ဘာပေရဲ့ ခြေစွမ်းပြမှုနဲ့ ကွာတားဖိုင်နယ်တက်တဲ့ ပြင်သစ်

 

■ ပြင်သစ် ၄-၃ အာဂျင်တီးနား

Photo: Reuters

၂၀၁၈ ကမ္ဘာ့ဖလား ရှုံးထွက် (၁၆)သင်းအဆင့် ပထမဆုံးပွဲစဉ်မှာတော့ ပြင်သစ်အသင်းဟာ လူငယ်တိုက်စစ်မှူး ဘာပေရဲ့ ခြေစွမ်းပြမှုနဲ့ အတူ အာဂျင်တီးနားကို အနိုင်ယူပြီး ကွာတားဖိုင်နယ်ကို တက်ရောက်နိုင်ခဲ့ပါတယ်။

ပြင်သစ်အသင်းဟာ ဒီနေ့ပွဲမှာ (၄-၂-၃-၁)ပုံစံပွဲထွက်လာခဲ့ပြီး ဂျရူး၊ ဂရစ်ဇ်မန်း၊ ဘာပေ၊ ပေါ့ဘာတို့နဲ့ လူစုံခဲ့ပါတယ်။ အာဂျင်တီးနားကတော့ ဟီဂွါအင်၊ အဂွဲရိုးတို့ကို အရန်ခုံမှာပဲ ထားခဲ့ပြီး တိုက်စစ်မှာ မက်ဆီ၊ ပါဗွန်၊ ဒီမာရီယာတို့ကို ပွဲထုတ်ခဲ့သလို ကွင်းလယ်နဲ့ နောက်တန်းမှာလည်း လူစုံပါဝင်ခဲ့ပါတယ်။

ပြင်သစ်အသင်းဟာ ပွဲစကတည်းက တိုက်စစ်ဖွင့်ကစားခဲ့တာကြောင့် အာဂျင်တီးနားတို့ အခက်တွေ့ခဲ့ပြီး စောစောစီးစီးပွဲ ပြင်သစ်အသင်းရဲ့ ခြိမ်းခြောက်မှုကို ခံခဲ့ရပါတယ်။ ပွဲချိန် (၉)မိနစ်မှာပဲ ဂရစ်ဇ်မန်းရဲ့ ဖရီးကစ်ကန်ချက် ဂိုးဘားတန်းကို ထိထွက်ခဲ့လို့ အာဂျင်တီးနားတို့ ကံကောင်းခဲ့ပေမယ့် (၁၃)မိနစ်မှာပဲ ပြင်သစ်အသင်းကို ဂိုးပေးလိုက်ရပါတယ်။

ပြင်သစ်အသင်းရဲ့ ကွင်းဘက်ခြမ်းကနေ တောက်လျှောက်ဆွဲပြေးလာတဲ့ ဘာပေကို အာဂျင်တီးနား နောက်ခံလူ ရိုဟိုက တားဆီးခဲ့တာ ဖြစ်ပါတယ်။ ရိုဟိုအနေနဲ့ ဘာပေကို ပယ်နယ်တီဧရိယာ စည်းထိပ်မှာ တားဆီးခဲ့တာ ဖြစ်ပေမယ့် ဘာပေဟာ ဧရိယာထိပ်မှာ လဲကျခဲ့တာကြောင့် ကွင်းလယ်ဒိုင်က ပယ်နယ်တီပေးခဲ့တာပါ။ ဒီပယ်နယ်တီကို ဂရစ်ဇ်မန်းက အမှားအယွင်းမရှိ ကန်သွင်းခဲ့တာ ဖြစ်ပါတယ်။

အဲဒီနောက်မှာတော့ အာဂျင်တီးနားဟာ ဘောလုံးပိုင်ဆိုင်မှု အသာစီးရယူပြီး ကစားနိုင်ခဲ့ပေမယ့် တိုက်စစ်ဆင်မှုပိုင်းမှာတော့ ပြင်သစ်အသင်းက ပိုမိုထိရောက်ခဲ့တာ ဖြစ်ပါတယ်။ အထူးသဖြင့် လျင်မြန်လွန်းတဲ့ ပြင်သစ်ရဲ့ တိုက်စစ်ကို ထိန်းချုပ်ရာမှာ အာဂျင်တီးနားတို့ အခက်တွေ့ခဲ့ရတာ ဖြစ်ပါတယ်။

Photo: Getty Images

ဒါပေမဲ့ ပထမပိုင်းပြီးခါနီးမှာတော့ အာဂျင်တီးနားတို့ မထင်မှတ်ဘဲ ချေပဂိုး ရခဲ့ပါတယ်။ ပွဲချိန် (၄၁)မိနစ်မှာ ဘာနီဂါ ချပေးတာကို ဒီမာရီယာ (၃၀.၂)ကိုက်အကွာကနေ ပြင်သစ်ဂိုးသမား လိုရစ်ရဲ့ ဘယ်ဘက်ထောင့်ကို လှလှကန်သွင်းယူသွားခဲ့တာ ဖြစ်ပါတယ်။ ဒီဂိုးဟာ ၂၀၁၈ ကမ္ဘာ့ဖလားပြိုင်ပွဲမှာတော့ အဝေးဆုံးအကွာအဝေးကနေ ကန်သွင်းယူခဲ့တဲ့ ဂိုးအဖြစ် မှတ်တမ်းဝင်ခဲ့ပါတယ်။

