ဆီဗီလာနည်းပြဟောင်း ဘာရစ်ဇိုကို ဘီလ်ဘာအိုအသင်း နည်းပြသစ်အဖြစ် ခန့်အပ်

Photo: footballespana

ဘီလ်ဘာအိုအသင်းသည် ပြီးခဲ့သည့်နှစ်က ဆီဗီလာအသင်းမှ ထုတ်ပယ်ခံခဲ့ရသည့် အာဂျင်တီးနားနည်းပြ ဘာရစ်ဇိုကို နည်းပြသစ်အဖြစ် ခန့်အပ်လိုက်ကြောင်း သိရှိရသည်။

ဘာရစ်ဇို(၄၈ နှစ်)သည် ချီလီလက်ရွေးစင်အသင်း၏လက်ထောက်နည်းပြအဖြစ်လည်း ဆောင်ရွက်ခဲ့ဖူးသူဖြစ်ပြီး ဆယ်လ်တာဗီဂိုအသင်း၏နည်းပြအဖြစ် စပိန်မြေသို့ ၂၀၁၄ ခုနှစ်တွင် စတင်ခြေချခဲ့သူဖြစ်သည်။

ဘီလ်ဘာအိုအသင်းသည် နည်းပြ ဗယ်လ်ဗာဒီ ဘာစီလိုနာအသင်းသို့ ပြောင်းရွှေ့သွားသည့်အတွက် ပြီးခဲ့သည့်ရာသီက နည်းပြ ဇီဂန်ဒါနှင့် ရုန်းကန်ခဲ့ရပြီး လာလီဂါပြိုင်ပွဲတွင် အဆင့်(၁၆)နေရာအထိ ရောက်ရှိခဲ့သည်။

ထို့ကြောင့် ဇီဂန်ဒါနှင့် လမ်းခွဲကာ ဘာရစ်ဇိုကို အစားထိုးခန့်အပ်လိုက်ခြင်းလည်းဖြစ်သည်။

သို့သော် ဘာရစ်ဇိုကိုလည်း လာမည့်တစ်ရာသီစာအတွက်သာ (၁)နှစ်စာချုပ်ဖြင့် ခန့်အပ်ခဲ့ခြင်းဖြစ်ကြောင်း သိရှိရသည်။

နိုင်ငံရေးဆိုင်ရာ အဂတိလိုက်စားမှု အမျိုးအစား လေးမျိုး

ထိရောက်သော၊ ကြံ့ခိုင်သော၊ တာဝန်ခံမှုရှိသော အုပ်ချုပ်ရေးစနစ်များသည် သဘာဝရင်းမြစ်များကို စီမံရန်၊ ပြည်သူ့ဝန်ဆောင်မှုများကို ထောက်ပံ့ရန်၊ ကုန်သွယ်ရေးကို အားပေးမြှင့်တင်ရန်၊ ပုဂ္ဂလိက ရင်းနှီးမြှုပ်နှံမှုများကို ဆွဲဆောင်ရန်နှင့် ကူညီထောက်ပံ့ပေးမှုများနှင့် ဆက်သွယ်စီမံ ဆောင်ရွက်ရန်တို့အား အောင်မြင်စွာ လုပ်ဆောင်နိုင်ရန်အတွက် မရှိမဖြစ် အရေးပါသည်။ အဂတိလိုက်စားခြင်းနှင့် ပွင့်လင်းမြင်သာမှုမရှိခြင်းသည် ယင်းကဲ့သို့သော ရည်မှန်းချက်ရရှိရေးနှင့် ဆန့်ကျင်၍ နေတတ်သည်။ နိုင်ငံရေးဆိုင်ရာ အဂတိလိုက်စားမှုသည် ယနေ့ခေတ်၌ အထင်ရှားဆုံး ရာဇ၀တ်မှုများအနက် တစ်ခုဖြစ်သည်။ မသမာသော နိုင်ငံရေးသမားများနှင့် အာဏာအလွဲသုံးစားပြုလုပ်မှုများက အံ့သြဖွယ်ကောင်းလောက်အောင် အတွေ့ရများလာသည်။ အစိုးရအဖွဲ့အဆင့် အသီးသီး၌ အတွေ့ရ အများဆုံး အဂတိလိုက်စားမှု အမျိုးအစား လေးရပ်ရှိသည်။

(၁) လာဘ်ယူခြင်း – လာဘ်ယူခြင်းသည် နိုင်ငံရေးဆိုင်ရာ အဂတိလိုက်စားမှု၌ အတွေ့ရ အများဆုံး အမျိုးအစားဖြစ်သည်။ လာဘ်ယူခြင်းဟူသည် အစိုးရတာဝန်ရှိသူတစ်ဦးကို ငွေကြေး သို့မဟုတ် ပစ္စည်း သို့မဟုတ် ၀န်ဆောင်မှုပေးပြီး ဦးစားပေး ဆက်ဆံခံရအောင် ပြုလုပ်ခြင်းဖြစ်သည်။ ဥပမာအားဖြင့် ဒေသခံ ဆောက်လုပ်ရေးကန်ထရိုက်တစ်ဦးက သက်ဆိုင်ရာ တာဝန်ရှိသူတစ်ဦးကို ဖွံ့ဖြိုးရေးစီမံကိန်း အသစ်တစ်ရပ် စတင်ရန် ခွင့်ပြုချက်၌ ပထမဦးစားပေး ရရှိအောင် လာဘ်ပေးခြင်း ဖြစ်သည်။

(၂) အလွဲသုံးစားလုပ်ခြင်း – အချို့သော ရွေးကောက်တင်မြှောက်ခံ အရာရှိများသည် များပြားလှသော ငွေကြေးပမာဏကို ကြီးကြပ်ရန် တာဝန်ယူရသည်။ ယင်းငွေကြေးများသည် ဆောက်လုပ်ရေး၊ မွမ်းမံရေးနှင့် ဖွံ့ဖြိုးရေးဆိုင်ရာ ကန်ထရိုက်များကဲ့သို့ ဒေသဆိုင်ရာ စီမံကိန်းများအတွက် ကြိုတင်လျာထားသောငွေများ ဖြစ်နိုင်သည်။ ယင်းစီမံကိန်းများကို ကြီးကြပ်ရသော အရာရှိသည် ယင်းတို့ထဲမှ ငွေအချို့ကို ၎င်း၏ ကိုယ်ပိုင်ဘဏ်စာရင်းထဲသို့ လွှဲပြောင်းထည့်သွင်းတတ်သည်။ ယင်းသည် အလွဲသုံးစားလုပ်မှုဖြစ်သည်။ အခြားမူကွဲ ပုံစံတစ်ရပ်မှာ သက်ဆိုင်ရာ အရာရှိသည် အခြားပုဂ္ဂိုလ် သို့မဟုတ် အခြားကုမ္ပဏီတစ်ခုက ပိုင်ဆိုင်သော ငွေများကို ၎င်း၏ ကိုယ်ကျိုးအတွက် အသုံးပြုခြင်းဖြစ်သည်။

