့်ခွဲထုတ်သည့် ထရန့် ၏မူဝါဒကို ကုလသမဂ္ဂကပြင်းပြင်းထန်ထန် ဝေဖန်ခဲ့ပြီးနောက် အမေရိကန်က ကုလလူ့ အခွင့် အရေးကောင်စီမှ ထွက်ခွာကြောင်း ထုတ်ပြန် ကြေညာ ခဲ့ခြင်းဖြစ်သည်။ကလေးများကို ယခုကဲ့သို့ ကို နှိပ်စက် အပြစ်ပေး ခြင်းဖြင့် မည်သည့်နိုင်ငံမဆို မိဘများကိုဟန့်တားလိမ့်ဆိုသော အတွေးအခေါ် မှာ ယုတ္တိမရှိ ကြောင်း  ဇွန် ၁၈ ရက်တွင် ကုလလူ့အခွင့်အျရး  ကောင်စီအကြီးအကဲ ဇာအစ်ရာ အက်အယ် ဟူစိန်က ထုတ်ဖော်ပြောကြားခဲ့သည်။

ကုလသမဂ္ဂ ထိပ်တန်းအဖွဲ့ အစည်းတစ်ခုမှ အမေရိကန်နုတ်ထွက်သွားခြင်းကို လူ့အခွင့်အရေးစောင့်ကြည့်မှုအဖွဲ့ က ဝေဖန်ခဲ့ပြီးကမ္ဘာ့အဆိုးရွားဆုံး လူ့ အခွင့်အရေးပြဿနာများကို ဖြေရှင်းရန် အခြားအစိုးရများကို ၀န်ထုပ်ဝန်ပိုး ဖြစ်စေကြောင်း သတိပေးခဲ့သည်။

အစ္စရေးကိုဆန့်ကျင်သည့် နာတာရှည် အစွဲရှိနေပြီး ပြုပြင်ပြောင်းလဲမှု မရှိခြင်းကြောင့် ကြောင်သူတော်ယောင်ဆောင်ပြီး ကိုယ်ကျိုးစီးပွားကိုသာ ကြည့်သော ကုလသမဂ္ဂလူ့ အခွင့်အရေးကောင်စီမှ အမေရိကန် နုတ်ထွက်ကြောင်း သတင်းစာရှင်းလင်းပွဲတွင် နစ်ကီဟာလေကပြောကြားခဲ့ပြီး၊ အမေရိကန်၏ယခုလုပ်ရန်သည် ကမ္ဘာနှင့်အ၀န်း လူ့  အခွင့်အရေး မြှင့်တင်မှုများအတွက် ပိုမို ခက်ခဲ့သွားစေလိမ့်မည်ဟု လူ့ အခွင့်အရေး   တက်ကြွလှုပ်ရှားသူများက သတိပေးခဲ့သည်။

ကုလသမဂ္ဂလူ့ အခွင့်အရေးကောင်စီကို ပြုပြင်ပြောင်းလဲရန်အမေရိကန်၏ ကြိုးပမ်းမှုများကို ကဖျက်ယဖျက် လုပ်သည့်အတွက် ရုရှား၊ တရုတ်၊ ကျူးဘားနှင့် အီဂျစ်တို့ ကို နစ်ကီဟာလေက ဝေဖန်ခဲ့သည်။ အမေရိကန် တန်ဖိုးများကိုမျှဝေ၍ အမေရိကန်ကိုလူ့ အခွင့်အရေးကောင်စီတွင် ဆက်လက်ရှိနေစေရန် အားပေးတိုက်တွန်းသောနိုင်ငံများကို သူမက ဝေဖန်ခဲ့သော်လည်း ပိုနေမြဲကျားနေမြဲ အခြေအနေကို အပြင်းအထန်စိန်ခေါ်ရန် ဆန္ဒမရှိကြောင်းပြောကြားခဲ့သည်။