ဒုတိယပိုင်းမှာတော့ အာဂျင်တီးနားက ပွဲစပြီးဆိုတာ တိုက်စစ်ဆင်ကစားခဲ့ပြီး (၃)မိနစ်အကြာမှာပဲ ဦးဆောင်ဂိုးရခဲ့ပါတယ်။ ထောင့်ကန်ဘောကနေ ကျွံထွက်လာတဲ့ ဘောလုံးကို မက်ဆီ ကန်သွင်းရာမှာ ပြင်သစ်ဂိုးရှေ့မှာ အသင့်ရှိနေတဲ့ နောက်ခံလူ မယ်ကာဒိုက လမ်းကြောင်းပြောင်းပေးပြီး ရယူခဲ့တာပါ။

ဒါပေမဲ့ အာဂျင်တီးနားအသင်းရဲ့ ဦးဆောင်မှုဟာ (၉)မိနစ်သာ ခံခဲ့ပြီး (၁၁)မိနစ်အတွင်းမှာ ပြင်သစ်အသင်းကို (၃)ဂိုး ပြန်ပေးလိုက်ရပါတယ်။ ပွဲချိန် (၅၇)မိနစ်မှာ တန်ပြန်တိုက်စစ်ကနေ ဘယ်တောင်ပံက ဟာနန်ဒက်ဇ် တင်ပေးတာကို ပါဗတ်က ဧရိယာထိပ်ကနေ လှလှပပကန်သွင်းသွားခဲ့တာ ဖြစ်ပါတယ်။

Photo: AP

နောက် (၇)မိနစ်အကြာ ပွဲချိန်(၆၄)မိနစ်မှာတော့ ဒီပွဲမှာ အာဂျင်တီးနား နောက်တန်းကို တောက်လျှောက် ဒုက္ခပေးတဲ့ ဘာပေက ဦးဆောင်ဂိုးသွင်းပေးခဲ့သလို၊ ပွဲချိန် (၆၈)မိနစ်မှာလည်း ဘာပေကပဲ ပြင်သစ်အသင်းရဲ့ လှပတဲ့ တွဲလုံးတွေကနေ ဂျရူးချပေးတာကို ပြေးဝင်ပိတ်သွင်းသွားခဲ့တာ ဖြစ်ပါတယ်။ ဒီပွဲမှာ (၂)ဂိုးအထိ သွင်းယူနိုင်ခဲ့တဲ့ ဘာပေရဲ့ ဒီနှစ်ကမ္ဘာ့ဖလားမှာ (၃)ဂိုးမြောက် ဖြစ်လာခဲ့ပြီး ၁၉၅၈ ကမ္ဘာ့ဖလားပြိုင်ပွဲမှာ ဘရာဇီးလ်ဂန္ထ၀င် ပီလီနောက်ပိုင်း ကမ္ဘာ့ဖလားပြိုင်ပွဲမှာ (၂)ဂိုးနဲ့အထက် ဂိုးသွင်းယူနိုင်တဲ့ ဆယ်ကျော်သက်ကစားသမား ဖြစ်လာခဲ့ပါတယ်။

အဲဒီနောက်ပိုင်းမှာတော့ အာဂျင်တီးနားဟာ အဂွဲရိုး၊ မယ်ဇာတို့ကို ထည့်သွင်းပြီး တိုက်စစ်ဖွင့် ကစားခဲ့ပေမယ့် ကွင်းလယ်ပိုင်းက ပြင်သစ်အသင်းကို ဘယ်လိုမှ မယှဉ်နိုင်ခဲ့တာကြောင့် ဂိုးရဖို့ ခက်ခဲပါတယ်။ ဒါပေမဲ့ ပွဲပြီးခါနီးမှာတော့ နာကျင်အချိန်ပို (၃)မိနစ်မှာတော့ မက်ဆီ တင်ပေးလိုက်တဲ့ ဘောလုံးကို အဂွဲရိုးက ခေါင်းတိုက်ပြီး သွင်းယူခဲ့တာပါ။ ကျန်ပွဲချိန်တွေမှာ အာဂျင်တီးနားတို့ ချေပဂိုးရဖို့ တင်ကစားခဲ့ပေမယ့် ပြင်သစ်ကို မကျော်နိုင်ဘဲ ရှုံးထွက် (၁၆)သင်းအဆင့်နဲ့ပဲ ကျေနပ်ခဲ့ရပါတယ်။

ပြင်သစ်အသင်းကတော့ ကွာတားဖိုင်နယ်မှာ ဥရုဂွေး-ပေါ်တူဂီတို့ပွဲစဉ်က အနိုင်ရတဲ့အသင်းနဲ့ တွေ့ဆုံမှာ ဖြစ်ပါတယ်။

NLD ပါတီ ပထမအကြိမ် နိုင်ငံလုံးဆိုင်ရာ အမျိုးသမီးလုပ်ငန်းကော်မတီများ စုံညီတွေ့ဆုံပွဲဖွင့်ပွဲသို့ ပြည်ထောင်စုဝန်ကြီးနှစ်ဦးနှင့် နေပြည်တော်ကောင်စီဥက္ကဋ္ဌ တက်ရောက်

NLD ပါတီ၏ ပထမအကြိမ် နိုင်ငံလုံးဆိုင်ရာ အမျိုးသမီးလုပ်ငန်းကော်မတီများစုံညီတွေ့ဆုံပွဲဖွင့်ပွဲတွင် အမှတ်တရဓာတ်ပုံရိုက်ကူးနေမှုအား တွေ့ရစဉ် (ဓာတ်ပုံ-စိုးမင်းထိုက်)