(၃) ခြိမ်းခြောက်၍ ငွေညှစ်ခြင်း – နိုင်ငံရေးဆိုင်ရာရုံးများသည် ၎င်းတို့၏ အရာရှိများအား လုပ်ပိုင်ခွင့်အာဏာ အကြီးအကျယ် ပေးထားတတ်သည်။ သက်ဆိုင်ရာအရာရှိသည် ၎င်း၏ အာဏာကို အသုံးပြုလျက် အခြားသူတစ်ဦးကို ၎င်း၏အလိုကျ ပြုလုပ်ရန် ခြိမ်းခြောက်ကာ သြဇာလွှမ်းမိုးခြင်းသည် နိုင်ငံရေးဆိုင်ရာ အဂတိလိုက်စားမှု ပုံစံတစ်ရပ်ဖြစ်သည်။ ယင်းအဂတိလိုက်စားမှုပုံစံသည် ရွေးကောက်တင်မြှောက်ခံ အရာရှိတစ်ဦးက တစ်စုံတစ်ဦးနှင့်ပတ်သက်၍ ပြစ်မှုမကင်းသော အချက်အလက်များကို ထုတ်ဖော် ခြိမ်းခြောက်လျက် ၎င်းတို့နှင့် ပူးပေါင်းဆောင်ရွက်ရန် ထိုသူအား အကျပ်ကိုင်သည့်အခါ၌ ဖြစ်ပွားသည်။

(၄) ဦးစားပေးဆက်ဆံခြင်း – ရွေးကောက်တင်မြှောက်ခံ ကိုယ်စားလှယ်တစ်ဦးသည် အလုပ်အကိုင်ကိစ္စ၊ ကန်ထရိုက်ကိစ္စနှင့် အခြားအကျိုးအမြတ်များနှင့် ပတ်သက်၍ အခွင့်အလမ်းများ ချပေးသည့်အခါ မျှတမှုနှင့် မှန်ကန်မှုရှိရမည်ဟု မျှော်လင့်ခံထားရပြီး ဖြစ်သည်။ သက်ဆိုင်ရာ အရာရှိတစ်ဦးက ယင်းကဲ့သို့ ချပေးရာ၌ မလျော်ကန်သော သို့မဟုတ် တရားမ၀င်သော အကြောင်းခြင်းရာများ လွှမ်းမိုးလျက် ဆောင်ရွက်ပါက အဂတိလိုက်စားမှု ကျူးလွန်ခြင်းဖြစ်သည်။ ဦးစားပေး ဆက်ဆံခြင်းနှင့် ပတ်သက်သော အဂတိလိုက်စားမှု ပုံစံတစ်ရပ်မှာ Nepotism ဟုခေါ်သည့် ဆွေမျိုးကောင်းစားရေးဝါဒဖြစ်သည်။ အမှန်တကယ် အရည်အချင်း ပြည့်မီသည့် လျှောက်ထားသူများကို ခန့်ထားခြင်း သို့မဟုတ် ချပေးခြင်း မပြုဘဲ ဆွေမျိုးများနှင့် မိသားစုဝင်များကို ခန့်ထားခြင်း သို့မဟုတ် ချပေးခြင်းကို Nepotism ဟုခေါ်သည်။ ယင်းအဂတိလိုက်စားမှု အမျိုးအစား အခြားပုံစံတစ်ရပ်မှာ သူကောင်းပြုခြင်း (Patronage) ဖြစ်သည်။ သက်ဆိုင်ရာအရာရှိတစ်ဦးက ယင်းကဲ့သို့ ခန့်ထားခြင်း သို့မဟုတ် ချပေးခြင်းကို မဲရရန် သို့မဟုတ် ငွေကြေးရရန် သို့မဟုတ် အခြားအကျိုးအမြတ်များ ရရန်တို့အတွက် အလဲအလှယ် လုပ်ခြင်းဖြစ်သည်။

မည်သည့် နိုင်ငံရေးဆိုင်ရာ အဂတိလိုက်စားမှုမဆို နိုင်ငံဖွံ့ဖြိုးရေးနှင့် အုပ်ချုပ်ရေးကို ပျက်ပြားစေသည့်အပြင် နိုင်ငံဘဏ္ဍာများ ဆုံးရှုံးစေကာ အစိုးရနှင့် အခွင့်အရေးများ ဆုံးရှုံးရသည့် ပြည်သူတို့အကြား ယုံကြည်မှုကိုပါ ပျက်စီးစေသောကြောင့် နိုင်ငံရေးဆိုင်ရာ အဂတိလိုက်စားမှုများ ပပျောက်ရေးကို အထူးအလေးထား ဆောင်ရွက်ရမည်ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

ဇွန်လ ၁ ရက်နေ့ထုတ် The Daily Eleven သတင်းစာ အယ်ဒီတာ့အာဘော်

နေပြည်တော်ရှိ သံတမန်ဇုန်တွင် သံရုံး ၁၅ ရုံးက မြေကွက် ၂၉ ကွက် အဆိုပြုထားပြီး အမေရိကန်ပြည်ထောင်စုနှင့် နိုင်ငံအများစုမှ ပထမဆင့်အနေဖြင့် ညှိနှိုင်းဆက်ဆံရေးရုံး ဖွင့်လှစ်နိုင်ရန် ဆောင်ရွက်နေ

ပြန်ကြားရေးဝန်ကြီးဌာနတွင် မေ ၃၁ ရက်က ပြုလုပ်သည့် သတင်းစာ ရှင်းလင်းပွဲကို တွေ့ရစဉ်

နေပြည်တော်ရှိ သံတမန်ဇုန်တွင် သံရုံး ၁၅ ရုံးက မြေကွက် ၂၉ ကွက် အတည်ပြုထားပြီး အမေရိကန်ပြည်ထောင်စုနှင့် နိုင်ငံအများစုမှ ပထမအဆင့်အနေဖြင့် ညှိနှိုင်းဆက်ဆံရေးရုံး ဖွင့်လှစ်နိုင်ရန် ဆောင်ရွက်နေကြောင်း နိုင်ငံခြားရေးဝန်ကြီးဌာနနှင့် အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန အမြဲတမ်းအတွင်းဝန်ဦးမြင့်သူက ပြောကြားသည်။

ပြန်ကြားရေးဝန်ကြီးဌာနတွင် မေ ၃၁ ရက်က ပြုလုပ်သည့် နိုင်ငံတော်အစိုးရ၏ ပြည်သူ့အတွက် ဒုတိယတစ်နှစ်တာ ကာလအတွင်း ဆောင်ရွက်မှုများနှင့်ပတ်သက်၍ သတင်းစာ ရှင်းလင်းပွဲတွင် သတင်းမီဒီယာများ၏ မေးမြန်းမှုကို အမြဲတမ်းအတွင်းဝန် ဦးမြင့်သူက အထက်ပါကဲ့သို့ ပြောကြားခဲ့ခြင်းဖြစ်သည်။

“သံတမန်ဇုန်မှာ ကျွန်တော်တို့မြေကွက်တွေ နေရာချထားပြီး ဖြစ်ပါတယ်။ အခုလက်ရှိ သံရုံး ၁၅ ရုံးက မြေကွက် ၂၉ ကွက် အဆိုပြုထားပြီး ဖြစ်ပါတယ်။ အမေရိကန်ပြည်ထောင်စုနဲ့ ကျန်တဲ့နိုင်ငံတော်တော်များများက ပထမဆင့်အနေနဲ့ ဒီမှာ Liaison Office ဖွင့်ပြီးရင် သံရုံးပြောင်းရွှေ့ဖို့ လုပ်နေပါတယ်။ တတ်နိုင်သရွေ့ စောစောပြောင်းဖို့ ကျွန်တော်တို့တိုက်တွန်း ဆောင်ရွက်နေပါတယ်” ဟု ဦးမြင့်သူက ဆက်လက်ပြောကြားသည်။