အမျိုးသားဒီမိုကရေစီအဖွဲ့ချုပ် (NLD) ပါတီ၏ ပထမအကြိမ် နိုင်ငံလုံးဆိုင်ရာ အမျိုးသမီးလုပ်ငန်းကော်မတီများ စုံညီတွေ့ဆုံပွဲအား ဇွန် ၃၀ ရက်တွင် နေပြည်တော်ရှိ မြန်မာ အပြည်ပြည်ဆိုင်ရာကွန်ဗင်းရှင်းစင်တာတွင် စတင်ပြုလုပ်ခဲ့သည်။

အဆိုပါတွေ့ဆုံပွဲအား သုံးရက်ကြာပြုလုပ်မည်ဖြစ်ပြီး ဖွင့်ပွဲနေ့တွင် နိုင်ငံတော် သမ္မတဟောင်း ဦးထင်ကျော်နှင့် ဇနီး၊ အမျိုးသားဒီမိုကရေစီချုပ်ပါတီနာယက ဦးဝင်းထိန်၊ ဗဟိုအမျိုးသမီးလုပ်ငန်းကော်မတီဥက္ကဋ္ဌ ဒေါက်တာမေ၀င်းမြင့်၊ ဗဟိုအလုပ်အမှုဆောင် အဖွဲ့ဝင် ဒေါက်တာတင်မျိုးဝင်း၊ နေပြည်တော် ကောင်စီဥက္ကဋ္ဌ ဒေါက်တာမျိုးအောင်၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေး၊ ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေး၊ တိုင်းဒေသကြီးနှင့်ပြည် နယ်များမှ အမျိုးသမီးအဖွဲ့ဝင် ၈၀၀ ကျော် တက်ရောက်ခဲ့သည်။

ယင်း အခမ်းအနားတွင် ပါတီနာယက ဦးဝင်းထိန်၊ ဗဟိုအလုပ်အမှုဆောင်အဖွဲ့ဝင် ဦးဟံသာမြင့်၊ ဒေါက်တာတင်မျိုးဝင်း၊ ဒေါက်တာမေ၀င်းမြင့် အရန်ဗဟိုအလုပ်အမှုဆောင်အဖွဲ့ဝင် ဒေါ်စုစုလွင်တို့က မိန့်ခွန်းများပြောကြားခဲ့သည်။

ထို့ပြင် ပြည်ထောင်စုဝန်ကြီးနှစ်ဦးက ကျန်းမာရေးနှင့် အမျိုးသမီးကဏ္ဍနှင့်ပတ် သက်သည့်ကိစ္စရပ်များကို အဖွင့်မိန့်ခွန်းတွင် ပြောကြားခဲ့သည်။

ထိုသို့ ပြည်ထောင်စုဝန်ကြီးနှစ်ဦးတက် ရောက်ခဲ့သည်နှင့်ပတ်သက်ပြီး ဖွဲ့စည်းပုံအခြေခံဥပဒေနှင့်မညီကြောင်း ထောက်ပြလာပါက မည်သို့ပြောမည်ဆိုသည်ကို သတင်းထောက်တစ်ဦး၏ မေးမြန်းချက်အား ဒေါက် တာမေ၀င်းမြင့်က “ပြည်သူနဲ့အတူ ပူးပေါင်းဆောင်ရွက်ရမှာလေ။ ဦးတည်ချက်ကတော့ နိုင်ငံအကျိုးအတွက်ပဲ။ ဒေါက်တာဝင်းမြတ်အေးကတော့ အမျိုးသမီးတွေဥက္ကဋ္ဌနေရာက တက်တာ။ ကျန်းမာရေးဝန်ကြီးကို ဖိတ်တာက ကျတော့ ကျန်းမာရေးက အရေးအကြီးဆုံးပဲလေ။ ဒါကြောင့် ၀န်ကြီးတက်ပေးပါ။ အဖွင့်မိန့်ခွန်းလေး ပြောပေးပါဆိုပြီးတော့ပါ။ အဖွင့်မိန့်ခွန်းအတွက်ပဲ လုပ်ထားတာ။ ဒါကမဆိုင်ဘူးလေ။ အမျိုးသမီးထုဆိုတာက နိုင်ငံတစ်ခုလုံးမှာ ၅၁ ရာခိုင်နှုန်းကျော်တယ်လေ။ ဒီ အမျိုးသမီးထုအတွက် ကျန်းမာရေးပေါ့။ ပါတီ ကိစ္စဘာမှမပါဘူး။ ကျန်းမာရေးနဲ့ပတ်သက် ပြီး ဘယ်လိုပူးပေါင်းဆောင်ရွက်မယ်ဆိုတာ ပြောသွားတာပါ” ဟု သတင်းထောက်များအား ပြောကြားသည်။

အဆိုပါဖွင့်ပွဲသို့ နေပြည်တော်ကောင် စီဥက္ကဋ္ဌနှင့် ပြည်ထောင်စုဝန်ကြီးနှစ်ဦး တက်ရောက်ခြင်းသည် ဥပဒေနှင့်မညီသဖြင့် ဆင်ခြင်သင့်ကြောင်း ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ပြောရေးဆိုခွင့်ရှိသူ ဦးသိန်းထွန်းဦးက ပြောကြားသည်။

“ပါတီက လုပ်တဲ့ပွဲကြီးမှာကတော့ ကျွန်တော်တို့ ပြည်ထောင်စုအဆင့်ဝန်ကြီးပေါ့။ သူက နံပါတ်တစ်ကတော့ ပါတီဝင်မဟုတ်ရတော့ဘူး။ ပါတီနိုင်ငံရေး ကင်းရှင်းရတော့မယ်။ သို့မှသာလျှင်သူက နိုင်ငံတော်ရဲ့အုပ် ချုပ်ပိုင်းဆိုင်ရာမှာ လွတ်လွတ်လပ်လပ် လုပ်ပိုင်ခွင့်ရှိမယ်။ ဒါကြောင့်ကျွန်တော်တို့က ဒီလိုကိစ္စမျိုးတွေမှာ ဥပဒေနဲ့မညီဘူးလို့ပဲ မြင်ရမှာပဲ။ သူကပါတီရဲ့ ပွဲဖြစ်နေတယ်။ အဲဒါ ကြောင့် ကျွန်တော်တို့က ဒီဟာကို ဥပဒေနဲ့ပဲ ရှုမြင်ပါတယ်။ ဥပဒေနဲ့ ညီညွတ်ခြင်းရှိ မရှိ အဲဒါသက်ဆိုင်ရာတာဝန်ရှိသူများအနေနဲ့ ဆင်ခြင်သင့်တဲ့ကိစ္စလို့မြင်ပါတယ်” ဟု ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ပြောရေးဆိုခွင့်ရှိသူ ဦးသိန်းထွန်းဦးက ပြောကြားသည်။

၂၀၀၈ ခုနှစ် ဖွဲ့စည်းပုံအခြေခံဥပဒေ ပုဒ်မ ၂၃၂၊ ပုဒ်မခွဲ (ဋ) တွင် ပြည်ထောင်စုဝန်ကြီးသည် နိုင်ငံရေးပါတီတစ်ခုခု၏ အဖွဲ့ဝင်ဖြစ်လျှင် ပြည်ထောင်စုဝန်ကြီးအဖြစ် ခန့်အပ်တာဝန်ပေးခြင်းခံရသည့်နေ့မှစ၍ မိမိရာထူး သက်တမ်းအတွင်း ယင်းပါတီအဖွဲ့အစည်း၏ ပါတီလုပ်ငန်းများတွင် ပါဝင်ဆောင်ရွက်ခြင်း မပြုရဟု ပြဋ္ဌာန်းထားသည်။

ထို့အတူ ၂၀၀၈ ဖွဲ့စည်းပုံအခြေခံဥပဒေ ပုဒ်မ ၂၈၅၊ ပုဒ်မခွဲ (ဆ) တွင် နေပြည်တော် ကောင်စီဥက္ကဋ္ဌ သို့မဟုတ် ကောင်စီဝင်တစ်ဦးဦးသည် နိုင်ငံရေးပါတီတစ်ခုခု၏ အဖွဲ့ဝင်ဖြစ်လျှင် နေပြည်တော်ကောင်စီဥက္ကဋ္ဌ သို့မဟုတ် ကောင်စီဝင်အဖြစ် ခန့်အပ်တာဝန်ပေးအပ် ခြင်းခံရသည့်နေ့မှစ၍ မိမိရာထူးသက်တမ်း အတွင်း ယင်းပါတီအဖွဲ့အစည်း၏ ပါတီလုပ်ငန်းများတွင် ပါဝင်ဆောင်ရွက်ခြင်းမပြုရဟု ပြဋ္ဌာန်းထားသည်။

နေပြည်တော်ကောင်စီဥက္ကဋ္ဌ ဒေါက် တာမျိုးအောင်၊ ပြည်ထောင်စုဝန်ကြီးဒေါက်တာဝင်းမြတ်အေးတို့သည် NLD ပါတီဝင်များ ဖြစ်ပြီး ပြည်ထောင်စုဝန်ကြီး ဒေါက်တာမြင့်ထွေးမှာ ပါတီဝင်မဟုတ်ပေ။

သုံးရက်ကြာ ပြုလုပ်မည့် အမျိုးသားဒီမို ကရေစီအဖွဲ့ချုပ်ပါတီ၏ ပထမအကြိမ်နိုင်ငံလုံးဆိုင်ရာ အမျိုးသမီးလုပ်ငန်းကော်မတီ စုံညီတွေ့ဆုံပွဲ ပထမနေ့အစီအစဉ်တွင် တိုင်းဒေသကြီး၊ ပြည်နယ်များမှ အမျိုးသမီးလုပ်ငန်းကော်မတီများမှ အစီရင်ခံစာများတင်သွင်းခြင်း၊ ဒုတိယနေ့အစီအစဉ်တွင် ဦးရဲမင်းဦးက ရုံးလုပ်ငန်းဆိုင်ရာစီမံခန့်ခွဲမှု၊ ဆရာမနှင်းပန်းအိမ်က ဟောပြောခြင်း၊ ဦးဝင်းတင်က ငွေစာရင်းနှင့် ဘဏ္ဍာရေးလုပ်ထုံးလုပ်နည်းများ၊ အမေးအဖြေကဏ္ဍ၊ ဦးအောင်ကြည်ညွန့်က ပါတီမူဝါဒနှင့် စည်းမျဉ်းစည်းကမ်းအစီအစဉ်များ ဆောင်ရွက်မည်ဖြစ်ကြောင်း၊ တတိယနေ့ အစီအစဉ်တွင် ဒေါ်လှမျိုးစု (အမျိုးသမီးနှင့် ဥပဒေ) က ဆွေးနွေးခြင်း၊ ရှေ့လုပ်ငန်းစဉ်များ ချမှတ်ခြင်းတို့ ပြုလုပ်ရန် စီစဉ်ထားကြောင်း သိရသည်။

 

 

နှစ်နှစ်ကြာ ပိတ်ထားသည့် သတ္တုတွင်းလိုင်စင် ချပေးမှုကို ဇူလိုင်လကုန်ပိုင်းမှစ၍ လျှောက်လွှာများ ပြန်လည်လက်ခံမည်