ထို့ပြင် ရန်ကုန်မြို့တွင် ပေါ်တူဂီသံရုံး ဖွင့်လှစ်ရန် နိုင်ငံခြားရေးဝန်ကြီးဌာနနှင့် စတင်ဆွေးနွေးနေကြောင်း၊ မြန်မာနိုင်ငံအနေဖြင့် စီးပွားရေး၊ လူမှုရေးနှင့် ကဏ္ဍပေါင်းစုံတွင် အကျိုးပြုနိုင်မည့်နိုင်ငံဖြစ်ပါက သံတမန် ဆက်ဆံရေးသံရုံးများ ဖွင့်လှစ်မည်ဖြစ်ကြောင်း ဦးမြင့်သူက ဆိုသည်။

“မနေ့တစ်နေ့ကဆိုရင် ပေါ်တူဂီသံအမတ်ကြီးကို လက်ခံတွေ့ဆုံပါတယ်။ မကြာခင်မှာ ပေါ်တူဂီသံရုံး ရန်ကုန်မှာဖွင့်ဖို့အတွက် ကျွန်တော်တို့ စတင်ဆွေးနွေးနေပါပြီ။ အလားတူပဲ ကျွန်တော်တို့အနေနဲ့လည်း ဥရောပမှာ သံရုံးဖွင့်ထားတာတွေ ရှိပါတယ်။ နှစ်နိုင်ငံ စီးပွားရေး နိုင်ငံရေးတစ်ခုတည်း ကြည့်လို့မရပါဘူး။ စီးပွားရေး၊ လူမှုရေး၊ ကဏ္ဍပေါင်းစုံမှာ ကျွန်တော်တို့ အကျိုးပြုနိုင်မယ့်နိုင်ငံဆိုရင် ကျွန်တော်တို့ သံတမန်ဆက်ဆံရေး သံရုံးတွေ ဖွင့်လှစ်သွားမှာပါ” ဟု ဦးမြင့်သူက ဆက်လက် ပြောကြားသည်။

ထို့ပြင် အိန္ဒိယနိုင်ငံနှင့် ကိုရီးယားနိုင်ငံတို့မှ International Hospital တစ်ခုစီဖွင့်လှစ်ရန် ကမ်းလှမ်းထားပြီး တရုတ်ပြည်သူ့သမ္မတနိုင်ငံက International School ဖွင့်လှစ်ရန် ကမ်းလှမ်းထားကြောင်း ဦးမြင့်သူက ဆိုသည်။

နေပြည်တော်သည် မြန်မာနိုင်ငံ၏ အစိုးရရုံးစိုက်သည့်မြို့တော်ဖြစ်သည်နှင့်အညီ နိုင်ငံခြားသံရုံးများကို ရန်ကုန်မြို့မှ နေပြည်တော်သို့ ပြောင်းရွှေ့ဖွင့်လှစ်နိုင်ရန်အတွက် မူဝါဒများ ချမှတ်ထားပြီးဖြစ်ကြောင်း၊ ယခုအခါ နိုင်ငံခြားသံရုံးများအနေဖြင့် လုပ်ငန်းဆောင်ရွက်မှု၊ နေထိုင်မှု စသည်တို့ ပိုမိုအဆင်ပြေစေရန်အတွက်လည်းကောင်း၊ သံရုံးများ၏ အဆိုပြုတင်ပြချက်များမှ လက်တွေ့တွင် ဖြစ်နိုင်မည့် အချက်များနှင့်အညီ ဆောင်ရွက်ပေးရန်အတွက်လည်းကောင်း၊ မူဝါဒများကို ပြန်လည် သုံးသပ်မှု ပြုလုပ်ရန် လိုအပ်ကြောင်းနှင့် ဆက်သွယ်ရေး၊ ပို့ဆောင်ရေး၊ ပညာရေးနှင့် ကျန်းမာရေးဆိုင်ရာ ၀န်ဆောင်မှုကိစ္စရပ်များကို ပိုမိုမြှင့်တင်ဆောင်ရွက်နိုင်မည့် နည်းလမ်းသစ်များ ရှာဖွေဆောင်ရွက်ရန် လိုအပ်ကြောင်း ဖေဖော်ဝါရီလအတွင်းက ကျင်းပသည့် နေပြည်တော် သံတမန်ဇုန် မြေယာမူဝါဒဆိုင်ရာ ညှိနှိုင်းအစည်းအဝေးတွင် ဒေါ်အောင်ဆန်းစုကြည်က ပြောကြားသည်။

နေပြည်တော်သံတမန်ဇုန်သည် ဒက္ခိဏသီရိမြို့နယ်တွင် တည်ရှိပြီး သစ်တောကြိုးဝိုင်းအဖြစ်မှ ပယ်ဖျက်ထားသည့် မြေဧက ၁၅၅၀ အကျယ်ရှိ မြေပေါ်တွင် သတ်မှတ်ဖော်ဆောင်ထားပြီး အခြေခံ အဆောက်အအုံများဖြစ်သည့် လမ်း၊ ရေမြောင်း၊ ရေ၊ မီးများရရှိရန် တည်ဆောက်ထားပြီးဖြစ်ကြောင်း သိရသည်။

ပဋိပက္ခ၊ ဆင်းရဲမွဲတေမှုနှင့် ခွဲခြားဆက်ခံနေရသော ကလေး ၁ ဒသမ ၂ ဘီလျံ ရှိနေ

အီရတ်အစိုးရနှင့် IS ဂျီဟတ်များအကြား တိုက်ခိုက်မှုကြောင့် မိုဆူးမှ နေရပ်စွန့်ခွာလာသော ကလေးများကို ၂၀၁၇ ခုနှစ် မတ် ၂၇ ရက်က တွေ့ရစဉ် (Photo: AFP)

ကမ္ဘာတစ်ဝန်းရှိ ကလေးထက်ဝက်ကျော်သည် ပဋိပက္ခ၊ ဆင်းရဲမွဲတေမှုနှင့် လိင်ပိုင်းဆိုင်ရာ ခွဲခြားဆက်ဆံမှုတို့၏ ခြိမ်းခြောက်မှုများ ကြုံနေရသည်ဟု မေ ၃၀ ရက်က ထုတ်ပြန်သည့် Save the Children ၏ အစီရင်ခံစာတွင် ဖော်ပြထားသည်။

Many Faces of Exclusion ဟု အမည်ပေးထားသည့် အစီရင်ခံစာတွင် ကလေးလုပ်သား၊ ပညာသင်ကြားခွင့်မရခြင်း၊ ကလေးအရွယ်၌ လက်ထပ်ရခြင်းနှင့် အရွယ်မတိုင်မီ ကိုယ်ဝန်ဆောင်ခြင်းတို့၏ ခြိမ်းခြောက်မှုများဖြင့် နိုင်ငံ ၁၇၅ နိုင်ငံကို အဆင့်သတ်မှတ်ခဲ့ခြင်း ဖြစ်သည်။

ယင်းအစီရင်ခံစာတွင် ကမ္ဘာတစ်ဝန်းရှိ ကလေး ၁ ဒသမ ၂ ဘီလျံသည် အဓိက ခြိမ်းခြောက်မှုသုံးခုအနက် အနည်းဆုံးတစ်ခု၏ ခြိမ်းခြောက်မှုနှင့် ကြုံတွေ့ခဲ့ရကြောင်း လေ့လာတွေ့ရှိခဲ့သည်။