နှစ်နှစ်ကြာ ပိတ်ထားသည့် သတ္တုတွင်း လိုင်စင်ချပေးမှုကို ဇူလိုင်လကုန်ပိုင်းမှစ၍ လျှောက်လွှာများ ပြန်လည်လက်ခံမည် ဖြစ်ကြောင်း သတ္တုတွင်း ဦးစီးဌာန ဒုတိယညွှန်ကြားရေးမှူးချုပ် ဦးကျော်သက်က ဆိုသည်။

“သတ္တုတွင်း လိုင်စင်တွေကို ဇူလိုင် ၂၆ ကနေစပြီးတော့ လျှောက်လွှာလက်ခံမှာ ဖြစ်တယ်။ သတ္တုထုတ်လုပ်မှုကတော့ ရပ်ထားလို့မရဘူး။ ရပ်ထားရင် သူများက ၀င်တူးမှာလေ။ လက်ရှိမှာ လုပ်ကွက်အသစ် ချမပေးတာပဲ။ လုပ်ကွက်လိုင်စင် ချထားပေးတဲ့ သူတွေကတော့ တူးနေကြတာပေါ့။ သက်တမ်းကုန်သွားရင်လည်း တိုးပေးတယ်။ လုပ်ကွက်အသစ် လိုင်စင်ထုတ်မပေး တာကတော့ ၂၀၁၆ ဇူလိုင် ၂၇ ရက်ကတည်းက ပိတ်ထားတာ။ လျှောက်လွှာလက်ခံမယ်။ သေချာစိစစ်ပြီးတော့ လက်ခံမယ်။ လိုင်စင်အသစ် ထုတ်ပေးတဲ့ လုပ်ငန်းစဉ်ကတော့ အချိန်ယူရဦးမှာပေါ့” ဟု ဦးကျော်သက်က ပြောကြားသည်။

သယံဇာတနှင့် သဘာဝပတ်ဝန်းကျင် ထိန်းသိမ်းရေး ၀န်ကြီးဌာနက ခွင့်ပြုမိန့် ထုတ်ပေးထားသည့် သတ္တုတွင်း လုပ်ငန်းပေါင်း ၁၃၉၃ တွင်းရှိပြီး အကြီးစား ၁၄၈ တွင်း၊ အသေးစား ၇၈၅ တွင်း၊ စမ်းသပ် ၃၂၃ တွင်း၊ စမ်းသပ်ဖြစ်မြောက် ၂၃ တွင်း၊ လက်လုပ်လက်စား ၂၂ တွင်းနှင့် အသေးစားဆင့်တက် ၉၂ တွင်း ရှိကြောင်း သိရသည်။

အဆိုပါ ခွင့်ပြုမိန့် ထုတ်ပေးထားသည့် သတ္တုတွင်းများသည် ကချင်ပြည်နယ်တွင် ၁၁၈ တွင်း၊ ကယားပြည်နယ်တွင် ၂၁ တွင်း၊ ကရင်ပြည်နယ်တွင် ၅၇ တွင်း၊ ချင်းပြည်နယ်တွင် သုံးတွင်း၊ စစ်ကိုင်းတိုင်း ဒေသကြီးတွင် ၂၁၈ တွင်း၊ တနင်္သာရီတိုင်း ဒေသကြီးတွင် ၉၇ တွင်း၊ နေပြည်တော်တွင် သုံးတွင်း၊ ပဲခူးတိုင်း ဒေသကြီးတွင် ခြောက်တွင်း၊ မကွေးတိုင်း ဒေသကြီးတွင် တွင်း ၆၀၊ မန္တလေးတိုင်း ဒေသကြီးတွင် တွင်း ၄၅၀၊ မွန်ပြည်နယ်တွင် ၂၅ တွင်း၊ ရခိုင်ပြည်နယ်တွင် လေးတွင်း၊ ရှမ်းပြည်နယ်တောင်ပိုင်းတွင် ၁၄၆ တွင်း၊ ရှမ်းပြည်နယ် မြောက်ပိုင်းတွင် ၈၈ တွင်း၊ ရှမ်း ပြည်နယ် အရှေ့ပိုင်းတွင် ၉၃ တွင်း၊ ဧရာဝတီတိုင်း ဒေသကြီးတွင် သုံးတွင်းနှင့် ရန်ကုန်တိုင်း ဒေသကြီးတွင် တစ်တွင်း ခွင့်ပြုထားကြောင်း သိရသည်။

၂၀၁၅-၂၀၁၆ ဘဏ္ဍာနှစ်တွင် လုပ်ငန်းအမျိုးအစားများနှင့် သက်ဆိုင်သော အခွန်အခရငွေအားလုံး၏ သုံးရာခိုင်နှုန်းကို သတ္တုကဏ္ဍမှ ကောက်ခံရရှိကြောင်း၊ အစိုးရအနေဖြင့် သတ္တုကဏ္ဍမှ ကျပ် ၉၈၅၈၃ သန်း ကောက်ခံရရှိခဲ့ကြောင်း၊ ၂၀၁၅-၂၀၁၆ ဘဏ္ဍာနှစ်တွင် သတ္တုကဏ္ဍမှ ကုမ္ပဏီပေါင်း ၂၈ ခုအား စာရင်းတိုက်ဆိုင် စစ်ဆေးခဲ့ပြီး မြန်မာနိုင်ငံ၏ သတ္တုကဏ္ဍမှ ရရှိသော အခွန်ဘဏ္ဍာငွေ အားလုံး၏ ရာခိုင်နှုန်း ၄၀ ကို လွှမ်းခြုံကြောင်း၊ အဆိုပါ ကုမ္ပဏီများသည် အစိုးရသို့ အခွန်ငွေ အနည်းဆုံး ကျပ်သန်း ၂၅၀ နှင့် အထက် ပေးဆောင်သည့် ကုမ္ပဏီများဖြစ်ကြောင်း EITI ၏ တတိယအကြိမ် အစီရင်ခံစာတွင် ဖော်ပြထားသည်။