ကလေးများအတွက် အဆိုးရွားဆုံးဟု သတ်မှတ်ထားသည့် နိုင်ငံ ၁၀ နိုင်ငံအနက် ရှစ်နိုင်ငံသည် အနောက်နှင့် ဗဟိုအာဖရိကတို့မှဖြစ်ပြီး နိုင်ဂျာတွင် ခြိမ်းခြောက်ခံရမှု ပမာဏ အများဆုံးဖြစ်သည်။ စင်ကာပူနှင့် ဆလိုဗေးနီးယားနိုင်ငံတို့မှာမူ ယင်းကဲ့သို့သော ပြဿနာများဖြစ်ပွားမှု အနည်းဆုံးနိုင်ငံများအဖြစ် သတ်မှတ်ခံခဲ့ရသည်။

“ကမ္ဘာမှာရှိတဲ့ ကလေးထက်ဝက်ကျော်ဟာ သူတို့ဘ၀အစမှာ မိန်းကလေးဖြစ်လို့၊ ဆင်းရဲလို့၊ စစ်ပွဲဇုန်မှာ ကြီးပြင်းလာလို့ ဆိုတာတွေကြောင့် ဖိနှိပ်ခံခဲ့ရတယ်” ဟု Save the Children ၏ အမှုဆောင်အရာရှိချုပ် ဟယ်လီသောနင်းရှမစ်က ပြောကြားခဲ့သည်။

အစိုးရများသည် ကလေးအားလုံးအား ၎င်းတို့၏ကလေးဘ၀၌ အကောင်းဆုံး အရာများပေးနိုင်အောင် လုပ်ဆောင်ပေးသင့်ကြောင်း ၎င်းကပြောကြားခဲ့သည်။

ကလေး တစ်ဘီလျံကျော်သည် ဆင်းရဲမွဲတေမှု ဒဏ်ကြုံနေရသည့် နိုင်ငံများတွင် နေထိုင်နေရပြီး သန်း ၂၄၀ သည် ပဋိပက္ခနှင့် တည်ငြိမ်မှုမရှိသည့်နိုင်ငံများတွင် နေထိုင်နေရသည်ဟု အစီရင်ခံစာတွင် ဖော်ပြထားသည်။ ကျား၊ မ ခွဲခြားမှုသည် စိုးရိမ်ရသည့် အခြေအနေတစ်ခုဖြစ်သည့် နိုင်ငံများတွင် မိန်းကလေး ၅၇၅ သန်းကျော် နေထိုင်ကြောင်း အစီရင်ခံစာက လေ့လာတွေ့ရှိခဲ့သည်။

တောင်ဆူဒန်၊ ဆိုမာလီယာ၊ ယီမင်နှင့် အာဖဂန်နစ္စတန်အပါအ၀င် နိုင်ငံ ၂၀ ခန့်တွင် ကလေးလုပ်သား၊ ပညာသင်ကြားခွင့်မရခြင်း၊ ကလေးအရွယ်၌ လက်ထပ်ရခြင်း ခြိမ်းခြောက်မှုသုံးခုအောက်တွင် နေထိုင်ရသည့် ကလေး ၁၅၃ သန်း ရှိသည်။

Ref: AFP

ဂျာနယ်လစ် အသတ်ခံခဲ့ရကြောင်း ဇာတ်လမ်းဆင်ခဲ့သည့်အတွက် ဝေဖန်မှုများနှင့် ယူကရိန်း ကြုံတွေ့နေရ

မေ ၃၀ ရက်က ကိဗ်မြို့တွင် သတင်းစာရှင်းလင်းပွဲ၌ ရုရှားဂျာနယ်လစ် ဘက်ချင်ကို (လယ်)အား တွေ့ရစဉ် (Photo: AP)

ကရင်မလင် ဆန့်ကျင်သည့် ရုရှားဂျာနယ်လစ်တစ်ဦးသည် အသတ်ခံခဲ့ရကြောင်း သတင်းထွက်ပေါ်ခဲ့ပြီးမှ အသက်ရှင်လျက် ပြန်လည်ထွက်ပေါ်လာခဲ့ခြင်းကြောင့် ရုရှားနှင့် ယူကရိန်းတို့တွင် စိတ်သက်သာရာရခဲ့ကြသော်လည်း ထိုဂျာနယ်လစ် အသတ်ခံခဲ့ရကြောင့် ဇာတ်လမ်းဆင်ခဲ့သည်ဟု ၀န်ခံခဲ့သည့် ယူကရိန်းသည် မေ ၃၁ ရက်တွင် ဝေဖန်မှုများ ကြုံတွေ့နေရသည်။

ရုရှားဂျာနယ်လစ် အာကက်ဒီဘက်ချင်ကိုသည် ၎င်း၏နေအိမ်၌ ရုရှား၏လက်ချက်ဟု အပြစ်ဖို့ခံထားရသည့် ကြေးစားလူသတ်မှုပုံစံဖြင့် အသတ်ခံခဲ့ရကြောင်း ယူကရိန်း အာဏာပိုင်များက ထုတ်ပြန်ခဲ့ပြီးနောက် ၂၄ နာရီပင် မပြည့်သေးမီ မေ ၃၀ ရက်တွင် ယူကရိန်းမြို့တော်ကိဗ်၌ သတင်းစာရှင်းလင်းပွဲတွင် အသက်ရှင်လျက် ပြန်လည်ပေါ်ထွက်လာခဲ့သဖြင့် အံ့အားသင့်စေခဲ့သည်။

ဘက်ချင်ကို အသတ်ခံခဲ့ရကြောင်း ဇာတ်လမ်းဆင်မှုသည် ၎င်းအား ရုရှား၏သတ်ဖြတ်မှုမှ ဟန့်တားနိုင်ရန်ဖြစ်ကြောင်း ယူကရိန်း လုံခြုံရေးတပ်ဖွဲ့က ထုတ်ပြန်ခဲ့သော်လည်း ရုရှားကမူ ယင်းလုပ်ရပ်သည် ရုရှားဆန့်ကျင်သော ရန်စသည့်လုပ်ရပ်ဖြစ်ကြောင်း ဒေါသတကြီး ပြန်လည်တုံ့ပြန်ခဲ့သည်။ ကမ္ဘာ့မီဒီယာအား လှည့်စားခဲ့သော ထိုဇာတ်လမ်းဆင်မှုကို ဒေါသထွက်ခဲ့သည့် နယ်စည်းမခြား သတင်းထောက်များအဖွဲ့ကလည်း ကမ္ဘာတစ်ဝန်းရှိ ဂျာနယ်လစ်များ၏ အလုပ်များကို သက်ရောက်စေမည်ကို စိုးရိမ်ခဲ့သည်။

ဘက်ချင်ကို လုပ်ကြံခံခဲ့ရသည်ဆိုသော လုပ်ဇာတ်သည် အမှန်တရားနှင့် စိတ်ကူးယဉ်မှုအကြား ခွဲခြားရန်ေ၀၀ါးစေခဲ့ပြီး မီဒီယာများအား မယုံကြည်မှုကို ပိုမိုမြင့်တက်စေမည် ဖြစ်ကြောင်း ရုရှားနေ့စဉ်သတင်းစာ Vedomosti ၏ အယ်ဒီတာ့အာဘော်တွင် သုံးသပ်ခဲ့သည်။ ယင်းဖြစ်ရပ်ကြောင့် ယူကရိန်းအစိုးရမှ ထုတ်ပြန်ချက်များအား တစ်ဖန်ယုံကြည်ရန် ခက်ခဲစေမည်ဖြစ်ကြောင်း အနောက်တိုင်း သုံးသပ်သူများနှင့် သတင်းထောက် အများအပြားက ပြောကြားခဲ့သည်။