ထို့ပြင် အခြားသတ္တုများ ထုတ်လုပ်မှု တန်ဖိုးသည် ကျပ် ၄၁၇၁၇၅ သန်းရှိကြောင်း၊ တင်ပို့ရောင်းချ ခဲ့ခြင်းသည် ကျပ်၁၂၉၂၃ သန်းရရှိခဲ့ကြောင်း၊ အခြားသတ္တုကဏ္ဍရှိ နိုင်ငံပိုင်လုပ်ငန်းများမှ ဖြည့်သွင်းသော အစီရင်ခံစာအရ အစိုးရ၏ ထုတ်လုပ်မှုအပေါ် ခွဲဝေခံစားမှုအရပစ္စည်း (In Kind) ဖြင့် ရရှိသောသတ္တုကို ရောင်းချရာတွင် ၂၀၁၅-၂၀၁၆ ဘဏ္ဍာနှစ်တွင် ကျပ် ၃၅၇၆၈ သန်းရရှိပြီး ယင်းသည် အခြားသတ္တုကဏ္ဍမှ ရရှိသော ဘဏ္ဍာငွေ စုစုပေါင်း၏ ၃၆ ဒသမ ၃ ရာခိုင်နှုန်းကို ကိုယ်စားပြုကြောင်း အစီရင်ခံစာတွင် ဖော်ပြထားသည်။

၂၀၁၄-၂၀၁၅ ဘဏ္ဍာနှစ်တွင် တွင်းထွက်သယံဇာတ တူးဖော်ရေးလုပ်ငန်း ကုမ္ပဏီများက ပေးသွင်းအခွန်အခများနှင့် အစိုးရအေဂျင်စီများ လက်ခံရရှိသော အခွန်အခများ၏ အသားတင် ကွာဟချက်သည် ၂ ဒသမ ၈ ရာခိုင်နှုန်းဖြစ်ပြီး ၂၀၁၅-၂၀၁၆ ဘဏ္ဍာနှစ်တွင် အသားတင် ကွာဟချက်သည် ၁ ဒသမ ၈၈ ရာခိုင်နှုန်းရှိကြောင်း အစီရင်ခံစာတွင် ဖော်ပြထားသည်။

ခရီးလှည့်လည်ပြသရေး လုပ်ငန်းများ လုပ်ကိုင်နေသည့် နိုင်ငံခြားကုမ္ပဏီများအား လုပ်ပိုင်ခွင့် စိစစ်သင့်ကြောင်းနှင့် Deposit နှုန်းထားများ ပြောင်းလဲရန် လိုအပ်ဟုဆို

မန္တလေးမြို့ရှိ ရတနာပုံ ခေတ်နှောင်းပိုင်းလက်ရာ တစ်ခုဖြစ်သော ရွှေနန်းတော်ကျောင်းအား နိုင်ငံခြား ခရီးသွားများ လေ့လာနေသည်ကို ၂၀၁၈ ခုနှစ် မတ်လအတွင်းက တွေ့ရစဉ်

မြန်မာနိုင်ငံတွင် ခရီးလှည့်လည်ပြသရေး လုပ်ငန်းများ လုပ်ကိုင်နေသည့် နိုင်ငံခြား ကုမ္ပဏီများအား လုပ်ကိုင်ခွင့် ပြန်လည်စိစစ်သင့်ကြောင်းနှင့် Deposit နှုန်းထားများ ပြောင်းလဲသတ်မှတ်ရန်လိုကြောင်း မြန်မာနိုင်ငံ ခရီးသွား လုပ်ငန်းရှင်များအသင်းဥက္ကဋ္ဌ ဦးသက်လွင်တိုးက ပြောကြားသည်။

အဆိုပါ အကြောင်းအရာနှင့် ပတ်သက်၍ နိုင်ငံခြားရင်းနှီးမြှုပ်နှံမှု ခွင့်ပြုသင့်၊ မပြုသင့် ဇွန် ၃၀ ရက်တွင် ပြုလုပ်သည့် မြန်မာနိုင်ငံ ခရီးသွားလုပ်ငန်းရှင်များအသင်း (၁၃) ကြိမ်မြောက် နှစ်ပတ်လည် အထွေထွေ အစည်းအဝေးတွင် တက်ရောက်လာသူ အသင်းသား အားလုံးက နိုင်ငံခြား ရင်းနှီးမြှုပ်နှံမှု ခရီးလှည့်လည် ပြသရေး လုပ်ငန်းများ လုပ်ကိုင်နေမှုကို ခွင့်မပြုသင့်ကြောင်း ဆုံးဖြတ်ခဲ့ကြသည်။

“ကမ်ပိန်းတွေကတော့ လုပ်ကြတာပဲ။ ဒါတွေက အတိုင်းအတာတစ်ခု အထိတော့ ထိရောက်ပါတယ်။ စီးပွားရေး ပေါ်လစီနဲ့တော့ ကိုက်ညီအောင် လုပ်ရမယ့်အလုပ်က ထိန်းကျောင်းပေးရမှာက အရေးကြီးပါတယ်။ နိုင်ငံခြားကုမ္ပဏီ လုပ်ပိုင်ခွင့်ကို စိစစ်သင့်ပါတယ်။ ခွင့်ပြုသင့်၊ မသင့် ဆိုတာကတော့ ဆက်ဆွေးနွေးကြပေါ့။ ဒါက အမျိုးသား အကျိုးစီးပွား အတွက်ရော စဉ်းစားရမယ်။ လုပ်နိုင်တဲ့ နည်းလမ်းတွေက လာလုပ်ချင်တဲ့သူတွေကို ခွင့်ပြုမယ်။ ဒါပေမဲ့ Deposit ပေးရမယ်။ ဒေါ်လာငါးသိန်းလိုမျိုး Deposit လုပ်ခိုင်းကြည့်လိုက်။ တကယ်လုပ်မယ့်သူလောက်ပဲ လာတော့မယ်။ မလုပ်ဘဲနဲ့ ခိုးလုပ်ရင် အရေးယူမယ်။ ထောင်ချသည့် အထိရော၊ ပြည်နှင်ဒဏ်ပေးတဲ့ အထိရော အရေးယူရင် မတရားတာ မလုပ်တော့ဘူး။ အခုက ဒေါ်လာငါးသောင်းလောက်ပဲ ပေးပြီးရင် ပြန်ထုတ်လို့ရတယ်ဆိုတော့ အဲဒီလိုပဲ လာကြတာပေါ့။ ဥပဒေက အရေးကြီးတယ်” ဟု ဦးသက်လွင်တိုးက ပြောကြားသည်။

အဆိုပါ ကိစ္စနှင့် ပတ်သက်၍ ဥပဒေချမှတ်ရန် လိုကြောင်း၊ ၀န်ကြီးဌာနအား တစ်ခုတည်း မဟုတ်ဘဲ အရေးယူပိုင်ခွင့်ရှိသည့် အဖွဲ့အစည်းနှင့်ပါ ပူးပေါင်းဆောင်ရွက်လိုကြောင်း၊ ထိထိရောက်ရောက် အရေးယူ ဆောင်ရွက်သင့်ကြောင်း ၎င်းကဆက်လက် ပြောကြားသည်။

“၁၉၉၂ ခုနှစ် ဥပဒေအရ အချိုးအလိုက် ခွင့်ပြုထားတယ်။ အခုလက်ရှိ MIL Law အရကျတော့ ရာနှုန်းပြည့် လုပ်ခွင့်ပေးထားတယ်။ နှစ်ခုမှာတော့ ဟနေတာရှိတယ်။ ခရီးသွားလာရေး ဥပဒေအရတော့ အချိုးအလိုက် မြန်မာနိုင်ငံသားတွေက ဘယ်လောက်အထိပါလဲ။ အဲဒီဟာတွေကိုတော့ ပြန်လည်သုံးသပ်ဖို့အတွက် ဒါတွေကို ဆွေးနွေးတာပါ။ နှစ်ခုတော့ရှိတယ်။ တစ်ချိန်တုန်းက ကျွန်တော်တို့ဆီမှာ နိုင်ငံတကာ ပိတ်ဆို့ထားတာ နှစ်ပေါင်း သုံး-လေးဆယ်လောက်ရှိတော့ လူတွေက နိုင်ငံတကာ အဆက်အသွယ်လည်း မရှိဘူး။ အတွေ့အကြုံလည်း မရှိကြဘူး။ အဲဒီအချိန်မှာ ကိုယ့်ဆီကို လူတွေလာဖို့အတွက် ဈေးကွက် လုပ်နိုင်တာက ဒီနိုင်ငံခြား ကုမ္ပဏီတွေရှိတယ်။ သူတို့အားကိုးနဲ့ ဒါကိုကန့်သတ်ချက်တစ်ခုနဲ့ ဖွင့်ခဲ့တယ်။ ဖွင့်ခဲ့တဲ့အခါ ကုမ္ပဏီ ၅၀၀ ကျော်မှာ တရားဝင်က ၃၀ လောက်ပဲရှိတယ်။ အခုဆိုရင် ကုမ္ပဏီ ၁၇၀၀ သာရှိတာ။ တရားဝင် ၄၀ ကျော်ပဲ ရှိသေးတယ်။ ဒါတွေကို လုံးဝပိတ်လိုက်ရင်လည်း ခိုးလုပ်ကြမှာပဲ။ တရားမ၀င် မှောင်ခိုလုပ်ကြမှာပဲ” ဟု ဦးသက်လွင်တိုးက ပြောကြားသည်။

နိုင်ငံခြား ကုမ္ပဏီများအား လုပ်ပိုင်ခွင့် ခွင့်ပြုသင့်၊ မပြုသင့် နည်းမှန်လမ်းမှန် စဉ်းစားသင့်ကြောင်း၊ အခြေအနေ အဘက်ဘက်မှ သုံးသပ်သင့်ကြောင်းနှင့် မြန်မာနိုင်ငံသား များသည်လည်း လုပ်ရည် ကိုင်ရည်ရှိရန် လိုအပ်ကြောင်း ၎င်းကဆက်လက် ပြောကြားသည်။

“ရင်းနှီးမြှုပ်နှံပြီးသား ကုမ္ပဏီများကို ပြန်နှင်ထုတ်ရင်လည်း လက်ရှိအာဆီယံစီးပွားရေး အသိုက်အ၀န်းမှာ ကိုယ်လည်း သူများနိုင်ငံမှာ ကုမ္ပဏီဖွင့်လို့ရတယ်။ အခုလည်း ဒီလိုပဲ။ ကိုယ့်ဆီလာလုပ်တာကိုး။ ဒါလေး အခြေအနေ အဘက်ဘက်က သုံးသပ်ဖို့လိုတယ်။ ကိုယ့်နိုင်ငံသားတွေက လုပ်ရည်ကိုင်ရည် ရှိဖို့လည်း အရေးကြီးတယ်။ လုပ်တတ်အောင်လည်း သင်ပေးရမယ်” ဟု ဦးသက်လွင်တိုးက ပြောကြားသည်။

 