ဘက်ချင်ကိုက သူသည် သေဆုံးမှုဟန်ဆောင်ရန်အတွက် ယူကရိန်းထောက်လှမ်းရေးအဖွဲ့နှင့်အတူ သီတင်းပတ်များစွာ လေ့ကျင့်ပြင်ဆင်ခဲ့ရကြောင်း Facebook တွင် ထုတ်ဖော်ပြောကြားခဲ့ပြီး ဝေဖန်မှုများအား ပယ်ချခဲ့သည်။ သုံးသပ်သူအချို့ကမူ ဘက်ချင်ကို အသက်ရှင်နေဆဲဖြစ်ကြောင်းကိုသာ အာရုံစိုက်ရန် မီဒီယာများအား တိုက်တွန်းခဲ့သည်။

ယူကရိန်းက ၎င်းတို့၏အကွက်ဆင်မှုကြောင့် ဘက်ချင်ကိုအား သတ်ဖြတ်မည့် အစီအစဉ်ကို ဟန့်တားနိုင်ခဲ့ပြီး ရုရှားလုံခြုံရေး တပ်ဖွဲ့ဝင်များက ထိုရာဇ၀တ်မှုအတွက် ပြင်ဆင်နေမှုကို မှတ်တမ်းတင်နိုင်ခဲ့ကြောင်း ယူကရိန်းလုံခြုံရေးဌာနအကြီးအကဲ Vasyl Grytsak က ဘက်ချင်ကိုအား မီဒီယာသို့ မိတ်ဆက်ရာတွင် ပြောကြားခဲ့သည်။ ဘက်ချင်ကိုအား သတ်ဖြတ်ရန် ကြိုးကိုင်စီစဉ်ခဲ့သည်ဟု သံသယရှိသူကို ယူကရိန်းက ဖမ်းဆီးနိုင်ခဲ့ကြောင်း၊ G ဟုသာ အမည်ပေးထားသည့် အဆိုပါ ယူကရိန်းနိုင်ငံသားသည် ရုရှားလုံခြုံရေးတပ်ဖွဲ့များ၏ လူသစ်စုဆောင်းမှုခံခဲ့ရပြီး ဒေါ်လာ ၄၀၀၀၀ ရရှိခဲ့ပြီးနောက် ထိုသတ်ဖြတ်မှုအား ဆောင်ရွက်ရန် ကြေးစားလူသတ်သမားတစ်ဦးကို ငှားရမ်းခဲ့ကြောင်းလည်း Grytsak က ပြောကြားခဲ့သည်။

Ref: AFP

အမေရိကန် ကျောထောက်နောက်ခံပြု ကာ့ဒ်တပ်ဖွဲ့ဝင်များအား တိုက်ထုတ်ပစ်မည်ဟု ဆီးရီးယားသမ္မတအာဆတ် သတိပေး

မေ ၅ ရက်က ဆီးရီးယားနိုင်ငံ အာဖရင်မြို့ဝင်ပေါက်တွင် လက်နက်ကိုင် အမျိုးသားနှစ်ဦးကို တွေ့ရစဉ် (Photo: AFP)

ဆီးရီးယားနိုင်ငံ၏ နယ်မြေသုံးပုံတစ်ပုံအား ထိန်းချုပ်ထားသော အမေရိကန် ကျောထောက်နောက်ခံပြု ကာ့ဒ်တပ်ဖွဲ့များအား အင်အားသုံး တိုက်ခိုက်ပြီး ထိုနယ်မြေများကို ပြန်လည်သိမ်းယူရန် တုံ့ဆိုင်းနေမည်မဟုတ်ကြောင်း ဆီးရီးယားသမ္မတ ဘာရှားအယ်အာဆတ်က မေ ၃၁ ရက်တွင် သတိပေးခဲ့သည်။ ဆီးရီးယားတွင် ကျန်ရှိသည့် တစ်ခုတည်းသော ပြဿနာမှာ SDF ဖြစ်ကြောင်း IS ဂျီဟတ်များအား တိုက်ထုတ်ရာတွင် ဦးဆောင်ခဲ့သည့် ကာ့ဒ်များ ဦးဆောင်သော ဆီးရီးယားဒီမိုကရက်တစ်တပ်ဖွဲ့များကို ရည်ညွှန်း၍ အာဆတ်က Russia Today နှင့် အင်တာဗျူးတွင် ပြောကြားခဲ့သည်။

၎င်းတို့တွင် ရွေးချယ်စရာနှစ်ခုရှိကြောင်း၊ တစ်ခုမှာ ညှိနှိုင်းဆွေးနွေးရန်အတွက် လမ်းဖွင့်ထားကြောင်း၊ အဘယ်ကြောင့်ဆိုသော် ၎င်းတို့အနက် အများစုသည် ဆီးရီးယားများဖြစ်ကြပြီး ဆီးရီးယားနိုင်ငံအား နှစ်သက်လိမ့်မည်ဟု ယူဆကြောင်း၊ ၎င်းတို့သည်မည်သည့် ပြည်ပနိုင်ငံအတွက်မဆို ရုပ်သေးရုပ်များအဖြစ် အဖြစ်ခံလိုမည် မဟုတ်ကြောင်း မေ ၃၁ ရက်တွင် ထုတ်လွှင့်ခဲ့သည့် အင်တာဗျူး၌ အာဆတ်က အင်္ဂလိပ်ဘာသာဖြင့် ပြောကြားခဲ့သည်။

၎င်းတို့သည် ဆီးရီးယားများအဖြစ် အတူယှဉ်တွဲနေထိုင်ရန် နည်းလမ်းရှိကြောင်း၊ ယင်းသို့မဟုတ်ပါက ထိုဒေသများ လွတ်မြောက်စေရန်အတွက် အင်အားသုံး၍ ပြန်လည်တုံ့ပြန်သွားမည်ဖြစ်ကြောင်း ၎င်းက ပြောကြားခဲ့သည်။

ဆီးရီးယား အရှေ့မြောက်ပိုင်းရှိ ရေနံကြွယ်ဝသောဒေသမှ ကာ့ဒ်များသည် ၎င်းတို့၏နယ်မြေအတွက် ကိုယ်ပိုင်အုပ်ချုပ်ခွင့် တိုးမြှင့်ရရှိနိုင်ရန် ကာလရှည်ကြာ တွန်းအားပေးလာခဲ့ကြသော်လည်း ဆီးရီးယားအစိုးရက တစ်နိုင်ငံလုံးတွင် ၎င်းတို့၏သြဇာအာဏာကို ပြန်လည်ပြသရန် ဆန္ဒရှိကြောင်း အခိုင်အမာ ထုတ်ပြန်ခဲ့သည်။ ကာ့ဒ်များ၏ ကိုယ်ပိုင်အုပ်ချုပ်ခွင့်ရအစိုးရဟု ကိုယ့်ကိုယ်ကိုယ် ဖွဲ့စည်းထားသော ပြည်သူ့စစ်များလွှမ်းမိုးထားသည့် SDF သည် IS ဂျီဟတ်အဖွဲ့အား တိုက်ခိုက်ရာတွင် အမေရိကန်ဦးဆောင်သော ညွန့်ပေါင်း၏ လေကြောင်းထောက်ပံ့မှု ရရှိထားပြီး မြေပြင်တွင်လည်း အမေရိကန်နှင့် ပြင်သစ်အထူးတပ်ဖွဲ့ဝင်များ၏ အကူအညီများကို ရရှိခဲ့သည်။