(၅၅) ကြိမ်မြောက် မြန်မာ့ကျောက်မျက်ရတနာပြပွဲတွင် ပုလဲ၊ ကျောက်မျက်နှင့် ကျောက်စိမ်းအတွဲပေါင်း ၅၆၅၈ တွဲ ရောင်းချခဲ့ရပြီး ယူရိုသန်း ၄၀၀ ကျော်ရရှိ

(၅၅) ကြိမ်မြောက် မြန်မာ့ကျောက်မျက်ရတနာပြပွဲ စတင်သည့် ဇွန် ၂၀ ရက်တွင် ကျောက်မျက်ရတနာကုန်သည်များ ကျောက်များကို စစ်ဆေးနေစဉ် (ဓာတ်ပုံ-ဇေယျာထွန်း)

(၅၅) ကြိမ်မြောက် မြန်မာ့ကျောက်မျက်ရတနာပြပွဲတွင် ပုလဲ၊ ကျောက်မျက်နှင့် ကျောက်စိမ်းအတွဲပေါင်း ၇၄၉၁ ရောင်းချရာ တွင် အတွဲပေါင်း ၅၆၅၈ တွဲ ရောင်းချခဲ့ရပြီး ယူရိုသန်း ၄၀၀ ကျော်ရရှိခဲ့ကြောင်း သိရသည်။

ကျောက်မျက်ရတနာပြပွဲအား ဇွန် ၂၀ ရက်မှ ဇွန် ၂၉ ရက်အထိ ရောင်းချရာတွင် ပုလဲအတွဲပေါင်း ၃၄၁ တွဲရောင်းချရာမှ ယူရို ၂ ဒသမ ၅၉၈ သန်း၊ ကျောက်မျက်အတွဲပေါင်း ၆၉ တွဲရောင်းချရာမှ ယူရို ၁  ဒသမ ၃၇၈ သန်းနှင့် ကျောက်စိမ်းအတွဲပေါင်း ၅၂၄၈ တွဲရောင်းချရာမှ ယူရို ၄၂၁ ဒသမ ၇၀ သန်း ရောင်းချခဲ့ရပြီး စုစုပေါင်း ယူရို ၄၂၅ ဒသမ ၆၇၆ သန်းရရှိခဲ့ကြောင်း သိရသည်။

(၅၅) ကြိမ်မြောက်မြန်မာ့ကျောက်မျက်ရတနာပြပွဲတွင် သတ်မှတ်ဒဏ်ကြေးပေးဆောင်စေပြီး ပြပွဲပြန်လည်တက်ရောက်ခွင့်ပြုခဲ့သည့် ပြည်ပရတနာကုန်သည် ၉၀ ရှိခဲ့ပြီး ပြပွဲတစ်ပွဲလျှင် ယူရို ၁၀၀၀ နှင့်ညီမျှသည့် မြန်မာကျပ်ငွေကို ဒဏ်ကြေးအဖြစ်ကောက်ခံရာမှ ပြပွဲအကြိမ်ရေ ၁၇၅ ကြိမ်အတွက် ကျပ် ၂၇၆ ဒသမ ၈၃ သန်း ရရှိခဲ့ကြောင်း သိရသည်။

ပြပွဲတွင် ဈေးအမြင့်ဆုံးယူရို ၁၅ သန်း တန်ကျောက်စိမ်း ပါဝင်ရောင်းချသော်လည်း ရောင်းချနိုင်ခဲ့ခြင်းမရှိကြောင်း စီမံရေးရာ ဒုတိယဥက္ကဋ္ဌ ဦးသန်းဇော်ဦးက ပြောကြားသည်။

“ပြည်တွင်းကုန်သည်ကတော့ ဒီပွဲမှာ နည်းနည်းတော့နည်းသွားတယ်။ ပြည်ပကုန်သည်ကတော့ ကနေဒါတို့၊ အမေရိကန်တို့ ပါလာတယ်။ အရင်တုန်းက သိပ်မရှိဘူး။သူတို့လည်း စိတ်ဝင်စားလို့တက်လာတာရှိတယ်။ နောက်ထိုင်းကတော့ ကုန်သည် ၂၀  လောက်ရှိတယ်။ ၃၀၀၀ ကျော်မှာ ကျန်တာကတော့ တရုတ်၊ ဟောင်ကောင်၊ ထိုင်ဝမ် တို့ကပဲ အများစုဖြစ်တယ်။ကုန်သည်တက်ရောက်မှုကြည့်ရင် ပြီးခဲ့တဲ့ပွဲထက် ၁၀၀၀ လောက် ပိုများတယ်” ဟု ဦးသန်းဇော်ဦးက ပြောကြားသည်။

(၅၅) ကြိမ်မြောက် မြန်မာ့ကျောက်မျက်ရတနာပြပွဲသို့ တက်ရောက်ရန် တရုတ်ပြည်သူ့သမ္မတနိုင်ငံမှ ကုမ္ပဏီ ၂၆၅၆ ခုနှင့် ရတနာကုန်သည် ၃၁၀၂ ဦး၊ ထိုင်းနိုင်ငံမှ ကုမ္ပဏီ ၂၁ ခုနှင့် ရတနာကုန်သည် ၂၄ ဦး၊ ကနေဒါ နိုင်ငံနှင့် အမေရိကန်နိုင်ငံတို့မှ ကုမ္ပဏီသုံးခုစီနှင့် ရတနာကုန်သည် ခြောက်ဦးနှင့်  ပြည်တွင်းကုမ္ပဏီ ၅၁၀ မှ ရတနာကုန်သည် ၁၂၀၃ ဦး စာရင်းပေးသွင်းခဲ့ကြောင်း သိရသည်။