“ဒါ ကျွန်တော်တို့နယ်မြေပါ။ အဲဒီ နယ်မြေတွေ လွတ်လပ်စေဖို့ ကျွန်တော်တို့ရဲ့ လုပ်ပိုင်ခွင့်နဲ့ ၀တ္တရားရှိပါတယ်” ဟု အာဆတ်က ပြောကြားခဲ့သည်။ “အမေရိကန်တွေ ထွက်သွားသင့်တယ်။ ဘယ်နည်းနဲ့ဖြစ်ဖြစ် သူတို့တွေ ထွက်သွားရမှာပါ” ဟု ၎င်းက ပြောကြားခဲ့သည်။

ဆီးရီးယားအရှေ့ပိုင်းတွင် SDF နှင့် ရုရှားကျောထောက်နောက်ခံပြု ဆီးရီးယားတပ်ဖွဲ့ဝင်များက IS နှိမ်နင်းသည့် စစ်ဆင်ရေးများကို သီးခြား ဆင်နွှဲခဲ့ကြသည်။ ဆီးရီးယားတွင် အမေရိကန်နှင့် ရုရှားတပ်ဖွဲ့ဝင်များအကြား ထိပ်တိုက်တွေ့ပြီး ပဋိပက္ခဖြစ်ပွားရန် နီးစပ်ခဲ့ကြောင်း၊ သို့သော် ထိုအခြေအနေကို ရှောင်လွှဲနိုင်ခဲ့ကြောင်း အာဆတ်က ပြောကြားခဲ့သည်။ ထို့ပြင် ဆီးရီးယား၌ အီရန်၏ အမြဲတမ်းတပ်ဖွဲ့ဝင်များ မရှိကြောင်း အာဆတ်က ငြင်းဆန်ခဲ့ပြီး ဆီးရီးယားစစ်မြေပြင်တွင် အီရန်၏စစ်ဘက် အကြံပေးများသာရှိကြောင်း ၀န်ခံပြောကြားခဲ့သည်။

Ref: AFP

အကြမ်းဖက်မှု တိုက်ဖျက်ရေး ဆာဟယ်တပ်ဖွဲ့အား ဆက်လက်ထောက်ပံ့သွားမည်ဟု ကုလအတွင်းရေးမှူးချုပ် ကတိပြု

မေ ၃၀ ရက်က မာလီနိုင်ငံ ဆီဗာရီမြို့ရှိ G5 Sahal အဖွဲ့၏ ရုံးချုပ်တွင် မာလီစစ်သားတစ်ဦးက စောင့်ဆိုင်းနေစဉ် (Photo: AFP)

ကုလသမဂ္ဂ၏ထောက်ပံ့မည့် အစီအစဉ်အား အမေရိကန်က ခါးခါးသီးသီး ငြင်းပယ်ခဲ့သော်လည်း ဆာဟယ်ဒေသမှ နိုင်ငံငါးနိုင်ငံ ပါဝင်သော အကြမ်းဖက်မှုတိုက်ဖျက်ရေးတပ်ဖွဲ့အား ထောက်ပံ့မှုကို ဆက်လက်ဆောင်ရွက်သွားမည်ဟု ကုလသမဂ္ဂ အတွင်းရေးမှူးချုပ် အန်တိုနီယိုဂူတာရက်စ်က မေ ၃၀ ရက်တွင် ကတိပြုခဲ့သည်။ ဆာဟယ်ဒေသတွင် ဂျီဟတ်များ၏ တိုက်ခိုက်မှုများအား တွန်းလှန်နေရသော မာလီသို့ သုံးရက်ကြာ သွားရောက်စဉ် ဂူတာရက်စ်က မာလီအလယ်ပိုင်းရှိ G5 Sahal ဟု ခေါ်သောအဖွဲ့၏ ဌာနချုပ်သို့ သွားရောက်ခဲ့ခြင်းဖြစ်သည်။

မာလီတွင် ဇူလိုင် ၂၉ ရက်၌ ကျင်းပမည့် သမ္မတရွေးကောက်ပွဲများအတွက် မာလီတာဝန်ရှိသူများအား အကောင်းဆုံး ကူညီပေးသွားမည်ဖြစ်ကြောင်းလည်း ၎င်းက ကတိပြုခဲ့သည်။ မာလီတွင် အစ္စလာမ္မစ်အစွန်းရောက်များ၏ လုံခြုံရေးဆိုင်ရာ ခြိမ်းခြောက်မှုများကြောင့် ရွေးကောက်ပွဲကျင်းပမည့် အစီအစဉ်များကို အကြိမ်ကြိမ် ရွှေ့ဆိုင်းခဲ့ရသည်။

အယ်ကေးဒါးနှင့် ဆက်နွှယ်သော ဂျီဟတ်များအား မာလီမြောက်ပိုင်းမှ မောင်းထုတ်ရန်အတွက် မာလီအစိုးရကို ကူညီရန် ပြင်သစ်က ၂၀၁၃ ခုနှစ်တွင် စစ်ရေးဆိုင်ရာ စွက်ဖက်မှု ပြုလုပ်ခဲ့သည်။ နောက်တစ်နှစ်တွင် ပြင်သစ်တပ်ဖွဲ့ဝင် ၄၀၀၀ ကို မာလီတွင် အင်အား ၁၂၀၀၀ ခန့်ရှိသော ကုလသမဂ္ဂ ငြိမ်းချမ်းရေးထိန်းသိမ်းမှုတပ်ဖွဲ့ MINUSMA နှင့်အတူ တပ်ချခဲ့ပြီး Operational Barkhane ကို ဆင်နွှဲခဲ့သည်။ သို့သော် အကြမ်းဖက်တိုက်ခိုက်မှုများသည် မာလီအလယ်ပိုင်းနှင့် တောင်ပိုင်းသို့ပျံ့နှံ့ခဲ့ပြီး ဘာကီနာဖာဆိုနှင့် နိုင်ဂျာတို့သို့ ကူးစက်ခဲ့သည်။

ဆာဟယ်ဒေသတွင် ဂျီဟတ်များအား နှိမ်နင်းရန် တပ်ဖွဲ့ဝင် ၅၀၀၀ ပါဝင်မည့် ပူးတွဲတပ်ဖွဲ့ကို ထူထောင်ရန် ဘာကီနာဖာဆို၊ ချဒ်၊ မာလီ၊ မော်ရစ်တေးနီးယားနှင့် နိုင်ဂျာတို့က ပြီးခဲ့သောနှစ်တွင် သဘောတူခဲ့သည်။ ယင်းအကြမ်းဖက်မှုတိုက်ဖျက်ရေးတပ်ဖွဲ့သည် ပြီးခဲ့သော မတ်တွင် အပြည့်အ၀ စတင်လည်ပတ်ရန် စီစဉ်ထားသော်လည်း တပ်ဖွဲ့ဝင်များချထားမှုသည် နှောင့်နှေးနေခဲ့ပြီး လက်နက် တပ်ဆင်မှုများသည် အလွန်အမင်း အားနည်းနေခဲ့သည်။

ထိုတပ်ဖွဲ့အား ဆက်လက်လည်ပတ်နိုင်ရန်နှင့် ကုလသမဂ္ဂက ရန်ပုံငွေထောက်ပံ့မှုအတွက် တွန်းအားပေးရန်အတွက် ဂူတာရက်စ်အပြင် ပြင်သစ်တို့က ဦးဆောင်လှုံ့ဆော်နေသည်။ သို့သော် ထိုတပ်ဖွဲ့အတွက် လုပ်ပိုင်ခွင့်နှင့် ကုလသမဂ္ဂ၏ တိုက်ရိုက် ထောက်ပံ့မှုတို့အတွက် ကုလသမဂ္ဂလုံခြုံရေး ကောင်စီ၏ ဆုံးဖြတ်ချက်ကို အမေရိကန်က မေ ၂၃ ရက်တွင် ဆန့်ကျင်ခဲ့သည်။

G5 Sahal အဖွဲ့အတွက် ဥရောပမှ နိုင်ငံအများစု၊ ဆော်ဒီအာရေဗျနှင့် ယူအေအီးတို့က အကူအညီ ယူရို ၄၁၈ သန်း (ဒေါ် လာသန်း ၅၇၀) ကို ကတိပြုထားသည်။ အမေရိကန်ကမူ တစ်နိုင်ငံချင်းစီ ထောက်ပံ့မှုသည် အတော်အသင့် နည်းပါးပြီး ပြီးခဲ့သောနှစ် အောက်တိုဘာတွင် အမေရိကန်နိုင်ငံခြားရေးဝန်ကြီးဟောင်း ရက်စ်တေလာဆင်က ဒေါ်လာသန်း ၆၀ သာ ကတိပြုထားသည်။

Ref: AFP

မြန်မာနိုင်ငံတွင် ပလတ်စတစ်စွန့်ပစ်မှုမှာ လွန်ခဲ့သည့်ငါးနှစ်ထက် သုံးဆပိုများလာကြောင်း ခန့်မှန်းတွေ့ရှိရပြီး ရေလမ်းကြောင်းများသို့ အမှိုက်တန်ချိန် ၂၀၀ ကျော် စီးဝင်နေ

မြန်မာနိုင်ငံတွင် ပလတ်စတစ်စွန့်ပစ်မှုမှာ လွန်ခဲ့သည့်ငါးနှစ်ကထက် သုံးဆပိုမိုများပြားလာပြီး ရေလမ်းကြောင်းများအတွင်း အမှိုက်တန်ချိန် ၂၀၀ ကျော် စီးဝင်လျက်ရှိကြောင်း သန့်မြန်မာအဖွဲ့၏ လေ့လာတွေ့ရှိချက်အရ သိရသည်။

၂၀၁၈ ခုနှစ် မတ်လတွင် စတင်ဖွဲ့စည်းခဲ့သည့် သန့်မြန်မာသည် မြန်မာနိုင်ငံတွင် ပလတ်စတစ် ညစ်ညမ်းမှုများအကြောင်း သိသာမြင်သာမှု ရှိလာအောင် လုပ်ဆောင်ရန်နှင့် ပလတ်စတစ် စွန့်ပစ်ပစ္စည်းများ လျှော့ချနိုင်ရန်အတွက် ရှေ့ဆောင်ကာ လှုပ်ရှားမှုများ ဆောင်ရွက်နေကြောင်း သိရသည်။

“ဘယ်လောက်တောင်မှပဲ တစ်ခါသုံး ပလတ်စတစ်ပစ္စည်းတွေကို သုံးနေတယ်။ ဘယ်လိုသုံးစွဲနေတယ်ဆိုတာနဲ့ ပလတ်စတစ်အစား တခြားဘယ်အရာတွေကို အစားထိုးပြီး အသုံးပြုနိုင်တယ်ဆိုတာကို တစ်ချက်လောက် စဉ်းစားစေချင်ပါတယ်။ ကျွန်မတို့အားလုံး အနေနဲ့ ရိုးရှင်းတဲ့ လူမှုဘ၀နေထိုင်မှုအဖြစ် ပြောင်းလဲပြီး ပလတ်စတစ်ပိုက်ကို အသုံးပြုဖို့ ငြင်းပယ်လိုက်တာမျိုး ဒါမှမဟုတ် ဈေးဝယ်ထွက်တဲ့အခါတိုင်းမှာ ပလတ်စတစ်အိတ် အသစ်ကို အသုံးပြုမယ့်အစား ကိုယ်ပိုင်အိတ်တို့၊ ခြင်းတို့ကို ပြောင်းလဲအသုံးပြုလိုက်ရုံနဲ့တင် ဒီပြဿနာတွေကို ဖြေရှင်းလို့ရပါတယ်” ဟု သန့်မြန်မာမှ မမေသက်ထွေးက ပြောကြားသည်။

“ပလတ်စတစ်တွေကို တစ်ခါသုံးပြီးတာနဲ့ လွှင့်ပစ်လိုက်တဲ့အရာတွေ ဘယ်ကိုရောက်သွားတယ်လို့ ထင်ပါသလဲ။ ပလတ်စတစ် ပြုလုပ်ချိန်မှာ အသုံးပြုထားတဲ့ ပစ္စည်းတွေက လုံးဝဆွေးမြည့်ပျောက်ကွယ်သွားမယ့် အရာတွေ မဟုတ်ပါဘူး။ ဒါတွေဟာ ကျွန်မတို့ရဲ့ ပတ်ဝန်းကျင်မှာ အဆိပ်တွေလိုပုံနေတဲ့ အမှိုက်ပုံတွေအပြင် သမုဒ္ဒရာထဲမှာလည်း အမှိုက်ပုံကြီးတစ်ခု ဖြစ်လာပါတယ်။ ဒါတွေက ပင်လယ်ပျော်ငှက်တွေနဲ့ ရေနေသတ္တ၀ါ သန်းပေါင်းများစွာကို သေကျေပျက်စီးစေပါတယ်။ အချိန်ကြာလာတဲ့အခါမှာ ပလတ်စတစ်တွေက သေးငယ်တဲ့ အစိတ်အပိုင်း အမှုန်အမွှားတွေအဖြစ် ပြိုကွဲသွားပြီးတော့ ကျွန်မတို့ သောက်သုံးနေတဲ့ ရေနဲ့ အစားအသောက်တွေကို ညစ်ညမ်းစေလာပါတယ်” ဟု သန့်မြန်မာမှ Hanna Helsingen ကပြောကြားသည်။

ကမ္ဘာတစ်ဝန်းတွင် ထုတ်လုပ်လျက်ရှိသော ပလတ်စတစ်ပစ္စည်းများ၏ ၁၀ ရာခိုင်နှုန်းကိုသာ ပြန်လည်အသုံးပြုနေပြီး ပလတ်စတစ်များမှာ မြေကြီးထဲတွင်သော်လည်းကောင်း၊ သမုဒ္ဒရာထဲတွင်သော်လည်းကောင်း အမှိုက်များအဖြစ် ဆက်လက်တည်ရှိနေကာ သမုဒ္ဒရာထဲရှိ ပလတ်စတစ်အမှိုက်များ၏ ရာခိုင်နှုန်း ၈၀ ခန့်မှာ လူများစွန့်ပစ်လိုက်သည့် ဖျော်ရည်ပိုက်များနှင့် အိတ်ခွံများဖြစ်ကြောင်း သိရသည်။

လျှပ်စစ်ကားရောင်းအား ၂၀၁၇ ခုနှစ်တွင် ရာခိုင်နှုန်း ၅၀ ကျော် မြင့်တက်

မေ ၂၇ ရက်က အမေရိကန်အနောက်ပိုင်းရှိ ကိုလိုမြို့တွင် Tesla ၏ Model 3 ကားများကို တွေ့ရစဉ် (Photo: AP)

ကမ္ဘာတစ်ဝန်းတွင် လျှပ်စစ်ကားရောင်းအားသည် ၂၀၁၇ ခုနှစ်၌ ၅၄ ရာခိုင်နှုန်း တိုးတက်ခဲ့ပြီး တစ်ကမ္ဘာလုံး၌ လျှပ်စစ်ကား သုံးသန်းကျော်လာပြီဖြစ်ကြောင်း အပြည်ပြည်ဆိုင်ရာ စွမ်းအင်အေဂျင်စီ (IEA) က မေ ၃၁ ရက်တွင် ပြောကြားခဲ့သည်။ လျှပ်စစ်ကားများအတွက် ကမ္ဘာ့အကြီးဆုံး ဈေးကွက်ဖြစ်သော တရုတ်တွင် ရောင်းအားထက်ဝက်ခန့် တိုးတက်ခဲ့ပြီး ကမ္ဘာတွင် လျှပ်စစ်ကားဈေးကွက်ဝေစု အကြီးဆုံးရှိသော နော်ဝေတွင် ရောင်းအား ၃၉ ဒသမ ၂ ရာခိုင်နှုန်း တိုးတက်ခဲ့ကြောင်း IEA က ဆိုသည်။

လျှပ်စစ်ကားများကို အားပေးသည့် မူဝါဒများနှင့် စရိတ်လျော့ကျလာမှုများကြောင့် လျှပ်စစ်ကားများ၏ ဈေးကွက်သည် ၂၀၃၀ ပြည့်နှစ် မတိုင်မီ သိသိသာသာ တိုးတက်ဖွယ်ရှိကြောင်း IEA ၏ အစီရင်ခံစာက ပြောကြားခဲ့သည်။ မူဝါဒချမှတ်သူများက သဘာဝပတ်ဝန်းကျင်ရေးရာ ကတိက၀တ်များကို လိုက်နာအကောင်အထည်ဖော်ခဲ့လျှင် ကမ္ဘာတွင် ၂၀၃၀ ပြည့်နှစ်မတိုင်မီ၌ လျှပ်စစ်ကား ၁၂၅ သန်းထိ ရှိလာနိုင်မည်ဟု IEA က ထည့်သွင်းပြောကြားခဲ့သည်။

ဂျာမနီပြီးလျှင် ဥရောပ၏ ဒုတိယအကြီးဆုံး ကားဈေးကွက်ဖြစ်သော ပြင်သစ်ကလည်း ၂၀၄၀ ပြည့်နှစ်မတိုင်မီတွင် ဓာတ်ဆီနှင့် ဒီဇယ်အင်ဂျင်ကားများ ရောင်းချမှု ရပ်ဆိုင်းရန် ကြေညာထားသည်။

Ref: AFP

ဆေးလိပ်ကြောင့် နှလုံးရောဂါနှင့် လေသင်တုန်းဖြတ်မှုတို့က လူသန်းပေါင်းများစွာကို အသက်ဆုံးစေဟု WHO ထုတ်ပြန်

Photo: AFP

ဆေးလိပ်သောက်မှုနှင့် ကင်ဆာများအကြား ဆက်နွှယ်မှုကို လူသိများနေသော်လည်း ဆေးလိပ်သည် လူ့နှလုံးကိုပါ သက်ရောက်နိုင်သည်ကိုမူ သတိပြုမှု အလွန်အမင်း အားနည်းနေကြောင်း ကမ္ဘာ့ကျန်းမာရေးအဖွဲ့ (WHO) က မေ ၃၁ ရက်တွင် သတိပေးခဲ့သည်။ ဆေးလိပ်သောက်မှုသည် ၂၀၀၀ ပြည့်နှစ်နောက်ပိုင်း အလွန်အမင်း ကျဆင်းခဲ့သော်လည်း လူအများအပြားသည် ထိုအန္တရာယ်ရှိသော အလေ့အကျင့်ကို ခုံမင်နေဆဲဖြစ်ကြောင်း WHO က World No Tobacco Day အခမ်းအနား၌ ပြောကြားခဲ့သည်။

ထို့ပြင် ဆေးလိပ်သောက်မှုနှင့် ဆက်နွှယ်၍ မျိုးစုံသော ကျန်းမာရေးအန္တရာယ်များအား ကျန်းမာရေးအသိပညာရှိမှု ဆိုးဆိုးရွားရွား အားနည်းနေကြောင်း လေ့လာမှုများက ဖော်ပြနေသည်ဟုလည်း WHO က သတိပေးခဲ့သည်။ ဆေးလိပ်သောက်မှုသည် ကမ္ဘာတစ်ဝန်း နှစ်စဉ် လူခုနစ်သန်းကျော် သေဆုံးမှုနှင့် ဆက်နွှယ်နေပြီး ယင်းထဲတွင် ဆေးလိပ်ငွေ့ တစ်ဆင့်ခံ ရှူရှိုက်ရမှုမှတစ်ဆင့် သေဆုံးသူ ၈၉၀၀၀၀ ခန့်လည်း ပါဝင်သည်။

သို့သော် ယင်းသေဆုံးသူများအနက် ထက်ဝက်နီးပါးဖြစ်သော လူသုံးသန်းဝန်းကျင်သည် နှလုံးတိုက်ခိုက်မှုနှင့် လေသင်တုန်းဖြတ်ခြင်း အပါအ၀င် နှလုံးရောဂါများကြောင့် သေဆုံးခဲ့ရကြောင်းကို လူအများအပြားက သတိမထားမိခဲ့ကြောင်း WHO က ထုတ်ပြန်ခဲ့သည်။ လူအများစုက ဆေးလိပ်သောက်ခြင်းသည် ကင်ဆာနှင့် အဆုတ်ရောဂါများ ဖြစ်စေနိုင်ကြောင်းကို သိထားပြီးဖြစ်သော်လည်း ကမ္ဘာတွင် သေဆုံးမှု အများဆုံးရောဂါများဖြစ်သည့် နှလုံးရောဂါနှင့် လေသင်တုန်းဖြတ်ခြင်းကဲ့သို့ ရောဂါများကိုလည်း ဖြစ်စေနိုင်ကြောင်းကို လူအများအပြားက သတိမပြုမိခဲ့ကြောင်း WHO အကြီးအကဲ တေဒရိုအက်ဒါနွန်ဂီဘရေရေဆူးက ပြောကြားခဲ့သည်။ ဆေးလိပ်ထဲတွင် သွေးလွှတ်ကြောများအား ကျဉ်းစေပြီး သွေးကြောများအား ထိခိုက်စေနိုင်သည့် ကတ္တရာစေးနှင့် အခြားပစ္စည်းများ အပါအ၀င် ဓာတုပစ္စည်း အမျိုးပေါင်း ၇၀၀၀ ကျော်ပါဝင်ပြီး နီကိုတင်းကလည်း နှလုံးခုန်နှုန်းနှင့် သွေးဖိအားကို မြင့်တက်စေနိုင်သည်။

တရုတ်တွင် ဆေးလိပ်သောက်မှုကြောင့် နှလုံးရောဂါဖြစ်ပွားနိုင်ကြောင်း ကျန်းမာရေးအသိမရှိသူသည် လူဦးရေအားလုံး၏ ရာခိုင်နှုန်း ၆၀ ကျော်ရှိကြောင်း၊ အိန္ဒိယနှင့် အင်ဒိုနီးရှားတို့တွင် အရွယ်ရောက်ပြီးသူ အားလုံး၏ ထက်ဝက်ကျော်သည် ဆေးလိပ်ကြောင့် လေသင်တုန်းဖြစ်နိုင်ကြောင်းကို မသိရှိကြကြောင်း WHO ၏ စစ်တမ်းက ဖော်ပြခဲ့သည်။

Ref: AFP